هذا ما حدث مع صديقي بسبب مشكل المهر ..........سبب العنوسة

[z.abdo]

السلام عليكم ورحمة الله

كان صديقي بلا عمل وإجتزنا مسابقات التوظيف في كثير من ولايات الوطن بعدها هو نجح في مسابقة ولله الحمد فبدأ بتكوين نفسه للزواج بعد ان اصبح لديه مدخول كغرفة خاصة في مسكنه وغيريها ما يحضرو الشباب بعدها طلب من والديه إختيار له البنت وتم ذالك بعد جهد جهيد و السؤال عن البنت وأهلها بعد تم التوافق بين العائليتن خطب البنت وحددو المهر ب 12 مليون ............... علما أن صديقي هذا لم يرى البنت لحد اليوم كذالك لايكلمها ولا تكلمه يعني ليس بينهم اي شيء كانت الخطوية تقليدية
بعدها دار وليمة عشاء لأصدقائه حتى يعلمهم بعرسه .........وكذالك تم إبلاغ أقاربه لأنهم حددو يوم كي يقدمو المهر وأخبرني ان أقربه من عماته وخالاته تم تحضير الحلويات وغيرها .......صدمني اليوم لسماع خبر أن كل شيء إنتهى بين العائليتن .....فسألته عن السبب فقال لي طلب منا والد البنت ان نزيد المهر وقال لنا اننا (حقرناه) واخبرني انه اشترى لخطيبته خاتم ب2.5 مليون كذالك زاد طلب والد البنت طلب منهم ان يشترو ملابس وأشياء هكذا تسمى عندنا (فاليزا) يعني تشرط كثيرا
فهذا كان سبب انه يلغي الخطبة علما ان عائلة البنت ناس بسطاء جدا وليسو من عائلة غنية ...وصديقي تأثر شوية من الموقف رغم انه لايعرف البنت لكنه قالي لي لقد بنيت احلامي معها رغم اني لااعرفها ........فقلت له لا تدري من صاحبة هذا الخاتم ومن راح يكون مكتوبها .......ولا ندري شعور البنت كذالك بعد تصرف والدها او ممكن حتى امها لأن من المفروض يسهلو ويعجلو الزواج ومش بهذه الطريقة الناس تزوج بناتهم

ونصيحة لكل واحد مسؤول عن بنت في سن الزواج يسر ولا تعسر


والسلام عليكم ورحمة الله

[مباركة 1961]

سلام...
قرات الكثير هنا فى المنتدى او فى غيره من وسائل الاتصال عن شكوى الشباب من هذه المشكلة....فعلا ربى يكون فى عون كل شبابنا.....
يجب ان تكون هناك ثورة يقودها اعيان وحكماء المجتمع للتقليل من هذه العراقيل ...والاتفاق على مبلغ معين كمهر لجميع الفتيات
على ان تقطع السنة النسوة اللواتى يكثرن من انتقاد الفتيات عن مااحضرنه معهن من جهاز وتصديرة وكلام فارغ....لم يستفد من الموضوع غير التجار الذين اشعلوا النار فى بضائعهم .....

[سهام1]

لا حولا و لا قوة الا بالله عوضه الله خير يا اخي كاين ناس تبغي لبنانهم سترا و كاين ناس تبالغ في المادة و ترضی بالعنوسة

[ايمان نور الجزائر]

الناس ما ولات تشوف والو غيييييييييير المادة
متناسيين انو راحة البال والهناء فوق كل شيء
قل لصديقك لا يحزن.....وليتوكل على الله ويقصد بابا اخر....فهناك من لا يتشرط

[حنين العمر01]

مش كاتبتلوا هكذا و لا اكثر ربي ادرى منا
و قضية المهر هذي و الله عيب كبير وقتاه الناس تفوق لرواحها احنا في العائلة عندنا عيب انو يقابل اهل العريس و يقوللهم جيبوا جيبوا و الحقرة تظهر في حوايج اخرى المعاملو وووووووووووووو و زيد السيد ماعندوش مال قارون و باخلها
ربي يهدي ما خلق
ربي يعوضوا

