اجواؤنا الإجتماعية في عيد الأضحى المبارك [الأرشيف] - منتديات الجلفة لكل الجزائريين و العرب

مريم الصابرة

2013-10-11, 14:02

...............

yousra14

2013-10-11, 15:12

السلام عليكم ورحمة الله أختنا مريومة
ما شاء الله دائما مواكبة للمناسبات وخاصة مواضبة على تنبيه الناس للتفكير في فئة ستحرم فرحة العيد كغيرها من الناس بسبب العوز وقلة ذات اليد جعلها الله في ميزان حسناتك وثبّت اجرك ..وأجر كل من عمل بها .
سأترك الإجابة عن تساؤلاتك في مداخلة قادمة إن شاء الله.
الذي أردت أن أركّز عليه الآن هو غفلة بعض الميسورات عن هذه السنة العظيمة
فصحيح أنّ الزوج أو الأب يضحي عنها ولكن ما المانع من أن تضحي وتتصدق هي الاخرى ؟
هل هناك فرق بين الذكر والأنثى في فعل الخير ومساعدة المحتاجين ؟

أم أنّ العادات غلبت على العبادات في بلادنا وكأنّ من تفعل ذلك ليست بامرأة ؟

إن شاء الله يكون قصدس وصل والفكرة واضحة حتى يعم الخير على الجميع والله لا يضيع أجر المحسنين.

صجّ عيدك أنت أيضا عزيزتنا وتقبل الله منا ومنك صالح الأعمال وشفاك الله ...

مريم الصابرة

2013-10-11, 15:36

السلام عليكم ورحمة الله أختنا مريومة
ما شاء الله دائما مواكبة للمناسبات وخاصة مواضبة على تنبيه الناس للتفكير في فئة ستحرم فرحة العيد كغيرها من الناس بسبب العوز وقلة ذات اليد جعلها الله في ميزان حسناتك وثبّت اجرك ..وأجر كل من عمل بها .
سأترك الإجابة عن تساؤلاتك في مداخلة قادمة إن شاء الله.
الذي أردت أن أركّز عليه الآن هو غفلة بعض الميسورات عن هذه السنة العظيمة
فصحيح أنّ الزوج أو الأب يضحي عنها ولكن ما المانع من أن تضحي وتتصدق هي الاخرى ؟
هل هناك فرق بين الذكر والأنثى في فعل الخير ومساعدة المحتاجين ؟

أم أنّ العادات غلبت على العبادات في بلادنا وكأنّ من تفعل ذلك ليست بامرأة ؟

إن شاء الله يكون قصدس وصل والفكرة واضحة حتى يعم الخير على الجميع والله لا يضيع أجر المحسنين.

صجّ عيدك أنت أيضا عزيزتنا وتقبل الله منا ومنك صالح الأعمال وشفاك الله ...

السلام عليكم اختي
شكرا هلى ردك الكريم الخاوة قراو وتخباو واقيل حسوني معنيت عليهم :1::1: يعني الشعب كامل يذبح وباكل وحدو مليح شعب اكول الله يبارك
بالعودة للموضوع انا ركزت على المرأة في موضوعي لأنو تعرفي المرأة هي اساس البيت وترابكا مع موضوعك إنت بما إنو الراجل يخلي زمام الامرو لمرتو من المفروض الصدقة ما فيهاش مرا وراجل وشكون يحكم فالدار او احقادها على جارتها او على اللي ما مادولهاش وقت ما ذبحتش ما عندوش علاقة هذي سنة ودين قبل ما هو امر اكل او حقد
الناس تاكل وناس تتفرج حرام كل شي يخلاص وكل شي يفوت لازم الصدقة ولو تجي ليا صدقيني فاليوم الأول نمد لأانو ممكن يكون غذانا لحم ومشوي وغدا جار مقارون وصدقيني صرات فعلا يعني هنا أجر هذاك الكبش راح لمجرد شم الجار للحم والله لو يكون الكبش يسوا مال الدنيا محال نديرها ما نقدرش
عليها موضوعي رسالة لسيدات البيوت كوني إنت السباقة للخير على زوجك ونبهيه للصدقة وديري النية وهكذا تقسمو الأجر وربي يبارك فالأولاد
بصحتكم وعودي للإجابة ننتظرك شكرا

مسلم سني

2013-10-11, 15:37

السلام عليكم
أختي مريم أول مالفت انتباهي هو الألوان يعني كنترا على اللون الأحمر استخدمت كل الألوان:1::1::1:
صراحة دائما مميزة في مواضيعك ولهذا قلت لك لايحق لك مغادرتنا أنا على حق

أما فيما يخص ما ذكرته الشيء الملاحظ والتي أصبح ظاهرة عندنا كجزائريين إلا من رحم ربي
هو التباهي بالمناسبات والتنافس بين الأسر والجيران واختلاق عادات جديدة لاتمت للدين بشيء
كالتباهي بالأكباش وإنشاء حلبة مصارعة للأكباش والأدهى القمار الذي بات سيد الموقف صراحة هي مظاهر مخجلة ومؤسفة
أما ماقالته جارتك فكثيرون هم الذين يفكرون بهذا المنطق
أما مسألة تقسيم اللحم وترك جزء منه للفقراء فأنا أرى لايهم إن كان الفقير من المعارف أو بعيدا المهم أن يصله حقه
أما الأجواء العامة فكما ذكرت يتعاون أهل البيت على أشغال المنزل وإعداد الفطور وقبل كل هذا أهم شيء
وهو وماتكرهينه أختي مريم تنظيف أحشاء الأضحية يعني الدوارة :1:
والرجال أغلبهم يهتمون بعملية النحر وطبعا الجلوس على مائدة الإفطار والانتظار:1::1:
أن توضع الأطباق أمامه ليقوم باللازم هههههه

لكن الشيء الملاحظ ولا أدري إن توافقيني فيه وباقي الأعضاء هو غياب ذاك التعاون والعلاقة بين الجيران هذا ما أراه أنا
يعني قلت تلك المظاهر التي كانت قديما على حسب ما نسمع من حكايات من الآباء
الكل يقول إيه على زمان كنا كذا وكذا
هذا ماعندي
وفي المتابعة وربما لي عودة إن شاء الله
دمت متألقة
احترماتي

هدى الجيجلية

2013-10-11, 16:32

السلام عليكم
خيتي
مريم
والله الصراحة
في بعض الناس
هم مثل جارتك
تمام
أين هي
حلاوة عيد زمان
كان فيها
التآزر والتآخي
أما آن كل واحد
يفكر في نفسه
وعائلته
وفي ما يخص
تحضيرات
عيد الاضحى
مثلا إحنا في
جيجل لا نعمل
الحلويات
بل نعمل
شيء نشتهر به
في ولايتنا
ويسمى لفتات
ونعمل أمطاوي
وهدو امطاوي انحطلهم التمر
وندوهم للعروس
مع افخد الخروف
في ثاني
يوم العيد
بارك الله فيك
على هذا الموضوع
القيم

رملة قسنطينة

2013-10-11, 16:53

السلام عليكم ورحمة الله تعالى وبركاته
بارك الله فيك أختي مريم الصابرة على الموضوع ودمت متألقة دائما
لا أخفيك أختي أن هذه المظاهر السلبية التي ذكرتها موجودة في كل مكان فأصبح العيد مناسبة للنّهم في أكل اللحم
وليست مناسبة للتآخي والتشارك وتذكر الآخرين، ربي يُلطف بينا ويصلح الأحوال
بالنسبة للتّحضيرات فنحن في قسنطينة لا نكثر الحلويات فقط المقروض ونوع آخر خفيف من القاطو
أما في العيد ... فبعد الذبح نعلّق الأضحية وننزع ما بداخلها، نقلي "اللّفاد" وهو الكبد والقلب وبعض من الرئة والكلى على الغذاء
وفي العشاء الرأس أو "البوزلوف"، ويقوم رب الأسرة بقص الجزرة وترك الكتف الأيسر ليخرجه في صباح اليوم الثاني
وفي اليوم الثاني الغذاء يكون "النعمة" أو كما يسمونها الكسكسي بالكتف والكرومة ولا يوجد ألذ منها وهي عادة القسنطينيين
نعمة ثاني عيد...
هذه هي عاداتنا فماهي عاداتكم ؟
شكرا مرة أخرى وتقبلي مروري

أيمن عبد الله

2013-10-11, 16:59

أما المعلم عليه الصلاة والسلام فقد أوصى نساء المسلمين بهذه الوصية الغالية

أبي هريرة قال كان النبي صلى الله عليه وسلم يقول(( يا نساء المسلمات لا تحقرن جارة لجارتها ولو فرسن شاة )) رواه البخاري

