رايكم سينقذ زواج من الانهيار ساعدوني عاجل جدا جدا

[الماسة النادرة]

صباح الخير اريد ان استشيركم في امر صديقتي التي طلبت مني المساعدة وايجاد حل لها ونضرا لثقتي فيكم واملي في مساعدتها ارتايت ان اطرح الموضوع في الحقيقة جائتني الاسبوع الفارط وهي في حالة نفسية جد سيئة وهذا بسبب زوها الذي قال لها وبصريح العبارة ،،،،،،، ندمت عاى الزواج ،،،،،،،،،. المهم هي لم تخبر اهلها سوى انا و زوجت اخيها بعتبارها صديقة لنا المهم انه برر ذلك في ان لم يستطع تحمل المسؤلية بعد الزواج وان الارتباط اثر عليه سلبا من ناحية الحرية وانه لايرغب في انجاب الاطفال بل يرغب في السفر راطلاق العنان لنفسه وانه سام من احضار المشتريات الى المنزل ،،،،، القضيان تاع الدار ،،،،،،،،، وسئم من الواجبات الاجتماعية ومن تحمل مسؤوليتها ثم قال لها انسي الموضوع المهم رانا عايشين وخلاص بالرغم من انها ايام الخطوبة الشرعية طبعا اتفقا على كل شيئ و اهم ماشدها هو انه شخص مسؤول حتى اخوتها الذكور شدهم بهذه الصفة وقد لجات لي لادلها على الحل الذي فكرت فيه مدة اسبوع كامل ولم اجد للحل المناسب لهذه المعظلة تحدثت معها اول امس قالت لي انا امارس حياتي بطريق عادية امامه ولكن قلبي مجروح جدا لانه فيما مضى كان يرفض حتى فكرة خروجها للتنزه او كيما نقولو حنى تنحي على خاطرها ولان اكتشفت السبب وهو انه لايريد عمل برنامج ويدمجها فيه اذن ارجوكم ساعدوها من فضلكم ولاتخيبوا ملي فيكم وارجوا اعطاء رايكم بصراحة شديدة وان يكون حل عملي كما ارجو من كل واحد يقدم مساعدة ان يتابع الموضوع لاني سارد عليكم حتى نصل معا الى حل يريح هذة المراة التي لطالا كانت نعم الصديقة والاخت لي وشكرا مسبقا

[ريم الفلى]