[ريم الوداع]

تقول تحكي على صاحبتي خوياااا ولله نفس قصه مسكين جاء خطبه واحد ونهار الي تقدم ودفع مهر نفس المهر 12 وخاتم بسيط جاء باباه وهي وامه يعني لفامي تاعه كلموه قالول ارفع المهر ولازمه تشرف بنتنا وهدا لحوايج منقبلوهاااااااااش المهم بطلت مسكين حضر كلش السيد من باعده عاطواه نشعه وهي تضحك وعاجبه حال مش متربيه طعنة في سيد على جال دراهم مع انه هي زواليه ربي يهدينااااااااااااااااااااا هدا فئه لازمته تنقرض من الكورة ارضيه
خويااااااااا هدا صاحبببببببببببك راه ربي شايف فيه الخيررررر بلبزاف لانه بعده على ناسسسسسسسس مادييين

ربي يفتحله في بلاصه خلاففففففففففف

[الحنان المفقود]

يا خويا كاين حوايج لازمين
كيما الجهاز يعني الفاليزا
هاذي صعيبة ثاني ؟:confused:

[الوليـــــد]

خيرها في غيرها .......... سوق النساء.ياخي حالة.

[liyna_24]

يا خويا كاين حوايج لازمين
كيما الجهاز يعني الفاليزاهاذي صعيبة ثاني ؟:confused:
نعم أختي الفاليزا لازم و محتمة بصح تتشرط النهار لأول
ماشي كيما هادو ربي يهديهم يسهلو فالاول حتان يضمنو لعريس و مبعد يبداو يتشرطو هو لو كان عندو يجيبهالها بلا ما تطلبها و باينين ناس على قد حالهم لي قبلو يهادوك الشروط في الاول مي علاه يشرطو حاجة اكبر منهم و منو عيب كيما قال الأخ هادا هو سبب العنوسة الأول
و لي تحب تشرط تشرط النهار الأول و هو لكان يقدر يقبل لا ما يقدرش ما يقبلش و في لامان ما يديروش كيما صرا للاخ هدا حتان يعرض الناس و يوجد كلش يظهرلهم يفيقو تجي غير في بنتهم هو راجل غدوا يعوضو ربي بوحدة اخرى على قدو و هدا أولا و اخيرا مكتوب ربي يسهلو و يطيحو في بنت لحلال عاجلا غير اجلا

[كمال أبو حنين]

ربي يرزقه ببنت الحلال
اخي الفاضل هناك نفاق كبير في المجتمع ولكن الناس تخجل من الكلام على هاه القضية
تجد امراة او رجل لهما ابناء لما يخطبوا لابنهم يحاولوا ان يعطوا المهر ويقولوا " يجب ان يتم تسهيل المهر والبركة في القليل اقلهن مهورا اكثرهن بركة يجب ان الناس تتعاون يكفي من المزايدة في المهور لماذا التبذير المهم كلام طيب ومعقول"
ولكن نفس العائلة لما يأتيهم خاطب سيقولون للبنت قوليه " ان يعطيك مثل النساء اذا اعطاك مبلغ بسيط سيحترقك والناس تضحك عليك فلانه اعطوا لها 20 وفلانة 25 وفلانة كذا قوليله يعطيك 20 وقوليله كذا دبر راسه العرس ماهوش باطل اروح يسلف بنات الناس ماهيش لعبة وووو كلام مخالف ومعاكس لزواج ابنهم؟
انا شاهدت هذا بأم عيني من عائلات كثيرة تمترس النفاق الاجتماعي وهذا مرده لعدة اسباب اهمها
تكاليف الزواج اصبحت باهضة فعائلة الزوجة تريد ان تستفيد من اكثر مال لكي تتجنب كثرة المصاريف والديون و عائلة الزوج تريد ان تتقشف الى ابعد الحدود وكانه هناك سجال بين الطرفين.
اي زواج يكون بتكاليف باهضة تذهب بركته
اعتذر عن استعمال اللغة العامية

[you92cef]

تجارة مربحة فعلا!

