تسجيل الدخول

مشاهدة النسخة كاملة : ENGEM etANEM

samir.sami
2013-10-07, 10:33
هل عندما تستفيد من قرض مصغر تستطيع أن تعمل كعقد ما قبل التشغيل في أي مؤسسة سواء تابعة للدولة أو خاصة، علما أنك تحصلت على القرض أولا ، أو العكس .؟

كذلك بالنسبة للمسابقات التوظيفية إذا كنت متحصل على قرض مصغر هل تستطيع العمل على أساس المسابقة ؟

هل هناك حلول حتى لا تخسر كلتا الصيغتين ، الزوالي همه الوحيد يريد العمل.

أنتظر الاجابة يا أيها المحللين الماهرين وألف شكر.
aminerag
2013-10-07, 11:54
والله يااخي حتى انا راني كيفك نخدم لانام وراني حاب ندير طاكسي وراني حائر
samir.sami
2013-10-07, 12:52
كيفاش يا أمين تسكن في فرنسا تخدم في لانام الجيريا وحبيت ادير طاكسي.
عدل بياناتك وأسكن في بلاد طوم وجيري(ألجيري).

أنت ما تقدرش لأنك بديت تخدم في لانام
سؤالي هو ماذا لو تفوت تأخذ قرض مصغر وامباعد تخدم في لانام هذه الصيغة اللر راني نحوس عليها.
أو نفوت ندير قرض مصغر ونربح في الكونكور.
لماذا؟ لأن مؤسسات تشغيل الشباب تطلب في ملفاتها ما تكونش مأمن.
أظن بدات توصلك الفكرة.
aminerag
2013-10-07, 15:56
كيفاش يا أمين تسكن في فرنسا تخدم في لانام الجيريا وحبيت ادير طاكسي.
عدل بياناتك وأسكن في بلاد طوم وجيري(ألجيري).

أنت ما تقدرش لأنك بديت تخدم في لانام
سؤالي هو ماذا لو تفوت تأخذ قرض مصغر وامباعد تخدم في لانام هذه الصيغة اللر راني نحوس عليها.
أو نفوت ندير قرض مصغر ونربح في الكونكور.
لماذا؟ لأن مؤسسات تشغيل الشباب تطلب في ملفاتها ما تكونش مأمن.
أظن بدات توصلك الفكرة.

انا عارف بلي لازم ماتكونش مؤمن لكن هناك طريقة :1:يااخي وراني خايف نديرها
بن الشارف
2013-10-07, 16:26
انا نعرف واحد مستفيد من الوكالة الوطني لدعم تشغيل الشباب وراه خدام عند الدولة عادي يعني لبد انك تستفيد من engem و بعد تستفيد من العمل لان وكالات الدعم تطلب عدم الانتساب كل من الصندوق الوطني لعمال الاجراء وصندوق غير الاجراء والله اعلم
samir.sami
2013-10-07, 16:58
يا خاوتي أنا حبيت نبين بعض الأفكار للناس اللي يستهلو وبالطبع في منتديات الزوالية فقط، وليكن في علمكم أنا راني في فترة البطالة ، وأكافح في إرهاب الإدارات بإيرداتي وعزيمتي ،لذا أقول لكم انتظروا مواضيعي في كل مما يعانيه المواطن البسيط من معاناة الإدارات وغيرها من المحن الإجتماعية.في مختلف أقسام المنتدى سواءا من ربورتاج أو نقاش وتبادل الأراء.

لمحة من مشاكلي الإدارية

لانام : في 2011 جيب موافقة من مؤسسة لما أعطيهم الموافقة في نفس اليوم أنتهت صلاحية خدمة العقود اي مكاش الكونترات الخاصة بمؤسسات الدولة.
في 2012 : كونترا عند بريفي وندير تحويل قالو لا تستطيع.
نفس السنة لونجام دير دوسي ويطبعك اكري حانوت ودير ريجيستر كوميرس فترة كراء المحل تنتهي والدراهم يروحو خسارة.وأموال الدعم ما شفنا والو.وبالطبع أنت مصنف عندهم في فئة العاملين.تعرفوا ذلك كي تسمعوا في الأخبار عن نسبة انخفاض البطالة.
في 2013 مع الكونكور لازم الخبرة المهنية والمعريفة وشفتوا الي صرا فيا ، قولوا لي اذا في راسهم حاشاكم بيدون زبل، الخبرة المهنة منين نجيبهالو.

الشكوى لله رب العالمين والزوالي مسكين دائما يخلص ،واش راني رابح من هذه الدولة .
أنا لا تنطفئ شمعة أملي ولكن يوما ما ستحرقون بنيرانها ياالمسؤولين الجيعانين .
وكما يقال لا تحقر شخصا أقل منك مرتبه فلعل عند الله أعلى منك درجات.
بن الشارف
2013-10-07, 17:05
كان الله في عونك