لا راحة من العذاب الا الموت

[صرخة ألم]

السلام عليكم ...
راح تقولوا ضعيفة الايمان و راح تقولوا رجل خلاها تنهار و و و و
لكن لعلمكم اللي داخلي جملة من الانكسارات لا تعد و لا تحصى
صبري عليه راح هباء و املي في الدنيا ضاع
و انا معاه حقدو عليا غلب حبو ؟؟ صبرت على ظلمو و قلت نستناه يرتاح قالي روحي رحت رجع قال سامحيني و اعتذر الف مرة لكن الجرح داخلي عماني
استنيت نبرا و لما هديت انتظرتو يعود ما ظهر عليه حتى خبر

رجعلي حب طفولتي بعد 3 سنوات .. قالي سامحيني غلطت فيك سامحتو قالي راني خاطب و عرسي بعد شهر قتلو ربي سبحانه راح ينصرني على ظلمك و راح يعوضني خير منك صار مثل المجنون و قال راح يقتلني و بعد فترة رجع لعقلو و اعترف انو هو اللي ما كانش عندو موقف و قال سامحيني ظلمتك

وين نروح بعذابي كل ما نرتاح شوية نلق عذاب أخر انا هو بالنسبة ليا ماهوش راجل و خلاص كتمت و صبرت و قلت رضا ربي و والديا خير
رجعليقلت عوض عليا ربي صبر لقيت حقدو عليا فاق حبو
انسحبت رجعلي نادم و نفس الوقت ينتقم

اقسم بالله اني معروفة بقوتي و تحدياتي للظروف و الحكمة و العقل لـــكن خـــلاص حابة نموت و نتهنى

هو عاقبني على ربايتي .. و الا ممكن صح ماعرفتش نوصلو احساسي

اللي يدخل حـــياتـــي يظلـم و يـــعيـــش مــــهــني
راح تقولو انسي عمري ماراح ننسى ظلم اللي ..........

حابة نصرخ باعلى صوتـي و نقلو عــــلاه ظلمتني و عـــلاه ما فهمتـنيـش

و أخــــيرا من أعـــجب الجمـــيع بقــوتــها لم تــعد الا صـــرخة ألم

م\ــلاحظة ـ زوجـــتو اســـمها نفس اســمي و هو اللي خبرني عليها كلشي و كأنو يقلي عوضني ربي فلانة ب فلانة
و في كل الحالات العذاب مضاعف و السبب الله اعلم

[حميد.ص]

كل شيء في الدنيا لا يستحق العناء


ربي يرزقك زوج صالح

[naamane3]

مانيش راح نلوم ونقول علاقة غير شرعية وحب وهيام
وأحلام و وندم وضياع وجروح لا تنتهي
لكن أقول يوجد رب اسمه الكريم يفرح بتوبه عبده اليه اذا أناب
اقطعي كل الماضي بحلوه ومره وجميله وقبيحه
وعيشي مستقبلا مع الكريم وبرعايته وفي طريقه
ثم اذا تذكرت الماضي اقطعيه بالاستغفار
وواضبي عليه حتي اذا فنيت ذنوبك
أتاك المستقبل باشراقته التي تنير القلوب
فلا تقنطوا من رحمة الله

[* الحلم سكر *]

حبيبتي يكذب اللي يقلك انسي بين ليلة و نهار صح راك تتعذبي و ممكن هو ثاني يتعذب و ممكن راه عايش مهني قرر حيأاتو و عايش و انتي تخمي في الموت ؟؟
حرام عليك نفسك ارحميها
عن نفسي راح ندعي ربي يكون في عونك مهما تكون صعيبة ربي سبحانه كريم و قادر ينسيك و يرزقك بفرحة من حيث لا تعلمين
ثقي في الله أخية
الظلم ظلمات و انتي ان شاء الله ربي ينصرك في القريب العاجل و يرزقك. زوج صالح تقي يخاف ربي فيك و راح تنسان ان شاء الله و تكوني بأفضل حال
ربي معاك

[السيده صليحة]

ياختي والله لرني حاسة بييييييييييييك مشي ساهل لجوزتييييييييييييييييه صدقني هدا ابتلاء عظيم م زيدي اصبري شوي برك وتمسكي برب العالمين والله راح يرزقك ربي براجل انسيييك فيهم فزوج وتعودي تقولي وش داني نعدب فروحي ونتعب فروحي هده مدة وشدة وجوز وراح تبق من الماضي تتفكريها برك ==
اختي الا حبيتي نبق معاك على تواصل خليلي فيس بوك تعك ان شاء الله رانا كامل معاك وكوني على علم كامل رانا مهمومين ومشكلين فدنيا هده
ربي يرزقك الصصصصصصصصبر وفرج عليك انشاء الله

