المساعد الشخصي الرقمي

مشاهدة النسخة كاملة : المخبز

fatima zohraa
2013-10-07, 18:22
السلام عليكم.ممكن اخواتي تساعدوني في وصفة المخبز وشيهوا احسن وصفة للقلاصاج.اجيبوني جزاكن الله خيرا:sdf::sdf::sdf:
fatima zohraa
2013-10-08, 18:01
162 مشاهدة ولا رد ماشاء الله وشيهاد الكرم
أم محمد تاج
2013-10-08, 19:37
شوفي حبيبتي ماتقلقيش هاي ليك طريقتي
للمخبز: أربع كيلات لوز وكيلة سكر عادي فاني وزاست ثلاث قارصات ولمي وزوج مغارف كبار زبدة طرية ولمي بالبيض بحذر باش مايجيكش جاري لازم يكون حاكم روحو وساهل للتشكيل حطي الخليط يرتاح أقل شيء أربع ساعات ومبعد شكليه الشكل لي تحبي وذرذري الفرينة على السنيوة تاعك وحطي لمخبز يطيب على نار كيما تاع المسكوتة عشر دقائق فقط ونحيه خليه يبرد وديريلو لقلاصاج التالي راه معتمد وطري وخفيف وماييبسش على ضمانتي راهم جربوه لبنات هنا وانباهرو من النتيجة
فنجال حليب وفنجال ماء الزهر ونص فنجال عصير قارص مصفي نص فنجال زيت ونص فنجال زبدة فاني ومغرف اكستري تاع اللوز ومغرف اكستري تاع ماء الزهر وملون أبيض لازم باه كي تضيفي اللون لي تحبيه يخرجلك هو ومايخرجلكش باهت ومبعد أبداي تضيفي السكر قلاصي تاعك مغربل حتان تتحصلي على خليط عاقد وضيفي الملون تاعك اذا سائل واذا غبرة حلليها شوي في ماء الزهر وقلاصي حنونة وجربي بالحبة وشوفي اذا تغطات ولا مازالها السكر
وهاي ليك صور لمخبز تاعي وتشاراك بالطلية تاعي

http://im31.gulfup.com/TvNjq.jpg
fatima zohraa
2013-10-08, 20:13
بارك الله فيك وربي يعطيك ماتتمناي في هد الايام المباركة
élena
2013-10-08, 21:34
البارح جازت في قناة سميرة يضيفو المربى ملعقة او 2 لعجينة اللوز
الوردة المتفتحة
2013-10-08, 23:45
ختي اذا خدمتيه بالكوكاو يعطي نفس النتيجة جاوبيني ربي يحفظك
انا جربتو من قبل بالكوكاو بصح يجي ناشف من الداخل مش معسل
شكرا على الوصفة
أم محمد تاج
2013-10-09, 08:26
ختي اذا خدمتيه بالكوكاو يعطي نفس النتيجة جاوبيني ربي يحفظك
انا جربتو من قبل بالكوكاو بصح يجي ناشف من الداخل مش معسل
شكرا على الوصفة

حبيبتي أنا نحبو بالكاوكاو احسن من اللوز والنتيجة فووووور وبالاك طوليلو في الطياب حنونة جربي مايطولش وعلى نار هادئة ونشالله تنجحي وثاني ماترققوش الطبقة تاعكم ديروه خشين باه ماييبسش
العفو حنونة
omhanine
2013-10-17, 16:38
اختي ام محمد تاج ربي يخليك
رايحة نجرب الوصفة تاعك عندي عرس سلفي ورايحة نخدم مخبز مي بالكاوكاو كيفاه تديري باه يترحالك و ما يتعجنش ؟؟؟
و تحمصيه شوي او لا؟؟ جاوبيني ربي يحفظك
و عيدكم ميارك