طلاق بعد أقل من شهر زواج ( واقعية ) [الأرشيف] - منتديات الجلفة لكل الجزائريين و العرب

السي محمد

2013-10-04, 10:32

السلام عليكم ورحمة الله و بركاته

كان الشاب سعيدا بزواجه و كذلك الاهل و الاقاريب و الجيران

و أسعدَ منه كانت العروس و أهلها

مرّالعرس بكل تفاصيله الجميلة من تصديرة و محضر و حزام و ملابس و ذهب و هدايا وووو

تمضي الايام ...ايام قليلة

يأتي شاب يختلي بالعريس الجديد

يتحدث معه

فيذهب العريس ( المكلوم ) فيطلب من عروسه الذهاب لبيتها و عدم العودة

طلّقها بتعبير أدق

ليس لُغزًا فالشاب اعطي للعريس صُور و مقاطع فيديو له مع العروس ( المزعومة)

لم يبقى هناك مجال للشك أو **إذا جاءكم فاسق بنبأ**

فكل شيء مُوثق بالفيديو

القصة هاذي وقعت لأحد الشباب منذ ايام في حي مجاور لي

و ستقع للكثيرين ممن لا يسألون عن أخلاق البنت و( تاريخها العسكري) بقدر سؤالهم عن مالها أو جمالها أو شهريتها

و ستكثر بكثرة الفتيات العابثات اللواتي لا تخاف من السميع البصير و لا تنظر للمستقبل

و ( ما تقراش للزمان عقوبة ) و تريد ان تعيش مثل ( نور و مُهند ) قبل الزواج و تعتقد ان حبيبها هو** شيروخان

و ستكثر حالات الطلاق هذه بكثرة و وفرة و تطور اجهزة التسجيل الصوتي و المرئي لكل خطأ ترتكبه الفتاة مع صديقها

و سيصبح سيفًا على رقبتها و مستقبلها يُشهره صديقها ( الرخيس) في كل مرة

انا ننصح بنات بلادي

اخطيكم من التمسخير مع الشباب و نقّصو من مشاهدة المسلسلات التركية و الافلام الهندية

راهي خربتلكم عقولكم و قلوبكم

و ديري في بالك بلي اي شاب يريد ان يتعرف عليك هو ذئب يريد ان ينقض عليك بأي طريقة

خافي من الشباب كما تخاف النعجة من الذئاب

و خافي من ربي أكثر

و للشباب خافو ربي في بنات الناس

حافظو على شرف بنات الناس باش يبقى شرف بناتكم نقي

و للأهالي نقول راقبو اولادكم و بناتكم

و ربي يحفظنا و يحفظكم

================

كلإضافة فقط

الدليل الذي يمكن ان يبتز به الشاب الفتاة

ليس شرط فيديو او صورة

ميساجات في الهاتف

كلام في الهاتف يتم تسجيله ببساطة

رسائل في الفايسبوك او صُور

دردشة في مواقع التعارف....إلخ

جمعي البشاري

2013-10-04, 10:42

بارك الله فيك
و ربي يحفظنا و يحفظكم

السي محمد

2013-10-04, 10:44

راني نكتب العامية و الفصحى

باش يفهمني القاري و اللي مش قاري

الجامعية و اللي عندها مستوى ابتدائي

○•ميسون•○

2013-10-04, 10:50

شكرا على الموضوع

فعلا هاذا هو واقع بعض الفتيات

أريج الفردوس

2013-10-04, 10:58

بارك الله فيك

Angleeyes

2013-10-04, 11:20

ربي يسترنا و يعافينا من البلاء

محب السلف الصالح

2013-10-04, 11:26

الله المستعان

نسأل الله السلامة والعافية

ضيحة معاكسة للشيخ سالم العجمي (http://www.youtube.com/watch?v=WmVnUbJmu4A)

sarl02

2013-10-04, 11:38

راحت يا السي محمد راحت الله يجعل الخير .

BAROUD

2013-10-04, 12:08

و للشباب خافوا ربي في بنات الناس ... هكذا الكلام الزين

و علاش حظرتوا صاحب الموضوع ! تعرفوا انو المنتدئ تغير °180 راجعوا قوانينكم

yousra14

2013-10-04, 12:19

بارك الله فييك ويعطيك الصحة وهذه طريقة كذلك للنهي عني المنكر فك الله حظرك وعودة سريعة

**د لا ل**

2013-10-04, 12:30

السلام عليكم

وكم من فتاة عبثت وفعلت الافاعيل وهي الان متزوجة وفي دار راجلها ولها اولاد وزوج والحياة عادية جدا بالنسبة لها

ليس مقياس اخ محمد

جزاك الله خيرا على الطرح القيم

محبة عبد الرحمان

2013-10-04, 12:34

جزاك الله خير يا أخي اللهم استرعليناوعلى بنات و شباب المسلمين

souso30

2013-10-04, 12:49

مكانش لي ما يخلط ربي يخلصه اعتقد انها ارادت زواج والتستر علاش يجي هد الرخيض و يخصر عليها كل شي و الله ربي يحاسبه ايضا ربي يحاسبها على ما ضيها وافعلها لكن غيبر ربي لي يحاسب غير ربي لي يستر هدا رخيص هو وزوج ديالها الله يسترنا على الارض و فوق الارض و يبعد اولاد حرام علينا

darkangel

2013-10-04, 12:56

بارك الله فيكم
لأسف هدا هو حالهم يوم غزاهم الغزو الثقافي

نورسين.داية

2013-10-04, 13:57

و لنفرض ان الصور و الفيديو مركب ..............................؟؟؟؟

و حدث دلك فعلا مع زميلة لي في العمل ......................و في آخر المطاف بعد ادعوى القضائية التي دامت سنة تقريبا من الإنتظار

تبين أن الصور معدلة و أخدت من محل إعلام آلي بغرض نسخ الصور من داكرة الكمرة الى داكرة القرص المضغوط .............

لكن بعد أن لطخت سمعتها ....و تم التشهير بها على كل لسان .......................

و السيد ......مزال إفتح المحل نورمال .....و عايش لاباس عليه ...................يحمد ربي ويشكرو

pro24

2013-10-04, 14:05

الجزاء من جنس العمل
صديقي اخوه طلق المراة قبل العرس بثلاث ايام
مسكت من طرف الدرك الوطني في بيت ........... مع ثلاث بنات ورجال
اتدري ما العجب
ذهبت الى والمحكمة وحكم عليها بشهرين حبس نافذة
ولم تخبر زوجها لكن وصلت المعلومة الى صديقي واخبر اخاه عندما سالها اصرت على الكذب
وفي الاخير اعترفت وقالت له تزوجني واسترني وبعد الزواج طلاقني
لكن الزوج طلقها وسمع بها كل انسان

المهم ربي يسترنا

lalib40

2013-10-04, 14:11

لدارها بيديه احلها بسنيه تغلط تخلص

محمد جديدي التبسي

2013-10-04, 14:19

هذا يحدث لكن المفروض أن حاضر الفتاة هو الأهم
الله يقبل توبة العبد فمن نحن حتى لا نقبلها؟!!
يعني من كانت تدرس في المسجد وتلبس الجلباب والنقاب وأسرتها محافظة لا ننظر لماضيها ولو جاءك هذا الفاسق الذي يظن نفسه ناصحا
فالمفروض أن لا تقبل كلامه وتطرده وهذا ما حدث مع مؤذن في مسجد عندنا تعلق بفتاة ولما أراد خطبتها جاءها صديقها السابق وقد تاب يعني وأخبره أن يختار غيرها أحسن لكن هذا الشاب رفض وتزوجها وعايش رحمة ربي والفتاة صلح حالها والحمد لله
ليس في كلامي تبرير لفساد الفتاة وماضيها لكن التوبة لابد أن تقبل وإلا لم نقبلها من الشاب ولا نقبلها من الفتاة وان كانت نظرة المجتمع للصنفين مختلفة
ربما هناك شباب لا يقتنعون تماما بهذا الكلام كون ماضيهم ناصع البياض لكن هؤلاء صنف نادر في مجتمعنا وأكيد سيرزقهم الله على حسب نياتهم ..و الله أعلم

النجمة القطبية

2013-10-04, 14:33

ربي يستر على جميع بناتنا وشبابنا ويهدينا واياهم الى طريق الخير ويصلح لنا الحال
صراحة ما لقيت ما نقول مواقف صعبة اصبح يعيشها مجتمعنا اليوم ووالواحد منا يسمع مثل تلك القصص رغما عنه
زعما تركنا الجرائد :rolleyes: اين المفر
شئ واحد اعرفه ان الانسان عليه ان يختار طريقه من البداية وليعلم انه معرض لابتلاءات فى الحياة كلنا على حد سواء
فى النهاية الانسان لازم يكون عندو ايمان كبير للمواجهة والاستمرار فى هذه الحياة
وانا اوافق اخي محمد الجديدي انه يجب العفو عما مضى العفو عند المقدرة وان كان امر صعب
فحتى الشاب معرض للاشهار به لدى زوجته الصالحة وقد تعجز عن العفو الله غالب
حالها مثل حال ذلك الشاب فى القصة فللانسان طاقة فى النهاية
المهم الواحد يدعي ان يحفظ شبابنا وشاباتنا من كل سوء ويغفر ويستر الجميع وخلاص
موفق

medalger

2013-10-04, 14:41

الطيبون للطيبات الله لن يضلم احد كل واحد يدي حقو فهاذ الدنيا انا بالنسبة ليا النساء هم المشكل في هذه الامور لانهم هم سبب قبولهم هذه التفاهات