[طيبة نفس]

لا حول ولا قوة الا بالله لا تحطمي حياتك بسبب اشخاص الدنيا ما فيهاش غير هما كاين ماخير اصبري برك ربي يعوضك على كل لحظة الم

[Angleeyes]

اطوي هذيك الصفحة و ابداي صفحة جديدة تقربي من رب العالمين و سوف تجدين راحة و سعادة ابدية جربي تبعدي و تبدلي جو روحي لاقاربكم في مكان بعيد على داركم و حاولي تنساي ابحثي عن عمل شريف و صديقات الدنيا جميلة اذا عرفنا كيفاه نعيشوها.

[**مياس تسنيم**]

قلتي راني قوية ايمالا بقاي قوية و الدنيا مافيها والو صدقيني قولي قدر الله وماشاء فعل ياما سمعنا بقصص سنين عشق وغرام انتهت في اشهر من العشرة بعد الزواج اسمه الرحمن هو ارحم منا نحن البشر مهما قلنالك بيدك الحل صدقيني راكي عايشة في فراغ ادعي ربي ينشف دمعتك ويعوضك بالزوج لي كاتبولك ربي لانو ربي يختارلك الاحسن و الله راح تندهشي من وش مخبيلك من خير
ربي يهنيك حنونة

[nouna l maghbouna]

هو راه مع زوجتو يضحك و انتي ابكي و حياتك عليه
تجربة في حياتك و فاتتك انسااااي

هكدا ولا اكثر

والديك عايشين و راضيين عليك و انتي بصحتك نوضي صلي و احمدي ربي و ادعيه يرزقك الصبر و النسيان و الزوج الصالح اللي ينسيك هاد الهم

عيشي حياتك و انساي اللي فات

ربي معاك

[safira2014]

واله ياختي واحد مايستاهل تموتي على جالو ننصحك بتقرب الى الله والدعاء يفرج همك

[الحلم الجميل]

لا املك لكي الا الدعاء عسى من رب العباد انه يخفف عنك و يفرج همك استغفري حبيبتي
و الله في هذه الحياة ما يستاهل الواحد يعذب نفسه بسبب شخص.
تمعني في هذا الحديث..قال النبي صلى الله عليه وسلم: (( ما يُصيبُ المُسلِمَ، مِن نَصَبٍ ولا وَصَبٍ، ولا هَمٍّ ولا حُزْنٍ ولا أذًى ولا غَمٍّ، حتى الشَّوْكَةِ يُشاكُها، إلا كَفَّرَ اللهُ بِها مِن خَطاياهُ)) رواه البخاري و مسلم .فكيف تحرمين نفسك من اجر الصبر ..
فرجا قريبا ان شاء الله و يوما ما ستاتيكي فرحة حتى تقولي لا اذكر انني حزنت او تالمت يوما

[بيت النّسيم]

السّلام عليكم و رحمة الله و بركاته
رفقا بنفسك يا أختي فلو علم الإنسان حقّا ما معنى حب الله و الشّوق إليه لأغناه ذلك الحب عن كل حبّ
توبي إلى الله من علاقتك و أكثري من القرآن و الإستغفار
فالسّعادة الحقيقية في الجنّة
و السّعيد من فاز يوم الحساب

[شهد حنان]

السلام عليكم

احساس صعيب بزااااااااااف لي راكي تحسي بيك اكيد راكي حاسة انو كل شيء توقف امامك وانك تحطمتي من الداخل لانك قدمتي وفي الاخير ما ديتي والو لكن كوني متأكدة انها مرحلة وريحة تفوت الزمن كفيل باه ينسيك في حوايج ياسر ممكن تبقاي مجروحة لكن ما شي بنفس الشدة فقط حولي تقومي وتكوني قوية وما تستسلميش وديري في بالك بلي في الدنيا هاذي ماشي لحاجة لي نحبوها رايحن نلقاوها ممكن هو اختبار جزتي عليه حتى تتعلمي من الحياة ....

ما تقلقيش روحك وحاولي تأقلمي لانك مازال في مرحلة عدم التقبل والرضا لكن رايحة تتقبلي الوضع ورايحة ترضاي لانك في النهاية ما تقدري ديري والو بالحزن نتاعك ...