صباح الخير اختي
ربي يفرج عليها ان شاء الله
انا في راي ما دام كان يبان هادا الراجل مسؤول من ايام الخطوبة وهي مكتشفتش ابدا انو يتصنع المسؤولية وحتى خاوتها قالولها انو راجل مسؤول فهو كذلك
لا ان الراجل ساعات يحس بيلي الزواج حد من الحرية تاعو خاصة اذا كان سنو صغير وكل اصدقاؤ او بعضهم مزال متزوجوش وهذي حاجة طبيعية
الراجل عندما يبدا يحس بالروتين والملل من الحياة الزوجية يبدا يخمم في الحرية تاعو"زعمة كي شغل المرة داتو للحبس"
مالا لازمها تخليلي شويا حرية مثلا
متعيطلوش خلال النهار باش تسقسي عليه وين راهو؟
اذا تاخر برا متسقسيهش وين كان
تسيي تبدل كل حاجة في الدار مثلا ديكور غرفة النوم تبدل فيه يوميا وبدون تعب او ملل حتى وان حست بلي ماكانش نتيجة فورية
اللبسة تاعها تبدل زوج مرات في النهار اذا جاء وقت الغدا يشوفها زي واذا جا لعشيا يلقاها زي وزيد راهي مازالها عروس جديدة لازم تعاود تجذب اهتمامو بيها
واذا راهو متمني باش يسافر معليش خليه يروح مصيرو يرجع وماشي شرط تقولو اديني معاك رجلي على رجلك لالا
لازم تخليه يحس شويا بالحرية وهو وحدو راه يعاود يرجع وحدو
ومتخافيش موش رايح ينساك بالعكس راه يتفكر بلي انت اللي مديتيلو الحرية تاعو مرة اخرى
وكوني دائما مصيعة وماشي اذا شفتيه يقرى في جورنال ولا لاتي مع الميكرو في الدار تنوضي مشكل وتبداي تعيطي وتقوليلو انت طول النهار برة وكي تدخل للدار لاتيلي مع حاجة اخرى وانا معنديش الحق باش نهدر معاك والخ من الكلام اللي يزيد الطين بلة
واذا قدرتي تروحي للداركم في هاد الفترة غير متروحيش ابقاي في دارك متخميش كامل باش تروحي حتى تحسي بلي هو بدى يحس بالتغير في حياتكم من بعد روحي في النهار وقوليلو بالي راني رايحة نبات من بعد ولي ثم ثم ووجديلو عشا شباب والبسي مليح واخلقي جو رمنسي هههههه والباقي عليك يا شاطرة
واذا خفتي زوجك يقول خلال الفترة اللي قتلك متعيطيلوش فيها في النهار انو نساتني هادي واش بيها ابعثيلو ميساج باهي قال مثلا وقت الغدا
سالي حنوني راني دايرة الماكلة اللي حبها واش تخليني نفطر وحدي؟
ومن هذا القبيل هههههه
وخليه واذا ما جاش متزعفيش وحتى اذا مكليتيش متقوليلوش طول النهار وانا نستنى فيك وكليتش وانت معلابالكش بيا
فيما يخص مصروف الدار تاني متقوليلوش جيب جيب جيب وماكان حتى حاجة في هاد الدار
قليهالو بطريقة حلوة قال مثلا:
حنوني راني حابة ندير الماكلة .... واللي هو يحبها طبعا بصح خسارة معنديش باش نديرها مكاش ..... و........ و...... لوكان غير تشريهم تعيش عمري
هكذا ميحسش بلي راهو مجبر باش يشري بالعكس وزيديلو دعوة خير مهعاها كي يشري ويجي مثلا اوووه شريتهم يعطيك الصحة حنوني يسلم هادوك اليدين اليوم راح تاكل ....... جامي ذقتها ههههه
ومتنسايش تضحكي في وجهو طول الوقت ملازمش يقول بلي ممكن تكون زعفانة ولا حاجة اوكييييييي؟
اه واذا جاتك كاش مناسبة مثلا فرح او مباركة او تعزية لا قدر الله ومحبش يروح تكاسل عيطي لعجوزتك وقوليلها نروح معاك كي تجي رايحة اذا كانو لافامي تاوعو واذا كانو لافامي تاوعك قوليلها تجي وترح معاك زعمة تكبري بيها ههههههه
وهو قوليلو راني رايحة مع يماك للبلاصة الفلانية هو رايح يتهنى من مسؤولية واذا كانت عندو طونوبيل قولولو ملقيناش شكون يرجعنا للدار وهخلي الام هي اللي تعيطلو هههههه باش تتهناي انت وهو يجي وهكدا تريحي

واش رايك في الحلول تاوعي؟

[samixp02]

صباح الخير اريد ان استشيركم في امر صديقتي التي طلبت مني المساعدة وايجاد حل لها ونضرا لثقتي فيكم واملي في مساعدتها ارتايت ان اطرح الموضوع في الحقيقة جائتني الاسبوع الفارط وهي في حالة نفسية جد سيئة وهذا بسبب زوها الذي قال لها وبصريح العبارة ،،،،،،، ندمت عاى الزواج ،،،،،،،،،. المهم هي لم تخبر اهلها سوى انا و زوجت اخيها بعتبارها صديقة لنا المهم انه برر ذلك في ان لم يستطع تحمل المسؤلية بعد الزواج وان الارتباط اثر عليه سلبا من ناحية الحرية وانه لايرغب في انجاب الاطفال بل يرغب في السفر راطلاق العنان لنفسه وانه سام من احضار المشتريات الى المنزل ،،،،، القضيان تاع الدار ،،،،،،،،، وسئم من الواجبات الاجتماعية ومن تحمل مسؤوليتها ثم قال لها انسي الموضوع المهم رانا عايشين وخلاص بالرغم من انها ايام الخطوبة الشرعية طبعا اتفقا على كل شيئ و اهم ماشدها هو انه شخص مسؤول حتى اخوتها الذكور شدهم بهذه الصفة وقد لجات لي لادلها على الحل الذي فكرت فيه مدة اسبوع كامل ولم اجد للحل المناسب لهذه المعظلة تحدثت معها اول امس قالت لي انا امارس حياتي بطريق عادية امامه ولكن قلبي مجروح جدا لانه فيما مضى كان يرفض حتى فكرة خروجها للتنزه او كيما نقولو حنى تنحي على خاطرها ولان اكتشفت السبب وهو انه لايريد عمل برنامج ويدمجها فيه اذن ارجوكم ساعدوها من فضلكم ولاتخيبوا ملي فيكم وارجوا اعطاء رايكم بصراحة شديدة وان يكون حل عملي كما ارجو من كل واحد يقدم مساعدة ان يتابع الموضوع لاني سارد عليكم حتى نصل معا الى حل يريح هذة المراة التي لطالا كانت نعم الصديقة والاخت لي وشكرا مسبقا