مريم الصابرة

2013-10-11, 17:34

السلام عليكم
أختي مريم أول مالفت انتباهي هو الألوان يعني كنترا على اللون الأحمر استخدمت كل الألوان:1::1::1:
صراحة دائما مميزة في مواضيعك ولهذا قلت لك لايحق لك مغادرتنا أنا على حق

أما فيما يخص ما ذكرته الشيء الملاحظ والتي أصبح ظاهرة عندنا كجزائريين إلا من رحم ربي
هو التباهي بالمناسبات والتنافس بين الأسر والجيران واختلاق عادات جديدة لاتمت للدين بشيء
كالتباهي بالأكباش وإنشاء حلبة مصارعة للأكباش والأدهى القمار الذي بات سيد الموقف صراحة هي مظاهر مخجلة ومؤسفة
أما ماقالته جارتك فكثيرون هم الذين يفكرون بهذا المنطق
أما مسألة تقسيم اللحم وترك جزء منه للفقراء فأنا أرى لايهم إن كان الفقير من المعارف أو بعيدا المهم أن يصله حقه
أما الأجواء العامة فكما ذكرت يتعاون أهل البيت على أشغال المنزل وإعداد الفطور وقبل كل هذا أهم شيء
وهو وماتكرهينه أختي مريم تنظيف أحشاء الأضحية يعني الدوارة :1:
والرجال أغلبهم يهتمون بعملية النحر وطبعا الجلوس على مائدة الإفطار والانتظار:1::1:
أن توضع الأطباق أمامه ليقوم باللازم هههههه

لكن الشيء الملاحظ ولا أدري إن توافقيني فيه وباقي الأعضاء هو غياب ذاك التعاون والعلاقة بين الجيران هذا ما أراه أنا
يعني قلت تلك المظاهر التي كانت قديما على حسب ما نسمع من حكايات من الآباء
الكل يقول إيه على زمان كنا كذا وكذا
هذا ماعندي
وفي المتابعة وربما لي عودة إن شاء الله
دمت متألقة
احترماتي

السلام عليكم
والله يا استاذ أكثر شي مميز فيك دقة الملاحظة يعني كلامك صحيح انا اللون الاحمر وليت نشوف المواضيع حانوت نتاع بوشي :1: يعني نيروز مدت الفكرة والغاشي طاحو على اللون الاحمر حتى وليت نشوف مرت عمر دور هنا يعني جبتلكم قوس قزح واللي حاب يعاندني يتفضل حتى انا توحشت اغنية البحر جميل ازرقن :1::1: تتفكرها الغنية هذي هههههههه
بالعودة للموضع وياااااااااااااااع على الدوارة تعرف واش مخليني فرحانة كي ما نذبحوش هي الدوارة والبوزلوف يولي لسانو معوج على الطرف وفوق الطابونة وشوّط وانا نكره جدها وكان جا نهار ختك مريم تزوجت وسمعت بيها طلقت ما تنخلعش فأعرف تعيس الحظ حاوزني فالعيد ههههههه :d:d وممكن انا نحاوزو كل شي ممكن
عادات خرجونا بيهم فاليعد الجارات المفاخرة وحدة تشريلك كبش هو قط ومرض تكشرد شعرو رجع هيدورة وتقولك شريتو ب 5 ملاين زيد لخرى ما تقدر تسميه لا كبش ولا خروف ولا حتى مسكين الصوت ما عندوش البااااااا تخرج وال عععععععععععع إستنى وينتا تسمعها :1::1::1::1: وتقولك شريتو ب 4 يعني مفاخرة فالباطل مازال ما شفتش ناس قالك كبشي شريتو لربي والو يهدر وعلى الماكلة والشوا والعصبان والدوارة ماكلة وبرك لا غير
الصدقة يعني المرا هي الحاكم تقطع وتعطي للسي العنتر يمد وهي تخير لمن تمد اللي منايفتها مااكنش اللي ما عرضتهاش فالعرس ماكانش اللي ما قرعجتلهاش على جارتهم لخرى ماكانش :1::1: صدقة على حساب المورال
ربي يهدينا بصحتكم كل عام وإنت والوالد بخير يا رب ويا ريت يا ريت لو نقدرو نصوروك تذبح ويمدولك تشوط الزليف آآآآآه يا سلام إنتقام رائع فالأستاذة :1::1: شكرا على ردك مرحبا بيك في اي وقت المواضيع كلها إعتبرها مواضيعك نسيت إنك نائب المدير شكرا لك

مريم الصابرة

2013-10-11, 17:39

السلام عليكم
خيتي
مريم
والله الصراحة
في بعض الناس
هم مثل جارتك
تمام
أين هي
حلاوة عيد زمان
كان فيها
التآزر والتآخي
أما آن كل واحد
يفكر في نفسه
وعائلته
وفي ما يخص
تحضيرات
عيد الاضحى
مثلا إحنا في
جيجل لا نعمل
الحلويات
بل نعمل
شيء نشتهر به
في ولايتنا
ويسمى لفتات
ونعمل أمطاوي
وهدو امطاوي انحطلهم التمر
وندوهم للعروس
مع افخد الخروف
في ثاني
يوم العيد
بارك الله فيك
على هذا الموضوع
القيم
السلام عليكم اختي هدهد اهلا وسهلا هذي غيبة نتمنى اختك راهي بخير وبصحة ربي يشفيها يا رب
عاداتكم هايلة وخبريني وشنو المطاوي هذا الفتات نعرفو اما المطاوي اول مرة نسمع بيه لازم تفهميني وشنو هو بصحتكم
فعلا العادات نشفى بين الصغر وضرك فرق كبير يعني كنا مع الجيران دار وحدة واللي ما يذبحش كأنو ذبح يعني عادي
لو نقولك شوفي انا فالدار عندنا سنوات ما ذبحناش حتى العام اللي فات ربي يجازي اللي كان السبب وذبحنا بالجنة يا رب
كامل جيراني يذبحو الحق اللي مقابلنا فالباب وهو الاستاذ يعني حقنا حتى من الاكل طايب ما ننكرش اما الباقي وعارفين انا ويمى برك فالدار وما نذبحوش لكن ما يبعثونا وما يمدونا ومنهم هذي اللي حكيت عليها يعني الناس رجعت الصدقة بالمعرفة وبالوجوه ويجاملو بعضاهم تتخيلي يبعثو للي ذبحو من باب مجامل وتبادل اللحم ربي يهدي الناس
بصحتكم شكرا

أم الولدين

2013-10-11, 17:40

موضوعك رووعه اختي الصابرة لي عودة باذن الله ...

مريم الصابرة

2013-10-11, 17:56

السلام عليكم
موضوع جميل جمال صاحبته
في الحقيقة نحن عائلة كبيرة الله يبارك يضحي أبي وأخي الاكبر
بما انك قلت بالتفصيل حاضرة
قبل يومين نحضرو حلويات لكن بكمية اقل من عيد الفطر على فكرة مازلت ماشريت لوازمها
يوم العيد ننهض باكرا لتحضير (المسمن) هدا بأوامر الام الغالية لوكان عليا مانوضش لل10بعد الصلاة مباشرة ينحر أبي الاصحية من جهة واخي من جهة اخرى نتعاون الكل في تنضيف الاحشاء والبوزلوف الدي دائمايكون من نصيبي لانو نهرب من الاحشاءهههههههههه ومبعد بسرعة الى المطبخ لاعداد الفطور:1:
وفي الغد هو يوم الصدقة ابي يحرص على الصدقة أكثر من أي احد كيما يخرج للفقراء يجيه قليل حنا عندنا نصدقو الجهة اليمنىمن الاضحية نيئة للفقراء هدا قبل طلوع الشمس ومبعد نديرو فطور من طعام ولحم للجيران.
مريومة تحبي البوزلوف ولا لا :19: انا نموت عليه لوكان نلقى نشري الكبش بياس دي تاشي باه نحي الدوارة ويزيدلي في بلاصتو البوزلوف هههه
عجبني موضوعك بزاف
صح عيدك أنت والام الكريمة

السلام عليكم بارك الله فيك والجمال اللي شفتيه هو جمال روحك يا طيبة
يا الشاطرة ديري المسمن الله الله
البوزولوف انا نكرهو للعمى هو والدوارة نكرهم يا بنتي ما ناكلهم ما نقيهم ما ندور بيهم
عجبتني اللمة في بيتكم والجو العائلي ربي يدوم الوالد على ريسانكم
بارك الله فيك ويجازيك الله يبارك فيك وصحا عيدكم إنتم ثاني

