عبد العزيز الرستمي
2013-10-09, 21:08
شفت أمنام
حالي مضيوم مشغول البال ***** نشابح بلعيان طايع للقضى
أحسبتها ساعة و يفوت الحال ***** تروح كرابي في ذيك لحظة
أصبح عاشر ماهوشي رحَال ***** قاعد بعرشه طاعته مفروضة
أمشيت لشيخ نجرب نسال ***** قالوا حكيم صحيح اللفظة
أبلغت لمكان ريت أشحال ***** أقلوب الناس نصيبهم مرضة
فيهم الساهي هايم شغال *****مسلوب كي حالي قليل النبضة
أطمات نفسوا حالت الخيال * *** أرماته بجرفة لوديان لفايضة
شفت الزاهي فيهم أقلال ***** متمتع ساعد بزهروا يرضة
أستنيت دالتي نكابر بالمحال ***** نشوف أقبالي جلاس و النايضة
و أنا في قلبي طياتوا غيضة
وصلت نوبتي رحت متقدم*** قاصد الحكيم طامع للفرجة
قاي مالك مكشر يابن آدم *** و الصفار درق لونك بعجاجة
أمشي توالي يامخلوق و تقدم *** عيدلي بشطونك أعطيني حجة
قتلوا معدن أحشايا أتعدم * ** أسقيم من فكاري تخبلت النسجة
الي نبنيه نلقاه راشي يتهدم *** و نعاود نبنيه يالوكان بالدرجة
أفضحتوا من بعد لي كان أتردم *** و لقيت نفسي منه مرهوجة
واش يفيد اللي بفعالو نادم **** يا لوكان من كاف يطيح بزلجة
و كي بغيت ياحكيم تتسقم لعوجة
واش يفيد الي ماتحمل لثقال ***** هزل جسموا فشلت الأعضة
يعتب النوم ا لليل أطوال **** لاصديق يفاجي ينسي الغيضة
يبانوا في لوسع رجلة و رجال **** مبنين حيلة صحبة الغرضة
أتفوت الدامسة ويبان الحال ***** تظهر الدارقة أصحاب الفوضة
قلت في قوالي لصحاب الدلال ***** شلا لنعار في الأمر تقضة
وأشتد ضري في وحش الغزال ***** يهدف خيالوا ويفارق فلحظة
مابان ماجاني مرسولي برسال ***** رضيت بالمكتوب و لآزم نرضة
قاصد لرسام في مشي التختال ***** نتربص عليه نواتيه بقبضة
كانها جفات مابغات ترضة
مازهيت كي ناس وعرفت عياد *** حرقت قلبي مجملها صورة
ثيوث سود سبيبة أجواد *** طايحين على لكتاف لاطمين الظهرة
حواجب هيفة كحلت لثماد *** رمش شفارها يخطف النظرة
وصف خوخا وسط خداد *** مبسم خاتم للمريظ راه أدوى
أنا عشقت و إستنشق المراد *** مسعد ذاك نهار تلقاني خيرة
نهنا و نرتاح ما قويت صبرى
تنهت ونظرني متبسم كي قال ***** صحيح ياولدي راك في غيضة
نوصيك أتنبه شوف أقبال ***** عمره الذهب ما بتنسب للفضة
كرم و سعادة ورزق أحلال **** أفضل من لحرام بذنوبه الفايضة
فطنت في وقت فجر الحال ***** و سمعت الأذان ينادي للفريضة
يستحسن من قام بصلاة أكمال ***** و يجعل مولانا يغفر ما مضى
عبدالعزيز مسلم لجميع الرجال ***** ولفحول الملحون في هذ اللحظة
نشكر من علمني نتحدث بالترتال ***** بلجوهر الله يجعله في الحفظة
بسدنا الأمين نختم هذوا لقوال ***** محمد شفيعنا في يوم القضاء
إنتهت بإذن القدير
05/03/98
