شبح الخطبة

[مشكلتي]

السلام عليكم ورحمة الله

انا فتاة في 21 من عمري الحمد لله أمن الله علي بحسن الخلُقٍ و الخلقٍ لم يسبق لي وان عرفت شخصا هادئة في طبعي مؤمنة بقلبي

حمدا لله محبوبة من الجميع ومن كل من حولي وكل الناس تقول انني خفيفة على قلوبهم

مشكلتي انني في هذه الفترة يتكلم عني البعض بقصد الزواج يعني يقصدنا أناس بقصد الخطبة او يتحدثون مع امي خاصة بعد خطبة اختي التي تكبرني اصبح هذا الموضوع يتكرر من مرة لاخرى

وهذا ما كان يخيفني من صغري

انا اعاني من مرض مزمن وخضعت لعملية في صغري .. انا بخير الحمد لله اعيش ككل الناس الطبيعيين لكن من صغري اخفيت امر مرضي على الاغراب لان نظرات الشفقة لفتاة صغيرة توجعني كثيرا فكنت اجد راحتي في الاخفاء

الان كل ما تكلم عني اناس سرعان ما اتذكر الامر فأحزن اخاف حتى و ان قبلت و ان اخبرته بان معي مرضا مزمن يتراجع و اجرح وانا حساسة جدا خاصة اني اتذكر جيدا باحد الاعراس اعجبت امرأة من اقاربنا بي فقالت لو لم تكن مريضة لخطبتها لابني اليوم جرحتني كثيرا و بقيت اخاف اخاف ان اوافق على احد و يجرحني اخاف ان يرفض عندما يعلم الحقيقة اخاف ان يرفض اهله

ماذا افعل اشعر ان امي فهمتني في الموضوع ايضا فباتت لا تسألني حتى عن رايي و تصمت عن الموضوع ان كلمها احد

هذا فب هذه الفترة فقط فمن قبل كنت صغيرة و لم يسبق لي وان خطبت وها انا اليوم امام ذلك الشبح

تعبت عن التفكير و كيف اصارح شخصا ان خطبني

اشعر انني مجروحة كثيرا عندما افكر كيف سأواجه شخصا بالحقيقة ام ابقى ارفض حتى لا اجرح؟؟

[leila ben]

أولا ربي يشفيك الزواج مكتوب من عند ربي متعرفيش كامل واش راه مخبيلك نعرف واحد تزوج بوحدة عجباتو رغم أنو الأطباء قالولو رايحة تموت بصح أصر عليها وتزوجها وعاشو واش كتبلهم ربي مع بعض بعد 4 سنوات ماتت الله يرحمها والله العظيم أن القصة ماشي خيالية بل واقعية ونعرفهم عز المعرفة حكيتهالك باش تعرفي أن القدر أقوى من كل عائق وأنت متقعديش ترفضي برك وإنما عليك بالمصارحة فقط مع البداية كتب ربي كتب مكتبش المهم تنحي اللوم عل روحك متبقايش في لو كان .
ربي يرزقك الزوج الصالح
كوني راضية بالكاتبة كيما كانت وماشي كي تقولي فلانة تزوجت راهي مهنية كاين بنات تزوجو وتطلقو وكاين اللي تمرمدو وكاين اللي تعرضو للخيانة صابرات برك تلقايهم حاسدين العازبات .

[*الحواس*]

أولاً , الله يجيب الشفاء
ثانياً , إلى متى سيبقى هذا الموضوع رهن الخفاء , يعني من الأفضل أن تصارحي من يتقدم للخطبة فربما يقبل , خير من أن تبقي هكذا .

شيئ أخر , ما تعمريش راسك بالكلام تاع الأهل و العائلة , لأن جل الأقارب مصابون بمرض الحسد و الغيرة ( و الله اعلم )

ربي يجيب الخير .