مريم الصابرة

2013-10-11, 18:42

السلام عليكم ورحمة الله تعالى وبركاته
بارك الله فيك أختي مريم الصابرة على الموضوع ودمت متألقة دائما
لا أخفيك أختي أن هذه المظاهر السلبية التي ذكرتها موجودة في كل مكان فأصبح العيد مناسبة للنّهم في أكل اللحم
وليست مناسبة للتآخي والتشارك وتذكر الآخرين، ربي يُلطف بينا ويصلح الأحوال
بالنسبة للتّحضيرات فنحن في قسنطينة لا نكثر الحلويات فقط المقروض ونوع آخر خفيف من القاطو
أما في العيد ... فبعد الذبح نعلّق الأضحية وننزع ما بداخلها، نقلي "اللّفاد" وهو الكبد والقلب وبعض من الرئة والكلى على الغذاء
وفي العشاء الرأس أو "البوزلوف"، ويقوم رب الأسرة بقص الجزرة وترك الكتف الأيسر ليخرجه في صباح اليوم الثاني
وفي اليوم الثاني الغذاء يكون "النعمة" أو كما يسمونها الكسكسي بالكتف والكرومة ولا يوجد ألذ منها وهي عادة القسنطينيين
نعمة ثاني عيد...
هذه هي عاداتنا فماهي عاداتكم ؟
شكرا مرة أخرى وتقبلي مروري
السلام عليكم اختي
اهلا وسهلا عجبتني عاداتكم هايلة ربي يدومها
وفعلا بعض العادات والناس تغيرو بزاف لكن كاين ناس قلال مازالو يحتفظو بيها
عاداتتنا قريب كيما نتوما ماكانش تغيير بزاف
القاكو ندير و نوع واحد خفيف او 2 ومن بعد نهار العيد نخرجو صدقة الصباح للجامع وهي التمر والحلوى ومستلزمات القهوة المسمن وكذا فالصباح الباكر
من بعد صلاة العيد يتم الذبح ويعلقو الخروف ويطيبو القلب والكبدة وكاين اللي يديرو الشوا اول يوم المقلي لازم على الغذا
وفالليل الدوارة والبوزولوف :mad::mad::mad::mad: وثاني يوم الصدقة هي الجهة اليمنى او اليسرى المهم جزء كبيرمن الكبش يتمد
نفس العادات تقريبا تعيدو بالصحة شكرا لك

مريم الصابرة

2013-10-11, 20:57

أما المعلم عليه الصلاة والسلام فقد أوصى نساء المسلمين بهذه الوصية الغالية

أبي هريرة قال كان النبي صلى الله عليه وسلم يقول(( يا نساء المسلمات لا تحقرن جارة لجارتها ولو فرسن شاة )) رواه البخاري
السلام عليكم اخي
والله بصعوبة تمكن نرد عليك
صدق رسولنا الحبيب الجارة الآن تشوف في جارتها منافسة لها ما عرفتش علاه ربي يهدينا شكرا لك

مريم الصابرة

2013-10-11, 20:59

موضوعك رووعه اختي الصابرة لي عودة باذن الله ...
السلام عليكم اختي اهلا وسهلا هذي مدة غايبة
وأنت الاروع ربي يجازيك اختي شكرا وبإنتظار تدخلك المحترم شكرا

رملة قسنطينة

2013-10-11, 21:00

السلام عليكم اختي
اهلا وسهلا عجبتني عاداتكم هايلة ربي يدومها
وفعلا بعض العادات والناس تغيرو بزاف لكن كاين ناس قلال مازالو يحتفظو بيها
عاداتتنا قريب كيما نتوما ماكانش تغيير بزاف
القاكو ندير و نوع واحد خفيف او 2 ومن بعد نهار العيد نخرجو صدقة الصباح للجامع وهي التمر والحلوى ومستلزمات القهوة المسمن وكذا فالصباح الباكر
من بعد صلاة العيد يتم الذبح ويعلقو الخروف ويطيبو القلب والكبدة وكاين اللي يديرو الشوا اول يوم المقلي لازم على الغذا
وفالليل الدوارة والبوزولوف :mad::mad::mad::mad: وثاني يوم الصدقة هي الجهة اليمنى او اليسرى المهم جزء كبيرمن الكبش يتمد
نفس العادات تقريبا تعيدو بالصحة شكرا لك

السلام عليكم ورحمة الله تعالى وبركاته
:19::19::19: عيدكم مبارك أنتم أيضا :19::19::19:

مسلم سني

2013-10-11, 22:07

السلام عليكم
والله يا استاذ أكثر شي مميز فيك دقة الملاحظة يعني كلامك صحيح انا اللون الاحمر وليت نشوف المواضيع حانوت نتاع بوشي :1: يعني نيروز مدت الفكرة والغاشي طاحو على اللون الاحمر حتى وليت نشوف مرت عمر دور هنا يعني جبتلكم قوس قزح واللي حاب يعاندني يتفضل حتى انا توحشت اغنية البحر جميل ازرقن :1::1: تتفكرها الغنية هذي هههههههه
بالعودة للموضع وياااااااااااااااع على الدوارة تعرف واش مخليني فرحانة كي ما نذبحوش هي الدوارة والبوزلوف يولي لسانو معوج على الطرف وفوق الطابونة وشوّط وانا نكره جدها وكان جا نهار ختك مريم تزوجت وسمعت بيها طلقت ما تنخلعش فأعرف تعيس الحظ حاوزني فالعيد ههههههه :d:d وممكن انا نحاوزو كل شي ممكن
عادات خرجونا بيهم فاليعد الجارات المفاخرة وحدة تشريلك كبش هو قط ومرض تكشرد شعرو رجع هيدورة وتقولك شريتو ب 5 ملاين زيد لخرى ما تقدر تسميه لا كبش ولا خروف ولا حتى مسكين الصوت ما عندوش البااااااا تخرج وال عععععععععععع إستنى وينتا تسمعها :1::1::1::1: وتقولك شريتو ب 4 يعني مفاخرة فالباطل مازال ما شفتش ناس قالك كبشي شريتو لربي والو يهدر وعلى الماكلة والشوا والعصبان والدوارة ماكلة وبرك لا غير
الصدقة يعني المرا هي الحاكم تقطع وتعطي للسي العنتر يمد وهي تخير لمن تمد اللي منايفتها مااكنش اللي ما عرضتهاش فالعرس ماكانش اللي ما قرعجتلهاش على جارتهم لخرى ماكانش :1::1: صدقة على حساب المورال
ربي يهدينا بصحتكم كل عام وإنت والوالد بخير يا رب ويا ريت يا ريت لو نقدرو نصوروك تذبح ويمدولك تشوط الزليف آآآآآه يا سلام إنتقام رائع فالأستاذة :1::1: شكرا على ردك مرحبا بيك في اي وقت المواضيع كلها إعتبرها مواضيعك نسيت إنك نائب المدير شكرا لك

السلام عليكم أضحك الله سنك أختي مريم تأكدي إن كنت غاضبا من التلاميذ وكنت عصبيا سيتحول إلى رماد :1:
أجل معك حق إن كانت الزوجة هي من تقرر وعلى حسب مزاجها هنا مشكلة صراحة
أما مسألة التباهي فهو أمر مؤسف حقا
بارك الله فيك مرة ثانية على الموضوع المميز
احترماتي

بين الحقيقة و السراب

2013-10-11, 23:06

................................................

