أدعولي نموت قبل ما ننتحر [الأرشيف] - منتديات الجلفة لكل الجزائريين و العرب

B.Badis

2009-06-08, 12:29

صح للأسف ...و الله كلامي حقيقي ....أرجوكم ادعولي نموت ..... اليوم حدث لي غير ماتوقعت .... عام و أنا أنتظر في هذه اللحظة و لكن خاب أملي ....جوزت البكالوريا لهدف أني نجيبو بمعدل 14 أو أكثرو عولت على الرياضيات و لكن للأسف ماخدمتش فيها ....ماعندي ماندير بالباك أقل من 14 أنا تحصلت عليه مرتين ....كنت نجيب في الرياضيات 16 و لكن معدل ماكانش يجي عالي كيما نحب كان الفارق بيني و بين حلمي في المعدل 0.02 أي أقل من نصف نقطة في أي مادة من المواد الأدبية... في جالت الباك ضيعت السنة تاعي الجامعية و راني احتمال كبير نعاود العام في الجامعة..... راني نخمم باش مانروحش نعقب المادة تاع المساء ....و المواد لي مازالو .... صايي .... خلاص كرهت و الله تمنيت تصرالي سكتة قلبية أو أي شيء يهنيني من هذا الواقع .....إذا حبيتو روحو للقسم الثانوي فضاء العلوم الدقيقة .... تلقوني هناك كيفاش كنت نعلق في الآمال ....لكن للأسف قدر الله و ما شاء فعل ...و احمد لله الحمد لله على ك حال...و أتمنى أن يعوضني ربي خيرا ... و أحسنها أن أموت ....لكن أموت و هو غير غاضب مني.....

prophetlover

2009-06-08, 12:38

يا اخي ماتقولش هكذا خلي ايمانك بربي قوي وروح كمل المواد الي بقاو بهمة عالية وانشاء الله تجيبو كيما راك تحلم

ودايمن قول قدر الله ماشاء فعل

مروة23

2009-06-08, 12:38

وعلاش تنتحر يا سيدي الباراكة في القليل ياسر عليك 12 نقطة+3اهداف سجلها الفريق الوطني =15 نقطة يعني مورال طالع

naamane3

2009-06-08, 12:58

يااخي خلي ايمانك بالله عالي
وربي يقول ( وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون )
والشيئ اللي يجيبو ربي مليح
وانت درت اللي عليك وخلي الباقي على الله
واصبر ماكش خير من سيدنا ايوب
والسلام عليكم ورحمة الله وبركاته

سلاف26

2009-06-08, 19:22

و عسى أن تكرهوا شيئا و هو خير لكم يا أخي باديس لا تقنط من رحمة و لا شيء في هذه الحياة يستحق أن نتمنى الموت من أجله حاول مرة أخرى و لا تيأس
كلنا نمر بلحظات فشل و إحباط لكن بالعودة إلى الله نرتاح إلعن ابليس و تذكر أن الله يعطينا ما فيه الخير لنا دائما

لؤلؤة البحر

2009-06-08, 19:29

ربي يجيب الخير
وربي ان شاء الله يحققلك حلمك و خلي ايمانك بالله قوي
هادي مشي نهاية العالم
تمنياتي لك بالنجاح

النيلية

2009-06-08, 19:29

لا حول ولا قوة الا بالله
استغفر الله ولا تقنط ولعله خير

أم وصال

2009-06-08, 20:07

السلام عليكم و رحمة الله وبركاته
و الله يا أخي ما أقوله لك الحقيقة
عندما كنت في سنك حصل لي نفس الشيء
و الأدهى أنني كنت لا أتحصل على البكالوريا عكسك أنت رغم أنني كنت مجتهدةجدا
وتحصلت على البكالوريا
ودخلت الجامعة
و أنهيت دراستي
وهأنا أحضر رسالة الماجيستر
لكن ليس هذا بيت القصيد فأنت في الجامعة
إنما أود ان أقول لك
بأنني حققت حلمي
و بعد كل هذا صادفتني في الحياة مشاكل يشيب منها الرضيع
فهل تتصور أننيعندما في سنك عندما و حين خسرت البكالوريا للمرة الأولى إسودت الدنيا في نظري و كنت أرى ساعنها أنني أفضل الموت عن الحياة دون بكالوريا
لكن و أمام ماحدث لي
فمشكل الخسارة وعدم تحقيق الحلم
نقطة في بحر الهموم
فكن رجلا و تجلد بالصبر و أعتبر ما حدث ابتلاء
وحضر نفسك لما هو أتي
فقد تحصل على بكالوريا بأعلى نقطة و تدخل التخصص الذي تحلم
وتقابلك مشاكل قد تندم بأنك دخلت هذا التخصص
فأرضى بقسمة الرحمان الذي ينسى عباده يا أخي
و قل قدر الله و ماشاء فعل
و ما كان ليصيبك أمر هو غير مقدر لك
و تذكر دائما هذه المقولة
لو تعلمون ما في الغيب لأخترتم الواقع
فصبرا أخي

