مشكلة الدروس الخصوصية [الأرشيف] - منتديات الجلفة لكل الجزائريين و العرب

فريال العلمية

2013-10-11, 17:10

سلام اخوتي اخواتي
اشتقت لكم و ها نحن نعود بعد طول غياب
مند دخولي المدرسي و انا افكر في موضوع الدروس الخصوصية محاسنها و مضارها و الاهم من دالك هي انها جد مكلفة في منطقتنا
انا اجدها ناااااااااااافعة بالنسبة لي لاني و لسوء حظي اني ادرس عند اسوء استادة فيزيا عرفها التاريخ و كانني لا ادرس ابدا مادة اسمها الفيزياء سامحها اللله و هداها
مضارها باانسبة لي انها جد جد مكلفة و بالنسبة لي تبديييييير و لكني خائفة من الندم يوم لا ينفع في الندم من انني لم ادرس
انصحوووووني و ارشدوني بتجاربكم فانا جد محتاجة الى نصيحة ارجووووووكم
اختكم فريال

يقين و آمال

2013-10-11, 17:23

إذا ما فهمتيش و مقدرتيش تفهمي وحدك ديري لكور لابغى غالي خير من تعاودي ولاّ تدي معدل هابط
وإذا قدرتي تفهمي من خلال التمارين وسؤال الأصدقاء و أساتذة آخرين ماديريش
شحال تسلكو ؟؟؟

sweetness

2013-10-11, 17:44

اذا ما تقدريش تقراي وحدك ننصحك ديري الكور لأنك رح تندمي منبعد
ربي يوفقك

Hakou28

2013-10-11, 17:45

عن نفسي درت كور علوم طبيعة وحياة وندمت كي دخلت وخسرت سواردي
حبست تخيلي نقرا في 70 واحد في الكلاسة ب 150 الف
مافيهاش حتى مكيف هواء ولا طاولات ملاح + نقراو بسبورة طبشور . داير 7 افواج
مادي مادي مادي بزاف
حرام عليهم
المهم نقلك انا راني نقرا في الدار العلوم نحضر ونقرا فور بزاف

بارك الله فيكم

2013-10-11, 17:51

والله يا اختي انا واحد من ناس زوالي معنديش باه ندير ليكور نراجعوا هنا وخلاص

Hakou28

2013-10-11, 17:58

والله يا اختي انا واحد من ناس زوالي معنديش باه ندير ليكور نراجعوا هنا وخلاص

لالالالالالالالا جامي تقول هكذا والله صدقني قراية الدار هي هي هي الصصصح
انا دخلت دروس دعم علوم وندمت ضيعت 3 اسابيع و ضيعت ثاني سواردي بطلت منهم رحت نقرا في الدار والله راني في وحدة ثالثة وفي الكلاسة رانا في الوحدة الاولى
وحدة الاولى حليت عليها 15 تمرين من امين خليفة
صدقني يا صاحبي دروس خصوصية بدون فائدة وانا ضدها
داير رياضيات فقط

فريال العلمية

2013-10-11, 18:20

●• نسمةة النجآح •●

2013-10-11, 18:28

سلااام حنا عندنا الفيزياء نخلصو 250 الف و المات 350 الف يعنييييييييييي 600 الف في الشهر بزاااااااف
انا رح نقراهم و لن العلوم معنديش مشكل مانقراش لي كور فيها انا المشكل نتاعي هو كلايس تاغمينال نتاع سيونتيفيك و المات و المات تيكنيك الكل يقراو عند هادو الااستادين غير القلة القلااااااائل و منهم انا مرانيش حابة ندم نخسر دراهم و نفرح بمعدل مليح ان شاء اللله ليا و ليكم

c'est tres cher
أنا ماش غالي بزاف 100 في ال les mathematique و 150 la physique
إذا كان تخلصي باش تستفادي وصح ماراكيش مفاهمة معليش...
وإذا كان عندك طرق أخرى باش تفهمي وواثقةة منها ماكلاه ..
ربي يوفقك ان شاء الله .. ونجيبوه كامل ونديروو حفلةة كبيرة في المنتدى...