soso sirin

2013-10-12, 15:36

السلام عليكم ليليا.العيد الكبير عندنا هذا العام راه بدا قبل الوقت السي بابا من السمانة الي فاتت جابلنا الكبش و راه مقابلنا في الدار قلنالو راح يوالفنا ضروك يقولنا انتوما ماشي معولين تشرو كبش و تعيدو كيما الناس و مانهدرلكش على الذراري كل يوم مقابلينو .قبل العيد نصنعو القاطو مي ماشي بزاف حاجة خفيفة وخلاص و في ليلة العيد نديرو للكبش الحنة في راسو بيانسوغ ماشي انا ههههههههه .و الصباح نديرو الملوي و لازم ديرو ماما حتى و تكون عيانة شرط اساسي باه نحس بنة العيد و باه مانكذبش عليك مانعرفش نديرو مي نبغي ناكلو .مورا صلاة العيد نخرجو عند الباب نستناو في خاوتي يرجعو باش نغافرولهم و دايمن يبقا بابا التالي باه يوصل نسلمو عليه يدخلو يلقاو القهوة واجدة يشربو منبعد يجي جارنا يذبحنا و منبعد للخدمة الشاقة و في الفطور نديرو الكبدة و مع الليل نديرو يا اما الدوارة و لا البوزلوف و انا والله للزوج ماناكلهمش و حنا مانتوشوش الكبش حتا للنهار الزاوج مع الصباح يقسمو بابا و ماما ينحو الحق الي باه يمدوه و حنا نمدو لناس من العايلة و كاين ناس مش من العايلة و هذاك النهار للفطور نديرو الطعام لانو يجونا ناس و يفطرو عندنا و يخلي بابا حق خاوتي اذا ماعيدوش معانا يخلو حق الشوا في الليل .الي يجي عندنا النهار الثالت ماعندو ماياكل ههههههههههه .حنا في دارنا مانبغوش اللحم بزاف انا عليا يمدو كامل مكانش مشكل مانبغيهش بزاف و لي يامات تاع العيد يولي قاهمني تاع الصح .راني حكيتلك قصة حياتي كامل في العيد .مي حاجة راهي ناقصة في لعياد تاعنا الناس ماولالتش كيما بكري كان قليل الي يشري مي تحسيلو الجار الي ماشراش يعاون في الذبيحة مع جارو الي شرا ضروك الناس كامل تشري مي مكانش البنة تلقى باب كل جار مبلع .و كيما قلتي انتي كاين ناس يقلك نشريه بالغالي و نروح نمدو و زيد الكونجلي كاين سبحان الله اللحم تاع العيد يندار في الكونجلي والله عيب كبير كون الانسان يخمم غير في ذيك الفرحة في عينين الذراري الصغار و انتي تمديلهم فيه والله الدنيا و مافيها الله يهدينا.الحاجة الي مليحة في العيد هو نهار الوقفة الناس كامل صايمين ربي يتقبل منا و منكم ان شاء الله و يلحقنا للعيد

مريم الصابرة

2013-10-12, 16:25

السلام عليكم أضحك الله سنك أختي مريم تأكدي إن كنت غاضبا من التلاميذ وكنت عصبيا سيتحول إلى رماد :1:
أجل معك حق إن كانت الزوجة هي من تقرر وعلى حسب مزاجها هنا مشكلة صراحة
أما مسألة التباهي فهو أمر مؤسف حقا
بارك الله فيك مرة ثانية على الموضوع المميز
احترماتي

السلام عليكم اخي
يا حوجي على الكبش اللي يطيح في يديك مسكين وواش ذنبو حتى تخلف فيه زعاف التلاميذ قال من قال حرق روحو وإنتحر ما تحملش الوضع فالبلاد :1:
الزجة لها الدور الأهم في البيت فهي تدبر كل الأمور وتخطط وعلى الزوج التنفيذ لكن الصدقة من المفروض هي تكون السباقة للأجر
ربي يتقبل منكم ومنا وعيدكم مبارك

* عبد الجليل *

2013-10-12, 17:50

السلام عليكم ورحمة الله وبركاته
اهلا اخت مريم ان شاء الله تكوني بخير والصحة لاباس
شكرا لكي على الموضوع القيم بارك الله فيك جاء في وقته ربي يحفظك
مالفت انتباهي الالوان التي طغت الموضوع وكانهم يديروا في الكونطرا على اللون الاحمر واش راهم متعاديين ولا كيفاه هههههههههههههه :1:
راح نحكيلك على العيد بشكل عام
http://static.echoroukonline.com/ara/dzstatic/thumbnails/article/2012/aiddddd_101406490.jpg
مع اقتراب العيد، تبرز في الجزائر تجارة من نوع خاص، تتعلق ببيع مختلف قطع الأواني والسكاكين المختلفة الأحجام والحبال والشوايّات وكذا قطع الفحم التي باتت تلقى رواجًا كبيرًا والله تقول كاين غير داك النهار يدبحوا فيه ويبيعوا فيه تشوف العجب . فعلى الرغم من امتلاك الناس للأواني والسكاكين وغيرها، إلاّ أن الناس هناك فضّلوا اقتناء الجديد وتحديث منظومتهم المنزلية، تأهبًا ليوم النحر وتقطيع الذبيحة في ظروف لائقة.
وتبعًا لقداسة المناسبة في أعين الجزائريين، لا يتحرج هؤلاء من جلب الأضاحي حتى لو اضطروا إلى تمزيق جيوبهم أكثر، وتختلط الرغبة في الحرص على إحياء السنة وضمان فرحة الأطفال اولى، وكذا التفاخر أيضًا بين الجيران والأقرباء، لتجسيد مسعى اقتناء كبش أقرن يبهج الناظرين. وحتى ذاك الذي لم يستطع شراء أضحية، يلجأ إلى شراء بضع كيلوغرامات من اللحم رغم تكلفتها الغالية، المهم معايشة أجواء العيد وإن كانت مكلفة، حتى وإن لزم الأمر الادخار والاقتراض لتمر المناسبة في أحسن الظروف، ومن النادر جدًا أن تجد عائلة تفرّط في الاحتفال بالعيد إلا لظرف قاهر.
وتفضل النسوة والجدات خاصة طلاء الكباش بـالحنة التقليدية ليلة العيد، وبعدما ظلّ الكهول والشيوخ هم من يقومون بعملية النحر، تغيّر الوضع نسبيًا في السنوات الاخيرة من خلال جنوح كوكبة من الشباب لذبح أضاحيهم، في وقت جرى إحياء سنة الجزائريين الأوائل، من خلال التقاء أشقاء وأقارب وجيران وحتى أصدقاء في باحة كبيرة، وشروعهم في التضحية جماعيًا وتناول طعام الغداء في مجالس عامرة أعادت شيئًا من حميمية أيام زمان والله ياختي هادا ولا قليل في وقتنا الحالي . يااخت مريم اعيادنا ولينا مانحسوش ببنتها خلاص راحت مع مواليها الناس درك ولاو يتباهاو على اقاربهم وسيرتو الجيران اصبح الواحد يشري حتى مايعيبوش عليه الجيران ياخي هاد العيد اضحية لله وهدية للفقراء والمساكين لا حول ولا قوة الا بالله ماعندكش ماتذبحش ماشي بالسيف والله لامر مؤسف الناس تلقاهم دايرين حلقة وقاعدين يناطحو في الكباش ربي يستر احنا عندنا مازال ماشفتهاش وماصراتش قاع مي هاك وهاك الله لا يشوفك
ندخل الان إلى البيت ، تحضيرات البيت عادية كماهية بالنسبة لعيد الفطر يتم تنظيف البيت جيدا هادي اكيد ويصنع بعض الكعك كنوع أو اثنين فقط ليكون للعيد طعم حلو ولتقدم لمن يقدمون للمعايدة والمغافرة .
صبيحة العيد : يتوجه الرجال إلى المساجد لأداء صلاة العيد وفور رجوعهم هناك من يباشر بالذبح مباشرة وهناك من يؤجلها إلى مابعد الظهر حتى ينهي جولاته على الأهل والأصدقاء .
بعد عملية الذبح غسيل الدوارة وتشويط البوزلوف يا اخت مريم اظن انك لا تحبينه فهو الصح في العيد هههههه :1:
فلا عيد بدون دوارة وبزلوف وعصبان ههههههه ... اما عن الاكل فانه يختلف من منطقة إلى الأخرى إن لم اقل من عائلة إلى أخرى فلكل أسلوبه الخاص ، ولكن المتفق عليه أن الكل يشوي اللحم على الحطب وهذا الأمر رائع كثيرا لمن يملكون ساحات بمنازلهم .
الملفوف :هو الطبق الرئيسي يوم العيد عندنا وهو عبارة عن كبد مشوي مقطع مربعات متوسطة الحجم تلف بقطع من الشحم الشفاف- المحيط بالأمعاء –ثم توزع على سلك خاص واحدة تلوى الأخرى ويعاد شويها من جديد . في اليوم الموالي يتم تقطيع الأضحية إلى قطع يحتفظ ببعضها وتوزع جلها على الأهل وعلى الفقراء والمساكين . وتعد هذه الظاهرة اهم ما يميز عيد الأضحى لان الجزائري يعمل جاهدا إشراك الكثير من المحرومين فرحة العيد معه و يحاول رسم البسمة على وجوههم لكن تبقى افكار النساء الجهنمية هي الطاغية على الغالب وتبدا في الموشح نتاعها هادي جارتي مسكينة مسكينة نهار عرضتها جات نرسلولها /هادي مجاتش والعام كامل متكبرة علينا والله ماتشوف منه لحمة / وهادي ذبحت وهادي وهادي والله غير تسمع وتشوف العجب ومع ذلك يبقى للعيد نكهة خاصة
عيدكم مبارك وكل عام وانت بخير مسبقا... تقبل الله منا ومنكم صالح الاعمال بمزيد من الاجر والثواب والمغفرة
تقبلي مروري سلامي وتحياتي الحارة