[أسومة المتفائلة]

الناس عادت همها الاول المادة
كثرت العنوسة في وسط الشباب
ربي يرزق كل واحد الزوجة الصالحة

[هدى الجيجلية]

السلام عليكم
اخي
عبدو
الصراحة
إنصدمت
من هؤلاء الناس
من المفروض
تكون شروط عادية
لكي يبارك الله
هذا الزواج
ومن ناحية البنت
لو تكلمت مع والدها
بنسبة لهذه
الشروط
يعني كان جات
في صف العريس
إن شاء الله ربي
يعوضه الله
خيرا
بزوجة صالحة
تكون معه في السراء والضراء
يارب

[نجود اكرام]

هذه الظاهرة للأسف الشديد نجدها كثيرا في مجتمعنا حيث نجد الآباء وكأنهم يبيعون بناتهم وينسون قول الرسول صلى الله عليه وسلم "أقلهن مهرا أكثرهن بركة" ربما لم تكن هذه الفتاة من نصيبه، ربي يرزقوا بزوجة صالحة انشاء الله

[sabounimanal0]

هدا المشكل تاني راجع لكون الشاب لم يتكلم مع خطيبته اطلاقا كان من المفروض هو وهي يتكلمو على هاد الحوايج بيناتهم ويتفاهمو عليهم بلا ما يدخلو العايلتين وهي رايحة تقدر ظروفو ورايحة تغطي عليه لوكان مايقدرش يجيبلها
المهم قالك ماتدي غير اللي كاتبلك
ربي يجبلو الي فيه الخير انشالله

[عمري ضايع]

يسروا ولا تعسروا...والبنت اللي مهرها مشرالهاش بعض الاشياء تتزوج وتشريهم عادي المشكل فالهنا اذا مكانش وش يهنيك..ومنين تشريه...

[سعاذ]

السلام عليكم
صراحة كي نقرى مواضيع كيما هذي نستغرب
كيفاش ناس راهي تخمم واش يدير مليون ولا زوج ولا حتى عشرة
قدام انو الوالد يضمن انو بنتو تتستر مع راجل يعرف قيمتها و يهنيها
واش فيدت دراهم قدام هناء و رجل طيب
ربي يرزقو بالزوجة الصالحة و يصبر البنت و يرزقها بالزوج الصالح
اذا كان كل هذا كان بدون علم البنت او بسيف عليها
ربي يهدينا و يثبت علينا العقل و الدين
دمتم في رعاية الله و حفظه

[اِشراقـة أمل]

السّلام عليكم
سبحان الله وكأنّ الفاليزا كما قلت ستغنيها
هناك الكثير يتشّرط لكنّ من المفروض الأهل أيضا يتفهموا لأنّهم سيمّروا بنفس المرحلة
وهنا المشكل ليس الفاليزا لأنّهم لو اشترطوها من 1 كان عادي
لكنّ موقف الأب كان مشينا
المهم أنا هنا استحضرتني قصّة لأحداهنّ حيث أنّ زوجها دفع ما طلب منه في الشّرط
والآن هي تدفع ما ترتّب عليه من ديون وتقول سأساعده اليوم وغدا
الله يهدي الجميع ويهنّي الجميع

[biti]

الخطا ليس خطا العائلة فقط بل كلنا مشتركون يعني كون نقصو سذشوية من ذاك اللسان نساءا و رجالا مشي خير
يعني غي نسمعو بزواج نقولو شعال دفعو اوه هدا مكان كبش العيد يسوا عليها وقس على دلك الله يهدينا برك

[chromato]

أما صاحبك و من هو في نفس حالتهفقل له:
و عسى أن تكرهوا شيئا و هو خير لكم و عسى أن تحبوا شيئا و هو شر لكم و الله يعلم و أنتم لا تعلمون

و أما لمن يغالون في المهور فليعلموا أن النبي صلى الله عليه وسلم قال:
إن من بركة المرأة يسر مهرها
و قال :
أعظم النساء بركة أيسرهن مؤنة