لحن الوفاء

2009-06-08, 20:41

لازم يكون عندك تمسك بدينك وقناعة بالقضاء والقدر
والله ميظلم عبده الصابر

نورالدين17

2009-06-08, 20:49

لا تقنط من رحمة الله وتذكر أنك تنعم بشهادة الباكلوريا والتي

تعتبر حلما للكثير..............

دموع الحيــاة

2009-06-08, 20:51

لا تقل هذا الكلام أبدا
لا يوجد شيء في هذه الدنيا يستحقّ أن نتمنــّى الموت من أجله
أو ننتحر
إن لم يسعفك الحظ هذه المرّة
فأكمل بقيــّة المواد
والبكالوريا لن تهرب أبدا
وإنم لم تتحصــّل على النتائج التي تريدها
فالأعوام قادمة
وأنت أهلّ لإجتيازها
وأمــّا ما يخص امتحانات الجامعة
فلا يوجد من لم يسقط في مقياس أو مقياسين أو حتــّى كلّ المقاييس وبدون سبب أيضا ...
لا تيأس أبدا
واعلم أنــّه كلّ شيء بالمكتوب
وإن كتب لك أن تتحصــّل على البكالوريا ولا تدرس ما تريد فتأكـّد بأنــّك لن تدرس أبدا...
واصل مشوارك
وتأكــّد بأنّ العمر أغلى من أن نفكـّر في الموت
وبالتــّوفيق لك

ام زينب

2009-06-08, 23:13

عسى ان تكرهوا شيئا وهوخير لكم فلما القنوط من رحمة الله ؟
فاستغفرالله وتوكل عليه واكمل امتحانك وواترك الباقي عليه

مارس

2009-06-08, 23:42

wach bik tu va mourir pour le bac et tu ira en enfer?
moi j ai pas eu mon bac je travaille je suis mieux payè qu'un churigien

ع.جمال

2009-06-08, 23:46

السلام عليكم.
لكن للأسف قدر الله و ما شاء فعل ...و احمد لله الحمد لله على ك حال...و أتمنى أن يعوضني ربي خيرا ... و أحسنها أن أموت ....لكن أموت و هو غير غاضب مني.....
لاتقل للأسف بل قل ماقدر الله فعل والباقي فأنت أجبت والحمد لله عرفت أن الخير فيما إختار الله.
فاليأس من رحمة الله من الكبائر ياأخي فاستغفر الله وردد قوله تعالى:
قل لن يصيبنا إلا ما كتب الله لناهو مولانا وعلى الله فليتوكل المؤمنون.
أخيرا عندا تنهي من عملية الانتحار إخبرني كيف إنتحرت باش اندير كما درت أنت.( أمزح معك فقط).
والله الموفق.

نسرين0303

2009-06-09, 09:02

ياخي حالة ياخي
خلعتني باش ...باش تقول ما خدمتش في الرياضيات
الله يهديك خويا انعل الشيطان و احمد الله على ما انت فيه من نعم ......اكرمك الله و جوزت الباك اكثرمن مرة و جبتوا و راك تبكي ......؟؟؟؟
سبحان الله .....انعل الشيكان و اعلم ان لله حكما في كل ما يفعل ...ما كانش حاجة يديرها بدون هدف يريده
فاتق الله في نفسك اخي و ثق في الله الوهاب و اعلم ان ما اصابك انما هو خير لك حتما ...........
فاعقد العزم و اعمل و لن يصيبك الا ما كتب الله لك و لن تاخد الا ما كتب الله لك .....
موفق اخي ....تمنياتي لك بالتوفيق ان شاء الله
سلام

HADA02

2009-06-09, 09:42

لا حياة مع اليأس ولا يأس مع الحياة

صالح القسنطيني

2009-06-09, 13:24

يا اخي باديس

مفيها والو و حمد ربي انك تدرس في جامعة

و كاين بزاف لي باك واحد ام يحلمو بيه

و انتعندك 2 احمد ربي

و اذا مدتوش عام هذا اصبر فعسى ان يكون خيرا

((قل لن يصيبنا إلاّ ما كتب الله لنا))

B.Badis

2009-06-09, 19:44

نعم ...و الله صح عندكم حق ... أستغفر الله ... أستغفر الله ... أنا ليست لدي خبرة في الإبتلاءات ....لذا ماعنديش فكرة كيفاش نتعامل معها ... الحمد لله ... الحمد لله الحمد لله ... على كل حال ...قدر الله و ماشاء فعل ... و أستغفر الله ... أستغفر الله ... لكن لماذا ماحبتش تغادر من رأسي فكرة أني مانريحش حتى نموت !!!