عبد الرؤوف24

2013-10-12, 17:56

السلام عليكم
أجواء العيد عندنا الاولاد يتخذون من الكباش وسيل تسلية وترفيه الكبش يجيبوه قبل باسبوع وهو يتعذب فى مباريات تناطح الكباش ويم النحر القمامة والدم يملى ءالطرقات ولا احد ينضف بقايا الذبح ......
تعيدوا بلهنى ان شاء الله

مريم الصابرة

2013-10-12, 19:59

و كما قال الشّاعر :
هذا هو العيد فلتصفُ النفوس به .. وبذلك الخير فيه خير ما صنعا
أيامه موسم للبر تزرعه .. وعند ربي يخبي المرء ما زرعا

..

فيا بشرانا لم يتبقّ للعيد إلاّ أيّاما ،
امم ، أختك من محبّي العيدين أكثر من أيّ مناسبة أخرى ، و ليوم عرفة مكانة خاصّ جدّا في قلبي ،

ألا ليت الطّفولة تعود يا "مريم"

و نعترف أنّه متعب مقارنة بعيد الفطر و بالكاد نعدّ ساعاته - عكس الرّجال :rolleyes:-
،

[ و البداية بالملفوف ^^ ]

عيد مبارك ، تقبّل الله منّا و منكم

السلام عليكم اختي
والله يا اختي العيد من زمان راحت البنة نتاعو صراحة كنت نفرح بيه لما كانت العائلة كلها مجمولة اما الآن والكل تفرقو وليت ما نحسش بالعيد نهائيا ويبقى العيد له نكهة خاصة رغم كل شي
تقريبا عداتنا تقريبا نفسها فقط الملفوف هذا إحنا ما ناكلوهش في دارنا ولا مرة شفيت درناه
اما العادات الاخرى فكلها متشابهة تعيدو بالصحة والهنى

مريم الصابرة

2013-10-12, 20:36

السلام عليكم ورحمة الله وبركاته
اهلا اخت مريم ان شاء الله تكوني بخير والصحة لاباس
شكرا لكي على الموضوع القيم بارك الله فيك جاء في وقته ربي يحفظك
مالفت انتباهي الالوان التي طغت الموضوع وكانهم يديروا في الكونطرا على اللون الاحمر واش راهم متعاديين ولا كيفاه هههههههههههههه :1:
راح نحكيلك على العيد بشكل عام
http://static.echoroukonline.com/ara/dzstatic/thumbnails/article/2012/aiddddd_101406490.jpg
مع اقتراب العيد، تبرز في الجزائر تجارة من نوع خاص، تتعلق ببيع مختلف قطع الأواني والسكاكين المختلفة الأحجام والحبال والشوايّات وكذا قطع الفحم التي باتت تلقى رواجًا كبيرًا والله تقول كاين غير داك النهار يدبحوا فيه ويبيعوا فيه تشوف العجب . فعلى الرغم من امتلاك الناس للأواني والسكاكين وغيرها، إلاّ أن الناس هناك فضّلوا اقتناء الجديد وتحديث منظومتهم المنزلية، تأهبًا ليوم النحر وتقطيع الذبيحة في ظروف لائقة.
وتبعًا لقداسة المناسبة في أعين الجزائريين، لا يتحرج هؤلاء من جلب الأضاحي حتى لو اضطروا إلى تمزيق جيوبهم أكثر، وتختلط الرغبة في الحرص على إحياء السنة وضمان فرحة الأطفال اولى، وكذا التفاخر أيضًا بين الجيران والأقرباء، لتجسيد مسعى اقتناء كبش أقرن يبهج الناظرين. وحتى ذاك الذي لم يستطع شراء أضحية، يلجأ إلى شراء بضع كيلوغرامات من اللحم رغم تكلفتها الغالية، المهم معايشة أجواء العيد وإن كانت مكلفة، حتى وإن لزم الأمر الادخار والاقتراض لتمر المناسبة في أحسن الظروف، ومن النادر جدًا أن تجد عائلة تفرّط في الاحتفال بالعيد إلا لظرف قاهر.
وتفضل النسوة والجدات خاصة طلاء الكباش بـالحنة التقليدية ليلة العيد، وبعدما ظلّ الكهول والشيوخ هم من يقومون بعملية النحر، تغيّر الوضع نسبيًا في السنوات الاخيرة من خلال جنوح كوكبة من الشباب لذبح أضاحيهم، في وقت جرى إحياء سنة الجزائريين الأوائل، من خلال التقاء أشقاء وأقارب وجيران وحتى أصدقاء في باحة كبيرة، وشروعهم في التضحية جماعيًا وتناول طعام الغداء في مجالس عامرة أعادت شيئًا من حميمية أيام زمان والله ياختي هادا ولا قليل في وقتنا الحالي . يااخت مريم اعيادنا ولينا مانحسوش ببنتها خلاص راحت مع مواليها الناس درك ولاو يتباهاو على اقاربهم وسيرتو الجيران اصبح الواحد يشري حتى مايعيبوش عليه الجيران ياخي هاد العيد اضحية لله وهدية للفقراء والمساكين لا حول ولا قوة الا بالله ماعندكش ماتذبحش ماشي بالسيف والله لامر مؤسف الناس تلقاهم دايرين حلقة وقاعدين يناطحو في الكباش ربي يستر احنا عندنا مازال ماشفتهاش وماصراتش قاع مي هاك وهاك الله لا يشوفك
ندخل الان إلى البيت ، تحضيرات البيت عادية كماهية بالنسبة لعيد الفطر يتم تنظيف البيت جيدا هادي اكيد ويصنع بعض الكعك كنوع أو اثنين فقط ليكون للعيد طعم حلو ولتقدم لمن يقدمون للمعايدة والمغافرة .
صبيحة العيد : يتوجه الرجال إلى المساجد لأداء صلاة العيد وفور رجوعهم هناك من يباشر بالذبح مباشرة وهناك من يؤجلها إلى مابعد الظهر حتى ينهي جولاته على الأهل والأصدقاء .
بعد عملية الذبح غسيل الدوارة وتشويط البوزلوف يا اخت مريم اظن انك لا تحبينه فهو الصح في العيد هههههه :1:
فلا عيد بدون دوارة وبزلوف وعصبان ههههههه ... اما عن الاكل فانه يختلف من منطقة إلى الأخرى إن لم اقل من عائلة إلى أخرى فلكل أسلوبه الخاص ، ولكن المتفق عليه أن الكل يشوي اللحم على الحطب وهذا الأمر رائع كثيرا لمن يملكون ساحات بمنازلهم .
الملفوف :هو الطبق الرئيسي يوم العيد عندنا وهو عبارة عن كبد مشوي مقطع مربعات متوسطة الحجم تلف بقطع من الشحم الشفاف- المحيط بالأمعاء –ثم توزع على سلك خاص واحدة تلوى الأخرى ويعاد شويها من جديد . في اليوم الموالي يتم تقطيع الأضحية إلى قطع يحتفظ ببعضها وتوزع جلها على الأهل وعلى الفقراء والمساكين . وتعد هذه الظاهرة اهم ما يميز عيد الأضحى لان الجزائري يعمل جاهدا إشراك الكثير من المحرومين فرحة العيد معه و يحاول رسم البسمة على وجوههم لكن تبقى افكار النساء الجهنمية هي الطاغية على الغالب وتبدا في الموشح نتاعها هادي جارتي مسكينة مسكينة نهار عرضتها جات نرسلولها /هادي مجاتش والعام كامل متكبرة علينا والله ماتشوف منه لحمة / وهادي ذبحت وهادي وهادي والله غير تسمع وتشوف العجب ومع ذلك يبقى للعيد نكهة خاصة
عيدكم مبارك وكل عام وانت بخير مسبقا... تقبل الله منا ومنكم صالح الاعمال بمزيد من الاجر والثواب والمغفرة
تقبلي مروري سلامي وتحياتي الحارة

