لن اتنازل عن مبادئي حتى لو عاد الزمن [الأرشيف] - منتديات الجلفة لكل الجزائريين و العرب

صرخة ألم

2013-10-09, 15:27

السلام عليكم
الفتاة اللي اثقلت عليكم بحزنها نهار كتبت موضوعي هنا من منا ضحى بالآخر .. اشعر بالموت فقط (http://www.djelfa.info/vb/showthread.php?t=1426821) علبى اللي كان حكاية بدات في ال 10 سنوات و ضاعت هكذا ظلم
اليوم ما نيش باغيا نشكيلبكم اليوم حابة رسالة معينة تنوصلها للبنات خاصة
و حتى الذكور اللي يقلك ماكانش بنات الفاميلا راكم مع الاسف دايرين عليهم حرب في الواقع

باختصار احساسي الايام اللي فاتت اقل ما يقال عليه ** قهر ** .. لأنو ذنبي الوحيد معاه كنت جدية و اعتبرها اهمال و عدم اهتمام و صار يسخر مني و و و و و و و

قتلني السؤال ** علاه ما فهمنيش ** خاصة اني شايفاتو حتى مع غيري ياكل في روحه و يقلي ** علاه دمرتيني ما بقالي والو بلا بيك **

بلا اطالة يا بنات لكل واحدة تخاف على احساس رجل و تقلك فاهمني او لا ا
كنت نبكي ليل و نهار غيرت هاتفي حبست روحي في الدار تخليت على خدمتي و في راسي حاجة واحدة اني فعلا ظلمتو و رد فعلي كان عنيف لاني ما بغيتش نرجع ليه و نحكي معاه ** و بصراحة داخلي لو كان جا للدار كنت راح نوافق **وصلت ندمت اللي ماسامحتوش

دعيت ربي نعرف اجابة السؤال و جاءت الصدفة اني شفتو وحاول يحكي معايا و يقلي : عمرك ما حبيـتيني لوكان حبيـتيني راك غفـرتيـلي و صبرتي عليا ؟؟؟ قتلو كلمة واحدة : علاه راك تحكي معايا واش بقالي عندك
تعرفو اجابة اللي قتلني بحسرتي لاني انا على رايو تخليت عليه وقت كان نادم و حاب يرجعلي قالي كبريائك -رغم انو جرحني- قالي ربايتك - شخصيتك * كرامتك - حبك
ذهلت و قريب نصرخ باعلى صوتي حرام عليك
قتلو واش غلطتي معاك : قالي سامحني انا لي فهمتك روطار و انا لي غلطت و ماكانش عندي جرأة ندير موقف و ما عرفتلكش و لوكان انتي الغالطة راني نسيتك و عمري ما نحكي معاك مي ...

هذا اللي فترة طويلة و يقلي عمرك ما حبيتيني لوكان حبيتيني تغفريلي و تضحي من اجلي .. لوكان راكي ما قبلتيش بغيري و لو بعد سنوات و انتظتيني ووووووو

اللي حبيت نوصلو للبنات خاصة مهما يكون حبك للي قدامك تمسكي بمبادءك و مهما يتمهبل -و آسفة على اللفظ- ما تأمنيهش

علابالي غلطت لي حكيت معاه هذا المرة لكن الكلمتين هادو كان لازم يجاوبهم لاني كنت فعلا نتحرق و ما يحس بالجمرة غير اللي كواتو

آسفة على الاطالة .... على بالي مليتو من حكايتي و همي بصح بغيتكم تدعيولي ننسى لانو اليوم نادمة على حاجة واحدة اللي أمنت نيتو نهار بعث اختو للدار بعد 17 سنة انتظار و أمنتو و بديت معاه و لوكان ترجع بيا ........
المهم قدر الله و ما شاء فعل الحمد الله

احـساسي اليوم اني رغم واش بكيت مازال حابة نبكي باعلى صوتي حاجة واحدة نقولها ليل نهار : يا رب ما عنديش غيرك يا رب اغفرلي و ارحمني يا رب و انصرني على كل من ظلمني يا الله

جاءت بالصدفة ايضا هادي الايام تلاقيت صديق والدي قالي : يرحم اللي رباكم نساء و رجال ما شاء الله ربي يحفظكم بنيتي
حسيت روحي حابة نصرخ باعلى صوتي ربايتي ظلموني بيها و داروها حجة
بغيت نبكي و نقول والدي و كرامتو اهم من الف حـبيـب
يا رب اغفرلي و يا والدي سامحني و سامحني و سامحني ... فعلا قلبي راح ينفجر

قولولي رايكم يا رجال فيه و في الحكاية و في اللي صرا زعهما مهبول و الا حب يهبلني و الا فعلا ماهوش فاهم روحه لليوم و الا كاين تفسير واحد آخر. ؟؟؟؟؟؟؟؟؟؟؟
واش رايكم بنات و رجال اذا فهمتو حاجة مانيش شايفتها و فاهمتها قولو ................