''أسيل''

2009-06-10, 19:21

B.Badis

2009-06-10, 20:13

رانا كيف كيف اخ باديس مام انا كنت نحوس نخدم في الرياضيات احسن من العام الماضي ثم خدمت أسوأ من العام الماضي وهيا عندي افضل معامل وهوا7 يعني عندي احتمال ضئيل باش نجيب الباك هذا العام

بصح ماخلاصتش الدنيا هنا باديس مازالت الدنيا قدامك واش عليه عاودو العام الجاي وتعود ديت ان شاءالله خبرة اكثر و تدرس اكثر وتجيبوا باحسن معدل

http://lachyab.jeeran.com/tamayouze.gif

شكرا لكِ يا سعاد ....لكن المشكل تاعي مش أني ماعرفتش ... الحاجة لي غايضتني بزاف هو أني لما رحت لدار لقيت السوجي الأول و الله ساهل و الله قادر ندي فيه 20 بكل سهولة ....و السبب لي ماخيرتش السوجي هو أني لما لقيت فيه سؤال من بين التمرينين فقط مش متأكد منو ماحبيتش نديرو.... يعني قلت أها... نخدم الثاني نجيب فيه 20 خيرمن نخدم الأول و نجيب فيه 19 !!!! و بديت نحل الثاني .... و لكن بعد فوات الأوان لقيت روحي غالط في المشتقة و المستقيم المقارب ....على بيه ماقدرتش نكمل ثلثي السوجي .... و اكتشفت بلي صرى خطأ في في آخر الوقت .....

ali1909

2009-06-10, 20:37

هون عليك أخي

''أسيل''

2009-06-10, 21:24

سانتحر
______

قفزت من الطابق العاشر

حياتي كلها مشاكل
ليس لها حلول
الإنتحار هو الحل الوحيد
سأقفز

وبالفعل قفزت

انه الطابق التاسع .. انه الزوج والزوجة السعيدان المعروفان في المبنى ..
( انهما يتشاجران)
لم يكونا سعيدين أبداً

انه الطابق الثامن
أليس هذا الشاب الضحوك المعروف في المبنى ..؟!
انه يبكي .. يبكي بشدة !

انه الطابق السابع

أليست هذه المرأة الأكثر نشاطاً في المبنى
ماذا تفعل؟
ما هذا الوجه الشاحب
وما كل هذه الأدوية
أنها تأخذ أدويتها ..
تبدو مريضة جداً

انه الطابق السادس..
أليس هذا جارنا المهندس لقد تخرج منذ خمس سنوات
مازال يشترى سبع صحف يوميا ليبحث عن عمل !!

انه الطابق الخامس
انه جارنا العجوز .. ينتظر أحداً يزوره ويسأل عن أحواله

انه ينتظر بناته أولاده المتزوجين
ولكن بابه لم يدق يوماً !!
يبدو حزينا

انه الطابق الرابع
أليست هذه جارتنا الأنيقة الجميلة المتبسمة ..!
انها تنظر إلى صورة زوجها الراحل منذ ثلاث سنين وتبكيه

قبل أن أقفز من المبنى اعتقدت بأنني الشخص الأكثر حزناً وبؤساً

الأن أدركت أن لكل شخص مشاكله وأحزانه الخاصة

وبعدما شاهدت كل هذا وجدت أن حزني وبؤسي في الحقيقة لم يكن سيئاً على الإطلاق

الناس الذين رأيتهم وانا أقفز ينظرون إلي الآن ! ..