أسومة المتفائلة

2013-10-04, 15:02

ربي يسترنا كاين بزاف حالات هاكا

امبراطور البحر1

2013-10-04, 15:10

يقولون البعيد عن العين بعيد عن القلب .لو لم يرى وسمع ممكن يتغاضى عن ذلك بشرط ان يضع قلبه في براد درجة حرارته صفر .الرجل مهما بلغت درجة ايمانه وتسامحه وطيبته لا يغفر لحدث مثل هذا لان الحياة تستحيل ان تستمر بعدها وواقول للبنات احذروا من العلاقات قبل الزواج لان الشاب يسامح في كلش الا شرف لا يسامح ولا يساوم وان سامح فهو يحتقرك في قرارات نفسه لانه ينظر الى الزوجة نظرة مقدسة لانها ستكون ام اولاده وايك ان تحكي له ماضيك لانه لن يسامح ولو اظهرعكس ذلك.

tateb

2013-10-04, 15:35

ربي بستر

wafwaf8471

2013-10-04, 16:02

sah c vrai

مريم الصابرة

2013-10-04, 17:22

السلام عليكم اخي محمد اتمنى انك بألف خير
مسكينة الطفلة هذي صراحة رغم ما نعرفوش واش دارت بينها وبين ربي لكن الشاب هذاك حرام عليه قدام ربي دمّرلها حياتها ربي يغفر ويسامح وطلب السترة الرجال ما رجعوش رجال وين راهم الرجال اللي كانو يسترو
هنا ما نقولش هي مش غالطة اكيد غالطة لكن شكون تقبل لروحها تتصور او يصورها راجل صديقها او حبيبها او شروخان كيما سميتو إنت
يعني النسا ويتفرجو المسلسلات الهندية والرجال واش يتفرجو الرقص مع الذئاب يا اخي الذنب ذنب الجنسين رجل او إمرأة والآن زمن امك وامي وجداك وجدة راح رجع زمن مهند ونور ونعطيك مثال صغير
شوف الرجال يقولك نحبو العاقلة واللي بالجلباب في حين لو نديرو إحصاءات بنات الفاميلية على الأقل اللي نعرفهم ومن حولي راهم بارو مساكن اما المتبرجات وصحابات الصور واللي تقول عليهم يبكو قدام بيبانهم باه يتزوجوهم ونفس الشي للرجال وليد الفاميلية ثاني ما يتزوجش اما اللي يلعب ببنات الناس عادي يتزوج نورمال يعني الدنيا تبدلت الناس تبدلو الحرام كثر على احلال
والخلاصة ما راهي لا مسلسل تركي ولا هندي القضية لما نتوما تكونو رجال وتوفو بالوعود وتشوفو طفلة تروحو للدار ذاك النهار تولي الطفلة فالدار تستنى الراجل مش تخرج هي تحوس عليه ويا ربي كان لقات لازمها تتبرج وتلبس السليم باه تلقاه الحقيقة مرة يا محمد ربي يهدينا اجمعين

نايفز55

2013-10-04, 21:50

ربي كاين و يقسم بالعدل وكل واحد يدي مخلوق كيفوا

بنت لبحر

2013-10-04, 22:00

بارك الله فيك
ربي يسترك ويسترنا كامل

jackin

2013-10-04, 22:00

نسأل الله السلامة والعافية

عبد الله 22

2013-10-05, 11:47

الانسان لازم يحافظ على الحاضر نتاعو سواء رجل او مراة لان التاريخ لا يرحم احد،أحسن خلق يمكن ان يصل له الانسان هو العفو لكن لم يصبح من أخلاق هذا العصر ولاعتقد يوجد رجل أو إمراة وإن كان العفوا خلوقها أن ترضى بفيدو لزوجها أولزوجته في الانترنات ونصيحة لطالبات الجامعة والاقامات لاتثقي حتي في الصديقات وبانه فيديو عادي وسيتم مسحوه لان الكثير من ذهب ضحية صديقات حاسدات اللهم استرنا فوق الارض وتحتها ويوم العرض

ويناروز

2013-10-05, 12:52

نسأل الله السلامة والعافية

بارك الله فيك على الموضوع الهادف

فك الله اسرك اخي عاجلا غير آجل

liyna_24

2013-10-05, 14:17

لا حول ولا قوة الا بالله
هده نتيجة التهور و الاستهتار بالسمعة و الشرف
ربي يستر علينا و على بناتنا

biti

2013-10-05, 15:38

و لنفرض ان الصور و الفيديو مركب ..............................؟؟؟؟

و حدث دلك فعلا مع زميلة لي في العمل ......................و في آخر المطاف بعد ادعوى القضائية التي دامت سنة تقريبا من الإنتظار

تبين أن الصور معدلة و أخدت من محل إعلام آلي بغرض نسخ الصور من داكرة الكمرة الى داكرة القرص المضغوط .............

لكن بعد أن لطخت سمعتها ....و تم التشهير بها على كل لسان .......................

و السيد ......مزال إفتح المحل نورمال .....و عايش لاباس عليه ...................يحمد ربي ويشكرو

هاذي النقطة التي يغفل عنها الكثير التركيب

الوليـــــد

2013-10-05, 15:46

الشعب يريد عودة السي محمد.
اللي يوافق يخبط فيها "شكرا"

الوليـــــد

2013-10-05, 15:53

المشكل الآن أنو حتى اللي فقدت عذريتها تروح تعمل عملية في قسنطينة ب 3 ملايين سنتيم و ترجع كيما كانت. لذلك أنصح الشباب من كل قلبي انو هناك 3 أشياء ان تمسكتم بهم فلن تظلوا :
1- عليكم بتقصي تاريخ البنت قبل الزواج, فما الحب الا للحبيب الأول, يعني حتى لو أقسمت لك على المصحف فلا تصدقها لأن قلبها سيضل يخفق كلما تذكرت حبيبها الأول.
2- عليكم بصغيرة السن أي ما بين 18-22 سنة لأن قلبها سيكون وردة و أنت اول من ستتفتح على يديه و ستكون مخلصة لك طول العمر.
3- الماكثة بالبيت أحسن و أقوم فمن قرت في بيتها زادت انوثتها و من خالطت الرجال زادت خشونتها و راح عبيق سحرها.

و الله الموفق لكل شاب ان يجد نصفه الثاني.

قطرة شكولا

2013-10-05, 16:18

شكرا اخي على النصيحة نتمنى لبنات يقتدن بها

عمري ضايع

2013-10-05, 17:35

الله يسترنا ...
هي ربي سترها والعبد فضحها...الله يهدينا

sabounimanal0

2013-10-05, 17:35

ربي يسترنا

شرين سمارة

2013-10-05, 19:06

بارك الله فيك ربي يسترنا ويعافينا وبعدنا على البلاء
ربي يهدي البنات والشباب

biti

2013-10-05, 21:57

المشكل الآن أنو حتى اللي فقدت عذريتها تروح تعمل عملية في قسنطينة ب 3 ملايين سنتيم و ترجع كيما كانت. لذلك أنصح الشباب من كل قلبي انو هناك 3 أشياء ان تمسكتم بهم فلن تظلوا :
1- عليكم بتقصي تاريخ البنت قبل الزواج, فما الحب الا للحبيب الأول, يعني حتى لو أقسمت لك على المصحف فلا تصدقها لأن قلبها سيضل يخفق كلما تذكرت حبيبها الأول
d"]وهل تعلم خبايا القلوب وغريب امركم كيف تامنون بحب دون زواج اما بخصوص الحب للحبيب الاول فهذه خرافو واغنية من وهم خيالنا اكثر [/COLOR]
2- عليكم بصغيرة السن أي ما بين 18-22 سنة لأن قلبها سيكون وردة و أنت اول من ستتفتح على يديه و ستكون مخلصة لك طول العمر. با قل من 10 سنوات وحتى اذا سلكت لان الحب الذي تتكلم عنه يبدا مع النضج اليوم في الحضانة وراهم يعشقو
3- الماكثة بالبيت أحسن و أقوم فمن قرت في بيتها زادت انوثتها و من خالطت الرجال زادت خشونتها و راح عبيق سحرها.ههههه شفنا الماكثات وشتا دارو ليس الكل طبعا فالموضوع موضوع مبادئ وتربية

و الله الموفق لكل شاب ان يجد نصفه الثاني.
هاذي الكلام الصح امين ربي يوفق كل واحد وعلى حساب نيتو
على كل اتمني لك زوجة كما يحبها خاطرك

حمدا لله كثير

2013-10-05, 22:37

وش نقولك يا خويا و تستاهلها لانك حر و فحل و باين

ربي يرزقك بنت حلال و فحلة كيما نتا

و المشكل الي طرقت ليه خطير فعلا الا و هو " الانسان يسقسي مليه معامن رايح يرتبط كي المراة و كي الراجل ""

و السلام عليكم اخي الفحل ربي يكتر من متالك باه تتسقم شوية

نجمة ساطعة

2013-10-05, 22:55

المشكل الآن أنو حتى اللي فقدت عذريتها تروح تعمل عملية في قسنطينة ب 3 ملايين سنتيم و ترجع كيما كانت. لذلك أنصح الشباب من كل قلبي انو هناك 3 أشياء ان تمسكتم بهم فلن تظلوا :
1- عليكم بتقصي تاريخ البنت قبل الزواج, فما الحب الا للحبيب الأول, يعني حتى لو أقسمت لك على المصحف فلا تصدقها لأن قلبها سيضل يخفق كلما تذكرت حبيبها الأول.
2- عليكم بصغيرة السن أي ما بين 18-22 سنة لأن قلبها سيكون وردة و أنت اول من ستتفتح على يديه و ستكون مخلصة لك طول العمر.
3- الماكثة بالبيت أحسن و أقوم فمن قرت في بيتها زادت انوثتها و من خالطت الرجال زادت خشونتها و راح عبيق سحرها.

