مشكلة إتخاذ القرار

[مشكلتي]

السلام عليكم و رحمة الله تعالى و بركاته
باش منطزلش في الكلام
كنت مخطوبة لواحد مدة عام غير بالكلمة برك و كل خطرة يقولي نحبسو منيش حاب نتزوج بالرغم من أنو كل الظروف ملائمة جدا للزواج خاصة الماديةمبعد و كل خطرة يمدلي شروط تعجيزية باش ميتمش الزواج المهم في هذا العام شوفني لمرار خدعني مع لبنات جرحني بالكلام لاهو جا كمل الواجب و لاهو خلاني بهدلني مع دارنا المهم المرة الأخيرة قرر يتركني بقلب بارد و قالي كل خطرة نليكيديك و إنت مفهمتيش روحك و أنا خبرت دارنا و كل واحد راح في حالو
أنا مقبل كنت نحلل فيه باش ميخلنيش المرة هادي إتخذت القرار و أمنت بالمكتوب و جبدت عليه
بعد الهدرة هاذي بشهر معيطلي ماحوس علي حتى دارهم نفس الشئ
كاين واحد جارنا هدر مع الوالد التاعي و راه حاب يتقدملي أنا قررت نوافق لأنو الشخص و ليد فاميليا
بعد ما قلنا لجارنا تقدم عيطلي خطيبي السابق و قالي إسمحيلي متل كل مرة
و أنا متأكدة أنو راح يديرلي متل كل مرة كل مانسامحو يتمادى
و الله مابقاتلي ثقة فيه
أنا رأيي منشوفش ورايا و نكمل مع جارنا لأنو خطيبي السابق في عام مقضى والو ياناس خطبني في ماي 2012 و رانا أكتوبر 2013 حاجة مدارهاش كل منقولو يقولي مزال الحال بالرغم من أن ظروفو المادية جيدة جدا و بالرغم من كل هذا قالي العرس في 2015
مدة عام و نصف كرهلي حياتي
المهم هذه هي الحكاية في إنظار أرائكم
نرجع ليه و لا ننساه و نكمل مع جارنا

[الفاتحة]

أختي دون أدنى شك خطيبك السابق يتلاعب بك ويريد أن يضيع عليك فرصة الزواج والسعادة ليس في الامر أي شك عليك أن تقبلي بجارك خاصة أنك قلتي وليد فامييليا ماذا تريدين أكثر من ذلك وافقي عليه ولا تنسي صلاة الاستخارة لكن الأمر الذي يثير العجب كيف تفكرين في الرجوع لشخص أهانك واستحقرك ومرغ بكرامتك الارض حتى لو لم يكن هناك شخص تقدم لك فلا يجب أبدا التفكير حتى في الرجوع لشخص حقير مثل خطيبك السابق ربي يوفقك ويهنيك

[anismed]

متفقة مع الفاتحة

[بيت النّسيم]

وعليكم السّلام و رحمة الله و بركاته

إستخيري الله تعالى بشان الخاطب الثّاني و إن اطمأن قلبك توكّلي على الله و اقبلي به و لكن يا أختي حذار من الكلام اثناء فترة الخطوبة لأن ذلك لا يجوز شرعا إلّا إذا كان هناك عقد شرعي و كذلك الكلام الكثي يجلب المشاكل ,,لذلك إعتبري من مشكلتك الأولى يا أختي الغالية
و ارجو ان لا تجيبي عن مكالمات الخاطب السّابق أبدا ,, فمن يخطب فتاة و يجرّها معه ثمّ يفتعل المشاكل بعد ذلك لإنهاء العلاقة لا يكون إلا شخصا لعوبا و لا يقدّر المعنى الحقيقي للزواج

وفّقك الله و رزقك الزّوج الصّالح

[نورسين.داية]

شخصيا هذا النوع لا اتعب نفسي في إتخاد قرار بشأنه لثانية واحدة ......

[nasser26]

نصيحة اخطيك من الاول والله باين متلاعب 100 %
توكلي على الله واقبلي بالثاني

[مبروكة الصحراء]

اكسبي راحتك و كرامتك أحسن و لي ماقيمكش و انتي خطيبتو راح يقيمك و انتي زوجتو
أحسن شيء تقبلي بجاركم و ماقيميش قاع الاول و إذا هددك ماديريش عليه لي يبغيك مايسمحش فيك بسهولة و يقولك "عييت نليكيديك" هاذي وحها تكفي
ربي يوفقك

[nana w]

اختي اقبلي بجارك وكملي معاه خطيبك الأول اهانك وجرحكي واصبح ذلك بالنسبة اليه شيء عادي يعني انه سيتمادى اكثر لا تخسري فرصتكي مع جاركي ولا تنسى ان تصلي استخارة وابعدي قلبكي عن الموضوع حاولي تحكيم عقلك

[حميد.ص]

الزواج هاذا قسمة و نصيب و مكتوب تاع ربي.