السلام عليكم اخي عبد الجليل إن شاء الله تكون وكل عائلتك بخير
والله الألوان يعني إستخدمتها كونتر اللون الأحمر اللي رجع موضة فالمواضيع جربت انا ندير قوس قزح والظاهر لقى رواج كبير عندكم :1:
راك حكيت التفاصيل كلها النساء افكار جهنمية ثح مي خبرني وين دور العنتر علاه ما تكونش عندو كلمة عليها وعلاه هي تختار لمن الصدقة تروح مش هي تخير اللي على مورالها
بالنسبة للتناطح بالأاكباش ما عندناش هذي على الأقل وين نسكن مناطق اخرى مازال ما شفتهاش لكن سمعت بيها
وبنة العيد اخي عبد الجليل راحت صح الآن تتخيل جاراتي نسمعهم يحكو يعني تخيل وين وصلت الدرجة نتاع المفاخرة بالكبش لخرى تقولها كبشي ب 5 إسمعي الباع نتاعو :1::1: ولخرى تقولها اواه اللي صوتو مبحوح هذاك شارف كبير ولحكو سامط يعني لازم يعيط كالمعزة قالك هذاك جون ومدحدح يعني لحمو بنبن :1::1::1: يعني والله تفكير النساء لا يعلى عليه مهما تفاخرو الرجال محال يلحقونا
الملفوف انا نكرهو على جال كبدة نكرها لكن زجت قتلي فيها امعاء يا خويا لا ملفوف ولا ملفوفة كولو بصحتكم
عيدك بالصحة والهنا خويا إنت وكل عائلتك الكريمة فعلا العيد ه نكهة خاصة صراحة انا فقدتها ويوم هو عادي عندي بزاف ككل الأيام شكرا لك على المداخلة الجميلة

yousra14

2013-10-12, 20:39

السلام عليكم اختي
والله يا اختي العيد من زمان راحت البنة نتاعو صراحة كنت نفرح بيه لما كانت العائلة كلها مجمولة اما الآن والكل تفرقو وليت ما نحسش بالعيد نهائيا ويبقى العيد له نكهة خاصة رغم كل شي
تقريبا عداتنا تقريبا نفسها فقط الملفوف هذا إحنا ما ناكلوهش في دارنا ولا مرة شفيت درناه
اما العادات الاخرى فكلها متشابهة تعيدو بالصحة والهنى

السلام عليكم الغالية مريم

كلّنا عائلتك وانت أخت الجميع ورب يحفظلك إخوتك وأخواتك

والوالدة الكريمة .

من المحظوظ الذي لديه هذا الكم الهائل ما شاء الله من الاخوة

والاخوات مثلك كوني سعيدة وعيّدي مليح وافرحي ولا تتركي

للحزن مكان ورب يهدي الظال فينا وتحن القلوب وتتلم الأسر

من جديد أحيانا الكتابة بالعامية ممتع .عيد سعيد وعمر مديد

بالصحة والسلامة وقلوبنا معك.

* عبد الجليل *

2013-10-13, 06:21

السلام عليكم اخي عبد الجليل إن شاء الله تكون وكل عائلتك بخير
والله الألوان يعني إستخدمتها كونتر اللون الأحمر اللي رجع موضة فالمواضيع جربت انا ندير قوس قزح والظاهر لقى رواج كبير عندكم :1:
راك حكيت التفاصيل كلها النساء افكار جهنمية ثح مي خبرني وين دور العنتر علاه ما تكونش عندو كلمة عليها وعلاه هي تختار لمن الصدقة تروح مش هي تخير اللي على مورالها
بالنسبة للتناطح بالأاكباش ما عندناش هذي على الأقل وين نسكن مناطق اخرى مازال ما شفتهاش لكن سمعت بيها
وبنة العيد اخي عبد الجليل راحت صح الآن تتخيل جاراتي نسمعهم يحكو يعني تخيل وين وصلت الدرجة نتاع المفاخرة بالكبش لخرى تقولها كبشي ب 5 إسمعي الباع نتاعو :1::1: ولخرى تقولها اواه اللي صوتو مبحوح هذاك شارف كبير ولحكو سامط يعني لازم يعيط كالمعزة قالك هذاك جون ومدحدح يعني لحمو بنبن :1::1::1: يعني والله تفكير النساء لا يعلى عليه مهما تفاخرو الرجال محال يلحقونا
الملفوف انا نكرهو على جال كبدة نكرها لكن زجت قتلي فيها امعاء يا خويا لا ملفوف ولا ملفوفة كولو بصحتكم
عيدك بالصحة والهنا خويا إنت وكل عائلتك الكريمة فعلا العيد ه نكهة خاصة صراحة انا فقدتها ويوم هو عادي عندي بزاف ككل الأيام شكرا لك على المداخلة الجميلة

وعليكم السلام والرحمة والاكرام
الحمد لله انا بخير والعائلة كامل لاباس عليهم السوال عليكم
هههههههه صراحة اعحبني القوس قزخ خرج على الموضوع بالبزاف قاع :19:
ادا جيت نحكي هلى دور عنتر هنا اليوم ماتفراش والحكاية ماتخلاصش علابالي كاين اللي تقول هاد الكلام في غياب زوجها وكاين اللي تقوله في وجهه هنا يختلف الامر ياختي واش نقولك هنا راهي تحكم بحكامها يلا سمعها وماقال حتى شي كل واحد يدبر راسو درك تبقا عنهم ههههههه :1:
اما مسالة غسيل الدوارة والبزلوف خصها ما تغسلهش ينوض عليها الخرب العالمية نهار العيد علابالي راح تغسلها وتشوط البزلوف يلا كانت ماتقدرش تشوفهم كيما نتي يعني من فوق القلب هههه :1:+ هادي تاع مناطحة الاكباش سمعت بيها مي جامي شفتها واش تقول رانا في سبانيا ههههه والله نتاع الصح وحدة تتباهى على لخرى بكبشها ولوكان تجي تشوف تلقاهو قط لا حول ولا قوة الا بالله واحد يقول هادا اللي راه بع بع كبير ولحمه شارف واحد يقول هادا تاع موال والله غير العجب والمعجب + قلتي الملفوف تكرهيه علا جال الكبدة صار هاك يا ختي والله يلا راكي مفرطة الكبدة هي الصح وانا ماقلتش الامعاء قلت الشحم اللي يغطي الامعاء هو اللي نخدمو بيه الملفوف ههههه واش نخليلك حقك تاع الملفوف :1:وعلاش فقدتي ختي بنة العيد مازالت البركة والعمر طويل ربي يشافيك ويعافيك طهور بادن الله وان شاء الله نهار العيد راح يتغير ومايوليش كيما سائر الايام كيما راكي تقولي لانو دائما عندو نكهة خاصة
المهم تعيدوا بالصحة والهناء وربي يتقبل منا ومنكم صالح الاعمال بمزيد من الاجر والثواب والمغفرة

مريم الصابرة

2013-10-13, 14:29

السلام عليكم
أجواء العيد عندنا الاولاد يتخذون من الكباش وسيل تسلية وترفيه الكبش يجيبوه قبل باسبوع وهو يتعذب فى مباريات تناطح الكباش ويم النحر القمامة والدم يملى ءالطرقات ولا احد ينضف بقايا الذبح ......
تعيدوا بلهنى ان شاء الله
السلام عليكم اخي مهتدي كيف حالك؟
آسفة على التأخر في الرد ولله النت ما عنديش موبيليس نتاعامل بيها عيانة بزاف
عندك الحق رجع الكبش مسكين يعذّب قبل ذبحه لا اقول الكل البعض
ويضا النظافة بعد الذبح امر مهم أما الأطفال يبقاو أطفال ببرائتهم مهما دارو العيب على الكبار
تعيد بالصحة والهنا إنت وكل اهلك شكرا

