الاسبوع الثالث لدورة الرقي بمدبرة منزل مثالية [الأرشيف] - منتديات الجلفة لكل الجزائريين و العرب

مشاهدة النسخة كاملة : الاسبوع الثالث لدورة الرقي بمدبرة منزل مثالية

ماريا205

2013-10-07, 14:11

يوم الاحد
السلام عليكم ورحمة الله تعالى
http://im39.gulfup.com/PZFvC.png
استيقضت قبل اذان الفجر تسحرت مع الاستغفار والتسبيح والصلاة على النبي كي اذن صليت والحمد لله التلاوة قريت صفحتين. الصلاة في وقتها.http://im34.gulfup.com/O5dK6.png
لميت البيت وغسلت ماعن لفطور اطلعت على البرنامج وقررت نوجد شخشوخة العيد عجنتها وخليتها ترتاح. نضت نقيت الدوش والتوالات الغداء كان باقيلي.غرفة الجلوس هي نفسها الهول حطيت قدامي 2 بسينات وحدة تاع الصابون ووحدة للتشلال واسفنجة وبديت بالبلافو ولي gورج مسحتهم وزدت لي ليستر حكيت الحيوط وشللتهم وزدت الطاقة والبلاكار وزدت 2 بيبان تاع لي شمبر اللي كاينين في الهول نظفتهم وبالماءهذاك فوتو على كامل الدار ونشفت كلش هذاك هو وقت الغداء تغدينا غسلت لماعن بعد الضهرصليت وقيلت شوي طيبت الشخشوخة كان باقيلي من الطارطة شربو بيها الحليب درت فطوري بعد العشاء فتت الشخشوخة وفي اكياس الى الكونجلاتور.
http://im34.gulfup.com/fDEVb.pngعادي فرش اسنان وماكياج خفيف وتعطير
http://im33.gulfup.com/Q4Llx.png
راني مع المراجعة اليومية لاولادي ومرة على مرة يشاركوني في ترتيب غرض او اعداد المائدة ............

ماريا205

2013-10-07, 14:11

يوم الاثنين
السلام عليكم ورحمة الله تعالى
http://im39.gulfup.com/PZFvC.png
بعد ما تسحرت اديت صلاتي حاضر مع الاستغفار والتسبيح والصلاة على النبي . باقي الصلوات في وقتها والحمد لله الحفظ بديت سورة العلق مع بنتي . قراءة سورة الاخلاص 10 مرات والفاتحة 10 قبل النوم الاستغفار طول النهار.
http://im34.gulfup.com/O5dK6.png
فرغت الببلوتاك من لماعن غسلتهم شللتهم ويقطرو ونظفتها من فوق ومن داخل نصبت الغداء ونشفت الدار على خفيف كانت نقية بعد الغداء غسلت لماعن صليت الضهر ورجعت لماعن لبلاصتهم
ريحت شوي كنت تعبانة بعد ما شربو الحليب وجدت فطوري بعد الغشاء ريحت عند الميكرو والى النوم
http://im34.gulfup.com/fDEVb.pngعادي فرش اسنان وماكياج خفيف وتعطير
http://im33.gulfup.com/Q4Llx.png
مراجعة الرياضيات والفرنسية وعملتلهم املاء لتحسين الخط
وراني نوضهم الصباح على 6 باش يحفضو.