ادعيولي
سلام

نورسين.داية

2013-10-09, 16:24

السلام عليكم
بالرغم من أني لم أفهم القصة جيدا لكن ....ما امكنني إستخلاصه أنكي احببتي شخص و لم تتفقا ................

بالتالي عزيزتي الإنسان ماداموعايش و على قيد الحياة و يستغفر عن دنبه و يتوب توبة نصوحة أكيد الله عز وجل يغفر له و يفرج عنه كربه

و قصتك أو بالأحرى تجربتك هي عضة للغير ...حتى يعرف أنه في هذه الحياة لا يصح إلا الصحيح .....و البيوت تطرق من أبوابها و ليس شبابيكها ......

شكرا أختي و جازاكي الله خيرا ........................وفقكي و فرج همك عزيزتي

nadjet boumaraf

2013-10-09, 16:36

من الرسالة حبيت نقولك حاجه بارك في البطن التي حملتك وفي اللوالدين يلي ربياك فحقيقة رغم كل شيء الحب والحبيب والقهر والحزن و... لكن يبقى شيء اهم من كل شيء هي كرامتك فوق كل شيء ...ربي يرزقك بالزوج الصالح وينسيك في الماضي فكل شيء في هته الحيآة يعوض فإن فقدتي الحبيب سيأتي يوما ما فتنسي وتكوني حبيب وصديقوصديقة لكن عن فقدتي يوما مى والدين فلا يعوضهما أي شيء في الدنيا فلا تحزني حبيبتي رغم آلامك .

صرخة ألم

2013-10-10, 08:22

يقتلني السؤال لم لا يرد الرجال عندما يكون السؤال لاجل فهم رجل ؟؟؟؟؟؟؟؟؟؟؟

صرخة ألم

2013-10-10, 08:25

من الرسالة حبيت نقولك حاجه بارك في البطن التي حملتك وفي اللوالدين يلي ربياك فحقيقة رغم كل شيء الحب والحبيب والقهر والحزن و... لكن يبقى شيء اهم من كل شيء هي كرامتك فوق كل شيء ...ربي يرزقك بالزوج الصالح وينسيك في الماضي فكل شيء في هته الحيآة يعوض فإن فقدتي الحبيب سيأتي يوما ما فتنسي وتكوني حبيب وصديقوصديقة لكن عن فقدتي يوما مى والدين فلا يعوضهما أي شيء في الدنيا فلا تحزني حبيبتي رغم آلامك .

ربي يحفظك و يحميك كلامك فعلا يرد الروح و صح عندك الحق
شكرا لردك و ربي يحميك

صرخة ألم

2013-10-10, 08:26

السلام عليكم
بالرغم من أني لم أفهم القصة جيدا لكن ....ما امكنني إستخلاصه أنكي احببتي شخص و لم تتفقا ................

بالتالي عزيزتي الإنسان ماداموعايش و على قيد الحياة و يستغفر عن دنبه و يتوب توبة نصوحة أكيد الله عز وجل يغفر له و يفرج عنه كربه

و قصتك أو بالأحرى تجربتك هي عضة للغير ...حتى يعرف أنه في هذه الحياة لا يصح إلا الصحيح .....و البيوت تطرق من أبوابها و ليس شبابيكها ......

شكرا أختي و جازاكي الله خيرا ........................وفقكي و فرج همك عزيزتي
قصتي هنا اذا حبيتي تفهميها و يهمني رايك من منا ضحى بالآخر .. اشعر بالموت فقط (http://www.djelfa.info/vb/showthread.php?t=1426821)
و شكرا لكل كلمة و شكرا لدعائك
جزاك الله كل خير

aroua

2013-10-10, 08:51

كما تدين تدان
لالالا تخافي ستسمعين خبره
دعوة المظلوم مستجابة عاجلا ام آجلا

* الحلم سكر *

2013-10-10, 13:05

أنا مكانك ما فهمتش تناقضاتو صراحة لكن مهما يكون اختي خمي في روحك اختي ربي حنين كريم لي خلق ما يضيع
صلي و ادعي ربي ينسيك و ان شاء ربي يرزقك في القريب العاجل

غزة في عيوني

2013-10-10, 15:03

واش نقولك باختصار ربي يرزقك بالزوج الصالح ويفرج همك

soumias

2013-10-10, 15:48

يا ريت كل البنات يخمو كيفك يا اختي والله لحمي شوك وانا نقرى قصتك ....صحيح الم الفقد لا نهاية له لكنك مغلتيش معاه وعلاش كي كنتي حرة امامو وتستناي فيه ما دار حتى خطوة رسمية علاش ؟؟؟ صدقيني لوكان صح حبك كان حارب كل الدنيا على جالك وماكانش يتزوج لانها رح تكون صعبة عليه ....هو راهو يديرك بلعاني هكذا حابك تبقاي تتعذبي وتلومي في روحك حابك تبقاي تخمي فيه وهذه انانية آدم ..كيما راهو دوك عايش حياتو ويكذب عليك اذا قالك العكس ديري نفس الشي عيشي حياتك ومتخميش وكيما مسمحتيش في مبادئك كوني متأكدة بلي ربي رح يعوض عليك ومن يتقي الله يجعل له مخرجا ...ربي معاك يا اختي وان شاء الله يرزقك بفرحة تنسيك كل همومك

