واش طيابكم اول وثاني ايام العيد [الأرشيف] - منتديات الجلفة لكل الجزائريين و العرب

مشاهدة النسخة كاملة : واش طيابكم اول وثاني ايام العيد

تذكار

2013-10-11, 20:48

بسم الله الرحمن الرحيم

السلام عليكم ورحمة الله وبركاته

واش راكم حبيباتي ان شاء الله بخير

حبيت نعرف واشهوا طيابكم في اول وثاني ايام العيد

يعني الاطباق الي تحطوها بلاك نديو عليكم بعض الافكار

وعيد اضحى مبارك للجميع

zaatoutwalid

2013-10-11, 20:58

أنا منطيبش ولكن نحب الطياب المليح وخاصة إذا كان نهار أول وتاني عيد أمممممممم راني نستنا ,,,,,,,,,,,,,,,,

تذكار

2013-10-11, 21:16

أنا منطيبش ولكن نحب الطياب المليح وخاصة إذا كان نهار أول وتاني عيد أمممممممم راني نستنا ,,,,,,,,,,,,,,,,

ايه انت اقعد حوس فيهاد القسم وشم روائح الطبيخ

حتى يوصل نهار العيد

عماني نور

2013-10-11, 22:53

أول ايام العيد :

الفطور : كبدة و قلب مقليين + بطاطا مقلية

أومبعد نحطو البكبوكة تطيب ،، وقت ماطابت ناكلوها (( المهم بعد الفطور ،، و قبل العشاء ))

العشاء : عصبان (( احنا نديروه وحدو ،، و كاين الي يديروه مع البركوكس ))

ثاني أيام العيد :

لحم مشوي ،، مقلي ،، مفور ،، فالكوشة ،، جواز ،، مرقة ،، كل واحد واش ياكل ،، و الي يحب حاجة يطيبها :p

يعني ماعندناش حاجة مميزة (( في دارنا )) كل واحد وواش هواتلو

بصح في دار ناسي ،، و مام عند جداتي ،، يديرو الطعام باللحم

حسناء القمر

2013-10-12, 10:03

في اليوم الاول كبده مشويه مع بطاطا مقلبه وشلاطه

سَـآجدة

2013-10-12, 10:28

اليوم الاول

صباح ربي سع نديرو فطور
امبعد
احنا بالقبايل نديرو الكسكس مع اللحم
بصح في خنشلة نديرو شخشوخة مع اللحم

و كي نكملو لغدا نقليو اللحم ومع الكبدة و و مع نقليو حتى الامعاء ديالو و مع بطاطا مقلية

تذكار

2013-10-12, 12:16

تذكار

2013-10-12, 12:22

نتشابهو كل في طياب نهار العيد

نحنا نعملو الصباح فطور كيما الناس اكل

وبعديكا نعملو كبدة مشوية للتذوق فقط خاطراك الضياف يقومون بالهجوم فورا وولازم نذوقوهم

ونقليو بطاطا في الغداء محسوب نقعدو جيعانين بيسك نقعدو مع التسياق وكلش خطراك نذبحو في الدار

وفي العشاء نعملو بزلوف مفور ومعاه طعام وفي العشوا نعملو قليان خفيف لكسر الجوع

اما اليوم الثاني نعملو شواء مخلطة تكون الدعوة يعني اذا عرضنا نعملو طياب تاع عرضية

وفي العشاء كل مرة كيفاه سعات عصبان وسعات دوارة

biti

2013-10-12, 13:52

في الغداء نديرو جواز تاع الرئة وفي العشاء دوارة والعشوا كبدة
اما النهار التاني الغداء بوزلزف والعشاء كسكسي باللحم

ماجدة ميمي1

2013-10-12, 14:51

حنا عندنا نطيبو للغداء مفرمسة او شخشوخة وللعشا نديرو شواء اما ثاني عيد نديرو بربوشة (طعام - كسكس ) للغداء والعشاء كل واحد وواش حب ياكل
وصح عيدكم مسبقا

rachid5555

2013-10-12, 16:17

أول عيد اختي نتغداو بولفاف مع أتاي,و لعشا لقلية
لاغد نتغداو كسكسو مع راس و لعشا طاجين لكتف
ثالث أيام العيد شوا+طويجنات منوعين
و كل عام و الأمة الإسلامية و العربية جمعاء بألف خي
و لك ألف شكر اختى على هذه البادرة الجميلة

samirano.

2013-10-12, 17:38

البكبوكة دوارة مع الحمص والكورجات مرقة حمرة

ايمان ايمانو

2013-10-14, 08:22

صح عيدكم و ان شاء الله ينعاد علينا بكل خير و صحة ، حنا نطيبو في نهار الأول من العيد : في الفطور الكبدة مقلية مع البطاطا مقلية مع السلطة ، كي يطيب الزليف نديروه كي السلطة في لصوص تتكون من : الزيت +عصير الليمون+ ملح + خل حسب الرغبة ، و في العشاء نديرو العصبان مع الرشتة . أما ثاني عيد في الفطور دايما الطعام باللحم و اللحم مشوي ولا مقلي . و بصحتكم :)

la tulipe noire

2013-10-14, 23:06

7na felftour lkbdaw .... l3cha nchwo w 2eme jour ndiro lm7amar w filil tani nchwo alrs sa7a 3idkoum l39ouba l3am jay

نور البيلسان

2013-10-16, 21:55

عيد سعييد وكل عام وانتم بخير
االيوم لاول نفطرو باللحم معه السلاطة والعشاء كسكسي وثاني يو م كل عائلة حسب الرغبة

♫مريومة♫

2013-10-17, 09:02

حنا صباح العيد ناكلو الكبدة والشربة
والعشاء ناكلو باقي الكبدة والقلب ومعاهم بطاطا مقلية
وثاني عيد الاولاد كل واحد وين يروح يتغدا عند خوالاتي ولا عماماتي وبالمقابل ولا عماتي وخالاتي يجيو يتغدو عندنا
نديرولهم كسكسي باللحم

والعشا نديرو مقالي

ثالث عيد الصباح ما نطيبوش الحم خلاص مناه بزاف علينا ههههههه
والعشا نورمالمون شواااااااء

كوكا بنت الحاج

2013-10-20, 15:00

احنا نديرو فرمسا نتغدوها و كي نكملو الراس نطيبوه و العشاء نقليو الفاد و ثاني عيد نديرو البربوشة بالخرشف و اللفت سعيدي والعشوا ناكلو اللحم ادا بقى والغدوة شخشوخة والعشاء شوا

* دموع الشوق *

2013-10-25, 14:46

اليوم الأول بولفاف و لاتاي مع القلب و بعض أكسسوارات الدواة في الباربيكيو و السلطة
في الليل الشواء و اللسلطة
اليوم 2 : الطعام باللحم و العشاء طاجين اللحم مع السلطة
و مبعد كلها و يدبر راسو
المهم بزااااف سلاطة خاصة البصصصصلللللل

~اسيل ريحانتي~

2013-10-26, 10:36

حنا في اول يوم نديرو الملفوف ونزيدو الدوارة بلاصوص تجي روعة وفي اليوم الثاني نشوو الاضلع مع صلطة وشوية حميص حار ولازم القازوز والعشا بوزلوف في الكوشة او طعام مرقة امممممممممممممممممممممممم