لو ان كل واحد منا فكر ان لغيره مصيبة أعظم من مصيبته
لكان سعيدا

فاحمد ربك
هل وصلتكم الرسالة ؟؟؟

لا تبتئس لدنيا فانية .. كل ما فيها لا يساوي عند الله جناح

''أسيل''

2009-06-10, 21:33

http://up108.arabsh.com/s/jvnqklt2dl.jpg

red moon

2009-06-10, 21:44

السلام عليكم و رحمة الله
يا أخي لماذا تموت و لماذا تنتحر،والله العظيم لن ينفعك (البــــــــاك)في شيء،تبحث عن العلم و المعرفة يمكن لك ان تجتهد و تثقف نفسك أرى أن الباك مجرد لعبة سخيفة و لا معنى لها،إن هي إلا أسماء و أوسمة وهمية لا أساس لها من الصحة،انا مثلا عندي الباك و عندي شهادات أخرى و لم تنفعني أي من هذه الشهادات،إذا كنت تريد أن تسترزق من شهاداتك فأنت مخطىء يوجد دكاترة و مهندسين و أطباء بدون عمل فلا تيأس لن يضمن لك الباك شيئا .
إستغفـــــــــــــــــــــر اللــــــــــــــــــــــــــــه

مايا منار

2009-06-11, 01:52

نقولك حاجة اسمعني مليح ادعي ربي من كل قلبك و كن واثق انو يستاجبلك الدعاء .............و رايح تشوف خبر يفرحك
و شوف هذي الاحتمالات ممكن الاستاذ اللي يصححلك يعطيك مليح ممكن ما يصحوش اصلا و يعطوك مليح ...........و الله العظيم نعرف وحدة ما دارت والو في الباك في الرياضيات و احنا كامل شاهدين مسكينة خرجت تبكي و خبرتنا بالاجابات اللي دارتها صبناها خلطت كل شي ما قراتش السوجي مليح ...............تعرف تحصلت على 17 و اصبحت مثالا لكل ممتحن.......هههه

على بالي راني كثرت عليك و هذا غير القليل
ان شاء الله تتحصل على ما تريد و يكون لك الاختصاص اللي راك حابو

B.Badis

2009-06-12, 11:48

بارك الله فيكم إخوتي prophetlover ...مروة23 .....naamae3....الناصرة ....سلاف ...لؤلؤة البحر .....بنت جبيل ...لحن الوفاء....و شكرا لكِ يا أختي أم وصال و أختي دموع الحياة ....و أخي نور الدين.... و ليلى بن محمد و mastermylove وabbassi jamel ونسرسن و hada02 و صالح القسنطيني ...سعاد ...ali1909 و red moon ومايا منار… بصح حسيت كأنه هناك قوة خارجية سيطرت علي .... ماتوقعتش خلاص بلي مانجاوبش في الرياضيات ....كي رحت للدار و عاودت ريت السوجي ...شفت الدنيا كحلة قدامي و تمنيت لوكان جا الإنتحار مباح .... لكن واش راح تدير قدر الله و ماشاء فعل ...حسيتها كأنها القطرة اتي أفاضت الكأس بعدما أني سبق و تحصلت على البكالوريا و الفارق بين معدلي و التخصص لي حابو 0.02 ؟؟؟؟غير معقول ....أطلب الله فقط أن يغفر لي لأني توترت زيادة....لكن أرجو أن يحل لي أمر هذا الموضوع بأسرع وقت فهو القادر على كل شيء...و شكرا لكم جميعا على وقوفكم معي ...و نوكل الأمر لربي ...

♥♪فيصل♥♪

2009-06-12, 21:49

مايكون غير الخير يا اخي ان شاء الله تجيبو ب14 او اكتر

B.Badis

2009-06-13, 00:30

آمين آمين ...شكرا لكما أختي الناصرة و صديقي العزيز faical ...بارك الله فيكما

حمـ 0418 ــزة

2009-06-13, 02:40

عسى تكرهوشيئا و هو خير لكم
سلام

بوزيان20083

2009-06-13, 06:45

يحيط بابن آدم أعداء كثيرون يحسِّنون له القبيح ، ويقبحون له الحسن ، ويدعونه إلى الشهوات ، ويقودونه إلى مهاوي الردى ، لينحدر في موبقات الذنوب والمعاصي ، ومع وقوعه في الذنب ، وولوغه في الخطئية ، فقد يصاحب ذلك ضيق وحرج ، وتوصد أمامه أبواب الأمل ، ويدخل في دائرة اليأس من روح الله ، والقنوط من رحمة الله ، ولكن الله بلطفه ورحمته فتح لعباده أبواب التوبة ، وجعل فيها ملاذاً مكيناً ، وملجأ حصيناً ، يَلِجُه المذنب معترفا بذنبه ، مؤملاً في ربه ، نادماً على فعله ، غير مصرٍ على خطيئته ، ليكفر الله عنه سيئاته ، ويرفع من درجاته .

موحbk

2009-06-13, 09:50

..............................