بقلم عبد العزيز شرفوح
حالي مضيوم مشغول البال ***** نشابح بلعيان طايع للقضى
أحسبتها ساعة و يفوت الحال ***** تروح كرابي في ذيك لحظة
أصبح عاشر ماهوشي رحَال ***** قاعد بعرشه طاعته مفروضة
أمشيت لشيخ نجرب نسال ***** قالوا حكيم صحيح اللفظة
أبلغت لمكان ريت أشحال ***** أقلوب الناس نصيبهم مرضة
فيهم الساهي هايم شغال *****مسلوب كي حالي قليل النبضة
أطمات نفسوا حالت الخيال * *** أرماته بجرفة لوديان لفايضة
شفت الزاهي فيهم أقلال ***** متمتع ساعد بزهروا يرضة
أستنيت دالتي نكابر بالمحال ***** نشوف أقبالي جلاس و النايضة
و أنا في قلبي طياتوا غيضة
وصلت نوبتي رحت متقدم*** قاصد الحكيم طامع للفرجة
قاي مالك مكشر يابن آدم *** و الصفار درق لونك بعجاجة
أمشي توالي يامخلوق و تقدم *** عيدلي بشطونك أعطيني حجة
قتلوا معدن أحشايا أتعدم * ** أسقيم من فكاري تخبلت النسجة
الي نبنيه نلقاه راشي يتهدم *** و نعاود نبنيه يالوكان بالدرجة
أفضحتوا من بعد لي كان أتردم *** و لقيت نفسي منه مرهوجة
واش يفيد اللي بفعالو نادم **** يا لوكان من كاف يطيح بزلجة
و كي بغيت ياحكيم تتسقم لعوجة
واش يفيد الي ماتحمل لثقال ***** هزل جسموا فشلت الأعضة
يعتب النوم ا لليل أطوال **** لاصديق يفاجي ينسي الغيضة
يبانوا في لوسع رجلة و رجال **** مبنين حيلة صحبة الغرضة
أتفوت الدامسة ويبان الحال ***** تظهر الدارقة أصحاب الفوضة
قلت في قوالي لصحاب الدلال ***** شلا لنعار في الأمر تقضة
وأشتد ضري في وحش الغزال ***** يهدف خيالوا ويفارق فلحظة
مابان ماجاني مرسولي برسال ***** رضيت بالمكتوب و لآزم نرضة
قاصد لرسام في مشي التختال ***** نتربص عليه نواتيه بقبضة
كانها جفات مابغات ترضة
مازهيت كي ناس وعرفت عياد *** حرقت قلبي مجملها صورة
ثيوث سود سبيبة أجواد *** طايحين على لكتاف لاطمين الظهرة
حواجب هيفة كحلت لثماد *** رمش شفارها يخطف النظرة
وصف خوخا وسط خداد *** مبسم خاتم للمريظ راه أدوى
أنا عشقت و إستنشق المراد *** مسعد ذاك نهار تلقاني خيرة
نهنا و نرتاح ما قويت صبرى
تنهت ونظرني متبسم كي قال ***** صحيح ياولدي راك في غيضة
نوصيك أتنبه شوف أقبال ***** عمره الذهب ما بتنسب للفضة
كرم و سعادة ورزق أحلال **** أفضل من لحرام بذنوبه الفايضة
فطنت في وقت فجر الحال ***** و سمعت الأذان ينادي للفريضة
يستحسن من قام بصلاة أكمال ***** و يجعل مولانا يغفر ما مضى
عبدالعزيز مسلم لجميع الرجال ***** ولفحول الملحون في هذ اللحظة
نشكر من علمني نتحدث بالترتال ***** بلجوهر الله يجعله في الحفظة
بسدنا الأمين نختم هذوا لقوال ***** محمد شفيعنا في يوم القضاء
إنتهت بإذن القدير
05/03/98
بقلم عبد العزيز شرفوح