و الله الموفق لكل شاب ان يجد نصفه الثاني.

الجزاء من جنس العمل

بين 18-22سنة عندما قرأت هذه الكلمة تذكرت اول امس عندما ذهبت الى بيت جدي

ووجدت امرأة اعرفها بدأت تحكي لي حكايات شعرت بالرعشة في جسمي اولها

حكاية طلاق تزوجت شعبان الماضي و حرمها و ليس طلقها فقط في رمضان الله يسترنا

بسبب خيانة و الفتاة صغيرة يعني 17-18سنة

و بدأت تحكي عن خيانات للعرائس الجدد لدرجة اني لم اتحمل لاننا لا نخرج فبالتالي

خارج اطار التغطية

استغفر الله

diyaa2013dz

2013-10-06, 12:28

و لنفرض ان الصور و الفيديو مركب ..............................؟؟؟؟

و حدث دلك فعلا مع زميلة لي في العمل ......................و في آخر المطاف بعد ادعوى القضائية التي دامت سنة تقريبا من الإنتظار

تبين أن الصور معدلة و أخدت من محل إعلام آلي بغرض نسخ الصور من داكرة الكمرة الى داكرة القرص المضغوط .............

لكن بعد أن لطخت سمعتها ....و تم التشهير بها على كل لسان .......................

و السيد ......مزال إفتح المحل نورمال .....و عايش لاباس عليه ...................يحمد ربي ويشكرو

بارك الله فيك اختي على الاجابة فمعظم هذه الحالات عبارة عن صور و فيديوهات مركبة من اجل تخريب بيوت الناس و حدثت في مدينتنا في حق امرأة متزوجة ذنبها ان اهلها اغنياء و الجاني كان زوجها اراد ان يساومهم و يطالب التعويض
هذا لي عمل الشي هذا ربي يجازيه في الدنيا قبل الاخرة هو خرب بيت و فضح وحدة متزوجة في عصمة رجل اخر ، الانسان لما يعصي الله في خلوته و يسترو ربي ، و الناس تفضح في ناس ، الانسان هذا راه في قلبه مرض ربي يجازيه على العملة لي دارها ان شاء الله
ربي يبعد علينا ولاد الحرام

المنديل الابيض

2013-10-06, 23:04

ربي يسترنا ...

المنديل الابيض

2013-10-06, 23:15

المشكل الآن أنو حتى اللي فقدت عذريتها تروح تعمل عملية في قسنطينة ب 3 ملايين سنتيم و ترجع كيما كانت. لذلك أنصح الشباب من كل قلبي انو هناك 3 أشياء ان تمسكتم بهم فلن تظلوا :
1- عليكم بتقصي تاريخ البنت قبل الزواج, فما الحب الا للحبيب الأول, يعني حتى لو أقسمت لك على المصحف فلا تصدقها لأن قلبها سيضل يخفق كلما تذكرت حبيبها الأول.
2- عليكم بصغيرة السن أي ما بين 18-22 سنة لأن قلبها سيكون وردة و أنت اول من ستتفتح على يديه و ستكون مخلصة لك طول العمر.
3- الماكثة بالبيت أحسن و أقوم فمن قرت في بيتها زادت انوثتها و من خالطت الرجال زادت خشونتها و راح عبيق سحرها.

و الله الموفق لكل شاب ان يجد نصفه الثاني.

اخي و كل اخوتي الشباب اختاروا على اساس الدين و الاصل

اما العمر او الماكثة في البيت فهذا ليس بمعيار

معضم غلطات العمر تحدث في سن المراهقة ... و الماكثات في البيت يفعلن العمايل في البيت
و الرسول صلى الله عليه و سلم يقول ".. فاظفر بذات الدين تربت يداك"

الطيبات للطيبون و الطيبون للطيبات و التوفيق من ربي سبحانو

nibrasse 76

2013-10-07, 01:50

من المضحك ان الكثيرين يقولون : "الطيبون للطيبات والخبيثون للخبيثات .." ..............ثم يقولون لك ...لماذا فضح المخلوقة وعدم سترها وربي

برك لي يحاسبها .....الخ ــــ يعني لما يكون انسان نظيف وطيب أليس من حقه الارتباط بطيبة مثله ...ام نتركه يقع في المستنقع بحجة الستر على فاجرة ؟؟؟

كل مرة يزداد يقيني ان الحذاء لا يوجد في الرجل فقط ؟؟

AMINA.Z

2013-10-07, 10:22

المشكل الآن أنو حتى اللي فقدت عذريتها تروح تعمل عملية في قسنطينة ب 3 ملايين سنتيم و ترجع كيما كانت. لذلك أنصح الشباب من كل قلبي انو هناك 3 أشياء ان تمسكتم بهم فلن تظلوا :
1- عليكم بتقصي تاريخ البنت قبل الزواج, فما الحب الا للحبيب الأول, يعني حتى لو أقسمت لك على المصحف فلا تصدقها لأن قلبها سيضل يخفق كلما تذكرت حبيبها الأول.
2- عليكم بصغيرة السن أي ما بين 18-22 سنة لأن قلبها سيكون وردة و أنت اول من ستتفتح على يديه و ستكون مخلصة لك طول العمر.
3- الماكثة بالبيت أحسن و أقوم فمن قرت في بيتها زادت انوثتها و من خالطت الرجال زادت خشونتها و راح عبيق سحرها.

و الله الموفق لكل شاب ان يجد نصفه الثاني.

راك عايش في كوكب اخر يا اخي

لعلمك بنت 10 سنوات درك راهي مدايرة العجب

و ما بالك بنت العشرين

الا من رحم ربي

النصيحة اللي تمدها هي انو كل راجل يحكم قدرو ليه و يدير ثقة انو ربي يرزقو على قد افعالو

flash_122

2013-10-07, 11:01

rebbi yahdina

mounaminou

2013-10-07, 13:24

المشكل الآن أنو حتى اللي فقدت عذريتها تروح تعمل عملية في قسنطينة ب 3 ملايين سنتيم و ترجع كيما كانت. لذلك أنصح الشباب من كل قلبي انو هناك 3 أشياء ان تمسكتم بهم فلن تظلوا :
1- عليكم بتقصي تاريخ البنت قبل الزواج, فما الحب الا للحبيب الأول, يعني حتى لو أقسمت لك على المصحف فلا تصدقها لأن قلبها سيضل يخفق كلما تذكرت حبيبها الأول.
2- عليكم بصغيرة السن أي ما بين 18-22 سنة لأن قلبها سيكون وردة و أنت اول من ستتفتح على يديه و ستكون مخلصة لك طول العمر.
3- الماكثة بالبيت أحسن و أقوم فمن قرت في بيتها زادت انوثتها و من خالطت الرجال زادت خشونتها و راح عبيق سحرها.

و الله الموفق لكل شاب ان يجد نصفه الثاني.

خويا اضرب درورا لل اليس و المتوسطة و ارواح جيبلي الخبر هههههههههه
ماعلابالكش باللي الجيل هدا يديرو باسي اسود قبل مايديو الباك ??????

الحل ماشي في العمر بالعكس......قادر ربي يسترنا.. من صغر العمر و قلة النضج تخون راجلها بعد الزواج مام لاماعرفتش قبلو حتا واحد

باينة نهار تزيد نسبة الرجال الصالحين رايحة تزيد نسبة النساء و البنات الصالحة..........و ياما بنات عندهم باسي بيض +عابدات ف ربي+حشامات طاحو في أزواج ماشي غير عندهم ماضي... لدرجة يخونو طايطاي في الوجه...