و قد زوج النبي صلى الله عليه وسلم بنته فاطمة و هي من سيدة نساء العالمين
و كان مهر أم طلحة الإسلام
و قصة سعيد بن المسيب

و غيرها

[حمدا لله كثير]

ربي ماكتبلهمش ان شاء الله يرزقهم في 2 بالزوج الضالح و الزوجة الصالحة


و عموما كاين الي يتغاداو عن هته الامور " الفاليزة يعني تكبيرة العروس هدا ادا كانو يحكوا ""


و مع احترامي للبنت المسكينة و لاكنهم هم المخطئين

لاني ابدا و في كامل الزواجات الي حدرتهم لم اسمع انو ابوا العروس يقول جيبوا و زيدو وووو لا

ربي يفتح عليهم

[" أبو عبود"]

هذا حدث سنة 2013. في سنة 86 خطب احد اصدقائي ابنة عمه. وتم كل شيء. ويم الزفاف ذهبوا لاحذار العروس فاقل والدها انها رفضت الزواج رغم انه تم العقد. فقال له عمه الاخر لا تياس يا بني. وقال لزوجته جهزي ابنتك وكانت ابنته هي من يلبس العروس جهزوها وجاء الامام وقرا الفاتحة وزفت الى ابن عمها مكان ابنة عمها. وهي معه وقد فتح الله عليه بالاولاد والبنات وهو رجل فاضل وفتح الله عليه ابواب الرزق فاصبح مقاولا. اما ابنة عمه فقد تزوجت من هو اقل منه شأنا ودينا وشكلا. قل لصديقك لا تياس يبدو ان والديك راضيين عليك لانها جات منهم. احمد الله ودير معروف وتذكر قول المثل الشعبي" هذا وهو بلح اهدى اذا طاب وادلح" امل انك فهمت الفكرة.

[الملتزمة بالدين]

السلام عليكم
ربي يصلح الحال
عندي ختي نهار لي تخطبت عيط بابا لخوي باه يتفاهمو على المهر قالو 10 فيها كلش وختي أنا نعاونها وما يخصها والو ان شاء الله وفعلا تفاهمو على هدا الشي ولما جاو أهلو يفتحو جابولها كل خير حت الدهب لي ماشرطناهش واليوم راها الحمد لله عندها اولاد الله يبارك
معناها اللي عندو ما يحافيش ولي معندوش معليه والو الكل فاني.

[libanarim]

لعل وعسى فيها خير
ناس طالبا الهنا وناس الله يهديهم
يبيعوا في بناتهم تقول كباش عيد

[أمة الله 12]

السلام عليكم

من الاول الحكاية ميشي قد قد, كيفاش يتفاهمو ع كلشي و هو ماشافها ما شافاتو, من حفهم الرؤية الشرعية

بالنسبة لمشكلة طلب الزيادة في المهر, ما لقيت مانقول,

ربي يهدي ما خلق

[المنديل الابيض]

العجيب انهم ناس بسطاء...سبحان الله البسطاء اكثر جشع من الاغنياء و هذي ظاهرة لاحظتها في مجتمعنا

طبعا ليس الكل ..لكني سمعت و شفت كثير من هذي الحالات ...


صحيح القناعة كنز لا يفنى

ربي يخلف عليه بواحدة خير منها ... حبو ربي ما داهاش .

[محمد...عبد النور]

السلام عليكم و رحمة الله و بركاته
كيف حالك اخي العزيز عبدو
و لما الحزن .....فما نراه في الواقع من كثرة ما تتلقاه اذاننا و تراه اعيننا صرنا لا نعطي لذلك بالا و لا نهول من امره .....فالشخص يجب ان يقصد ناس اهل حكمة و يتقدم اليهم فان قبلوا بما يريد فالله يبارك و الا فكل يذهب الى طريق .....فقط امر واحد سمعته ان شخصا زوج بنته ب 4 ملايين و هو انسان عادي و الجهاز فيه كذا من بطانية و لحافات من صوف و كسوة بسيطة و الزوجة زفت الى بيت زوجها و انتهى العرس و الكل سعيد و مرح و الزواج في قلب العاصمة ........في حين فيث بقية الاماكن ربما 20 مليون و البطانيات 10 و اللحافات 15 و المفارش المغربية --sallon marocain -- و غيرها من الالبسة و كل مودة جديدة و بعدها لا ندري ...........لسنا ضد ان تجهز الفتاة نفسها بما يلزمها و اعلم جيدا ان الغلاء هاته الايام فاحش و خاصة في الالبسة النسائية فالفستان العادي يقارب 3000 دج لذا فالاحوط و الامثل للزوجين و اهلهما التيسير و عدم الالتفات للجزئيات فقد تسبب الفرقة بعد التآلف و ان زاد مليون او 2 او نقص ليس كتفكك اسرتين او تضييع الشباب ذكورا و ايناثا

