اقتراح

[himo13]

يا جماعة اخطيكم من وجاع الراس و الفتنة
اعملوا كيفي 30 سنة خدمة خرجت للتقاعد و ربحت راحة البال و زيد وليت نخلص اكثر من قبل
راحة البال اي بدراهم و ماكانش و لا تسناو حتى يخرجوكم في برانكار
لقسم على ربي خليوا المكان للشباب وفي هاد الدنيا ما تخلي غير افعالك تهدر عليك
الحمد للله على النعمة الي راني فيها الان

[alirabeh]

السلام عليكم .
مبروك عليك لم يبقى لي الاالقليل على 30 سنة .
كم هو راتبك ؟

[himo13]

الراتب الحالي حوالي 4780000 بليالوكاسيون
وقبت وانا خدام 4100000 ومعاها وجاع الراس هيا مش نعمة من عند ربي
الحمد للله

[alirabeh]

الراتب الحالي حوالي 4780000 بليالوكاسيون
وقبت وانا خدام 4100000 ومعاها وجاع الراس هيا مش نعمة من عند ربي
الحمد للله

السلام عليكم .
يعمل معي زميل وهو كذلك مساعد تربوي وهو ينتظر بلوغ 50 سنة للتقاعد ,
قيل له .
كيف تخرج وانت صغير وماذا سوف تعمل ؟
فرد قائلا . عندما اخرج اكتب في جبهتي , حبوس للمسجد ( والحديث اقياس )
المهم مبارك مبارك مبارك مبارك مليون مليون مليون مرة ,
اتمتع اتمتع .
كما يقول المثل , ألي يبقى فيها إمد اكراها .

[الشريف خذيري]

الله يجيب الخير لكل المسلمين امين.

[alirabeh]

قاجي بكري اتروح بكري .

[himo13]

يا جماعة الي حب يضوق طعم الكرامة و الشرف لازم يخرج من الجحيم تاع التعليم ياك كاين بيبرونة يرضع منها الاولاد فيها باراكة
و زيد ماداكك مازلت تقدر ياو البيع واشراء داير حالة على اصباح تجيب الجرني والباقي فايدة
على العموم الله يكون في عونكم ويعطيكم الجهد و القوة

[aekmadrid]

الله يجيب الخير لكل المسلمين امين

[sadekbegaa]

عندي 4 سنوات خدمة لو كان يعطوني نص الشهرية نتقاعد . ربي يجيب الخير للبلاد ويصلح تالقائمين على التعليم الذي أصبح عيب الواحد يخدم فيه ( عندنا راهم يقولوا : معلم حاشاك ) حاشاكم قاع

[alirabeh]

الراتب الحالي حوالي 4780000 بليالوكاسيون
وقبت وانا خدام 4100000 ومعاها وجاع الراس هيا مش نعمة من عند ربي
الحمد للله

السلام عليكم يا اخي ,
ما هي الاجراءات التي قمت بها ؟ ومتى وضعت ملف التقاعد ؟
مبروك عليك , احكيلي واحكي لولادك واولادنا على التقاعد واحكيها لمن هو امريض بالمسؤولية ,
وقل لهذا المريض ما يبقى في المدرسة الا الحيوط وما يبقى في الواد غير احجارو ,

[SAFIRE77]

سنة الله في الكون،ان بعد العسر يسرا،سيتغير الحال ولن يبقى الحال كما عليه،مصيبتنا في وزارة حقودة على المساعد ت،ومفاوضين تلاعبت بهم الوصاية لا نشك في نزاهتهم ولكن... ؟

[sadekbegaa]

Il semble que l'assistant d'éducation n'est rien de plus qu'un épouvantail

[أبو محمد21]

السلام عليكم ورحمة الله وبركاته تحية خاصة للأخ himo13 واقول لك الف الف مبروك لكن اود ان استفسرك اخي الكريم في موضوع التقاعد انا توظفت سنة 84 ولي الدرجة العاشرة واود ان اخرج للتقاعد مللت من تكسار الراس كما قلت ضيعنا عمرنا وشبابنا في هذه المهنة التي لم نستقيد منها ولو بترقية واحدة اللهم استفادتنا ان تكون اجرنا عند الله وهذا من الخدمة التي قدمناها ولي وان شاء الله انا داخل في العقد الخامس اريد ان اعرف كم يكون المرتب بالتقريب بدون منجة الأولاد ولك الشكر الجيل والف مبروك و لعقوبة لينا ان شاء الله

[عليلووو]

نفس الاهتمام يا اخى بنى والبان
يالهفتيي على التقاعد!!!!!!!!!!!
بقيت لى ثلاث سنين عجااااف انتظر نهايتهم بفارغ الصبر ان كان فى العمر بقية
اللهم سهل لنا التقاعد فلم يبقي لنا غيره ووفقنا يااااااارب المستظعفين
اللهـــــــــــــــــــم آ مـــــــــــــــــــين

[himo13]

السلام عليكم
ردا على الاخوة الاعزاء
بالنسبة لملف التقاعد طلب خطي عن طريق المدير ( كشوف الطلب يعمل la boule يقول يا اللله هربلي اسكلاف) وبعد دلك يجيك استدعاء من المديرية يطلب منك ملف ساهل جدا لكن لازم تتوفر فيك الشروط وهي كالتالي وهدا في شهر افريل للخروج في 1 سبتمبر او قي شهر اكتوبر للخروج في 1 جانفي
1- 50 سنة من العمر على الاقل ( اللله يطول عماركم )
2- اكثر من 20 سنة من العمل و الله يسهل
اما بالنسبة للاخ الدي يعمل مند 84 ( هادك هو سي بكؤي قبل ما يفوتك القطار ) يكون الراتب حوالي 40500.00 بلا لالوكاسيون
يا جماعة اخدم التاعس عاى الناعس غير هادي الي يتقبلهاش العقل و بالتوفيق للجميع