لاكان حابين نوصلو لمجتمع فيه بنات بلا ماضي ابداو برواحكم و كل راجل يسييي مايتعرف علا حتا وحدا قبل مرتو...مايديرش علاقات.....مايتمسخرش ببنات الناس .......مايهدرش علا النسا.........يستر علا لبنات.........مايشوفش مع النسا براا....لانو المرأة ضعيفة و هي كيفها كي الراجل تغلط و ماش رايح يتعمر المجتمع بالصالحات الاكان معمر غير ب أشباه الرجال

ملاحظة مايكفيش يكون الراجل بدون علاقات سابقة باه يطيحو ربي في مرأة صالحة....لالاااااااااااا

لازم يعس روحو لانو اللي يضحك علا النسا و يمنشر في اخت فولان و بنت جارو و يهدر علا لبنات اللي يقراو معاه ....و الله غير يبليه ربي في اقرب النسا ليه......يا ف مرتو يا ف بناتو

و ربيي يهدينا كااااااااااااااااامل..........;)

la perle noir

2013-10-07, 14:21

حبيت نتدخل في موضوع حول الصور و الفيديو .و الشخص او اي رجل لازم يكون عندو فكرة اننا اصبحنا في زمن الفبركة و التشهير و التزوير .لانو ممكن هادي الانسانة طاهرة و لم تكن لها علاقات من قبل لكن الناس الحقودة كثرت من السهل يفبرك الصور و الفيديوهات و يستعملوها ضدها لتخريب حياتها الزوجية.
فالاحسن ان هاد الزوج يروح يتاكد من صحة هده الصور و الفيديوهات .
اذكر مرة شابة كانت واضعا صورها في الفيسبوك فاستغلوها بعض الاشخاص و بداو يهددو فيها .لكن ربي حماها كان عندها جارها محامي شكى بيهم ودخلهم للسجن .الخلاصة انو ما لازمش البنات يوضعو صورهم في الفيس بوك او حتى اسمهم الحقيقي تجنبو هاده الاشياء
و كدلك هنالك مشكل التقاط الصور في الاعراس
و ربي يستر علينا اجمعين

السي محمد

2013-10-11, 18:18

بارك الله فيك

وش نقولك يا خويا و تستاهلها لانك حر و فحل و باين

ربي يرزقك بنت حلال و فحلة كيما نتا

و المشكل الي طرقت ليه خطير فعلا الا و هو " الانسان يسقسي مليه معامن رايح يرتبط كي المراة و كي الراجل ""

و السلام عليكم اخي الفحل ربي يكتر من متالك باه تتسقم شوية

ربي يحفظك اختي و بارك الله فيك على الدعوة الصالحة

ربي يسترك

السي محمد

2013-10-11, 18:20

الله يسترنا ...
هي ربي سترها والعبد فضحها...الله يهدينا

هي في البداية فضحت روحها لما ربطت نفسها بعلاقة محرمة مع شاب غريب

السي محمد

2013-10-11, 18:29

بارك الله فيك ............ و نفع بك ........... و ان شاء الله كلمتك ستجد صداها
اللهم صل و سلم على نبينا محمد

صلى الله عليه و سلم

بارك الله فيك

السي محمد

2013-10-11, 18:35

بارك الله فيكم و جزاكم الله خيرًا

انا شفت و كان هناك اعتراض على الاستدلال بالفيديو او امكانية فبركة

مش هنا العبرة

العبرة هي ان البنت تمنع نفسها من ربط العلاقات مع الشباب

ما تمشي معاه ما تتصور ما يبتزها واحد رخيس و يفسدلها حياتها و شرف عايلتها

يرحم باباكم

كيفاش رايح يعيش باباها و خوها و يقابلو الجيران و الناس؟؟؟

كيفاش رايحة تتعامل هي مع اخوالها و اعمامها و اقاربها؟؟؟

و شمن بنة بقاتلها و بقات في دارهم بعد الفضيحة هاذي؟؟؟

يا بنات بلادي

اتقوا الله ..و اخطيكم من هذ الطريق اللي ما توصل إلا للهلاك

خمّمو في أهلكم في شرفكم في عرضكم قبل ما تبداو أي علاقة محرمة

ربي يهدينا

*نآدرة~

2013-10-11, 18:39

الله يستر العاقبة،كوارث حقيقية في المجتمع والله ماتقول رانا في الجزاير بلد عربي مسلم
بالصح حنا في منطقتنا غير اللي عاشت قصص كيما تاع المسلسلات التركية قبل الزواج راهي مطلوبة وبكثرة ويتم زواجها وينساو فعالها بمجرد ماتعقد ويقولك ذات راجل مليح على حساب "نيتها"
ياليت كل بنت تسمع نصايحكوكل شاب يخاف على بنات الناس كيما يخاف على خواتاتو وياليت كل ولي يراقب بنتو ووليدو واش راهم يديرو
الله يهدي ماخلق هذا مانقدرو نقولو

السي محمد

2013-10-11, 18:40

هاذي النقطة التي يغفل عنها الكثير التركيب

الاصل ان

لا تكون علاقة == لا توجد صُور ==لا امكانية للتركيب

عبد الله 22

2013-10-11, 19:53

الله يستر العاقبة،كوارث حقيقية في المجتمع والله ماتقول رانا في الجزاير بلد عربي مسلم

بالصح حنا في منطقتنا غير اللي عاشت قصص كيما تاع المسلسلات التركية قبل الزواج راهي مطلوبة وبكثرة ويتم زواجها وينساو فعالها بمجرد ماتعقد ويقولك ذات راجل مليح على حساب "نيتها"
ياليت كل بنت تسمع نصايحكوكل شاب يخاف على بنات الناس كيما يخاف على خواتاتو وياليت كل ولي يراقب بنتو ووليدو واش راهم يديرو
الله يهدي ماخلق هذا مانقدرو نقولو

السلا م عليكم عفوا على الاقتباس لكن لدي ملاحظة الكثير من المتدخلات تشيع هذه الفكرة في المنتدى بغضى النظر عن انها من الوقع وكأن المراد أن على كل فتاة يجب ان يكون لها ماضي اسود لكي تتزوج وكان اغلب من تتزوجن لهم ماضي اسود وبان البنات اللواتي لا يتقدم لها اي خطيب ماضيها مشرق اعتقد انه من غير قصد بث فكرة الماضي الاسواد على الاقل للمراهقات وهم كثير في هذا المنتدى
مع ان القصة التي اوردها الاخ تعكس هذا الوقع على الاقل بانها فضحة وطلاقها كان شهر من زوجها ولن يرضى احد بزوج منها وحتى إن تزوجها سيلومه أبناء وبناته عن هذه الام التي ختارها لهم و التي صورها وشريط الفيد في كل موقع وهاتف لا اعتقد ان من لها ماضي أسود ستنعم بمستقبل ابيض ولعى الاقل ضميرها والضمير لا يرحم عندما يتكلم

*نآدرة~

2013-10-11, 20:39

السلا م عليكم عفوا على الاقتباس لكن لدي ملاحظة الكثير من المتدخلات تشيع هذه الفكرة في المنتدى بغضى النظر عن انها من الوقع وكأن المراد أن على كل فتاة يجب ان يكون لها ماضي اسود لكي تتزوج وكان اغلب من تتزوجن لهم ماضي اسود وبان البنات اللواتي لا يتقدم لها اي خطيب ماضيها مشرق اعتقد انه من غير قصد بث فكرة الماضي الاسواد على الاقل للمراهقات وهم كثير في هذا المنتدى
مع ان القصة التي اوردها الاخ تعكس هذا الوقع على الاقل بانها فضحة وطلاقها كان شهر من زوجها ولن يرضى احد بزوج منها وحتى إن تزوجها سيلومه أبناء وبناته عن هذه الام التي ختارها لهم و التي صورها وشريط الفيد في كل موقع وهاتف لا اعتقد ان من لها ماضي أسود ستنعم بمستقبل ابيض ولعى الاقل ضميرها والضمير لا يرحم عندما يتكلم
وعليكم السلام ورحمة الله تعالى وبركاته
لا داعي للاعتذار على الاقتباس،الامر عادي ولا مشكلة في ذلك
ان نحن أثرنا تلك النقطة فليست بداعي تحفيز المراهقات على فعل الخبائث والمنكرات قبل الزواج،أبدا والله لم نقصد ذلك لكن مانراه في الواقع يؤلم جدا،تصدق لو قلت لك أنني ومنذ زمن قريب جدا سمعت بقصة احداهن،طلقت بعد 5 اشهر اتدري لم؟؟لأنها كانت عفيفة شريفة محافظة جدا،فاتهمها زوجها بالتعقيد والمرض النفسي فطلقها،رأيتها بأم عيني مثال هي للزوجة الصالحة،على كل سترها ربي منو،وأرى الكثيرات جدا ممن فعلن وفعلن ويهنأن هن الآن وأضيف لك شيئا أزواجهن لا يرين غيرهن،اللهم لا حسد لكن صدقني أحتار وبشدة لكن أكيد لله في ذلك شؤون،فالقصة التي سانقلها لا حقا ستبين أنه وفعلا:"الطيبون للطيبات والخبيثون للخبيثات"
أتمنى أن تصلك الفكرة وما قصدت أنا على الاقل
وشكرا لمداخلتك أخي
تعلم؟؟كنت أنوي أن أضيف قصة قراتها للتو الى ردي فوجدتك اقتبسته لكن لا يهم سأضيفها الآن

قصة للعبرة:

أنا فتاه عمري 24 سنه ،متزوجة من سنة وشهرين
احببت أن اذكر شيئا أرجو أن يصل لكل الشباب
زوجي يحدثني دائما عن عدد الفتيات التي حدثهن
وكم واحدة وعدها بالزواج ودائما يذكر لي اسم (سارة)
حبيبته منذ سبع سنوات ويقول انه لم يجد مثلها في حبها له
وهو ايضا، ولكن. ..' و بنهاية حديثه يقول لم افكر يوما ان اتزوجها لأنه لايثق فيها .. ويمسك بيدي ويقول فضلتك
على كل البنات لأني أريد فتاة محترمة تكون اما لأولادي
ويبدأ يعدد صفاتي الجميلة ويمدح وأبتسم له واعطيه مايريد
ولكنه لا يعلم بأني كنت على علاقة بأكثر من سبعة وثلاثين شاب واني ايضا حبيبة رجل آخر لم يرضى بي زوجة لأنه لايثق بي!
واقسم بأني لم ادع شيئا محرما او مكروها الا فعلته( فيتكلم هو
وانا ابتسم واشعر بلذة الأنتقام منه ومن حبيبي الذي تركني )
كلِّم فتيات كما تريد ..وهددهم ..وعلق اخريات فيك ..وحدثهم عن طريق الكام ..اعمل ما شئت
واذا أردت الزواج اذهب واخطب ابنة المؤذن كما فعل زوجي
وستحصل على ما زرعت ..

