عونوني على وجه ربي في صاحبتي [الأرشيف] - منتديات الجلفة لكل الجزائريين و العرب

مشاهدة النسخة كاملة : عونوني على وجه ربي في صاحبتي

الريم الغالي

2013-09-30, 10:13

السلام عليكم.... في بعض المرات تكون الصداقة كتز من عند ربي واغلى شئ في الدنيا وفعلا عندي صاحبتي عطاهالي ربي هدية وقفت معايا في اصعب الظروف وخيرها سابق فيا كيما يقولو حبيت نردلها شوية من فضلها و نعونها في مشكلتها.....مؤخرا صديقتي رزقت بمولود يهبل ودوك عندو عام وشهرين هو عينيها وكل حياتها لخاطر جاها بعد ما فقدت بنتها عمرها 5 سنوات في حادت ....مي بدات تبان فيه اعراض انو مايقدرش يمشي حاولت نقنعها تديه تعرضو على طبيب مختص بصح رفضت جملة و تفصيلا و قاتلي راني خايفة نخسرو كيما اختو.... على وجه ربي عاونوني و كي ندير معها علما ان زوجها و كل عائلتها لم تستطع اقناعها في موضوع العلاج:sdf::sdf:

إكليل

2013-09-30, 10:21

ربي يدم المودة بيناتكم و يوفقكم لرضى الله سبحانه و تعالى
أختي حاولي أنك تقنعيها قوليلها إذا ماديتش للطبيب يعالجه ممكن أنه تتفاقم المشكلة و تصبح صعبة الحل حينها حين يكبر مالذي ستقولينه لإبنك .ربي يرزقها الهداية و الصواب

الريم الغالي

2013-09-30, 10:41

طيب انا حبيت نروح معاها وانا نبدى بالمبادرة الاولى ...... وين نديه .... الى طبيب الاعصاب متلا

الريم الغالي

2013-09-30, 11:32

ارجووووووكم شحال من مشاهدة وماكاش حتى راي ..............

إكليل

2013-09-30, 11:37

أولا خذيه إلى طبيب أطفال و هو ينصحك و يوجهك و إن شاء الله يشوف الشفاء على يديه

salima14

2013-09-30, 12:23

بالعكس إذا خلاتو وما عالجاتوش درك بالاك تخسرو لازم تعالجو وربي
يدير لخير

الريم الغالي

2013-09-30, 12:40

شكرااااااااااااااا لكم جميعا

ست الحبايب

2013-10-02, 11:10

اختي اذا فعلا يحتاج علاج من الافضل تبكر بيه احسن والا راح تخسرو فعلا وهنا الضربة ضربتين لا قدر الله
وزيد تقولي عام وشهرين مازالو صغير قادر يمشي في اي لحظة لانو ماشي كامل الاطفال يمشيو في وقت واحد كاين الي يوصل حتى لعامين وبعدها يمشي عادي خاصة الي يخاف من الطيحات

سامية حكيم

2013-10-03, 15:49

اختي انا بنتي مشات عمرها عام و 6اشهر وماتقدرش تتحكم في يديها مثلا البيبرو ماتقدرش تحكمها انا الي نرضعها اديتها لطبيب وقالي ماتخافيش عليها وذرك راي تمشي وتقرى في الروضة عادي وانتي من الاحسن انك تقنعيها تديه لطبيب

diyaa2013dz

2013-10-03, 16:07

حاولي تقنعيها تأخذ الطفل للطبيب اذا لم توافق حاولي مع طبيب اطفال من نفس مدينتكم يذهب لبيتهم و يفحص الطفل و ينصح والديه و ان شاء الله يكون خير
يوجد بعض الاطفال يتأخرون في المشي و الافضل تشريلو مشاية يحاول فيها يتدرب انا ابني بدأ التدريب لما كان عمره عشر اشهر و مشى عند اربع عشر شهر

diyaa2013dz

2013-10-03, 16:09

أم محمد تاج

2013-10-03, 20:13

حبيبتي شكرا لحرصك الشديد لابن صديقتك
وعام وشهرين مازالو صغير على المشي يالحبيبة وماتشطنش خلالالالاص نشالله يزيد شوي ويمشي وزيدو شوفو رأي الطبيب وقوليلها بلي المشكل راح يتفاقم لوكان ماتجريش عليه ضرك وربي معاك ومعاها يالحبيبة وخليو زوجها يضغط عليها ونشالله ترضى

omislam

2013-10-09, 15:46

السلام عليكم اولا انت لم تفهمينا الحالة لو حبي وجلس ماكان حتى مشكل انا عن نفسي ابني ممشاش حتى 15شهر ولو مايتحركش مره او رجلية عوج مثلا هنا لازم استشارة طبيب الاطفال اول وهو يوجهك للمختص ويجب ان تفهميها كلما عالجة الحالة ابكر كلما كان احسن للطفل لان هو المضرور وليس امه وقليلها لو ماتعلجوش كى يكبر راه احسبها لانها تعتبر مقصرة فى نضره وربكى اكون معاك وما ابنها وهى ربى اعينها

omislam

2013-10-09, 15:48

السلام عليكم اولا انت لم تفهمينا الحالة لو حبي وجلس ماكان حتى مشكل انا عن نفسي ابني ممشاش حتى 15شهر ولو مايتحركش مره او رجلية عوج مثلا هنا لازم استشارة طبيب الاطفال اول وهو يوجهك للمختص ويجب ان تفهميها كلما عالجة الحالة ابكر كلما كان احسن للطفل لان هو المضرور وليس امه وقليلها لو ماتعلجوش كى يكبر راه احسبها لانها تعتبر مقصرة فى نضره ورب اكون معاك وما ابنها وهى ربى اعينها

*~عَبدُ الحَليمِْ~*

2013-10-09, 15:49

ربما ياخذو ابوه بدون علمها

yousra14

2013-10-09, 16:27

الصدمة التي مرّت بها أثّرت عليها كثيرا
قولولها هل تحبين أن يبقى ابنك معوّقا ؟
وإذا لم تهتم هنا احضروا لها الطبيب للبيت ويعاين الطفل ولما لا يأخذ حتى التحاليل ويعطيها العلاج
هذا ما استطعت قوله لك وأضيف لا تغصبوا عليها حتى لا تتفاقم حالتها الفايدة في الأم
رب يدوم محبتكم وفرحينا قريبا