*جوداء*

2009-06-13, 10:01

على جال القراية راك تقول هكذا يا باديس
الناس جابت معدلاتها ب 16 ولا 17 وكملت لقراية ومن بعد مالقاتش خدمة وحكموا الحيوط وعلاش هذا التشاؤم
يعني حياتك ماهيش مقتصرة على القراية فيه امور اخرى فالحياة انتحر على جالها ههههههههههههه
ماتعمرش راسك بزاف ماتموت ماوالو ..تهبل وتريح

B.Badis

2009-06-13, 10:19

شكرا لكم إخوتي لكن ربما أنتم ماكش حاسين بيا خلاص ,,, و بالنسبة لي ماداوش الباك ربي يكون معاهم و يسهل عليهم ,,, كل واحد عندو طموح و هدف في الدنيا ,,, كاين لي طموحو عالي و كاين لي طموحو محدود ,,, و كل واحد ثاني و قدراتو ,,,أنا الحمد لله راحت من بالي فكرة أنو لازمني نموت ,,, لأني و الحمد لله جامي نفكر ننتحر و أعوذ بالله من الإنتحار ,,, كاين فرق يا أخوتي بين القناعة و الطموح ,,, القناعة هي أنك تقنع بواش كتبلك و مدلك ربي و ماعندكش قدرة باش تغيرها ,,, و الطموح أنك توصل للحاجة لي حابها بعملك و توفيق ربي,,,بصح المهم أنه يمكن أن تكون هذيك الحاجة في متناول يديك

*جوداء*

2009-06-13, 10:25

ماتعمرش راسك خويا باديس كل شيء مكتوب يعني انت لست راضي بلي كتبولك ربي؟؟
نتمنالك تحقق طموحك ويكون النجاح حليفك ماتتقلقش هذا مكان

موحbk

2009-06-16, 11:13

..................................

tolaysozy

2009-06-16, 11:48

ما زالت الحيان مستمرة

و لا تقتل نفسا بغير الحق

كوثر10

2009-06-16, 11:50

لا يا خويا
الباك موش هارب
وان شاء الله طلع عامك في الجامعة

و تذكر

وعسى ان تكرهو شيئا و هو خير لكم

او تحبو شيئا و هو شر لكم

كريم سعيدة

2009-06-16, 12:29

لا تقنطوا من رحمة الله

loubnamias

2009-06-16, 16:23

بعيد الشر.انسى انسى وعيش الخاضر وانسى الذي مضى انت درت لي عليك والله غالب ماجتش كيما حبيت انسى وكمل الحياة مازالت مستمرة ولن تتوقف ...........
ان شاء الله يهبطو معدلات القبول العام هذا ونقدروا نديروا حاجة مليحة.
انا تاني ماخدمتش وجاتني روحي العام لي فات خدمت خير من العام هذا مازلت ماشفتش التصحيح وخايفى كي نشوف نتشوكا .
بصح راني نحظر في روحي ماه نتقبل النتيجة كيما جات انا عيت وكرهت من التخمام ديت حياتي كامل وانا في نفس الدوامة .
ديت الباك كيما حابة ساحمد الله ونقول تهنيت ماديتش ساقول الله غالب ربي ماحبليش.
انا نسيت كلش والعام لي جاي سابد من جديد حاكمة حاجة وحدة ونقراها من كل قلبي.

thorpe

2009-06-23, 01:10

ياباديس القناعة كنز لا يفنى أنظر الى من لم يساعفه الحض حتى بمعدل 10.00 كيما خوك منا انا ماديتش الباك العام لي فات وعاودتو وكون مانديهش مانتمناش واش تمنيت انت لان هذه الحياة مليءة بالفرص وليست الدراسة هي السبيل الوحيد للنجاح في الحياة
فان كان الانسان قانعا بعيشه وراضيا بما أعطاه ربه فتأكد أنه أسعد الناس والعكس صحيح
اخي باديس انا ماقلتلكش هذا الكلام باش نطيحلك من معنوياتك ولا باش نصد طوموحاتك بلعكس ياخي تعرف خوك نازي بصح مسلم و عربي وجزايري
ربي ينجك ينجحنا معاك http://www.djelfa.info/vb/Ian-Thorpe

B.Badis

2009-06-23, 23:51

بارك الله فيكم إخوتي الأعزاء شيراز ... موح ...تولاي سوزي ...كوثر ...كريم سعيدة ...و الأخت الغالية لبنى و الأخ و الصديق الغالي thorp ...شكرا لكم جميعا على مروركم ...بارك الله فيكم ... و فكرة الإنتحار قلتها في لحظة يأس و غضب فقط ... الحمد لله راني مسلم و أعوذ بالله من الإنتحار