"كما تدين تدان ولو بعد حين"

صيد الصيد

2013-10-11, 21:38

بسم الله الرحمن الرحيم
والله والله والله لن يصلح حالنا نساء ورجلا إلا إذا عدنا إلى الطريق المستقيم { إن الذين فالوا ربنا الله ثم استقاموا فلا خوف عليهم ولا هم يحزنون}
نعم إذا شعرنا برقابة الله ثم استقمنا فلا نذل ولانخزى
ببساطة أخي " كن لها عليا تكن لك فاطمة "

biti

2013-10-12, 08:52

الاصل ان

لا تكون علاقة == لا توجد صُور ==لا امكانية للتركيب

لا يا اخي فالتركيب ابسط ممكن تمشي تروح تجهز يصورها وهى بالحجاب و يركب الصور وهدا طبعا لا يعني ان كل الصور في هذا المجال مركبة
بخصوص طرحنا لكون صاحبات الماضي العسكرى هن المتزوجات فهذا لا يعني اانا نوافق او نشجع بالنسبة لي ياو نكون بايرة مرة والف ولا نعطي لواحد مجرد نظرة لا اقول علاقة كاملة
طبعا الواحد فينا يبدا بروحو يكون مليح ويدعي ربي ومن بعد يتوكل ويستشير و يستخير وان شاء الله ما يكون غير راضي
ربي يسترنا اجمعين ويرزق كل واحد على حساب نيتو

السي محمد

2013-10-12, 10:07

لا يا اخي فالتركيب ابسط ممكن تمشي تروح تجهز يصورها وهى بالحجاب و يركب الصور وهدا طبعا لا يعني ان كل الصور في هذا المجال مركبة
بخصوص طرحنا لكون صاحبات الماضي العسكرى هن المتزوجات فهذا لا يعني اانا نوافق او نشجع بالنسبة لي ياو نكون بايرة مرة والف ولا نعطي لواحد مجرد نظرة لا اقول علاقة كاملة
طبعا الواحد فينا يبدا بروحو يكون مليح ويدعي ربي ومن بعد يتوكل ويستشير و يستخير وان شاء الله ما يكون غير راضي
ربي يسترنا اجمعين ويرزق كل واحد على حساب نيتو

نونو مش بسيط

إذا كانت الطفلة حاكمة روحها و تخاف ربي و بعيدة على مواطن الشُبهة

والله لن يقترب منها أحد و لن يُفكر في ايذائها

صحيح الشباب متهور و لكنهم لما يشوفو طفلة عاقلة و يجربوها بلي بنت أصل و مش تاع تمسخير

يحترموها بزاااااف

و حتى لو تم التركيب

فلن يُصدق أحد ان تلك العفيفة الشريفة قد تفعل ذلك

فمن تتبع طريق الله سيحميها الله من اهل الشرور

السي محمد

2013-10-12, 10:29

الله يستر العاقبة،كوارث حقيقية في المجتمع والله ماتقول رانا في الجزاير بلد عربي مسلم
بالصح حنا في منطقتنا غير اللي عاشت قصص كيما تاع المسلسلات التركية قبل الزواج راهي مطلوبة وبكثرة ويتم زواجها وينساو فعالها بمجرد ماتعقد ويقولك ذات راجل مليح على حساب "نيتها"
ياليت كل بنت تسمع نصايحكوكل شاب يخاف على بنات الناس كيما يخاف على خواتاتو وياليت كل ولي يراقب بنتو ووليدو واش راهم يديرو
الله يهدي ماخلق هذا مانقدرو نقولو

بارك الله فيك اختي

و هذا ما نراه أيضًل فتيات يفعل الافاعيل ثم يتزوجن ببساطة تامة و أخريات عفيفات اطهر قطرات المطر يعانين من تأخر الزواج

و في المقابل شباب فيهم كل آفات المجتمع يتزوجون بنات ( كاللؤلؤ ) يلقون كل الترحيب و يبقون كما كانوا في انحرافهم

و آخرون محافظون على دينهم يخافون الله في سرهم و علانيتهم تُعرِض عنهم النساء و يزهد فيهم الآباء بسبب دينهم و أخلاقهم

انقلبت الموازين و انعكست القيّم و لكن

طريق الحق ...............حق و لو قلّ سالكوه

و طريق الباطل............... باطل و لو كثُر مُتبعوه

و سهولة زواج صاحبات التاريخ العسكري و اصحاب الملفات السوداء

لا يعني انهم على صواب و اننا يجب ان نفعل مثلهم لكي يُيسر الله زواجنا ......إنّما هو ابتلاء من الله و الصابرون هم المُفلحون

mamia

2013-10-12, 11:03

حبيت نشارك بالحاجة لشفتها في لبنات من حولي

هو عندك الحق فيما قلتموه

لكن انا الذي رايته ان مثلما قلت ان من اعرفعهن فعلن الافاعيل مع الشاب الذي تعرفن عليه ثم تقدم لخطبتهن وعقدن العقد الشرعي والمدني وهن الان على وش الزواج

وعندما تتحدث معهن يقلن لي يجب ان اضمن مستقبلي في الزواج

انا مع انو يوجد شباب ذئاب لكن لما نشوف هذو الحالات نحير وراسي يتبلوكا

انا ضد هذه العلاقات لكن غريب ما يحدث

اعرف فتاة معي لديها صاحبها وهو يفكر في خطبتها عند انتهائنا من الدراسة ولما نقولولها متخافيش يدور عليك تقولنا هو ولد فاميليا ميديرهاش

ولا هذا هو تعريف ولد الفاميليا انو ميتمسخر بصاحبتو

والله راني حايرة من هذا كله وكما قالو بعض الاخوة العفيفة يتاخر زواجها وهن يتزوجن وينجبون اطفال ................ الخ

في انتضار تعليقاتكم

السي محمد

2013-10-12, 11:12

حبيت نشارك بالحاجة لشفتها في لبنات من حولي

هو عندك الحق فيما قلتموه

لكن انا الذي رايته ان مثلما قلت ان من اعرفعهن فعلن الافاعيل مع الشاب الذي تعرفن عليه ثم تقدم لخطبتهن وعقدن العقد الشرعي والمدني وهن الان على وش الزواج

وعندما تتحدث معهن يقلن لي يجب ان اضمن مستقبلي في الزواج

انا مع انو يوجد شباب ذئاب لكن لما نشوف هذو الحالات نحير وراسي يتبلوكا

انا ضد هذه العلاقات لكن غريب ما يحدث

اعرف فتاة معي لديها صاحبها وهو يفكر في خطبتها عند انتهائنا من الدراسة ولما نقولولها متخافيش يدور عليك تقولنا هو ولد فاميليا ميديرهاش

ولا هذا هو تعريف ولد الفاميليا انو ميتمسخر بصاحبتو

والله راني حايرة من هذا كله وكما قالو بعض الاخوة العفيفة يتاخر زواجها وهن يتزوجن وينجبون اطفال ................ الخ

في انتضار تعليقاتكم

شكرا أختي

هو المشكل ان القيم تم اهمالها تماما

صاحبي هو من النوع اللي خلاّط و عندو تاريخ كبير في العلاقات

كي نهدر معاه على الزواج يقوللي مانسقسيش الفتاة التي اخطبها عن تاريخها و حتى لو كان عندها صديق أو عشيق ( نورمال) ما نحاسبهاش على الماضي المهم ما تخوننيش في المستقبل

هو بسبب علاقاته الكثيرة اقتنع بان كل الفتيات في سلة واحدة لهذا هو لا يسأل عن الماضي ( لان كلمة ماضي تذكره بماضيه) و يتمنى ان لا تخونه؟؟؟؟ مع انها خانت من قبل