بخصوص زوج صديقتك الذي يقول انه ندم على الزواج وتعب من تحمل المسؤولية الامر ببساطة هو اعتقاده بان تحمل مسؤولية الزواج من توفير مصاريف العلاج والغذاء والملبس والكماليات سهل هنا اود ان أسأل هل هو ميسور الحال لانه اذا كان يفكر في السفر فهو بكل تأكيد ميسور الحال الا اذا كان يفكر بذاك الشيء >> اقصد السفر بطريقة غير شرعية
اذا كان ميسور الحال فربما هنالك أمل فبإعتقادي ان الروتين هو السبب لهذا في هذه الحالة عليك ان تقترحي على صديقتك ان تعرض عليه فكرة السفر لدولة اجنبية اقصد ان تقترح عليه أن تسافر معه لمكان من اختياره فربما هذا الموقف سيقرب بينهما
+ انا اقترح على صيقتك زيارة الاهل والاقارب وصديقاتها
جراح القلب ليس من السهل ان تلتئم فهي ليست كالجراح العادية التي تلتئم بسرعة

[الماسة النادرة]

شكرا اختي ريم على هذه النصائح درك نستنى شوية ونعيطلها ونقرالها الرد الجميل ديالك لكن يا اختي صدقيني المرة الي فاتت قالتلي كيما درتلو نحسوا كاره وحاب يرجع الايام العزوبية وبالنسبة للاصدقاء انا جاتني الفكرة من قبل لكن قالتي بلي صحابوا مزوجين ويضلوا هاملين برى هو راه حاب يدخل ويخرج بال متقولوا وين راك مسكينة وزيد قاللها انا راني دايرك في راسي كانت تقولي والله ماوليت نعيطلوا فالتلفون بصح هو منعرف كيفاش داير وزيد قالتلك حتى النضافة الشخصية ميعتنيش بيها وكي تقولو يقوللها تضلي تعسي فيا واش تحبوا راها تقاسي نتمنى المزيد من التفاعل باش نقرالها الردود تاع وجوهكم الكريمة

[الماسة النادرة]

اخي سامي معناها انوا راه حاب يعيش نهارو بلا ميخمم بلي كاين وحدة هو لازم يشريلها ولازم يديها كيما نقولو حنى ميديرهاش شغل في راسوا زيد هو مسيور الحال و يخرجوا للخارج يحوسوا بصح هو راه حاب وحدوا بال بيها وهنا المشكلة الي راها مقلقتها هذا واش راه حاب قالتهالي بصريح العبارة واش المطلوب مني كي راه يقولي مركيش مقصرة في حقي بصح مقدرتش للمسؤولية وزيد محبتش تروح وتحكي للاقارب والعايلة علجال يستشفاو هما شايفينها عايشة لبال في وحاسدينها ومن بعد تروح تحكيلهم انا و زوجة خوها الي علبالنا وزيد زوجة خوها نصحتها بالنفصال وانا قلتلها بلاكي تسمعيلها بالرغم من انها صحبتنا

[ريم الفلى]