["راجية الجنة"]

سلام عليكم


والله يا اختي ناس فارغة شغل برك بالاخص الي قالت كون مجتيش مريضة ديتك للولدي ، هذي افعى سامة خير و خير كما متديكش للولدها تهنية منها

و نروحوا للمهم ، شوفي اختي دركة الناس كل مريضة متمعريش راسك بكلامهم الي باغي يتقدملك خليه يتقدملك متدريش خير وين

دركة كاين مرض مزمن يختلف عن اخر ، كاين الي يجي حاجز للزواج والغرض منه وكاني الي ميشكلش حاجز

انت مقلتيش وش من مرض عندك

ربي يحجب عليك اختي و يفرحك

[مومي23]

اذا خطبك احد و رضيت عليك مصارحته بمرضك

[تراتيـل صبــح]

منء كان يريدكِ بشدة فلن يفكر في مرضك بهذه الطريقة
وسيتقبلك بكل عيوبك ومزاياك
وأي انسان معرض للمرض لو قدّر الله له ذلك
فهذه حكمة من الله
برأيي
وبما أن الموضوع يجرحكِ
وبما أنكِ لا تريدين أن تخبري من يتقدم في كل مرة بالأمر
عليكِ أنْ تأخذي وقتكِ بالاختيار ومنْ وجدتِ بأنه متمسك بك
فأخبريه بالأمر
وربي يقدر الخير.

[مبروكة الصحراء]

أولا أختي ربي يشافيك
ثانيا أختي رانا في وقت ماكانش لي ماهوش مريض بالعكس انتي راكي ناوية تخبري الخطيب و خايفة يروح كي يعرف كاين واحد الناس يخبو موضوع المرض و حتى و إن كان مشكل كبير حتى يتزوجو و يعرفو رجالتهم بالمرض طبعا هذا أمر سيء لا أقول لكي أخفي الأمر
لكن أريدك أن لا تعطي الأمر كل هذا الاهتمام مادمت عايشة طبيعية و راكي صافية و صادقة مع ربي ماتخفيش
أرجوكي لا تقلقي افتحي أمامك الأبواب و خلي الخطاب يجو عادي و كي يجو حكي للخطيب على المشكل لأنه هو المعني
يرفضك واحد و 2 و 3 و يجي النهار لي يجي ولد الحلال لي يفهم ان هذا الأمر ليس حرام و لا عيب
و ما زلت صغيرة حنونتي أنا نعرف وحدات دايرين عمليات كبار و راهم فاتو الثالثين و مازال عندهم أمل يجيبلهم ربي زوج
و المرض الحقيقي هو مرض النفس السيئة
ربي يرزقك عاااااجلا بالزوج الصالح

[نورسين.داية]

و هل هناك إنسان كامل .................فالكمال لله عز وجل ....

[youya miracle]

كلنا معرضون للمرض ادا جاء احدهم لخطبتك لازم تخبريه و تصارحيه بمرضك و خليها على ربي يجيب لي فيه الخير

[samira135]

المرض يا أختي ماهو عيب ماهو حرام هو ابتلاء من الله و الله اذا أحب عبداً إبتلاه قوليها بكل ثقة ماكيش دايرة حاجة مش مليحة وديري في بالك لما انتِ تتقبلي مرضك الناس رايحة تتقبلو عادي

ممكن بسبب مرضك بطلو منك ياسر رجال مش ملاح دائما شوفي الجانب الايجابي

ربي يرزقك الزوج الصـــــالح يا رب

[عذراء الجبل18]

kima galt lokhet lkamal lillah 3aza w jal
w zwaj mktoub okhetiiiiiiiiiii
rabi ychfik

[AMINA.Z]

انتي المهم لازم تصارحي اي انسان تكون راضية بيه

و اذا يستاهلك راح يتقبلك و يشاركك في الحلوة و المرة

هاذا مكتوب يا اختي

[الفاتحة]

ربي يشفيك أختي وكل مرضى المسلمين وكم من معافى سقط صريع المرض كلها أقدار الله وما علينا إلا الصبر

[لمعة السيف]

شفاك الله اختي ..لكن عليك ان تتقبلي الامرو الواقع ان لم يكن في الدنيا سيجازيك الله في الآخرة .فالمسلم لا يغش ولا يكذب ولا يحتال
وقال رسول الله صلى الله عليه وسلم: لا ضرر ولا ضرار. رواه أحمد وابن ماجه، وصححه الألباني.