خانت ربّها و خانت عائلتها ..و يطمع ان لا تخونه؟؟؟؟

عجيب و الله عجيب

وكل انسان يشوف الدنيا انطلاقا من نفسه

انا و لله الحمد ما هدرت مع طفلة ما مشيت ما خرجت الحمد لله نقي و صافي و ابحث عن امراة مثلي تاريخها ابيض ناصع
و هناك فتيات في عمرها ما غلطتش مع شاب تحلم بشاب عفيف طاهر مثلها و لا تقبل بزير نساء

و اللي كان تاريخه اسود لا يُمانع ان يتزوج بواحدة مثله
و الفتيات المنحرفات لا يُمانعن الزواج يأي كان و لا يهمهن ماذا كان يفعل و مع من

biti

2013-10-12, 13:29

نونو مش بسيط

إذا كانت الطفلة حاكمة روحها و تخاف ربي و بعيدة على مواطن الشُبهة

والله لن يقترب منها أحد و لن يُفكر في ايذائها

صحيح الشباب متهور و لكنهم لما يشوفو طفلة عاقلة و يجربوها بلي بنت أصل و مش تاع تمسخير

يحترموها بزاااااف

و حتى لو تم التركيب

فلن يُصدق أحد ان تلك العفيفة الشريفة قد تفعل ذلك

فمن تتبع طريق الله سيحميها الله من اهل الشرور

لا ياخي نظن مفهمتنيش قصدت ببسيط يعني سهل التنفيذ
ممكن يكون كلامك صح بصح كاين بنات ووولاد الحرام ممكن وحدة تغير من اخرى تركب صورها وقس على ذلك اما بخصوص لن يصدق احد فكلنا نعلم ان الناس تحوس على حاجة تمضغها في فمها وبس
سواءا كان شابا او فتاة فمن يتبع طريق الله فسيحميه

younes39

2013-10-12, 13:31

بارك الله فيك
و ربي يحفظنا و يحفظكم

biti

2013-10-12, 18:25

السلام عليكم
في الحقيقة لم أقرأ كل التدخلات هي كثيرة ههههه
فقط ماتبادر إلى ذهني في القصة التي سردتها هو:
لم فعل هذا الصديق هذا؟؟؟؟؟
هو تسبب في الطلاق
لم يخبر العريس بأمور كانت في الماضي كان الأجدر به أن يسترها لا أن يفضحها
ببساطة لأن الأزواج
لو يسألوا زوجاتهن عن ماضيهن
في رأييي ستطلق كل النساء؟؟؟؟؟
هي أخطأت
تزوجت ولم تفقد شرفها على حسب روايتك لأن الطلاق كان بعد أيام
ولو أنني لا أربط الشرف فقط بما ذكرت وأجد إحراجا وأنا أقول هذا
لأنني أو ل مرة أذكر هذا

فكان من الأجدر ألا يفعل هذا الصديق
لا أراه تصرفا صائبا
وكما قلت لابد للبنات وللذكور من مراعاة رب العالمين في تصرفاتهم
مشكور
احترماتي
بل السؤال الذي يطرح نفسه اين كان هذا الصديق لما لم يتكلم قبل الزواج ؟

ranou gigi

2013-10-12, 18:40

استغفر الله العظيم اللهم استرني و بنات المسلمين فوق الأرض و تحت الأرض و يوم العرض
اللهم أبعدي و بنات المسلمين عن كل منكر
مشكور اخي على هذه القصة المؤثرة و اتمنى ان تصل الى كل فتاة خاصة التي ترتكب المعاصي

الفتاة الصغيرة

2013-10-13, 13:29

ربي يسترنا ويستر جميع بنات أمة محمد
حرام عليه هذا الشاب كان قادر يجيبله هاذالفيديو قبل العرس ماكانش يسرا الي سار
وقلت شوي الفتنة وحديث الناس

السي محمد

2013-10-13, 19:33

ربي يسترنا ويستر جميع بنات أمة محمد
حرام عليه هذا الشاب كان قادر يجيبله هاذالفيديو قبل العرس ماكانش يسرا الي سار
وقلت شوي الفتنة وحديث الناس

قبل العرس

لا يتسبب في ايذائها و فضحها مثل بعد العرس

و هدفه واضح تشويه سمعتها التي هي سبب توسخها

السي محمد

2013-10-13, 19:56

بل السؤال الذي يطرح نفسه اين كان هذا الصديق لما لم يتكلم قبل الزواج ؟

كان يمارس الابتزاز ......... و لما تزوجت فضحها

mounaminou

2013-10-14, 14:42

وعليكم السلام ورحمة الله تعالى وبركاته
لا داعي للاعتذار على الاقتباس،الامر عادي ولا مشكلة في ذلك
ان نحن أثرنا تلك النقطة فليست بداعي تحفيز المراهقات على فعل الخبائث والمنكرات قبل الزواج،أبدا والله لم نقصد ذلك لكن مانراه في الواقع يؤلم جدا،تصدق لو قلت لك أنني ومنذ زمن قريب جدا سمعت بقصة احداهن،طلقت بعد 5 اشهر اتدري لم؟؟لأنها كانت عفيفة شريفة محافظة جدا،فاتهمها زوجها بالتعقيد والمرض النفسي فطلقها،رأيتها بأم عيني مثال هي للزوجة الصالحة،على كل سترها ربي منو،وأرى الكثيرات جدا ممن فعلن وفعلن ويهنأن هن الآن وأضيف لك شيئا أزواجهن لا يرين غيرهن،اللهم لا حسد لكن صدقني أحتار وبشدة لكن أكيد لله في ذلك شؤون،فالقصة التي سانقلها لا حقا ستبين أنه وفعلا:"الطيبون للطيبات والخبيثون للخبيثات"
أتمنى أن تصلك الفكرة وما قصدت أنا على الاقل
وشكرا لمداخلتك أخي
تعلم؟؟كنت أنوي أن أضيف قصة قراتها للتو الى ردي فوجدتك اقتبسته لكن لا يهم سأضيفها الآن

قصة للعبرة:

أنا فتاه عمري 24 سنه ،متزوجة من سنة وشهرين
احببت أن اذكر شيئا أرجو أن يصل لكل الشباب
زوجي يحدثني دائما عن عدد الفتيات التي حدثهن
وكم واحدة وعدها بالزواج ودائما يذكر لي اسم (سارة)
حبيبته منذ سبع سنوات ويقول انه لم يجد مثلها في حبها له
وهو ايضا، ولكن. ..' و بنهاية حديثه يقول لم افكر يوما ان اتزوجها لأنه لايثق فيها .. ويمسك بيدي ويقول فضلتك
على كل البنات لأني أريد فتاة محترمة تكون اما لأولادي
ويبدأ يعدد صفاتي الجميلة ويمدح وأبتسم له واعطيه مايريد
ولكنه لا يعلم بأني كنت على علاقة بأكثر من سبعة وثلاثين شاب واني ايضا حبيبة رجل آخر لم يرضى بي زوجة لأنه لايثق بي!
واقسم بأني لم ادع شيئا محرما او مكروها الا فعلته( فيتكلم هو
وانا ابتسم واشعر بلذة الأنتقام منه ومن حبيبي الذي تركني )
كلِّم فتيات كما تريد ..وهددهم ..وعلق اخريات فيك ..وحدثهم عن طريق الكام ..اعمل ما شئت
واذا أردت الزواج اذهب واخطب ابنة المؤذن كما فعل زوجي
وستحصل على ما زرعت ..

"كما تدين تدان ولو بعد حين"

ya3tik essa7a

زهرة لرضوان

2013-10-17, 17:04

السلام عليكم موضوع هادف للتذكير لكن هناك حالات طلاق دون ان يكون هناك فيديو أو صور أو ي شيئ آخر وهناك أزواج عاشوا الحب قبل الزواج على السيكايب إضافة إلى اللقاءات وإرسال الصور دون الحجاب وغيرها من الأمور التي لا داعي لذكرها وهو يعيشون حياة هنيئة وطيبة أو ماإخصوهم والوا إرزقهم ربي الذرية في بداية مشوارهم الزوجي وهم يعيشون اجمل لحظات الحياة سال على واش يعطيك ربي وعسى خير يمكن طلقها في هذا الوقت المبكر قبل ما يكون بينتهم ولاد وإضيعوا المهم في وقتنا هذا ربي يستر ويحفظ إلي جاي في هذا الدنيا أعظم ربي يرحمنا برحمتوا لكل طريق مسطر يسير فيه إبن آدام

soha1987

2013-10-17, 18:53

ياربي استرنا وبعد علينا الشر ولاد لحرام كثرو
ربي يكثر من امثالك
مشكور اخي

biti

2013-10-18, 22:07

كان يمارس الابتزاز ......... و لما تزوجت فضحها

ياه يا سي محمد راك درتلها تحليل
المشكل في الشاب المسكين لي خسر بزاف فالعرس واش يعوضو وزيد هدرة الناس وفقدان للثقة