1- ما تقدريش تعرفي اذا الخير راه مع الاول و لا الثاني و لا مع شخص اخر.

2- اذن الانسان لا يستطيع أن يضمن غيره و لكنه يستطيع أن يضمن نفسه باذن الله.

3- انت اختي حاولي تبقاي في شرع الله و ما تظلمي حتى انسان و لو ان الشخص الاول ظلمكي كثيرا و انا استغرب استهزاء بعض الرجال بمسئلة الزواج لهذه الدرجة.

4- المهم اتصلي بخطيبك الاول و اطلبي ان ياتي اليكم الى المنزل مع اهله لكي يطلب منك السماح أولا ثم اشترطي عليه شروطك فانت ليس لزاما عليك ان تصبري على تجاوزاته في كل مرة و افرضي عليه ما يلي:

* اشترطي عليه ان لا يعود ابدا الى ما كان عليه من قبل.
* اشترطي عليه ان يحدد تاريخ قريب للزواج.
* اشترطي عليه ان يبرهن على حسن نواياه خلال هذه المدة.
* اشترطي عليه اي امر ترينه انت فانت ادرى مني.

اذا وافق فالله ما بارك و اذا رفض او تررد فقولي له ان هناك خطاب غيره فاسمحلي ان اتابع حياتي فلس هناك في الدنيا سواك.


اخيرا ربي يوفقك و يرزق زوج صالح

[chahrazed-m]

اختي اول حاجة الاستخارة استخيري الله وهو ويسهلك امورك بادن الله ولي فيه الخير يسهال وترتاحيلو

اما عن خطيبك الاول الظاهر من كلامك انو يتلاعب فقط وقلتي انو جرحك وحتى قالك كل مرة نلكيدي فيك وانت ماتفهميش

كاين رجال ربي يهديهم يحب يتلاعب من ومن ووحدة تكون مقيدة ليه وقت ما مل من لخرين والا تعب يرجعلها

ربي يسهلك امورك

[you92cef]

اعقلها وتوكل

[Some1]

الزواج هاذا قسمة و نصيب و مكتوب تاع ربي.

1- ما تقدريش تعرفي اذا الخير راه مع الاول و لا الثاني و لا مع شخص اخر.

2- اذن الانسان لا يستطيع أن يضمن غيره و لكنه يستطيع أن يضمن نفسه باذن الله.

3- انت اختي حاولي تبقاي في شرع الله و ما تظلمي حتى انسان و لو ان الشخص الاول ظلمكي كثيرا و انا استغرب استهزاء بعض الرجال بمسئلة الزواج لهذه الدرجة.

4- المهم اتصلي بخطيبك الاول و اطلبي ان ياتي اليكم الى المنزل مع اهله لكي يطلب منك السماح أولا ثم اشترطي عليه شروطك فانت ليس لزاما عليك ان تصبري على تجاوزاته في كل مرة و افرضي عليه ما يلي:

* اشترطي عليه ان لا يعود ابدا الى ما كان عليه من قبل.
* اشترطي عليه ان يحدد تاريخ قريب للزواج.
* اشترطي عليه ان يبرهن على حسن نواياه خلال هذه المدة.
* اشترطي عليه اي امر ترينه انت فانت ادرى مني.

اذا وافق فالله ما بارك و اذا رفض او تررد فقولي له ان هناك خطاب غيره فاسمحلي ان اتابع حياتي فلس هناك في الدنيا سواك.

اخيرا ربي يوفقك و يرزق زوج صالح

كون جات اختك في بلاصتها تنصحها كيما هك ؟؟
انا راي اسالي على الثاني و اخطيك من الاول
بينا بالي سمع بجارك جيا يخطب و خاب يفزد عليك

[*نآدرة~]

كاين واحد المثل يقول:"اذا خدعتني أول مرة فأنت الملوم،واذا خدعتني مرة أخرى فأنا الملوم"،أختي الانسان مايكونش نية بزاف وحايح في واحد الأمور،انسان عام كامل وانت تستناي فيه ،دار فيك الباطل،خلاك وما شافش كامل ليك،ومن بعد ترجعي ليه؟؟أواه ما ننصحكش خلاص،وزيد جاركم كي جا راجل دخل من الباب هذا هو لي يصلح يكون زوج،خطيك ياختي من العابث الاول وشوفي واش يقول ابوك على جاركم اذا وافق وافقي انت ما عندك ما تستناي،وبدلي البيس تاعك وخطيك من لي ما عندهمش الكلمة
ربي يوفقك ويزين سعدك ويرزقك زوج صالح