مريم الصابرة

2013-10-13, 14:36

السلام عليكم ليليا.العيد الكبير عندنا هذا العام راه بدا قبل الوقت السي بابا من السمانة الي فاتت جابلنا الكبش و راه مقابلنا في الدار قلنالو راح يوالفنا ضروك يقولنا انتوما ماشي معولين تشرو كبش و تعيدو كيما الناس و مانهدرلكش على الذراري كل يوم مقابلينو .قبل العيد نصنعو القاطو مي ماشي بزاف حاجة خفيفة وخلاص و في ليلة العيد نديرو للكبش الحنة في راسو بيانسوغ ماشي انا ههههههههه .و الصباح نديرو الملوي و لازم ديرو ماما حتى و تكون عيانة شرط اساسي باه نحس بنة العيد و باه مانكذبش عليك مانعرفش نديرو مي نبغي ناكلو .مورا صلاة العيد نخرجو عند الباب نستناو في خاوتي يرجعو باش نغافرولهم و دايمن يبقا بابا التالي باه يوصل نسلمو عليه يدخلو يلقاو القهوة واجدة يشربو منبعد يجي جارنا يذبحنا و منبعد للخدمة الشاقة و في الفطور نديرو الكبدة و مع الليل نديرو يا اما الدوارة و لا البوزلوف و انا والله للزوج ماناكلهمش و حنا مانتوشوش الكبش حتا للنهار الزاوج مع الصباح يقسمو بابا و ماما ينحو الحق الي باه يمدوه و حنا نمدو لناس من العايلة و كاين ناس مش من العايلة و هذاك النهار للفطور نديرو الطعام لانو يجونا ناس و يفطرو عندنا و يخلي بابا حق خاوتي اذا ماعيدوش معانا يخلو حق الشوا في الليل .الي يجي عندنا النهار الثالت ماعندو ماياكل ههههههههههه .حنا في دارنا مانبغوش اللحم بزاف انا عليا يمدو كامل مكانش مشكل مانبغيهش بزاف و لي يامات تاع العيد يولي قاهمني تاع الصح .راني حكيتلك قصة حياتي كامل في العيد .مي حاجة راهي ناقصة في لعياد تاعنا الناس ماولالتش كيما بكري كان قليل الي يشري مي تحسيلو الجار الي ماشراش يعاون في الذبيحة مع جارو الي شرا ضروك الناس كامل تشري مي مكانش البنة تلقى باب كل جار مبلع .و كيما قلتي انتي كاين ناس يقلك نشريه بالغالي و نروح نمدو و زيد الكونجلي كاين سبحان الله اللحم تاع العيد يندار في الكونجلي والله عيب كبير كون الانسان يخمم غير في ذيك الفرحة في عينين الذراري الصغار و انتي تمديلهم فيه والله الدنيا و مافيها الله يهدينا.الحاجة الي مليحة في العيد هو نهار الوقفة الناس كامل صايمين ربي يتقبل منا و منكم ان شاء الله و يلحقنا للعيد
السلام عليكم وسيلة واش راكي
و الله الحاجة اللي تعجبني في داركم هي اللمة الله يبارك وزيدي راكي تتشنفي يا لالة وشفتك بعيني ما ديري والو البركة فالبنات وراني شاهدة :1::1::1: وزهودة شاطرة الله يبارك وما تكطبش وتقولي انا ندير وندير ياخي نسيتي شفتك بعيني خلي الطابق مستور احسن :1:
بالنسبة للكبش راكي كيما انا صدقيني نحب نذبحو اكيد كيما حنا كيما كامل الناس لكن لو نلقى نرقد نوض نلقاه معلق والدنيا تشعل لكن محال ما تعاونيش ماكانش منها وخاصة لو عندك فالدار اللي ياكل ويرمي معناها توقفي معاهم والراجل مهما عاون محال يتعب واش تتعب المرا هو يذبح وكان يا ربي قلبو حنين ينقي الدوارة معاهم ويغسلها فهذا كثر خيرو عليه هذيك هي اللي دير التعب والعصبان
اما لما نفكر فالعفن والتعب نفرح بزاف كيما نذبحوش ونزيد نقولك مرات نهار الأاول اختك تقلي فالبطاطا والناس من هيه تشوي وتاكل فالكبدة وانا نضحك وزاهية نضحك عليهم عندي هذيك البطاطا تسوى كبش مشوي :1::1: والو خدمة نتاع 5 دقايق قشري وقلي ماشي خير من دوارة وعفن وغسليو نقي وخيطي وزلفي ذاك المخلوق تولي إنت كبش قبل ما تكملي :1:
صحا عيدكم وتعيدو بالصحة وسلامي لعمي حسن و خالتي سلام كبير

مريم الصابرة

2013-10-13, 14:43

السلام عليكم الغالية مريم

كلّنا عائلتك وانت أخت الجميع ورب يحفظلك إخوتك وأخواتك

والوالدة الكريمة .

من المحظوظ الذي لديه هذا الكم الهائل ما شاء الله من الاخوة

والاخوات مثلك كوني سعيدة وعيّدي مليح وافرحي ولا تتركي

للحزن مكان ورب يهدي الظال فينا وتحن القلوب وتتلم الأسر

من جديد أحيانا الكتابة بالعامية ممتع .عيد سعيد وعمر مديد

بالصحة والسلامة وقلوبنا معك.

السلام عليكم اختي يسرا
والله كلامك يفرح وحقيقة محال ننكرها والله لو نترشح للرئاسيات ممكن نبرح :1: بفضلكم الحمد لله ربي عوضني باخوات وإخوة هنا نحسم أهلي والله كاين راني على تواصل معاهم نحكيلهم كل شاردة وواردة عليا ويعرفو كل حياتي والتلفون بيناتنا يوميا يعني صارو جوء مني وصرت جزء منهم ربي يخليكم اجمعين ويفرحكم يا رب
والله يا اختي مرات شوفي تقولي نفرح وخلي الدنيا كيما جات تجي ومرات والله ما تقدري طيحي في ظرف الفرحة ما تعرفيش كيفاه تفرحي ممكن العام الجاي ربي يقدرنا نفرحو اما هذا العيد صراحة عارفة امور بزاف جرات في دارنا موت إبن اختي وخالي عندو ايام قليلة ومشكل آخر يخص امي يعني مش حاسين بالعيد لكن العيد له نكهة خاصة في كل الأحوال
صح العامية أحسن انا نقول راني قاعدة معاهم فالصالون ونحكو :1: اما الفصحى راسي يوجعني كي نكون نكتب بها ما نقدرش كرهت القرايا
بارك الله فيك وربي يخليك ويفرحك وكل عام وإنت وكل عائلتك الكريمة بألأف خير تعيدو بالصحة والهنا

مريم الصابرة

2013-10-13, 15:00

وعليكم السلام والرحمة والاكرام
الحمد لله انا بخير والعائلة كامل لاباس عليهم السوال عليكم
هههههههه صراحة اعحبني القوس قزخ خرج على الموضوع بالبزاف قاع :19:
ادا جيت نحكي هلى دور عنتر هنا اليوم ماتفراش والحكاية ماتخلاصش علابالي كاين اللي تقول هاد الكلام في غياب زوجها وكاين اللي تقوله في وجهه هنا يختلف الامر ياختي واش نقولك هنا راهي تحكم بحكامها يلا سمعها وماقال حتى شي كل واحد يدبر راسو درك تبقا عنهم ههههههه :1:
اما مسالة غسيل الدوارة والبزلوف خصها ما تغسلهش ينوض عليها الخرب العالمية نهار العيد علابالي راح تغسلها وتشوط البزلوف يلا كانت ماتقدرش تشوفهم كيما نتي يعني من فوق القلب هههه :1:+ هادي تاع مناطحة الاكباش سمعت بيها مي جامي شفتها واش تقول رانا في سبانيا ههههه والله نتاع الصح وحدة تتباهى على لخرى بكبشها ولوكان تجي تشوف تلقاهو قط لا حول ولا قوة الا بالله واحد يقول هادا اللي راه بع بع كبير ولحمه شارف واحد يقول هادا تاع موال والله غير العجب والمعجب + قلتي الملفوف تكرهيه علا جال الكبدة صار هاك يا ختي والله يلا راكي مفرطة الكبدة هي الصح وانا ماقلتش الامعاء قلت الشحم اللي يغطي الامعاء هو اللي نخدمو بيه الملفوف ههههه واش نخليلك حقك تاع الملفوف :1:وعلاش فقدتي ختي بنة العيد مازالت البركة والعمر طويل ربي يشافيك ويعافيك طهور بادن الله وان شاء الله نهار العيد راح يتغير ومايوليش كيما سائر الايام كيما راكي تقولي لانو دائما عندو نكهة خاصة
المهم تعيدوا بالصحة والهناء وربي يتقبل منا ومنكم صالح الاعمال بمزيد من الاجر والثواب والمغفرة