معليش كيما قتلك خليها تخليه في حالو شي يامات وتخمم واشن هي الحاجة اللي كانت تجبدو بزاف كي كان عازب وساعة على ساعة تفكرو بالاشياء الجملية اللي صرات في فترة الخطوبة وتاني في فواياج دو نوس
تسيي بلعقل لازم تتبدل كامل متسقسيش بزاف اكره حاجة عند الراجل كي تقلو مرتو وين كنت وين راك رايح وعلاش درت هكذ خليه على راحتو تسيي تسقسيه برك على روحو كاشما خصو كاشما بيه حاجة تقولو راني حاساتك مقلق شويا .الخ
وتكثر من قراءة سورة البقرة في الدار
وتدير الرقية الشرعية ممكن تكون عين هي اللي صابتهم

اه كاينة حاجة نسيتها
متزيدش تناقشو في امر المسؤولية واذا قالها منيش قادر على المسؤولية تقولو علاش يخي رانا متعاونين عليها وسيي تهرلو هدرة تقنع وتطلع المورال باش ميحسهاش مسؤولية لازم يتهلا فيها وينفذ اوامرها ولا يشريلها المصروف واللبسا والدواء وبرك
لازم يحس بلي الزواج حب وحنان وتفاهم يمد ويدي
وتعلمو بلي قادرين يحلو المشاكل بالنقاش الجاد اوكي؟

[السيدة كرمين]

صباح الخير اريد ان استشيركم في امر صديقتي التي طلبت مني المساعدة وايجاد حل لها ونضرا لثقتي فيكم واملي في مساعدتها ارتايت ان اطرح الموضوع في الحقيقة جائتني الاسبوع الفارط وهي في حالة نفسية جد سيئة وهذا بسبب زوها الذي قال لها وبصريح العبارة ،،،،،،، ندمت عاى الزواج ،،،،،،،،،. المهم هي لم تخبر اهلها سوى انا و زوجت اخيها بعتبارها صديقة لنا المهم انه برر ذلك في ان لم يستطع تحمل المسؤلية بعد الزواج وان الارتباط اثر عليه سلبا من ناحية الحرية وانه لايرغب في انجاب الاطفال بل يرغب في السفر راطلاق العنان لنفسه وانه سام من احضار المشتريات الى المنزل ،،،،، القضيان تاع الدار ،،،،،،،،، وسئم من الواجبات الاجتماعية ومن تحمل مسؤوليتها ثم قال لها انسي الموضوع المهم رانا عايشين وخلاص بالرغم من انها ايام الخطوبة الشرعية طبعا اتفقا على كل شيئ و اهم ماشدها هو انه شخص مسؤول حتى اخوتها الذكور شدهم بهذه الصفة وقد لجات لي لادلها على الحل الذي فكرت فيه مدة اسبوع كامل ولم اجد للحل المناسب لهذه المعظلة تحدثت معها اول امس قالت لي انا امارس حياتي بطريق عادية امامه ولكن قلبي مجروح جدا لانه فيما مضى كان يرفض حتى فكرة خروجها للتنزه او كيما نقولو حنى تنحي على خاطرها ولان اكتشفت السبب وهو انه لايريد عمل برنامج ويدمجها فيه اذن ارجوكم ساعدوها من فضلكم ولاتخيبوا ملي فيكم وارجوا اعطاء رايكم بصراحة شديدة وان يكون حل عملي كما ارجو من كل واحد يقدم مساعدة ان يتابع الموضوع لاني سارد عليكم حتى نصل معا الى حل يريح هذة المراة التي لطالا كانت نعم الصديقة والاخت لي وشكرا مسبقا

اختي هذا الزوج طبيعي جدا وكلامه لا ينفي عنه تحمل المسؤولية
فقط هي لحظة ضعف مر بها لظرف مادي وربما ضغط وخاصه في بداية حياته

عليكي ان تخبري صديقتك أن تنسى كليا هاته الكلمة وتعتبرها زلة لسان في وقت
هو مضغوط فربما لم يخبرها بكل تفاصيل ما يعانيه وهذا تصرف غالبية الرجال لتجنيبها التفكير أو النكد
ما عليها إلا أن تبرهن له بطريقة ذكية أنها ترى فيه الرجل القادر على تحمل المسؤولية
وووو وتنقص عليه من الطلبات المنزلية وتطلب فقط ماهو ضروري
في وقت جد مناسب ولا تترك الأمور لآخر لحظة
تشعره بحبها واحترامها له و أنه من تعول عليه،لاتربط سعادتها بتلبية طلباتها
تقربه من الله ،تفهمه أن الأولاد سبب جلب الرزق وقول اللله تعالى
لاتقتلوا أولادكم خشية املاق - الفقر -
الزوجة المفترض مشي تنحي على خاطرها برا البيت بل داخله
لابد أن تجد طرق لاسعاد زوجها لتسعد هي
ما تنكد عليه بل تستقبله وهي مبتسمة وتقوم على رعايته واسعاده
و التجدد الدائم في مكياجها واسلوب كلامها وتعاملها معه