[سمرجان]

ما خاب من استخار وما ندم من استشار توكلي على الله واقبلي ممن جاء لابيك ولم يفضحكِ امام الناس ....................لقد قلت ان الاول اهانك وخانكِ فكيف تقبلين بخائن وعذرااا اقول لكِ انك تماديتي مع الاول ففترة الخطوبة تبقى فيها المخطوبة اجنبية على خاطبها وهذا هو سبب المشاكل كثرة الكلام و............و..............
اعانك الله اختي ورزقكِ الزوج الصالح

[أسومة المتفائلة]

كاين واحد المثل يقول:"اذا خدعتني أول مرة فأنت الملوم،واذا خدعتني مرة أخرى فأنا الملوم"،أختي الانسان مايكونش نية بزاف وحايح في واحد الأمور،انسان عام كامل وانت تستناي فيه ،دار فيك الباطل،خلاك وما شافش كامل ليك،ومن بعد ترجعي ليه؟؟أواه ما ننصحكش خلاص،وزيد جاركم كي جا راجل دخل من الباب هذا هو لي يصلح يكون زوج،خطيك ياختي من العابث الاول وشوفي واش يقول ابوك على جاركم اذا وافق وافقي انت ما عندك ما تستناي،وبدلي البيس تاعك وخطيك من لي ما عندهمش الكلمة
ربي يوفقك ويزين سعدك ويرزقك زوج صالح


:19::19::19:
راني معاك فى كل كلمة قلتيها

[حبيبة زوجها]

الكلام هذا كامل ومازال تخممي ارمي عليك كيما نقولو الي بيعني بالفول نبيعو بقشورو وخليك منه وتوكلي على الله وشوفي لي شاريك ويتهلى فيك
ربي يكون معاك

[الوردة المتفتحة]

حبيبتي رب يوفقك في حياتك ماتتقلقيش مادامك شادة في ربي اتخاذ القرار صعب بالنسبة ليك ممكن لانك متعلقة بالخطيب الاول لكن يا ختي يظهر عل انو هو مازال ماهوش عارف يتخذ قرار
وبما نو جاركم توسمت فيه الخير ...........ننصح ختي كملي حياتك وماتعوديش تشوفي وراك ..................ربي رح يعوضك على كرامتك اللي تمسحت مع داك الشخص
انت تستهلي كل خير
ماترميش روحك في يد شخص مايعرفش قيمتك باه غدوة ماتندميش حبيبة
ربي يسعدك وينور طريقك

[عطر الجوري]

مازالك هنا ديري في المواضيع الله يهديك اخطيك منو وافهمي روحك كيما قالك هو من نوع الرجال مال يامالغيري ونصيحتي ماتزيديش تهدري معاه ممكن يسجلك ويديرلك مشاكل مع زوج المستقبل

[ام جواهر]

حتى و لو ما خطبكش الثاني ما ترجعيش للاول ...............لانو ما قدرش قيمتك و ما يستاهلش حتى تخمي فيه و كيما يقول المثل ....الي باعني بالفول نبيعوا بقشوروا.

[hodahodahoda]

لا تلتفتي الى خطيبكم السابق فكري في مستقبلك
اعطي فرصة للخاطب الجديد

[AMINA.Z]

اكيد تنساي حكاية الاول

اما الثاني سقسيو عليه مليح و اذا وليد فاميليا صح

ربي يكمل بيناتكم

[اناناسة]

السلام عليكم، اختي لا يلذغ المؤمن من الجحر مرتين هذا واش نقولك .

[naamane3]

عندنا حكمة تقول ماناكلك ياغدايا مانمدك لعدايا
يعني هو ماشي حاب يتزوجك ويمدلك في شروط تعجيزية
واش تستناي منو
اخطيك منو واستغفري الله لذنبك وروحي لجارك احسن لك
ولو بقيتي معه سيؤجل ويؤجل ويؤجل حتي تنطبق عليك كلمة بايرة
ومن يدري ربما هو الآن متزوج لهذا يتلكك ويؤجل
اخطييييييييييييييييييييييييييييييييييييييييييييييي يك

[kamel76]

إلى من ترجعين يا أختي هداك الله !!!