السلام عليكم خويا عبد الجليل
نفهم من كلامك راح تحتم على الزوجة مستقبلا تنقي الدوارة مسكينة راهي غايضتني من ضرك اما كان كانت كي حالتي لو بالإعادم وما تنقيهاش فمن الأحن ما توثلوش للمشاكل على جال الدوارة هههههههههههه لأنو لو في حالتي راحا نحطها فالشروط لما يجي تعيس الحظ :1::1:
اما المناطحة نتاع لكباش ماكانش وين نسكن إطلاقا كاين المفاخرة يا خويا واش نحكيلك اللي كبشها قط ومخبي في كركاسة الخرفان تقولك شريتو ب 5 و7 غير الأرقام العالية :1: وهو مسكين الصوت ماكانش رايحلو يقول الباع وهو يغني فيها كاره حياتو ومدمر وكاين كاين الحمد لله المواصفات هذو عندي في بعض جاراتي يعني غير نقولها صباح الخير تقولي ليليا كبشي ب 5 وانا نطيح بيها هذا ماكان الناس راهم يشرو غير نتاع 8 و 10 :1::1: مورالي دايما طالع قدامهم فالسما ولما يسقسوني شريتو نقولهم إحنا بعنا :1:دايما عاكستهم ربي يهديهم الكبش للربي رجع للزوخ
الملفوف خويا انا نكره الكبدة ما نحبهاش لا امعاء ولا شحمها محال ما ندورش بيها إطلاقا ما نحبش نمسها او نظفها والله ما قضية تكبر او مان خدمش الشغل لا هي بالتحديد ما نحبهاش يعني المفلوف فيه كل واش نكره كول بصحتك ودعوتك ليا كأنو كليت تعيدو الصحة
بنة العيد راحت خويا كانت زمان لما يروح اساس الدار الوالد ويزدو وراه رجال الدار وبقاو غير الحيطان واش من بنة تحس بيها الحمد لله ربي يخليلي امي تاج راسي
بارك الله فيك خويا وتعبد بالصحة وشكرا على النقاش الرائع

yousra14

2013-10-13, 21:09

السلام عليكم ورحمة الله كيف حالك ؟ إن شاء الله بخير

أعتذر يا مريم كتبت مداخلة وحذفتها خفت تغصب شي ناس واحنا على

أبواب عيد ولذلك اعوضها بهذه وهي تخيلي أختك يسرا وهي أمام الطابونة تشوي

البزلوف وتغسل الدوارة هههه اليك التعليق .............

BAROUD

2013-10-13, 21:41

https://fbcdn-sphotos-d-a.akamaihd.net/hphotos-ak-prn2/1234917_749145368432775_988460121_n.jpg

بالصح نعجة ف الترامواي حاجة مفقودة

مريم الصابرة

2013-10-14, 11:24

السلام عليكم ورحمة الله كيف حالك ؟ إن شاء الله بخير

أعتذر يا مريم كتبت مداخلة وحذفتها خفت تغصب شي ناس واحنا على

أبواب عيد ولذلك اعوضها بهذه وهي تخيلي أختك يسرا وهي أمام الطابونة تشوي

البزلوف وتغسل الدوارة هههه اليك التعليق .............

السلام عليكم اختي
والله انا ضد حذف المشاركات لأنو كل شخص له حرية التعبير والرد ولو هناك سوء فهم على العكس احسن حتى نناقش أفكار بعضنا من كل النواحي لكن لا بأس تجنبا لأي إحتكاك
الدوارة والوبزلوف ربي يقدرك عليهم المشكل كامل ذاك التعب وفالأخير ياكلو منهم شوي برك يعني انا نحب نتعب على حاجة تبقى وطوّل ماشي على حاجة كلمة صحا وما تسمعيهاش منهم تهنيت منها ما ذبحنا ما راحا نقيها الحمد لله بصحتكم وصحا عيدكم

مريم الصابرة

2013-10-14, 11:38

https://fbcdn-sphotos-d-a.akamaihd.net/hphotos-ak-prn2/1234917_749145368432775_988460121_n.jpg

بالصح نعجة ف الترامواي حاجة مفقودة
السلام عليكم
سلامتك خويا بارود عجبتني الصورة والله محال نتبدلو يعني كارثة الترمواي لنقل البشر رجع لنقل الحيوانات لكن ربما مسكين مولاها ما عندوش حق يكري باشي مليحة هذي نعجة فالترمواي :1:
شكرا على الصورة بارود وصحا عيدك خويا .

Mمرمورة

2013-10-14, 12:47

اجواء العيد رائعة وخاصة في اليوم الاول
يتخللها تعاون الجميع...يمكن القول تقريبا العادات متشابهة

ونعطي جزء من الشاة للفقراء

شكرا لك اختي مريم على الموضوع الهادف
صح عيدكم

*ثزيري*

2013-10-14, 13:42

صح عيدك مريومة وكل عام وانت بالف خير

بارك الله فيك على الموضوع الهادف

مميزة يا مريومة

مريم الصابرة

2013-10-14, 21:21

اجواء العيد رائعة وخاصة في اليوم الاول
يتخللها تعاون الجميع...يمكن القول تقريبا العادات متشابهة

ونعطي جزء من الشاة للفقراء

شكرا لك اختي مريم على الموضوع الهادف
صح عيدكم
السلام عليكم أختي
اجل كل العادات متشابهة إلا بإختلاف بسيط ويبقى للعيد نكهة خاصة
شكرا لك وعيدم بالصحة وشكرا

ويناروز

2013-10-15, 13:48

السلام عليكم مريومة يا صاحبة الافكار النيرة
عيني عليك باردة هههههههههه

اجواء العيد وان اختلفت تبقى تميزها التعاون والتآزر

خاصة اليوم الاول له نكهة خاصة

بارك الله فيك مريم على الموضع يستحق التثبيت

عبد الرؤوف24

2013-10-15, 16:20

السلام عليكم
أولا عيد سعيد تعيدو بصحة ولهنا وبخاصة انت مريم
بنت العيد للاسف راحت مابقاتش كى زمان

مريم الصابرة

2013-10-15, 16:58

السلام عليكم مريومة يا صاحبة الافكار النيرة
عيني عليك باردة هههههههههه

اجواء العيد وان اختلفت تبقى تميزها التعاون والتآزر

خاصة اليوم الاول له نكهة خاصة

بارك الله فيك مريم على الموضع يستحق التثبيت
السلام عليكم اختي
أهلا وسهلا نيروز عيد سعيد وكل عام إنت بخير يا رب
والله العيد تختلف نكهته من منطقة لأخرى ومن ولاية لأخرى
لكن يبقى العيد يوم مميز للجميع شكرا لكم

مريم الصابرة

2013-10-15, 17:00

السلام عليكم
أولا عيد سعيد تعيدو بصحة ولهنا وبخاصة انت مريم
بنت العيد للاسف راحت مابقاتش كى زمان

السلام عليكم اخي مهتدي
عيد مبارك وكل عام وإنت واهلك بألف خير يا رب
وانا معاك البنة راحت خويا مهتدي وربي يجازيك يا رب على ردك الطيب شكرا

ويناروز

2013-10-15, 18:47

السلام عليكم اختي
أهلا وسهلا نيروز عيد سعيد وكل عام إنت بخير يا رب
والله العيد تختلف نكهته من منطقة لأخرى ومن ولاية لأخرى
لكن يبقى العيد يوم مميز للجميع شكرا لكم

بارك الله فيك مريم

عيدكم مبارك تقبل الله منا ومنكم

سعاذ

2013-10-15, 19:04

السلام عليكم
كل عام و انتم بالف خير

مريم الصابرة

2013-10-15, 20:45

السلام عليكم
كل عام و انتم بالف خير

السلام عليكم أختي
كل عام وإنت وأهلك بألف خير حاولت نراسلك لكن الرسائل عندك مملوءة شكرا وربي يجازيك

* عبد الجليل *

2013-10-16, 06:03

السلام عليكم
تحية طيبة لكم اخواني الكرام
صحا عيدكم وكل عام وانتم بخير
تقبل الله منا ومنكم صالح الاعمال بمزيد من الاجر والثواب والمغفرة

مريم الصابرة

2013-10-16, 10:15

السلام عليكم
تحية طيبة لكم اخواني الكرام
صحا عيدكم وكل عام وانتم بخير
تقبل الله منا ومنكم صالح الاعمال بمزيد من الاجر والثواب والمغفرة

السلام عليكم أخي
واجمل التحيات وأعطرها وعيدك مبارك وكل عام وانت بألأف خير يا رب
اللّهم آمين ربي يتقبل منكم ومنا شكرا لك

سليم سال

2019-07-21, 14:51

مجموعة من اجمل الافكار ليعد الاضحى المبارك
https://olomtec.blogspot.com/2019/07/blog-post_17.html#.XTRu7NThBkq