المهم تنسى ما قاله فلم يندم على زواجه منها
بل هو كلام قاله وقت ضغط

ربي يسعدها ويسعد الجميع

[samixp02]

اخي سامي معناها انوا راه حاب يعيش نهارو بلا ميخمم بلي كاين وحدة هو لازم يشريلها ولازم يديها كيما نقولو حنى ميديرهاش شغل في راسوا زيد هو مسيور الحال و يخرجوا للخارج يحوسوا بصح هو راه حاب وحدوا بال بيها وهنا المشكلة الي راها مقلقتها هذا واش راه حاب قالتهالي بصريح العبارة واش المطلوب مني كي راه يقولي مركيش مقصرة في حقي بصح مقدرتش للمسؤولية وزيد محبتش تروح وتحكي للاقارب والعايلة علجال يستشفاو هما شايفينها عايشة لبال في وحاسدينها ومن بعد تروح تحكيلهم انا و زوجة خوها الي علبالنا وزيد زوجة خوها نصحتها بالنفصال وانا قلتلها بلاكي تسمعيلها بالرغم من انها صحبتنا
انا برأيي حلول الاخت ريم واقعية ولكن ان لم تنفع فهنالك حل وهو ان تقترح عليه اقتراح اعرف انه صعب ولكنه الحل ما قبل الاخير اقتراحي هو ان تقول له انها ذاهبة لاهلها من اجل ان ترتاح وانه هو سيرتاح ايضا حسب زعمه هو اذا لم يوافق على الفكرة ستقول له انسى هذا الكلام فهذه فكرة عابرة
واذا وافق على ذلك فأنا انصحها ان لا تتصل به حتى يبادر هو بالسؤال عنها على كل حال فأصدقاؤه هم السبب في تفكيره صدقيني الاصدقاء لهم كل التأثير عليه

[مواطنة]

السلام عليكم اختي
فيه كثير من الرجال يطولو باش يستوعبو فكرة انهم متزوجون وحياة العزوبيه خلاصت
لكن عاجلا ام اجلا يفيقو
هذا الامر لازملو وقت و صبر
الراجل يحب الحرية وصديقتك لازمها توالف تخليه احيانا ماشي كل مرة تسقسي وين راك او علاش بطيت و اذا سقساتو تكون بطريقة جد حنونة لا ان تكون كالشرطية
وتحاول ما تخنقوش بحبها يعني تعتني به لكن في البيت ماشي وين يروح تبعو و تقلقو لانها بذلك تقلقو بتواجدهافي كل مكان يروح ليه يا اختي انا احيانا كي نشوف راجلي يفكر حتى لوكان نكون حابة نحكي معاه نسقسيه اذا راك حاب تبقى وحدك بلطف هو يجاوبني اذا قالي ايه نروح اشغل نفسي
ونلقاه هو يرجع يعيطلي و احيانا يبقى يخمم
تعرفي الراجل اذا غميتيه بحبك و بعنايتك فوق المطلوب يتغم و هذي النقطة تقدري تفهميها سريعا
لما تكون الام و الاب يفرطو في التحكم فينا او الخوف علينا و هذا من شدة حبهم لنا كيف كان شعورنا و بالاخص شعور الذكور من هذا الخوف و تحكمهم في كل امر الخروج الدخول الهاتف
اما عن القضيان سراحة لازمها تكتب القائمة و تعطيهالو و تقولو بلطف هذا لي خص و تخليه يغلي يدبر راسو لي يقدر عليه يجيبو اذا جاب طيبي واذا ماجابش طيبي لي كان وكل ما يشري حاجة
اشكريه و كي تبقاي معاه حسسسيه بلي هو الراجل تاع الدار و هي تتكل عليه بعد اتكالها على الله و بلعقل يتحسن لكن لازم تصبر عليه و بالوقت يتعود على المسؤولية.
اذا حبت تعيش سعيدة ماتتكلش على راجلها في هذه النقطة انما هي تفرح نفسها و تشغل نفسها باشياء تحبها وزوجها لمل يشوفها فرحانة هو يتبعها و يزيد من سعادتها بصح ماشي هو مصدر للسعادة .