حاولي تبداي من جديد ...الدنيا مرايحاش تتوقف عند شخص معين ...عيشي لاناس يستحقوك ويحبوك حقيقة ...
ديري اهداف جديدة في حياتك وعيشي من اجلها ....ديما قولي لعل ما حصل خير ....وفي كل هذا ما تنسايش الدعاء ...باه ربي يلملك الجراح وتتعافاي ان شاء الله واياك وتضعفي ...

[نايفز55]

مسالة وقت علابلي امر صعب لكن ربي يصبرك

[rimora]

انساااااااااااااااااااااااااااي وبداي حياة جديدة

وكوني متاكدة بلي لي يجيك راح يحبك ويهنيك

وتعيشي حياة عمرك ما حلمتي بيها

هو متهني وانت تمرري في معيشتك على جالتو

انسااااااااااااااااااااااااااااااااااااااااااااااا ااااي انسااااااااااااااااااااااااااااااااااااااااااااااا ااااي وادعي ربي يجيبلك ولد الحلال لي ينسيك في كلش

[hakeem]

حب الطفولة ؟؟

[السي محمد]

تعرفي المُشكل وين راه؟؟؟؟؟

ان الموت ليس نهاية العذاب


بل بداية حياة اُخرى

و راني خايف تخرجي من عذاب الدنيا لعذاب الآخرة

و هكذا تكوني خسرتي مرتين

دنيا و آخرة


=============

انساي انساي

و حاولي تقتنعي بلي ماراكيش في فيلم هندي

سلمان خان يرجع ليك

بعدما تزوج بوحدة اخرى


لانك حب طفولته

راكي في الجزاير

[صرخة ألم]

حب الطفولة ؟؟
اجل اخي حب طفولة و لم اقل علاقة كان احساس بالاخر خوف عليه و مع هذا كتمت احساسي داخلي و اعتقدت انو الانسان لازم ما يكونش على علاقة مع الاخر لكن فهمت متأخرة انو حتى الاحساس ممنوع لكنو يبق احساس نتحكمو في تصرفاتنا لكن ما نتحكموش في خوفنا و تفكيرنا بالاخر
و مع هذا ديت درس و درس كبير
شكرا عموما على المرور
و اللي شفتو في مواضيعك من خوف على بنات بلادك ز من حيادية بطرح مواضيعك يخليني ما نقراش يؤالك بنظرة سلبية و تقبل ردي

[صرخة ألم]

تعرفي المُشكل وين راه؟؟؟؟؟

ان الموت ليس نهاية العذاب


بل بداية حياة اُخرى

و راني خايف تخرجي من عذاب الدنيا لعذاب الآخرة

و هكذا تكوني خسرتي مرتين

دنيا و آخرة


=============

انساي انساي

و حاولي تقتنعي بلي ماراكيش في فيلم هندي

سلمان خان يرجع ليك

بعدما تزوج بوحدة اخرى


لانك حب طفولته

راكي في الجزاير

و شكون قال مستانياتو يرجعلي اللي يخذلك مرة يخذلك الف مرة
احساسي حطمني لكن على الاقل كبريائي ما يخلينيش نستنى واحد ما تحدى حتى حاجة و اعتبر حفاظي على مبادئي تخلي عليه

من ناحية في الجزاير هادي عندك فيها حق

و شكرا على التذكرة و فعلا ما كان والو ينسيك هم الدنيا غير اللجوء لربي سبحانه
شكرا لمرورك اخي

[صرخة ألم]

شكرا للجميع على ردودكم ...
اعتذر لازعاجكم بمشكلتي و غير ربي لي يعلم كل حرف منكم واش يعني عندي
لا اجد ما اقول الا جزاكم ربي رضاه و درجاته العلا من الجنة شكرا لكم جميعا

[الفاتحة]

دائما العلاقات الغير شرعية نتاجها العناء والهم والحزن اكثري الاستغفار والدعاء وخلي غير ربي في قلبك وصدقيني من يستحق حبك هو خالقك وليس هذا العبد

[SELMA.]

rabi y3awthek bweld lehla li ysounek w yensiek feli fat shahedi w esatghefri houa 3ayesh hyatou wenti tetmnay f mout sah mashi haja sahla mais haweli tetfakri hwayj shar li darhoum fik bah yegussa gulbek 3Lik wekli rabi w matensayesh shi denya yekhlass f denya