فقط اقول لك اخي عبدو ربي يوفق صديقك للظفر ببنت الحلال و فقط مكتوبه مازال
بارك الله فيك و اقر عينيك بما تحب
ســــــــــــــــــــــــــلام

[z.abdo]

السلام عليكم روحمة الله

اشكركم جيمعا واحدا واحدا بالإسم وكل ومن انار الموضوع برده حتى ولو إختلف معنا في الرأي واعذروني على غير العادة لم ارد على كل مشاركة على حدى لكن سررت بمروكم وجميعا وقرأت رد ودكم جميعا حتى الذي اختلف مع في الرأي
وفي الاخير ادعو الله لي و لكم جميعا ان يكون هذا العيد عيد مليء بالخيرات والبركات ويكون خيرا على المسلمين

والسلام عليكم ورحمة الله

[الواثق]

كما اقول داااائما .................يندبو على ريسانهم
هاذو العقليات استعمرو المجتمع واصبح التعسير من سمات الاغلبية
وهاذو العباد لو يخطبو لبنهم لارادو التيسير ولكن لابنتهم احرق الطابلة وخلاص
وكاين ناس حابين يترفهو من بناتهم بهاذي الطريقة ويقلك وانا واش ندي من بنتي غير دراهم العرس ؟؟؟
ارواح اذا كانت خدامة يولي يهدر معاك شغل انا احد عبيد الاهرمات دون يزوجوني لملكة مصر ؟؟؟؟؟؟

والله تحيا العزوبية ان كانت اشكال مثل هاذي

وعلى الرجل ان يضرب بقوة اول شيء يتشرط في كل شيء ويتقلش حتى يقيمو له وزنا وكي يولي عندو الدراهم ومايمدش اذا حب يمد يقلهم ندي مرتي للعمرة بعد الزواج ونشوفو وجوهم واش تقول

بصح ياخويا عبد الحي لست محيطا بالقصة لكن صاحبك خرج شهم ودار المليح والنساء راهم كثر وخير واختار وادي للدار

والله المستعان

[سهيلة2013]

واه كاين اللي تقول لوكان يجي طلاب نقبل بصح كي يجيها الخطاب يبدوا يتقلشوا ويتشرطوا
كيما قلت 12 مليون راهم داخلين فيها دراهم الفاليزا
نوغمالمو 6 او 7 ملايين بالضافة الى الذهب و الفاليزا داخلين فيها الالبسة
نزيدك التالية كاين وحدة نخطبت شرطت شهرية للوالدها والله غي تحير
الله يستر ربي فيه الخير

[mohaa47]

هذا الاب الله يهديه يريد بيع بنته ................انصحك يا اخانا بالإبتعاد من هذه العائلة ..............أقلهن مهرا أكثرهن بركة.............الله يصبرك

[abdel02]

هي خطة ينهجها الكثير من الأولياء باش "يريشو"
شباب اليوم...يتفاهمو على "سعر"
ثم مع مضي الوقت يبداو يبانو أشياء لم يتم الإتفاق عليهم سابقا
لذلك اللي يتفاهمو في الشتا ما يختالفوش في الصيف.