soso sirin

2013-10-19, 00:13

راني باغية نعرف حاجة منك يا السي محمد هذا شبه رجل الي جا فرحان بالفيديو واش قالو ماتقوليش برك خلاه راح و ماعطاهش طريحة تاع صح. و لا شافو راجل تاع الصح .اذا المرا غلطت كي دارت علاقة مع هذا شبه رجل فهو و راجلها دارو حاجة كثر اذا ربي يستر عبادو شكون هوما حتى يبهدلوها قدام الناس .الي يستر انسان في الدنيا ربي راح يسترو في الدنيا و في الاخرة.السيد راجل و ماقبلش الشي هذا و هذا من حقو سوغتو اذا كان راجل تاع الصح و مالعبش ببنات الناس يا سيدي مافيها والو يدير اي حاجة مي ماشي يبهدلها قدام الناس كان قادر يطلقها لاي سبة و الطلاق مكانش اسهل منو ضروك .و هذاك شبه الرجل الي راه حاسب روحو بلي دار حاجة مليحة انا كون منو نحشم على روحي و كي نتمشى مانرفدتش حتى راسي قدام الناس يا خي جايح كي كان يتمشى معاها كانت جاياتو مرا و نص و يكون بالاك هو راح و خلاها و تمسخر بيها و يزيد من الفوق كي تتزوج يخربلها حياتها.مانيش ندافع على الطفلة مي نكره عقلية المجتمع تاعنا اذا هي غلطت فهو كثر منها.و قبل ماتهدر مع بنات بلادك يا السي محمد قول لولاد بلادك يخطو بنات بلادك و الي يخاف على اختو و على مرتو يخاف على بنات الناس.الله يهدينا

biti

2013-10-19, 10:26

راني باغية نعرف حاجة منك يا السي محمد هذا شبه رجل الي جا فرحان بالفيديو واش قالو ماتقوليش برك خلاه راح و ماعطاهش طريحة تاع صح. و لا شافو راجل تاع الصح .اذا المرا غلطت كي دارت علاقة مع هذا شبه رجل فهو و راجلها دارو حاجة كثر اذا ربي يستر عبادو شكون هوما حتى يبهدلوها قدام الناس .الي يستر انسان في الدنيا ربي راح يسترو في الدنيا و في الاخرة.السيد راجل و ماقبلش الشي هذا و هذا من حقو سوغتو اذا كان راجل تاع الصح و مالعبش ببنات الناس يا سيدي مافيها والو يدير اي حاجة مي ماشي يبهدلها قدام الناس كان قادر يطلقها لاي سبة و الطلاق مكانش اسهل منو ضروك .و هذاك شبه الرجل الي راه حاسب روحو بلي دار حاجة مليحة انا كون منو نحشم على روحي و كي نتمشى مانرفدتش حتى راسي قدام الناس يا خي جايح كي كان يتمشى معاها كانت جاياتو مرا و نص و يكون بالاك هو راح و خلاها و تمسخر بيها و يزيد من الفوق كي تتزوج يخربلها حياتها.مانيش ندافع على الطفلة مي نكره عقلية المجتمع تاعنا اذا هي غلطت فهو كثر منها.و قبل ماتهدر مع بنات بلادك يا السي محمد قول لولاد بلادك يخطو بنات بلادك و الي يخاف على اختو و على مرتو يخاف على بنات الناس.الله يهدينا

عقلية المجتمع تاعنا يشوف غي للنص برك يعني البنت ليدارت علاقة غلطت بصح دارت علاقة مع خيالها ياخي مع ذكر وبالتالي حتى هو غلط

السي محمد

2013-10-19, 10:30

اختي soso و biti
صحا عيدكم

انا قلت للشباب يخافو ربي في بنات الناس و يحافظو عليهم

ولكن التشديدي على المراة لأنها الطرف الخاسر دومًا في أي علاقة تخوضها مع شاب ...فحتى تزوجت عادي و لم يعد صديقها السابق و يفضحها فهي خسرت مع ربي اولا و مع نفسها ثانيا ..و ظلمت زوجها اللذي يعتقد انه أول رجل يدخل حياتها و آخره بينما هي كانت تلعب و تتمسخر سابقا

biti

2013-10-19, 10:35

اختي soso و biti
صحا عيدكم

انا قلت للشباب يخافو ربي في بنات الناس و يحافظو عليهم

ولكن التشديدي على المراة لأنها الطرف الخاسر دومًا في أي علاقة تخوضها مع شاب ...فحتى تزوجت عادي و لم يعد صديقها السابق و يفضحها فهي خسرت مع ربي اولا و مع نفسها ثانيا ..و ظلمت زوجها اللذي يعتقد انه أول رجل يدخل حياتها و آخره بينما هي كانت تلعب و تتمسخر سابقا

لا ياخي متفهمنيش غلط انا راني ضد العلاقات كلها حتى ضد كلمة السلام بين الجنسين
وفعلا البنت اكبر خاسر ويغيضني واحد نظيف ويتزوج بوحدة .................
بصح تاني راني ضد الكشفة قدام الناس يعني تصور حال الوالد والاخ تاوعها كيفاش دايرة

السي محمد

2013-10-19, 11:11

لا ياخي متفهمنيش غلط انا راني ضد العلاقات كلها حتى ضد كلمة السلام بين الجنسين
وفعلا البنت اكبر خاسر ويغيضني واحد نظيف ويتزوج بوحدة .................
بصح تاني راني ضد الكشفة قدام الناس يعني تصور حال الوالد والاخ تاوعها كيفاش دايرة

هاذي هي بالضبط الحاجة اللي لازم تخمم فيها كل بنت عندها ذُرة عقل

الشرف مش مُجرد غشاء و عملية ترقيع ....الشرف شيء أعظم و هو معنوي أكثر منه حِسي

ربي يحفظك و يسترك و يعطيك ما تتمناي

بيان 5

2013-10-19, 15:55

بارك الله فيك

سَـآجدة

2013-10-19, 18:42

وكم من فتاة عبثت وفعلت الافاعيل وهي الان متزوجة وفي دار راجلها ولها اولاد وزوج والحياة عادية جدا بالنسبة لها

السلام عليكم و رحمة الله و بركاته

و الله يا أختي إن هذه الفتاة التي تتحدثين عنها ستكشف عاجلا أو آجلا فالله لا يترك الباطل باطنا أبدا ....

شكرا لصاحب الموضوع عليه

و أنا أقول أن تلك الفتاة التي تحدثت عنها في موضوعك تستحق أكثر

فلو تابت لكانت أخبرت زوجها بالأمر فإن تقبله هنسئا لهما و إن لم يتقبل فسيرزقها الله غيره

موفقون بإذن الله تعالى
دمتم في رعايته

soso sirin

2013-10-19, 23:49

عقلية المجتمع تاعنا يشوف غي للنص برك يعني البنت ليدارت علاقة غلطت بصح دارت علاقة مع خيالها ياخي مع ذكر وبالتالي حتى هو غلط
مجتمعنا يحمل المراة المسؤولية و يعاقبها غير هي اما الرجل فيعلقولو وسام الشرف مع انو كيما قلتي الشي الي دارتو ماشي روحها و اذا هي غلطت فهو غلط معاها مي في هذا النقطة بالذات مجتمعنا يفكر بطريقة عجيبة
اختي soso و biti
صحا عيدكم

انا قلت للشباب يخافو ربي في بنات الناس و يحافظو عليهم

ولكن التشديدي على المراة لأنها الطرف الخاسر دومًا في أي علاقة تخوضها مع شاب ...فحتى تزوجت عادي و لم يعد صديقها السابق و يفضحها فهي خسرت مع ربي اولا و مع نفسها ثانيا ..و ظلمت زوجها اللذي يعتقد انه أول رجل يدخل حياتها و آخره بينما هي كانت تلعب و تتمسخر سابقا

الله يسلمك و كل عام و انت بخير.
فهي خسرت مع ربي اولا و مع نفسها ثانيا ..و ظلمت زوجها اللذي يعتقد انه أول رجل يدخل حياتها و آخره بينما [b]هي كانت تلعب و تتمسخر سابقا.و الرجل ماخسرش مع ربي مايوليش حاس روحو بلي مايصلحش و انو ماشي راجل لانو تمسخر مانقولوش بنت الناس و نقولو تمسخر مع بنت الناس باه مانحملوهش غير هو المسؤولية .ماظلمش الزوجة تاعو لانو هي دايرا في بالها بلي هي اول مرا دخلت حياتو و هو كان يلعب و يتمسخر مع بنات الناس و الاكثرية كانو يتمسخرو ببنات الناس.المشكل يا السي محمد في هذا الموضوع بالذات نخممو غير في شرف المراة و ماضيها مي مانخمموش في شرف الراجل و ماضيه مع انو انا عندي كي الراجل كي المرا يتحاسبو بنفس الطريقة حتا في هذا الموضوع و الي مجتمعنا يعاقب المراة كثر.كون نعكسو القصة و العروسة جابولها فيدياوات تاع راجلها كون الناس كامل قالتلها واش فيها نوغمال الرجال اكثريتهم تكون عندهم علاقات قبل الزواج و حتى و يكون الفيديو كارثة مي كي جات في الطفلة عيب و لازم تتعاقب و تتبهدل.انا راني راح نعاودها مانيش ندافع على الطفلة هاذي لانو الوحدا ماتوصلش روحها للموحال و منبعد ماتعرفش كيفاش تحل المشكل مي والله كرهت من انو هذا الموضوع الناس ولاو يشوفوه للمراة تبهديلة مي للراجل قريب يعلقولو وسام فوق صدرو لانو كان عندو علاقات قبل الزواج .

soso sirin

2013-10-19, 23:55

[center]السلام عليكم و رحمة الله و بركاته

و الله يا أختي إن هذه الفتاة التي تتحدثين عنها ستكشف عاجلا أو آجلا فالله لا يترك الباطل باطنا أبدا ....