صارحي كل خاطب بمرضك وليس عليك اخفاء هذا ولا يغرنك كلام احد ولا تخشين احد في قول الحقيقة ولا تجزعي ولا تخجلي واحتسبي مصابك لله وحده وكوني شجاعة ولا تهتمي لكلام الناس فأن الناس لا يسلم من ألسنتهم سليم ولا مريض لن ترضيهم سواء كنت مريضة او صحيحة .. اخية ان اصدقت نفسك مع الله

سيجازيك الله ويكافئك ويبعث لك خاطبا يرضى بمرضك ويعجب بشجاعتك وجرأتك التي قد تجدينها نادرة جدا في عصرنا التي تغلبت عليه الانانية والخداع والطعن في الظهر ..واعلمي اختي الكريمة فإن المرض ابتلاء من الله تعالى ولا دخل للمرء فيه وليس مجرد المرض مانعًا من الزواج، فليس إنسان على وجه الأرض إلا وبه مرض خف أو ثقل، وقد قال رسول الله صلى الله عليه وسلم: "إذا جاءكم من ترضون خلقه ودينه فزوجوه إلا تفعلوا تكن فتنة في الأرض وفساد كبير "

[kmilya]

كوني صريحة مع نفسك ومع ناس
وتاكدي بلي يحبك ماراحش يشوف عيوبك

[صالح القسنطيني]

( و عليكم بالصدق فإن الصدق يهدي إلى البر و إن البر يهدي إلى الجنة)

أنت كوني صادقة مع الله و مع الناس ( و هو يتولى الصالحين) أي ينصرهم و يؤيدهم

[نورالهدى بيولوجيست]

قريت رسالتك عييت نخمن وش هو هاذ المرض المخيف لهاذ الدرجة؟ ماعرفتش؟

وش يكون مرضك ؟ الا اذا كان عقم اللي ممكن عندك حق نوعا ما اما اي شئ ثاني مخليك عايشة حياتك طبيعية مستحيل يخليك تخافي لهاذ الدرجة توكلي على ربي هو اللي خلقك كما هاك و قولي مرضك ما تخافي من حتى واحد خلي ثقتك عالية بنفسك و ان شاءالله ما يكون غير الخير

احد اقاربي خطب وحدة و قالولو عندها امراض الدنيا (ما تتقارنش ب 1% منك حتى حياتها مش طبيعية)و اخطرهم القلب و مع ذلك تزوج بيها و جابتلو طفل و ماتت عندو و راهو عازف على الزواج من وراها

توكلي على الخالق الذي لا اله الا هو العلي القدير

[*أمة الله*]

ماهو مرضك أختي

[soumias]

علاه راكي تقنطي في روحك يا اختي ربي هو اللي كتبلك المرض والحمد لله على كل حاجة من عند ربي ....ربي يشافيك ان شاء الله والزواج نصيب كاينين بزاف مراض ووعندهم اعاقات وتزوجو وراهم لاباس عليهم ربي سبحانه مافيه غير الخير

[حبيبة زوجها]

اول حاجة نقولك ربي يشفيك وحطي في بالك اي حاجة يكتبهالك ربي فيها خير كبير ليك
متبعيش هدرة الناس بزااااف لانه كلامهم يخليك تشوفي الدنيا كحلة وربي لي يرزق مش اهوما وربي يعطيك الراجل لي يستاهلك لانه لي كيما انت نادرين بهاد الوقت
ربي يهنيك ان شاء الله

[سمرجان]

ما شاء الله ما خفيتيش المرض تاعك على من سيتقدم لخطبتك وهذا دليل على حسن الخلق بارك الله فيك و في امثالك نقولك اختي من توكل على الله فهو حسبه راح ييسرلك ربي امورك بقدر نيتك ويرزقك الزوج الصالح اللي يتفهم حالتك لا للياس اختي استعيني بالله وربي يشفيك وتزوجي ويرزقك ربي باولاد وتتذكري هاته الردود على القصة تاعك شفاك الله اختي