تعبت كرهت ومليت [الأرشيف] - منتديات الجلفة لكل الجزائريين و العرب

souma.sousou

2013-10-10, 23:24

:( انا متزوجة منذ 18 سنة عندي فراغ عاطفي كبير جربت عدة طرق باه نغير زوجي من انسان بدون احساس لانسان رومنسي ولكن مقدرتش لا حياة لمن تنادي..................

3ahmed3

2013-10-10, 23:34

الطبع يغلب التطبع
ربما فيه ورقة خفية مازال ملعبتيهاش

نتــــــــــاشا

2013-10-11, 11:06

هذا هو حال الزواج في بلادنا عامين لولين يجوزو كيما الاحلام مبعد تبدا المسافة
تكبر وتطوال بين الزوج والزوجة خاطر تبدا المسؤوليات والاطفال والخخخخ فمابالك
ب18 سنة زواج؟؟؟ والفراغ العاطفي يتولد عن اخطاء كلا الزوجين
حاولي تجدي بعض الامور فيك او في دارك بالاك يكون خير
سلااام

ZORRO__DZ

2013-10-11, 11:12

ممكن توجد عاطفة لكن ليست كما يوجد في المسلسلات التركية، حاولي الإبتعاد عنها وسوف تجدين راحتك وراحت زوجك

الله يككون في عونك

هناءع

2013-10-11, 11:21

اشغلي نفسك انتي باشياء اخرى لا تجعليه محور حياتك
الزوجه جزء من حياة الرجل بينما الرجل كل حياة المرأة

أمة المجيب

2013-10-11, 11:40

منذ قليل فقط كنت أقرأ في أحد الكتب عن طبيعة الرجل واحتياجاته طبعا التي هي مختلفة عن طبيعة المرأة واحتياجاتها وهو ما جعل منا جنسين يكمل أحدنا الأخر فسبحان الخالق. فمن ضمن ما قرأت هو أنّ محاولاتك لتغيير الرجل ستبوء كلها بالفشل إذا ما قمت بها بطريقة مباشرة. فالرجل بحاجة إلى أن نحبه كما هو وأن نتقبله كما هو. لا أريدك أن تتصنّعي هذا الأمر ولكن لابد وأن يكون لزوجك جوانب إيجابية بل وأنا متأكدة من ذلك إبحثي عنها إن لم تكن بادية لك، استثمريها قوليها له أشكريه عليها أظهري تقديرك له، اخلقي أجواء رومنسية مرة على مرة...فمن هنا يمكن أن يبدأ التغيير.والله أعلم

sarl02

2013-10-11, 11:48

ياودي 18 سنة زواج وعشرة بحلوها ومرها واش اديري بالرومانسية هذه...ياخي ما صرا والو راكم لباس .

نايفز55

2013-10-11, 12:43

ربي يعنك 18 سنة بزاف رجال تاع اليوم رومنسية غير به يصيدوا بيها مرة اما بعد زواج لا رومنسية ولا ولوا شعب متخلف

*نآدرة~

2013-10-11, 14:41

الزواج في نظري ماهوش الرومانسية،المهم انسان يقدرك ويحترمك ويتهلا فيك ويوقف معاك وقت الشدة
18 سنة ماشاء الله،نقولك حاجة اذا كنت هانية معاه ماعندك علاه تحوسي على رومانسيته،المهم مهنيك وراكم بانيين داركم وخلاص،الجزايريين كامل عايشين كيما انت ولي يقولك اني عايش في الرومانسية يهف فيك برك
18 سنة هنا،خير من شهرين رومانسية ومن بعد مشاكل
راكي مليحة أختي اطلبي ربي يهنيك وتقبلي راجلك كيما راه ماعندك ماتغيري فيه
ربي يهنيكم

souma.sousou

2013-10-12, 23:41

نشكر كل من رد.حبيت نوضح نقطة انا الحمد لله زوجي فيه جانب مليح ماننكرش ولاكن فيه صفات ماتتحملهاش المرا خاصة الخيانة.مع اني والله موفرتله الراحة فالبيت ونحسن عونه مع الخدمة والتعب .لكن شوفو هو بالعربية يحب جماعة النسا كيما نقولو والعمل نتاعه فالمستشفى وكتشفت انه خاني مع وحدة متزوجة.هذا صعيب بزاف مانيش قادرة ننسى .غادتني عمري تزوجني وانا عندي 17 سنة وفالاخير يخوني مع وحدة كبيرة.عندي 4 اطفال معاه.مره على مره نبدل فروتين الحياة اليومية نفرض على روحي اشياء غبر باه متكونش الغلطة من عندي .نكلمه بالسياسة ميسمعليش .نهدده بالطلاق يولي لعقله .ولكن دائما تعود ريما لعادتتها القديمه ربي يصبرني ويهديه

جمعي البشاري

2013-10-13, 00:40

ربي يكون معاك ويهديه ان شاء الله

bibicha

2013-10-13, 10:53

http://www.blqees.com/vb/showthread.php?t=32 ربما تفيدك في الحل

المنتصر1

2013-10-13, 11:02

بصراحة انت وزوجك جاهلان لكثير من الامور

ولا تنفعك الا الثقافة الصحيحة وحسن الاطلاع ..والتشبع بالتوجيهات الدينية

هل هذا ممكن؟

naamane3

2013-10-13, 13:11

املئي هذا الفراغ بحب الله ورسوله

souma.sousou

2013-10-13, 13:45

بصراحة انت وزوجك جاهلان لكثير من الامور

ولا تنفعك الا الثقافة الصحيحة وحسن الاطلاع ..والتشبع بالتوجيهات الدينية

هل هذا ممكن؟

العفو مافهمتش القصد ماهو الشيء الممكن.انا بحاجة اي شيء ينفعني ومادابيا نعرف اشياء من الممكن اني نجهلها .وخاصة كيما قلت التوجيهات الدينية

souma.sousou

2013-10-13, 13:50

http://www.blqees.com/vb/showthread.php?t=32 ربما تفيدك في الحل

شكرا اختي شفت الرابط وعجبني الموضوع نجرب افكار ونصائح منه.لكن حبيت نسالك هل نقدر نشارك فهاد الدورات .وشحال بدراهمنا لاكان تقدري تجاوبيني والله يجازيك خير اختي