[himo13]

عفوا اعتدر للاخ بني ولبان الاجر يكون حوالي 44000.00 بلا لالوكاسيون

[himo13]

خويا عليلو انا كبقاتلي 3 شهر كنت نشوف فينا 3 سنين ما بالك انت بقاتلك 3 سنين اواه بزاف عليك لالا راني نقصر برك بربي كي اليوم
يقعدوا حكيات ياك عمرنا كامل فات غير شوية صبر ياك الصبر يعرفنا و نعرفوه كوراج

الاخ بني ولبان ما تحتارش فالخلاص
يحسبولك la prime وتنقص irg+its و زيد كل عامين عندك 10% من عند الدولة اكثر من لشلون باربعة مرات الي يلحق كل 3 سنوات
تحيا الجزائر

[عيون-المحبة]

الله يطول عمرك و ريح بالك و يتقبل صلاتك.......أمين

[أبو محمد21]

السلام عليكم ورحمة الله وبركاته تحية عطرة الى كل مساعد تربوي شكرا لك اخي وحبيبي himo13 على المعلومات القيمة ما بقاتش خدمة اجرنا على الله عز وجل اليوم الي اصبح فيه كل من ذب وهب مدير ومستشار تربية ما يعرف والوا في الإدارة يحوس غير يحرث على الشرفاء اذن نخلوهالهم وسترون بعد 3او 4 سنوات التعليم ومهازله كبروا عليه اربع . الحمد لله قدمنا واجبنا واخلصنا في عملنا وكان الجزاء من الله عز وجل ان وفنا في تربية ابنائنا فلدات اكبادنا وهذا هو ما جنيناه فالحمد لله والشكر له ربحت تجارتنا رغم الراتب الزهيد لكن التوفيق من الله عز وجل الحمد لله والشكر له . اخوكم مساعد تربوي ناضل بإخلاص وايمان عميق بقضية المساعد التربوي لكن وا اسفاه على الظلم حسبنا الله ونعم الوكيل في كل من وقف امام طريقنا وترقيتنالا كباقي زملائنا .

[alirabeh]

يا جماعة اخطيكم من وجاع الراس و الفتنة
اعملوا كيفي 30 سنة خدمة خرجت للتقاعد و ربحت راحة البال و زيد وليت نخلص اكثر من قبل
راحة البال اي بدراهم و ماكانش و لا تسناو حتى يخرجوكم في برانكار
لقسم على ربي خليوا المكان للشباب وفي هاد الدنيا ما تخلي غير افعالك تهدر عليك
الحمد للله على النعمة الي راني فيها الان

السلام عليكم .
ماذا تقول لمتعددي الاختصاصات وانت الان في التقاعد ؟

[himo13]

السلام عليكم
اهلا بسي رابح و كل الاخوة اما بعد مدا اقول لمتعددي الاختصاصات
1- انت تخدم و (الرجال) تخلص من ظهرك
2-تروح للدار كل يوم مدمر وتعبان و سيادك يتجول طول النهار le responsable n'est jamais absent il est toujours quelque part
3- الادارة تعصرك كي الحبة القارس و منبعد ترميك في الزبالة حشاكم l'ingratitude de l'administration
4- يحلل دراهموا وحرم دراهم الناس
و الفاهم يفهم

[alirabeh]

السلام عليكم
اهلا بسي رابح و كل الاخوة اما بعد مدا اقول لمتعددي الاختصاصات
1- انت تخدم و (الرجال) تخلص من ظهرك
2-تروح للدار كل يوم مدمر وتعبان و سيادك يتجول طول النهار le responsable n'est jamais absent il est toujours quelque part
3- الادارة تعصرك كي الحبة القارس و منبعد ترميك في الزبالة حشاكم l'ingratitude de l'administration
4- يحلل دراهموا وحرم دراهم الناس
و الفاهم يفهم

شكرا ومنك استفيد . كما يقول ناس ازمان . ألي فاتك أبليلة فانتك أبحيلة .
راني في عطلة وانت راك في عطلة طويلة المدى الله إهنيك وإبركلك في اولادك واهلك ووقتك ,
انت كتبت موضوع وعنوانه , اقتراح ,وانا اقول , إقتراح ليس للجياح .الى اللقاء يا الناس أملاح

[أمجد الجلفـة]

1000000000000000000000مبروك من التعب ووجع الراس

[benzarour]

يا جماعة اخطيكم من وجاع الراس و الفتنة
اعملوا كيفي 30 سنة خدمة خرجت للتقاعد و ربحت راحة البال و زيد وليت نخلص اكثر من قبل
راحة البال اي بدراهم و ماكانش و لا تسناو حتى يخرجوكم في برانكار
لقسم على ربي خليوا المكان للشباب وفي هاد الدنيا ما تخلي غير افعالك تهدر عليك
الحمد للله على النعمة الي راني فيها الان

شكرا على هذه النصيحة كما يقول المثل . ألي يبقى فيها إمد اكراها . بيع تتهنى من الدقربيع .
اتمتع اتمتع اتمتع