ange perdu

2013-10-11, 18:39

اختي انت ادرى بمصلحتك الا شفتي روحك راح تستفادي صح و ماكش قادرة تفهمي بروحك ديري ليكور و ربي يعوض عليك مي الا راح ديري ليكور غير عناد و اسمها راني ندير ليكور بلا فهامة غي اخطيك
انا راني دايرة كور علوم نقراو في 85 واحد مي والله استاذ فووور الكلاسة كالم خلاص و جو جيد فيها و زيد ب 100 الف برك

يقين و آمال

2013-10-11, 18:51

يااااااااااااااااااااااااااا واشي هذا الغلاء
حنا الأساتذة لي دايرين الكور :19: فوووووووووووووووووووووووووووور فور الله يبارك
و دايرينو ب 50000 للشهر برك في الفيزياء و الرياضيات و العلوم كامل ب 50000
و كاين واحد شوي بعيد مشهور بالتفهام هاااايل و اذا حليت مواضيعو كي شغل حليت بكالوريا في الرياضيات , العام لي فات دارو ب 50000 و السنة ب 100000 للشهر
600000 غالي,,,,,,,نقولك أقراي وحدك وحلي تمارين ولي مافهمتيهاش روحي للأساتذة لملاح في مؤسستكم و سقسي ماتحشميش
أنا ثاني أساتذتي ما يفهموش مليح خاصة الرياضيات,,,,,

بارك الله فيكم

2013-10-11, 18:52

لالالالالالالالا جامي تقول هكذا والله صدقني قراية الدار هي هي هي الصصصح
انا دخلت دروس دعم علوم وندمت ضيعت 3 اسابيع و ضيعت ثاني سواردي بطلت منهم رحت نقرا في الدار والله راني في وحدة ثالثة وفي الكلاسة رانا في الوحدة الاولى
وحدة الاولى حليت عليها 15 تمرين من امين خليفة
صدقني يا صاحبي دروس خصوصية بدون فائدة وانا ضدها
داير رياضيات فقط

علاش انا واش قلت ؟ و كما نقولك جامي درت ليكور في حياتي وندي نقاط خير من لدير ليكور وخير ملي يقرا في دار

بارك الله فيكم

2013-10-11, 18:53

•♥• فضاء الرياضيات •♥• (http://www.djelfa.info/vb/showthread.php?goto=newpost&t=1438028)

jigi

2013-10-11, 19:06

أنا أيضا كنت ضد فكرة ليكور مي الله غالب الأساتذة ماشي متمكنين درت ليكور فالمات برك و الحمد الله

mourad_dz3

2013-10-11, 19:08

أنا واحد من العامة مداير في العلوم والحمد لله ان شاء الله تكون في الفايدة لاني احس انني استفيد .فالفرق شاسع بين دراسة المدرسة والخصوصية لانني حسب ما لاحظت فانه في المدرسة نركز على السرعة في الدروس اما في الدعم فانه يركز على المنهجية الى درجة كبيرة .وكلنا يعلم ان العلوم الطبيعية تتطلب منهجبة الاجابة.اما الرياضيات والفيزياء فادرسها في المنزل فهي تعتمد على الممارسة .والذين يدرسون الدعم يحلون اكبرعدد من السلاسل .ادن يمكن احضار السلاسل من عند التلاميذ المدعومين و محاولة حلها ....رأيي صراحة اذا كان المرء جيد في الرياضيات والفيزياء يستغني عن الدعم ويعوضه بالممارسة ابسط شيء تمارين الكتاب والميسرات والسلاسل
شكرا

سحر الكلمات

2013-10-11, 19:18

اختيييييييي وما فائدة دروس دعم وانت لم تستفادييي + مضيعة للوقت ونقود بدون فائدة حسب رائي الشخصي بطليييي وشوفي مدرسة اخرى او اعتمدي على مجهودك الخاص

انا نقرا لي كور رياضيات 100000 وفيزياء نفس الشيء لكن والله استفدتم منهم بزاف بالرغم ضيق الوقتتتت