[oumhana]

اسمحولي على التدخل ديالي الصريح خاطر انا الصراحة ديالي راهي مكسرتلي فمي بصح الله غالب انا محبش لعوج :ملازمش هذ الأخت تكمد في نفسها و تسكت لاه دايمن لمرا مسكينه لتخلص واش معناها خليه متسقسيهش وين راح زيدي خير كميباتش فالدار ثاني متسقسيهش وين بايت و خلي وخلي لازم تقلبو بالفرشيطة السيد دليكا بزاف حتى نهار تسمع عندو مرا أخرى أنا من رأيي ان السكوت فهذ المرحله خطر على المرحله القادمه أي بكل صراحه علاه ندم و مقدرش للمسؤوليه علاه بنت الناس لعبة جابها يدير بها فاكونس و من بعد أبعث c'est quoi ça
وعلاه لمرا متملش من لاروتين ولا غير الرجال لعندهم الحق يكرهو وILS DECIDENT ولمرا elle subit وخلاص. انا في بلاصتها نحكي لوالديا ولا لخوتي يحكموه بالعقليه ويهدرو معاه بالاتي و يشوفو طريقو وين تخرج مفيها حتى حرج مشي حتى كاش ميصرا يوليو ماليها يلوموها ويقوللها علاه مخبرتيناش من قبل.غريب امر البني آدمين لطاحتلو مرا بنت فاميليا يمرمدها ولي طاحتلو مرا خارجة طريق يغسللها المواعن و يعبدها .ربي يفرج على كل المقهورين و المقهورات و ربي يهدينا و خلاص.

[الماسة النادرة]

شكرا والله غير فضلكم عليا كبير وامانة سانقل لها كل كلمة كتبتموها راني ندعيلكم بالصحة والستر ريم سامي مواطنة كارمن فضلتم عليا لاني حاولت نساعدها لكن لم اجد حل لكن بوجودكم الطيب نورتولي طريقة المساعدة

[ريم الفلى]

اسمحولي على التدخل ديالي الصريح خاطر انا الصراحة ديالي راهي مكسرتلي فمي بصح الله غالب انا محبش لعوج :ملازمش هذ الأخت تكمد في نفسها و تسكت لاه دايمن لمرا مسكينه لتخلص واش معناها خليه متسقسيهش وين راح زيدي خير كميباتش فالدار ثاني متسقسيهش وين بايت و خلي وخلي لازم تقلبو بالفرشيطة السيد دليكا بزاف حتى نهار تسمع عندو مرا أخرى أنا من رأيي ان السكوت فهذ المرحله خطر على المرحله القادمه أي بكل صراحه علاه ندم و مقدرش للمسؤوليه علاه بنت الناس لعبة جابها يدير بها فاكونس و من بعد أبعث c'est quoi ça
وعلاه لمرا متملش من لاروتين ولا غير الرجال لعندهم الحق يكرهو وils decident ولمرا elle subit وخلاص. انا في بلاصتها نحكي لوالديا ولا لخوتي يحكموه بالعقليه ويهدرو معاه بالاتي و يشوفو طريقو وين تخرج مفيها حتى حرج مشي حتى كاش ميصرا يوليو ماليها يلوموها ويقوللها علاه مخبرتيناش من قبل.غريب امر البني آدمين لطاحتلو مرا بنت فاميليا يمرمدها ولي طاحتلو مرا خارجة طريق يغسللها المواعن و يعبدها .ربي يفرج على كل المقهورين و المقهورات و ربي يهدينا و خلاص.