[sali-sali]

السلام عليكم
راني نشوف الاغلبية كون يلقاو اما مايدفعوش المهر و لا المرا هي لي تخلصله المهر

يا اخي صح مالازمش نصعبوها مي هدي هيا مهر و معاها ملابس خاتم .... بزاف امور

مش حق عليه هدا صاحبك

[z.abdo]

كما اقول داااائما .................يندبو على ريسانهم
هاذو العقليات استعمرو المجتمع واصبح التعسير من سمات الاغلبية
وهاذو العباد لو يخطبو لبنهم لارادو التيسير ولكن لابنتهم احرق الطابلة وخلاص
وكاين ناس حابين يترفهو من بناتهم بهاذي الطريقة ويقلك وانا واش ندي من بنتي غير دراهم العرس ؟؟؟
ارواح اذا كانت خدامة يولي يهدر معاك شغل انا احد عبيد الاهرمات دون يزوجوني لملكة مصر ؟؟؟؟؟؟

والله تحيا العزوبية ان كانت اشكال مثل هاذي

وعلى الرجل ان يضرب بقوة اول شيء يتشرط في كل شيء ويتقلش حتى يقيمو له وزنا وكي يولي عندو الدراهم ومايمدش اذا حب يمد يقلهم ندي مرتي للعمرة بعد الزواج ونشوفو وجوهم واش تقول

بصح ياخويا عبد الحي لست محيطا بالقصة لكن صاحبك خرج شهم ودار المليح والنساء راهم كثر وخير واختار وادي للدار

والله المستعان

واه كاين اللي تقول لوكان يجي طلاب نقبل بصح كي يجيها الخطاب يبدوا يتقلشوا ويتشرطوا
كيما قلت 12 مليون راهم داخلين فيها دراهم الفاليزا
نوغمالمو 6 او 7 ملايين بالضافة الى الذهب و الفاليزا داخلين فيها الالبسة
نزيدك التالية كاين وحدة نخطبت شرطت شهرية للوالدها والله غي تحير
الله يستر ربي فيه الخير

هذا الاب الله يهديه يريد بيع بنته ................انصحك يا اخانا بالإبتعاد من هذه العائلة ..............أقلهن مهرا أكثرهن بركة.............الله يصبرك

وعليكم السلام ورحمة الله وبركاته
أبدله الله خيرا منها
نحن نعيش الفساد الكبير نتيجة مخالفة أمر نبينا صلى الله عليه وسلم في حديثه إن جاءكم من ترضون دينه وخلقه .. الحديث .


هي خطة ينهجها الكثير من الأولياء باش "يريشو"
شباب اليوم...يتفاهمو على "سعر"
ثم مع مضي الوقت يبداو يبانو أشياء لم يتم الإتفاق عليهم سابقا
لذلك اللي يتفاهمو في الشتا ما يختالفوش في الصيف.

بارك الله فيكم جيمعا وعيدكم مبارك وجواكم الله كل خير لمرورك الكريم في هذا اليوم الكريم

[z.abdo]

السلام عليكم
راني نشوف الاغلبية كون يلقاو اما مايدفعوش المهر و لا المرا هي لي تخلصله المهر

يا اخي صح مالازمش نصعبوها مي هدي هيا مهر و معاها ملابس خاتم .... بزاف امور

مش حق عليه هدا صاحبك

وعليكم السلام

هي تخلصلو المهر ؟؟؟؟؟؟ انا نقلك في هذا الزمان حتى تلقى راجل قبل يستاهل وتخلصو


بارك الله فيك لمرورك الكريم

[SKYALGERIA]

يقول الرسول صلى الله عليه وسلم "أقلهن مهرا أكثرهن بركة"

[soha1987]

شباب اليوم حبو الزواج باطل مي كاين حوايج ياسر لازم يديرها وتسمى ضرورية كيما الفاليزة لازم يديروهالها ياخي هيا راح تولي شريكة حياتو ماشي خسارة فيها وصاحبك هدا زعما حكماتو التاغنانت وبطل على حاجة تافهة
نقولك الصح انا امراة والله غاضوني حوايج ياسر مادروهمليش بصح خوتاتي دارهملهم مي انا لالا تبالي حقروني يعني كون ماشي وليد خالتي راني بطلت لانو المراة تحس ماشي مقيمينيها هو ودارهم نتوما الرجال ماركمش راح تفهمو تبالكم راح يخليوكم مي لي راح تضحيه المرا ما يتقرنش بشوي دراهم
ربي يصلح احوال صديقك

