سؤال ارجوكم

[iman14]

سلام عليكم// انا معيدة بكالوريا و اريد ان اسجل بكالوريا في ثانويتي و بعدها لن احضر حتى يوم امتحان مثل ما كانت في اعوام السابقة اي توقف عن ذهاب الى ثانوية بعد تسجيل بكالوريا الا اني سمعت احاديث يقولون هذا العام ممنوع و يجب الحضور دائما حتى نهاية و يقولون ايضا انه سيتم اعتماد نظام الانقاذ مقابل حذف موضوعين و العتبة فهل هذا صحيح ارجوو خبر رسمي و هل يمكنني بعد تسجيل في ثانويتي توقف عن ذهاب الى ثانوية الا في اوقات امتحانات ساعدوني

[fr95]

ام يقولوااا هكا و الله أعلم

[iman14]

ام يقولوااا هكا و الله أعلم

واش يقولو تقصد انه يمكن توقف عن ذهاب الى ثانوية بعد التسجيل ام العكس

[sehamralin]

اختي ماتلعبيش بعمرك ونصيحة من مجربة انا مانيش متاكدة من موضوع الغياب هذا لكن الوزارة كل ساعة تخرجنا بحاجة جديدة تحبس المخ اذا راكي حشمانة من الهدرة نتاع الناس صدقيني اللي ضحك يلحق وعمبالي بلي راكي خايفة وحشمانة والمورال نتاعك هابط بصح الحياة فيها اسوا من هكذا بكثير وادا تخبيتي من مشكل صغير كيما هكذا راح تبقاي طول حياتك تتهربي
لازم تعرفي بلي ماكيش تعملي في الحرام ابدا روحي اقراي والي عايرك ولا تغيمز عليك قوليلو اللي عطالي هذا الشي مازال ايمد وهذي منعرج حاسم في حياتك باش تعرفي شخصيتك اذا شجاعة ولا خوافة(عذرا على هذي الكلمة القاسية ) روحي سيي واذا ماقدرتيش سقسي قبل ماتغيبي لانو خايفة عليك من قرارات الوزارة نتاعنا
نتمنى منكونش اتطفلت عليك وماقلقتكش بكلامي المهم العفو منك

[iman14]

شكراا ليس مشكلتي كلام ناس لان في قسمنا جميع معيدين المشكل هو الاساتذة لا يدرسون كما ينبغي و انا لديا كل شيء في بيت و ذهاب لثانوية اراه مجرد تضييع للوقت لذا احببت ان ادرس في بيت مرتاحة و مع العلم اننا 66 تلميذ في القسم لذا كرهت منو و حبيت بعد لي نسجل باك في ليسي منعودش نروح غير في فروض و اختبارات

[sehamralin]

شكراا ليس مشكلتي كلام ناس لان في قسمنا جميع معيدين المشكل هو الاساتذة لا يدرسون كما ينبغي و انا لديا كل شيء في بيت و ذهاب لثانوية اراه مجرد تضييع للوقت لذا احببت ان ادرس في بيت مرتاحة و مع العلم اننا 66 تلميذ في القسم لذا كرهت منو و حبيت بعد لي نسجل باك في ليسي منعودش نروح غير في فروض و اختبارات

اذا الامر هكذا معاك حق لانو 66تلميذوالاساتذة ميقروش مليح امر واعر بالتوفيق