راني نعاني من الاسهال

[imi25]

السلام عليكم
راني في حيرة من أمر بنتي عمرها 17 شهر كان عندها اسهال حاد ودخلت للمستشفى مدة 3 ايام و الحمد لله رتاحت وقالولى السبب هو ظهور ضرس
وبعد 18 يوم من خروجها من المستشفى رجعلها الاسهال بصح المرة هادي مختلف معندهاش السخانة وتتبرز 6 مرات في اليوم وايام 4 مرات وشكلو ماشي سائل مثل الماء وكل ما تأكل ماكلة تتبرز اليوم عندها 11 يوم وهي على هاته الحالة ديتها عند الطبيبة قالتلي نفس السبب طلعت 4 اسنان و 3 اضراس مع بعض
راني منرقدش نهار مع ليل محيرة فوق متتصورو عليها
اي ام مرت بنفس الحالة طمني
وجزاكم الله كل خير

[diyaa2013dz]

اعطيها الاملاح فهي تساعد على المحافظة على الماء في جسم الطفل
نقصيلها مشتقات الحليب و اعطيها ايضا ماء الارز فهو يساعد على تخفيف الاسهال

[ندى خليل]

ما تقلقيش أختي الحالة عادية انا ابني عمره 18 شهر مثل بنتك حكمو الإسهال ايامات و مبعد يرجع نورمال بعد ما ينبت ضرس و هكذا ضرك راو ينبت في النيبان و راو مع الإسهال و السخانة . اعطيلها سميكتا و الأملاح و الروز و البنان راو مليح للإسهال و ديريلها تيزانة نتاع قشور الرمان راي مليحة بالزاف للإسهال . و ربي يشافي اولادنا الكل

[حسناء R]

متقلقيش روحك و ديري كيما قالولك الاخوات سميكتا و الاملاح و ماء الروز راهم ملاح و ان شاء الله متطولش و تنبت الاسنان و تشفى

[lyna2007]

فقط لازم تعلمي ان سميكتا استعملي قرصة صغيرة فقط لان ابنك صغير جدا

[همس الجفون 93]

اطحني شقور الرمان وجعيدة عند العشاب وكمون ابيض وشمخيهم في كاس ماء ومن بعد شربيهم لها بملعقة قطريلها وبالشفاء ان شاء الله مجربة

[أم ياسين الزهراء]

الحمد لله اختي عادي ماتخافيش بصح ننصحك كثرليلها البنان والروز والماكلى الكل اللي تيبس الكرش واعطيلها الماء بزاف ونزيدلك اعطيلها كانات كوكا راهي مليحة وتيبس الكرش

[& هبة الرحمن &]

أعطيها الروز +الموز أخضر مشي طايب مع الإكثارمن شرب الماء ماتتقلقيش الإسهال الذي سببه خروج الأسنان عادي جدا أنا أيضا بنتي عانت منه حتى أني دخلتها للمستشفى

[نهال13]

أنا مريت بنفس تجربة مع ابني ونصحوني بالنشاء 2ملاعق في الحليب تاعو وجربتها والحمد الله

[فتـ حييةـاة]

بالشفاء عليها غلي الارز وشربيها الماء تاعو