حنونتي عندك الحق في كلش والحرية اليوم راهي بيد لمرة لكن لا يمنع المحاولة من اجل الاصلاح لانو في كل الاحوال الراجل يقدر يتزوج ويعيش حياة عادية لكن المرة شكو للي يشوف فيها؟
صار صغارات قاريات وباهيات وخدامات ومخصهم والو راهم بايرات خلي يا مرة مطلقة اذا صحتلها فرصة اخرى رايحة تكون مع واحد بولادو ولا شيخ خافو ولادو يوليو ممرضين عليه مالا ينوضو يزوجوه واذا راني نهدر في حاجة غالطة قوليلي
وتاني اسرار بيت الزوجية ما لازمش تخرج اوكي
وزيد الحياة الزوجية عطاء وكل واحد يسمح شويا هي ادرا بضروفها يعني اذا شافت بلي راجلها كان عادي بصح راهو ضعيف وبحاجة للوقوف معاه في هاد الفترة بلا مزيتها توقف معاه واذا شافتو تبدل هي تحاول بدورها تجذبو لعندها وتحاول تبدلو اوكي؟
واذا راهي شايفة بلي فترة الخطوبة زي ومور الزواج تبدل ولا غير يليكيدي ويحوسش يحخلها في حياتو مالا هنا لازم تحكلي لواحد اللي يفهم ولازم بالعقل ماشي تاع الزعاف
ومننساوش باللي ابغض الحلال هو الانفصال
تقبلي مروري

[oumhana]

اختي ريم الفلى مرورك اسعدني انا ثاني قلت تحكي لواديها و لخو اتها ويهدرو معاه بالعقليه و عمري مهدرت على الطلاق ملحقناش ليه بعيد الشر و مهما كان الصلح خير

[ريم الفلى]

ان شاء الله لا تسيئي فهمي حبيت برك انو تحاول هي على الاقل من بعد توصلها للدار اذا تحتم الامر

[نايفز55]

انسان لوالف على دلال في صغروا هذا كيفاه يولي في كبروا

لوكان حسب بمسؤولية مرة في حيتوا كون عرف قيمة الحياة هذا موش راجل وحل هو طلاق لانه حتي كون جاب اولاد موش راح يربيهم

هذا هو الحل

[ريم الفلى]

علاه يا ختي الراجل حتى خاوتها شهدولو بالمسؤولية وانا كيما قالت الاخت هدرتو جاتني في لحظة غضب او لضروف هي اعلم منا بها المهم ربي يجيب اللي فيه الخير

[naamane3]

اضن ان هذا الزوج يروح على نفسه بالكلام فقط
يعني مجرد أقوال لا دخل لها بالواقع
فلتصبر عليه ولا تجادله ولتتركه يقول ما يشاء
وبعد حين يرجع الى صوابه
اما هي فعليها بالاستغفار وان تلزم اذكلر الصباح والمساء
والله المستعان

[الحلم الجميل]

الله يعطيها الصبر و طولت البال المراة دايما هي الي تحمل الهم اذا الراجل فرح تفرح و اذا حزن تحزن .المهم واضح انه متزوجة جديد و هي و زوجها صغار في السن ..و المشكلة هنا هي في الاصدقاء زوجها لانو الاصدقاء يعمروا الراس يقولوله مثلا مالازمش الزواح يحبسك يليق من العام الاول تزير و هذا عن تجربة و و و هكذا .شوفي اصبري يا اختي مدة و ارخي الحبل شوي ماشي كامل شوي فقط يعني مرات دلعيه كيما قالولك الاخوات و لكن لا تكثري و مرات ارميه لا تبالي به و لا تسالي عنه و.و اصبري و عندي ملاحظة فقط معظم الازواج خصوصا صغار السن عندهم فكرة خاطئة عن الزواج و هو ان الزواج حب و حب و دلع و الزوج بيقول حبيبتي و حياة سعيدة و فقط .ربما هما الاتنين اصطدموا بواقع و هو الصرف و اين كنت و لماذا تاخرت و زوجة وحدها في البيت و غيرها ..اصبري اختي و اعرفي ان لكل شخص طباع يمكن يكون مقلق او خجول او بخيل او مسرف يعني كل زوج و كيفاش مثله مثل المراة..حاولي تشوفي الصفات الجميلة فيه و نميها و لا تقارني زوجك بغيره او معيشتك بمعيشة غيرك من النساء راح تتعبي اكثر..و الله يصلح الاحوال و يهدي زوجك و اذكري الله كثيرا..و اذا تفاقم الامر اخبري عائلتك و لا تترددي

[حميد.ص]