[خـــ القرآن ـــادمة]

ضاع الكلم وسط الالـــم ،،
"
"
مؤلمة حقااا عندما تصبح الفتاة سلعة يتساوم فيها الرجال ،، ((الاب والعريس))
"
"
الله يعين وخلاص ،،

[البيت السلفي]

شباب اليوم حبو الزواج باطل مي كاين حوايج ياسر لازم يديرها وتسمى ضرورية كيما الفاليزة لازم يديروهالها ياخي هيا راح تولي شريكة حياتو ماشي خسارة فيها وصاحبك هدا زعما حكماتو التاغنانت وبطل على حاجة تافهة
نقولك الصح انا امراة والله غاضوني حوايج ياسر مادروهمليش بصح خوتاتي دارهملهم مي انا لالا تبالي حقروني يعني كون ماشي وليد خالتي راني بطلت لانو المراة تحس ماشي مقيمينيها هو ودارهم نتوما الرجال ماركمش راح تفهمو تبالكم راح يخليوكم مي لي راح تضحيه المرا ما يتقرنش بشوي دراهم
ربي يصلح احوال صديقك
الفاليزا ولات لازم !!!
وبماذا ستضحي المرأة إن ضحت بزوج حوايج وشوية دراهم في مقابل بركةٍ في زواجها ؟؟؟
حقا نسأل الله أن يصلح الأحوال والله المستعان

[سوسو الطموحة]

نستعرف بيه كي بطل .....علاه هذا كامل ....كون ماجاهش المكتوب كون راهي تدعي لربي هي والديها بولد لحلال ....لكن هي الخاسرة جاتها النعمة لفمها و عبرة عليها.....ربي يجيبلك ما احسن منها
عسى ان تحبو شيئا وهو شر لكم...ماشي هي مكتوبك

[جمعي البشاري]

يقول الرسول صلى الله عليه وسلم "أقلهن مهرا أكثرهن بركة"

[messi007]

[quote=soha1987;1054627004]شباب اليوم حبو الزواج باطل مي كاين حوايج ياسر لازم يديرها

وتسمى ضرورية كيما الفاليزة لازم يديروهالها !!!!!
تبالي حقروني !!!!!
راني بطلت لانو المراة تحس ماشي مقيمينيها !!!!!
لي راح تضحيه المرا ما يتقرنش بشوي دراهم ربي يصلح احوال صديقك !!!!!!


لا حول ولا قوة الا بالله و يقولوا مسلمين !!!! يقول الرسول صلى الله عليه وسلم "أقلهن مهرا أكثرهن بركة" ,,,,, كلامك ماهوش كلام وحدة مسلمة ربي يهديك


يا أخي صاحبك هذا راجل و ربي يزوجوا باللي احسن منها .... هذوك ماشي عائلة كامل ..... انا اخي صراتلوا نفس الشيء و كان أرقاز و بطل ...... و اليوم تزوج بمرأة ما شاء الله و ما طلبت والو و هو تانيك ما خلاش عليها و ربي يهنيهم

كاين يا أخي لي أحسن منها

[z.abdo]

السلام عليكم وبارك الله فيكم جميعا

أخبرني صديقي أنه قد خطب بنت اخرى من المدية وتمت الرؤية الشرعية وهناك توافق بين العائليتن والحمد لله

شكرا لمروركم اطيب اخوتي

[ZAAF00]

وعليكم السلام
ما لنا ان نقول إلا لعله خير
و إن شاء الله يعوض واحدة احسن منها مادامت نيته حسنة
و لله المشتكى بالنسبة للأولياء و (للطماعين)

[الزبرجد]

هذا الولي أكيد ما شاورش مرتو النهار الاول:1:

مجتمع والله مراهق

[سهيلة2013]

بالبركة عليه و الله يهنيه