ماريا205

2013-10-07, 14:12

الثلاثاء
السلام عليكم ورحمة الله تعالى
http://im39.gulfup.com/PZFvC.png
استيقضت على 4 و45 تسحرت مع الاستغفار والتسبيح والصلاة على النبي كي اذن صليت والحمد لله التلاوة في الحزب 12+الصلاة في وقتها+الدعاء طول اليوم.
http://im34.gulfup.com/O5dK6.png
لميت البيت وغسلت ماعن لفطور نقيت الدوش والتوالات كنت تعبانة شوي نظفت الدار على خفيف وبما نو ما عنديش البونكات في غرفة الجلوس فيها الطابي والمطارح غلافاتهم نظاف تهنيت. نصبت الغداء رتبت بلاكارات الكوزينة غسلت القش بعد الضهر خرجت درت دورة نشوف قش العيد رجعت ميتة بالعياء درت فطوري .
http://im34.gulfup.com/fDEVb.pngعادي فرش اسنان كحل للعينين
وتعطير
http://im33.gulfup.com/Q4Llx.png
المراجعة اليومية لاولادي لا اغفل مع ايقاضهم على6 صباحا للحفظ حيث يكون الذهن صافي ومرتاح

ماريا205

2013-10-07, 14:13

الاربعاء
السلام عليكم ورحمة الله تعالى
http://im39.gulfup.com/PZFvC.png
استيقضت قبل اذان الفجرتسحرت وقريت في المصحف حتى وصل وقت الصلاة صليت مع الاستغفار والتسبيح والصلاة على النبي +الدعاء طول اليوم رانا في ايام مباركة.
http://im34.gulfup.com/O5dK6.png
بعد الفطور غسلت ماعن لفطورلميت البيت نقيت الدوش والتوالات نصبت الغداء رحت لغرفتي مسحت البافو ومسحت الخزانة من فوق وعاودت رتبتها نظفت بيبانها ومسحت المرايا +لي تابل دو نوي +لا كوافوز+ طابلة المكرو +باب الغرفة سيقت كامل الدار ونشفتها لبست بنتي هذاك هو 9و15 طفيت على الغداء وخرجت شريتلهم القش بعد الغداء غسلت لماعن صليت الضهر والى القيلولة بعدها نقيت الغرس للمقروط وعملتلهم طمينة للحليب وجدت فطوري بعد الافطار غسلت لماعن وصليت العشاء فرزت القش الخزانة لميت اللي يترقع والباقي طبقتو بعدها جيت نكتب تطبيقي ما قدرتش رقدت بعد ما قريت سورة الملك والاخلاص 10مرات.
http://im34.gulfup.com/fDEVb.pngعادي فرش اسنان كحل للعينين
وتعطير
http://im33.gulfup.com/Q4Llx.png
المراجعة اليومية +درتلهم في الميكرو تعلم لالفابي واناشيد بالفرنسية.

ماريا205

2013-10-07, 14:14

الخميس
السلام عليكم ورحمة الله تعالى
http://im39.gulfup.com/PZFvC.png
استيقضت قبل اذان الفجر تسحرت مع الاستغفار والتسبيح والصلاة على النبي كي اذن صليت والحمد لله التلاوة في الحزب 16+الصلاة في وقتها+الدعاء طول اليوم.
http://im34.gulfup.com/O5dK6.png
لميت البيت ونقيت الدوش والتوالات غسلت الطاقة تاع غرفة النوم حكيت الحيطان وسيقتها وبدلت الديكور سيقت كامل الدار الغداء كان باقيلي .في المساء وجدت فطوري
http://im34.gulfup.com/fDEVb.png دوش عادي فرش اسنان كحل للعينين
وتعطير
http://im33.gulfup.com/Q4Llx.png
مراجعة خفيفة خليتهم يخرجو قدام الباب يلعبو ويريحو يعني فترة راحة

ماريا205

2013-10-07, 15:30

الجمعة
السلام عليكم ورحمة الله تعالى
http://im39.gulfup.com/PZFvC.png
الصلاة+الاستغفار +التسبيح +الصلاة على النبي +الدعاء طول اليوم.
http://im34.gulfup.com/O5dK6.png
لميت البيت ونقيت الدوش والتوالات نصبت الغداء طبقت القش وفرزت اللي يترقع بجهة واللي يتحدد حددتو لمعت زجاج نافذة الهول والنافذة الاولى تاع الصالة رحيت الغرس ونكهتو للمقروط وجدت العشاء بعدو غسلت لماعن وزدت نقيت لماعن تاع الماء بعدها بسست دقيق المقروط والى النوم
http://im34.gulfup.com/fDEVb.png دوش عادي فرش اسنان ماكياج خفيف وتعطير
http://im33.gulfup.com/Q4Llx.png
مراجعة مواد الحفظ صبيحة الجمعة وعودتهم يحسو بمسؤوليتهم تجاه غرفتهم يرتبوها ويحافظو عليها نظيفة