هذا امر عادي يحدث اثناء الانتقال من الحياة الفردية الى الحياة الزوجية

سوف يتعود الوزج في الاخير على القضيان و كل مل الى ذلك

اطلبي من زوجته ان تساعده و لو بالكلمة الطيبة

كما انه من واجبه اذا اراد السفر للترويح عن نفسه ان ياخذ زوجته معه لا ارى اين هو المشكل في الامر

ربي يعطيكم الخير

[عبد الله 22]

السلام عليكم كما قالت السيدة كرمين قد تكون كلمة في وقت ضعف، إضافة إلى مايبدو عليه ات هذا الشخص كان متمتع بالسفر والحرية التي ربما كانت زائدة '' خاصة إذا كانت تتعد حريته الحدود الدينية '' لهذا يتطلب الوقت لكي يحس بالحياة الجديدة والرقابة التي قد يكون يخضع لها من زوجته ، إضافة لعدم وجود الاطفال، عليه بصبر بدون ادخال العائلة لانه ليس مشكلة بقدر ماهو مرحلة تحتاج لصبر والحكمة في تسييرها

[مواطنة]

اختي شورايك لوكان تطلب من زوجها مثلا ان تكون صديقه و لو ليوم من باب انها تغير من اصدقاءه و تريد ان تكون من بين قائمة اصدقائه
اختي لا تستمعي لمحبي التمرد على الزوج ولا لمحبي نشر اخبار البيت للعائلة قبل ان يمضي وقت معين تحاول فيه الاخت انقاذ موقفها و ارجاع زوجها للبيت
اغلب الزوجات تعانين من هذا المشكل لكن لازم تنقص من الحساسية المفرطة حتى لوكان يقولها كرهت ومليت وندمت على الزواج كيما قالت الاخت كلام عابر حتى لو منو صح امالا شح فيه مليح ليه خلاص وقت فشوشو على دارهم.اما فيما يخص الدراري تزيد تصبر شوية عليه علابالي ماشي من حقو لكن اذا الله رزقو مارايحش يقول لالا
اختي من جهة اخرى ما تنامش على ودنيها تحاول تعرف اصدقاؤو اذا ملاح وصالحين باش ما ينضرش بالصحبة الغير صالحة

[الماسة النادرة]

سلام البارح قريتلها كامل الردود وشكرتكم بزاف بزاف ودعاتلكم وقررت انها تصبر عليه لانه كيما قلتلكم خاوتها اداو عليها نضرة مليحة وقالت بلي متقولش لعائلتها خوفا من ان تتفاقم الامور وقررت انها تدي بنصائحكم في التعامل معه برفق وقالتلكم ادعولي من فضلكم هذي امانة لازم عليا ننقلها وشكرا جزيلا لكم كلم بدون استثناء

[سماح الجيجلية]

يا أحتي قل لها تكثر من الاستغفار لأني قرأت هنا في منتدانا قصة حقيقية لأحد الاخوة http://www.djelfa.info/vb/showthread.php?t=1387583

تصير فان الصبر مفتاح الفرج

[hanan111]

خليه يشتاق اليك في كل شيء يصدر منك
طعامك الراقي اهتمامك به و بنفسك
هدوئك و رقتك حتي و ان كان هو عصبي معاكي لا تعانديه
غيري الروتين في كل شيء لابسط شيء
كغرفة النوم خاصة الاضائة اشتري له cd لاغاني يحبها و ردديها اليه
اخلقي اجواء المرح و الفرح ابهريه بفستان جميل وراقي
اسحريه بجمالك و رقتك و جسدك صدقيني أن كان جبل راح ينحني اليك

[الماسة النادرة]

شكرا حبيت نطمنكم انوا المشكل انحل وهذا طبعا بفضلكم ورها هاية مع راجلها واعتذر لها وقاللها بلي انا كنت غالط ومقصدتش نجرحك

[حمدا لله كثير]

انا مع ام هنا

و تاني اطا هو مسؤول صح صح و تبدل عليها

يمكن انوا كاشي شوفا بيه علا بيها ندم او يمكن و جاتوا روحوا زرب روحوا


و الله اعلم

[تميمة تمامة]

بقاء زواجها مرهون بقوة شخصيتها في اثبات وجودها في حياتو