بالتوفيقققققققققق

أسطورة الخريف

2013-10-11, 20:40

لــي كوغْ مفيدين ولازم عليـك ديريهمـ
حتى وغاليين ، معليهش هذاك اللي كان المهم نجاحك

miro pink

2013-10-11, 21:17

ولله انا مع ليكور لخاطر الاساتذة في القسم ميقروش خلاص قاعدين غير يتمسخرو كوارث وارث ولله حبسولي مخي

انا مدايرا ليكور 670الف في الشهر لمواد الثلاث في العلوم 220الف في الشهر وفي الفيزياء 200الف في الشهر و في المات 200الف في الشهر

الحمد لله استفاد من ليكور اكثر من القسم لوكان نلقا نقرا مواد ادبية ولله نقراها لخاطر اساتذتنا كوارث يعيو

بارك الله فيكم

2013-10-11, 21:58

•♥• فضاء الرياضيات •♥• (http://www.djelfa.info/vb/showthread.php?goto=newpost&t=1438028)

موتي ولا دمعة أمي

2013-10-11, 22:13

لي كور ملاح بزاف بشرط انك تستفادي منهم وتسقسي الشيخ على كل كبيرة وصغيرة ..... انا راني تخلعت كي شفت التكاليف هادو كامل انا ندير الدعم في المواد العلمية 3 .... العلوم 250 دج اي 25 الف كيما يقولو ... الفيزياء300 دج والرياضيات 300دج والاساتذة ولا اروع في القمة وراني نبدل كامل الولاية بالويكاند غير باه ندير الدعم وكيما شفتي ماشي غاليين اطلاقا ويلا تبغي تقراي وحدك مع الشيخ 1500دج .....
انا راه عندي مشكل تاع الوقت علا هاديك راني مقلقة من الدعم مانيش نصيب الوقت باه نقرا وحدي تقدري تقوليراني نمشي بالدقيقة وهادي هي السلبية الوحيدة فيهم عندي
وانت شوفي الوضعية تاعكم سقسي عائلتك وعذريهم ويلا ماقدروش ماشي قاع ناس يستفادو مالدعم وناس جابت الباك مع الاوائل ميعرفوش هدا الدعم يشرط واحد فقط نظمي وقتك

XBEY

2013-10-11, 22:15

ديري دعم المواد الاساسية بس مي كان تخدمي في الدار وتبحثي مليح وتحلي تمارين وحوليات بزاف متحتاجيش الدعم

XBEY

2013-10-11, 22:17

والله يا اختي انا واحد من ناس زوالي معنديش باه ندير ليكور نراجعوا هنا وخلاص
قول الحمد الله حط في راسك بلي كاين ناس حالها اسوا من حالك بكثيير وحامدة ربي

El saker

2013-10-12, 01:05

بالنسبة ليا نحل تمارين تاع كتاب ساعة و نص خير من هاد لي كور 2سا

فريال العلمية

2013-10-12, 11:35

يعطيكم الضحة و لكن للللللللااااااااااازملي لي كو لان الاساتدة نتاوعي كارثة طبيعية و كي شفنا انا و الزملاء نتاوعي هادي الحالة درنا تقرير في الاستادة نتاع الفيزياء و لكن لا حياة لمن تنادي مقبلوش الطلب نتاعنا و ربحنا العيب برك و حنا برك لي تفرت فينا خاطرش الاستادة كي سمعت قالتنا انا راني نخلص دراهمي كي نقري التاغمينال و لا منقريش سالو على رواحكم
واش نقوو ربي يهديها و يوفقنا ان شاء الله

soumia bougaa

2013-10-12, 13:37

انا عن نفسي

دايرو مات ب 60000 وفيزيا ب 60000 وعلوم ب 65000

وعند افضل الاساتذة يعني ماشاء الله

دايرين المستحيل باش يساعدونا خاصة استاذ العلوم

ربي يوفقهم

اما 600000 فلا انصحك بها ..........

ربي يكون في عونك اختي