ماريا205

2013-10-07, 15:31

السبت
السلام عليكم ورحمة الله تعالى
http://im39.gulfup.com/PZFvC.png
استيقضت على 5 مع الاستغفار والتسبيح والصلاة على النبي كي اذن صليت +الدعاء طول اليوم.
http://im34.gulfup.com/O5dK6.png
بعد صلاة الصبح خدمت المقروطكملتو ناضو لولاد فطرتهم رتبو غرفتهم غسلت لماعن سيقت الدار وخرجت للسوق شريت سلات الخضر اللي تدخل للثلاجةكي رجعت تغدينا غسلت لماعن ريحت شوي نظفت الطاقة الثانية تاع الصالة ولبستلها الريدو نحيت غلافت مطارح الصوف الدخلاني باش يتغسلو وجدت العشاء خفيف
http://im34.gulfup.com/fDEVb.png دوش سخون مع صابون دزايرروعة
يخلي لا بو ناعمة +ترطيب+ماكياج
http://im33.gulfup.com/Q4Llx.png
مراجعةنص اللغة والفرنسية والرياضيات وقراءة اية الكرسي قبل النوم

omelhabib

2013-10-07, 22:35

ماريا205

2013-10-10, 15:34

السلام عليكم كيف حالك أخت ماريا اتمنى للجميع التوفيق في هذه الدورة حتى أنا بدا حماسي يزيد معكم المهم أجيبك على سؤال طرحتيه بالنسبة لصعوبة الحفظ لإبنتك إجعليها تكتب الدرس المراد حفظه3مرات أوأكثر يسهل عليها الحفظ هذه طريقة سهلة لحفظ القرآن أيضا يكتب الثمن أو الصفحة 10 مرات أو أكثر يحفظ ويثبت أكثروا التكبير وفعل الخيرات

وعليكم السلام اختي نحمد ربي وانت كيف حالك يالله شدي الهمة وانظمي لينا في الدورة
مشكورة على الافادة المشكلة في الدرس الطويل ما تحبش تعاود تكتبو

سمراء الدنيا

2013-10-10, 16:46

باسم الله ما شاء الله و لا قوة الا بالله ........واش هاذ النشاط يا ماريا ربي يبارك و يزيد هاذيك براكة الصيام ربي يقويك و يثبت حسناتك
+4 للجانب التنظيفي
+4 للجانب التربوي
+4 للجانب الجمالي
و الجانب الديني قد ما نعطيك نقط ما يفوكش حقك ) و الاجرالاكبر عند الله )
+4 للجانب الديني .....+5 للحفظ .....+5 للصيام .........+1 للدعاء في الايام المباركة

نايليةوافتخر

2013-10-11, 08:30

بارك الله فيك وربي اجرك ويثبتك

ماريا205

2013-10-13, 08:12

تم وضع تطبيق يومي الجمعة والسبت

ام عبد الرزاق

2013-10-13, 10:37

بارك الله فيك والله ناشطة ومنضمة الله يعاونك ويعطيك اصحيحتك

ماريا205

2013-10-13, 14:29

بارك الله فيك والله ناشطة ومنضمة الله يعاونك ويعطيك اصحيحتك

الله يسلمك اختي شكرا على التشجيع

fani09

2013-10-19, 05:44

21 نقطة الله يبارك فيك

fatma1977

2013-10-20, 11:48

يعطيك العافيية عل هذا النشاط +5 لكل جانب
+5 على صيام الايام المباركة
+2 على الاهتمام بتحفيظ الاولاد القرآن