شكرا لصاحب الموضوع عليه

و أنا أقول أن تلك الفتاة التي تحدثت عنها في موضوعك تستحق أكثر

فلو تابت لكانت أخبرت زوجها بالأمر فإن تقبله هنسئا لهما و إن لم يتقبل فسيرزقها الله غيره

موفقون بإذن الله تعالى
دمتم في رعايته

السلام عليكم يا اختي و سمحيلي لانو راح نرد على الرد تاعك.شكون قال انو الطفلة ماتابتش و مش معنتها انو كي توب تروح تحكي لراجلها على هذا الموضوع. التوبة مش معنتها انو تحكيلو لانو قصة كيما هاذي راح تخلي اي راجل يشك و مكانش منها باه اي راجل يقبل انو مرتو تقلو كلام كيما هذا انتي طفلة و ماتقبليهاش على روحك انو الزوج المصون يجي و يقلك كنت نعرف قبلك .الصراحة مطلوبة في الزواج الا في هذا الموضوع. هذا رايي انا و الله اعلم

محمد جديدي التبسي

2013-10-20, 17:02

ما رأيك يا أخي ياسين في هذا القول
الرجل يريد أن يكون أول رجل في حياة المرأة
والمرأة تريد أن تكون آخر امرأة في حياة الرجل

يعني الخيانة تخلق مع الرجل وموجودة في أكثرهم لكن المرأة أكثر إخلاصا وتريد رجلا واحد لكن تلاعب الرجال بها هو ما يجعلها فريسة للعلاقات وبالتالي يصبح لها تاريخ عسكري كما تقول لا يقبله الرجال وحتى العسكريون القدامى منهم يلعبون ببنات الناس ثم يريدون النقية الصافية!!

sweetness

2013-10-20, 18:08

اللهم اني اسألك العفو والعافية في الدنيا والاخرة

السي محمد

2013-10-20, 18:24

بارك الله فيكم

razed

2013-10-23, 15:12

الطيبات للطيبون و الطيبون للطيبات ...
أنا بالنسبة ليا يستاهلوا واش يصرالهم على خاطاركش عادو يقصدو لبنات على جمالهم ماشي على تربيتهم و ما يسقسوش عليهم و احيانا عمبالهم بلي عندها ماضي بصح اغضوا الطرف لأنو الجمال عماهم ..أما بنات الفاميليا راهم في ديار ولديهم بايرات و ذنبهن أنهن متربيات و خاطيهم الخرجات و الدخلات .

fille algerie

2013-10-25, 13:51

بــــــــــــآرك الله فيـــــــكـ

يعطيك الصحآ على هذا الموضوع الارشادي

وفقـــــــــــك الله فيما يحبه ويرضاه

السي ياسين

2013-10-25, 16:52

آمين آمين

ربي يحفظكم جميعا

الزبرجد

2013-10-26, 19:16

السلام عليكم

الطلاق قليل في نظري

يجب تعويض التكاليف تع العرس و الخسائر المنجرة عنه ...و ان لم يكن ممكنا ذلك يتم تعويضه بقليل من الجلدات و التعذيب :1:

أما الشعب الذي يتحدث عن المسامحة و الستر و لا أدري ماذا ....فأقول له لو كنت تقدر على ذلك ابحث لك عن فاسدة

و أصلحها و اكسب اجرها خير ....فهي لم تخنك قبل ان تعرفك و بعد أن عرفتك

على الاقل لا تترك مجالا لنفسك أن ترضخ للامر الواقع بسبب الاحباط أمام مسألة : إن طلقتها من أين لي الاموال لأتزوج غيرها ؟

بنات الفاميلية يرشاو في ديارهم و انتم تسترو على الفساد !!!!!! .....شيء عجيب

" أبو عبود"

2013-10-26, 20:25

يحدث هذا ولم يصلنا بعد الجيل الثالث فتصبح الاعراض على المباشر. اللهم سترك. لكني اردت ان اعرف لماذا يقدم رجل او شاب على نشر صور من فعلت معه واعطته كل ما يريد؟ هل هي رجولة؟ هل هي انتقام؟ ماذا يستفيد؟ ثم ماذا لو ان هذه الفتاة طعنته بخنجر واراحت نفسها كما قال شمشون" علي وعلى اعدائي"؟

hidayasoun

2013-10-27, 23:40

مش دائما الطلاق سببه مرأة قليلة شرف فالطلاق يقع حتى و المرأة لم تعر ف رجلا قبل زوجها فهل هذا يغير من معنى الطلاق أو نتائجه؟ لا على الإطلاق

أم يقين

2013-10-29, 13:09

غريب هل سأل عنها قبل أن يتقدم ...؟أم أعمى عينه جمالها؟ عموما كل من وضع الجمال كدرجة اولى نصب عينيه و غض الطرف عن دينها و أخلاقها ..يستحق ما يجري له و كما يقول المثل الدارج يحلها بسنيه ...و بتعبير أكثر فظاظة الشـــــــــــــــح فيه..

قمر السلام

2013-11-04, 14:26

لا حول ولا قوة الا بالله

شوق وحنين الى الجنة

2013-11-04, 16:49

رب يستر كل بناتنا وبنات المسلمين.

kari yacine

2013-11-04, 21:15

الله يسترنا في الدنيا و في الاخرة

و هذاك الشاب رخيس و ربي يتولاه كان قادر يوريه avant

سارة غفران

2013-11-04, 22:13

يارب لك الحمد والشكر على هذه نعمة يارب انر القلوب بالهدى والتقى والعفاف وقذف رحمتك فى القلوب تائهة عن ذكرك يا ارحم الراحمين يا رب اللهم انى استودعتك قلبى فلا تجعل فيه احدا سواك

/زهرة عصفور الجنة/

2014-02-17, 09:43

بارك الله فيك ربي يصلحنا ويصلح اولادنا وذرية المسلمين

it's me

2014-02-17, 09:46

شكرا على المبادرة الطيبة ربي يحفظك

nadirns

2014-02-17, 15:15

اقول فقط ما قاله الرسول صلى الله عليه وسلم اتقو الشبهات هذه الامور حساسة جدا ويجب عال الفتاة ان تاخذ حذرها ما استطاعت يابناتنا لا زم عليكم تلتاو بقرايتكم بتكوينكم بكل ما ينفع مستقبلكن وكل حاجة تجي في وقتها لستن بضاعة تعرض للبيع حذار ثم حذار مستقبلكن قبل كل شيء يجعلك تستغلين كل وقتك ولا مجال للهو لا تكوني غبية اين عقلك لابد من الحيطة والحذر وربي يجيب الخير

bouchra hakerz

2014-07-15, 16:07

باارك الله فيك و الحمد لله كي راني صافية مع ربي و العباااد

abb leila

2014-07-16, 01:27

سترك يارب

ربي يهدينا اجمعين

لكن مالفت نظري اكثر انه كان بامكلنه تطليقها من غير ماييفضحها وامة لااله الا الله تسمع بيها

هدا هو دينا الحنيف للاسف رانا بعاد كل البعد عن تعاليم دينا

lamine_du23

2014-07-16, 02:01

فكرتني في حكاية جرات قبل عامين في عنابة ، واحد طاكسيور خطب فتاة تسكن قدامة و قبلت ، فرح مسكين ، حتى وحد النهار جاتو الهدرة بلي الخطيبة تاعو تركب مع واحد في السيارة من نوع polo ، الخطيب ما صدقش من كثرة ثقثه في الفتاة الذي اخبرته انها تصلي الفجر و تقرأ القرآن ، حتى في رمضان تروح تصلى التراويح في المسجد ، وحد النهار في رمضان اخبره صديقه انه شاهده في سيارة نفس الشخص و ذهبو الى براكة اي بيت قصديري ، هرع الخطيب ليشاهد الفتاة و الشخص يمارسان الرذيلة دون ان يتفطنوا له تخيلوا في رمضان !!!!! الطاكسيور جاب بنزين و حرق البراكة(البيت القصديري) ، فأحترق الشاب و الفتاة و بعد فترة توفي الشاب و اصيبت الفتاة بحروق شديدة ، اما الطاكسيور فصرح في المحكمة انه ليس نادم لفعلته و حكم عليه بالسجن 15 سنة

kader_saddam

2014-07-16, 03:47

ختامها بعد قوله تعالى (الطيبون للطيبات والخبيثون للخبيثات)
لي خدع يتخدع.......و العيب ماضي في البنات...الرجال ما بقاوش
ملي عاد الوالد يوصل بنتو الى الليسي بالفيزو واش بقى
و الطفل يشوف ختى تتعرئ برا يسكت عليها
كيما قالو ناس بكري (( اللي عندو معزة يربطها )) و البنات ما يليقاهمش الحرية
و كلش يرجع لتربية الوالدين

nadia mimi

2014-07-24, 21:36

بارك الله فيك
و ربي يحفظنا