ABDOU ELE

2013-10-10, 17:59

ســــــــــــــــلام
لم استطع فهم الموضوع لان الموضوع مكتوب في قسم مخصص للنساء
اذا تعرفت على الشخص قبل ان يتقدم لبيتكم فكلاكما مخطئان اما ان تقدم لك وظلمك بعدها فوكلي امرك لله هو من يحاسب
مهما يكن اختي فباب التوبة مفتوح وكلنا نخطئ فلا تياسي من رحمة الله ادعيه يغفرلك ويثبتك على الصراط المستقيم
ربي ينور طريقك ويسدد خطاك

صرخة ألم

2013-10-10, 18:10

ســــــــــــــــلام
لم استطع فهم الموضوع لان الموضوع مكتوب في قسم مخصص للنساء
اذا تعرفت على الشخص قبل ان يتقدم لبيتكم فكلاكما مخطئان اما ان تقدم لك وظلمك بعدها فوكلي امرك لله هو من يحاسب
مهما يكن اختي فباب التوبة مفتوح وكلنا نخطئ فلا تياسي من رحمة الله ادعيه يغفرلك ويثبتك على الصراط المستقيم
ربي ينور طريقك ويسدد خطاك
شكرا اخي نقلت الموضوع لقسم المشاكل الاجتماعية لانو فعلا يهمني رايكم هكذا تفهموه مع اني انا صاحبة الى اليوم لم افهم ما الذي حدث
شكرا لك مرة اخرى

صرخة ألم

2013-10-10, 18:16

QUOTE=aroua;1054568372][/QUOTE]
أمين يا رب شكراليك اختي
[
أمين يا رب QUOTE=pgcd;1054570361][/QUOTE]

[/
QUOTE]
امين يا رب يفرج عليا و على الجميع
[QUOTE=soumias;1054571832]
شكرا لمرورك علابالي لي راكم حاسين بيا و ان شاء الله ربي يحفظكم كامل و يعطيكم على حساب قلوبكم

أمة الله 12

2013-10-10, 18:29

السلام عليكم

يا أختي ما استنتجته من رسالتك أنك حقرتي روحك بروحك,,,,,,,نعم كيما قتلك هكا

كيفاه تعطي الأهمية هاذي لكل لانسان و انتي علابالك اللي كلشي بالمكتوب, ممكن يكون ليك و ممكن لا,

ضركا هو راح تزوج الله يسهل عليه, انسيه و ديري ذكرياتك و مشاكلك معاه تحت رجلك, بزااااااااااااااااااااايد ما بكيتي و ما قاسيتي

لنفسك عليك حق, و ربي راح يحاسبك عليها,

تلفتي لحياتك, و يوم اللي تعطي لنفسك اهمية ثمة تعيشي la belle vie

عمرك ما تندمي على انك كنتي بنت فاميلا, علابالك حتى كون هدرتي مع السيد هذا و قيمتيه و وصلتيلو مشاعرك زعمة زعمة, كنت راح توصلي لنفس النتيجة اللي راكي فيها ضركا, ببساطة لانو كلشي بالمكتوب و كنتي راح تندمي و تبكي اكثر من ضركا,

ما تصدقيش كلامو انك انتي اللي سمحتي فيه, الراجل اللي يقدم للمرا ماشي العكس,

ربي معاك, و راني نستنى منك موضوع تقووليلنا اللي راكي bien khlass w en forme

soso sirin

2013-10-10, 23:01

السلام عليكم .ان شاء الله تكوني بخير .في هذا الدنيا ماتندمي حتى على واحد و ماتخمي حتا في واحد لانو مكانش الي يستاهل و الي يستاهل مايديرش واش دار هذا الشخص.باه تريحي اختي ديري حاجة في بالك لانو انتي مليحة بزاف و مربية تاع الصح ربي بعدو عليك لانو مايستاهلكش انتي تستاهلي واحد خيرمنو الف الف مرة.هذا شخص غريب الاطوار كنتي راح تنغبني معاه و ربي ريحك منو.حنونة نقلك حاجة راجل كيما هذا ماتبكي عليه مايغيضك الحال عليه لانو انسان ماشي مسؤول و كون صح بغاك والله مايخطب وخدخرا رجال واش تعبو و واش صرالهم و كي كانو بعينهم طفلة صبرو و دارو الي ماتندارش معنتها الي مايعياش في جالك قوليلو طريق السد و لانو انتي مربية بزاف قوليلو طريق السلامة.ماتزيديش تخممي فيه والله مايستاهل اذا ظلمك ربي وكيلو .و ديري حاجة في بالك تخسري مليار راجل و ماتخسريش تربيتك و واخلاقك غدوة كون يقدر ربي تتلاقاو في الطريق ماتهبطيش عينيك و هو الي يحشم منك لانو مادرتيش حاجة تحشمي بيها.ربي يرزقك براحة البال و برزقك براجل يصونك و يعرف قيمتك