اهانة

[مشكلتي]

السلام عليكم حبيت نحكيلكم مضكلتي
انا جوزت الباك وديته بمعدل جيد نقدر ندخل بيه للطب لكن المشكلة اني بعيدة اكتر من 1000 كيلو على الجامعة. وفي المنطقة تاعنا كاين مركز جامعي مافيهش تخصصات امالا والديا و خويا فرضوا علي نسجل فيه بحكم الظروف و سجات اقتصاد قلبي ضرني من كترت ما ترجيتهم الايام الاولى. المهم سجلت فيه و كملت كل التسجيلات
لكن خويا الكبير كل مرة يقيس لي كلمة يتمسخر بيا ييح بيا حتى دموعي يهبطوا مرالت يقولي مسكينة باغية تقرا الطب تحلم برك و مرات يقولي اووو مسكينة رايحة تقرا محاسبة و.... حتى خاوتي الصغار صاروا يناديولي الطب ويضحكوا عليا المهم ماقدرتش نصبر خلاص وتكلمت ليهم الوم وقلتلهم انتما لي بليتوني بهاد القراية غي بسبابكم رايحة نقراها المهم المشاعر تاع يما تحركت وقالت لبابا شوف ليها الى تقدر تبدلها اليوم قبل غدوة علابالي غي من فوق قلبها
علا بالي بلي يخافوا عليا بزف لكن حرموني من حلمي ومعلك وافقت لارضائهم لكن الاهانات ما قدرتلهمش
المهم حببيت نسولكم اذا ممكن نبدل هادد العام او لا من اقتصاد الى الطب او لازمني نعاود الباك
ربي يعاونكم كامل

[نايفز55]

قضاء وقدر صبر واش راح دري اكثر من هك اذا موش ريحين يخلوك تقراي طب اقراي لجات و انجحي فيها وباقي على ربي

[أناييس الربيع]

يابنيتي اذا نظرت على هذا النحو واستمعت
لكلام الاخرين لن تفعلي شيئا بحياتك
وفي بلادنا ديرها في بالك بلي مصير واحد
ومازاد الطين بلة أنو مجتمعنا يرى أن الطب
هو المهنة الوحيدة التي يقاس بيها المستوى
وأما بالنسبة لاخوتك فتيقني أنك أنت من
سمحت لهم بالسخرية منك وهم اعتبرو دراستك
نقطة ضعفك فطاب لهم المقام
ولكن حاولي كي يجبدولك الموضوع متبينيش
تأثرك بهدرتهم واتركيهم وحدهم واكيد
سيملون من تريد السيناريو
وبالاخير عليك ان تقتنعي بما كتبه الله لك

[نورسين.داية]

السلام عليكم

الوضع الدي تتحدثين عليه لا هو إهانة و لا هم يحزنون ....................

أردتي تخصص و الأهل رفضوا سفرك .....عادي .....

1000 كلمتر ............هادي تامنرست ؟؟؟؟.............عموما الإنسان يرضى بالقدر هادي أولا ثانيا .... لي قلل من إحترامك ...قليلو جيب المعدل لي تحصلتي عليه ثم تحدث ....
و لا تنسي أن الله عز وجل دائما و أبدا يقدر ما هو الأفضل لنا ..............في الحياة هناك الكثير مما نعترض على عدم حصوله ....لكن في دلك المنع هو حكمة من عند الله عز وجل ....في النهاية ليس خيرا لنا بكل بساطة

والله الإنسان سنويا يقطع مسافات تصل الى 13 ساعة في جزائرنا الحبية و كل معطيات النجاح متوفرة و الحمد لله لكن لا يوفق ...في الحصول عما يريد ...لحكمة من عند الله
و هناك البعض من تأتيه المنح الى الخارج تطرق بابه و هو يرفضها بكل بساطة ......يعني هنا أنظري الفرق .........هو قضاء الله عز وجل الدي يجب
أن نحمده دوما

وفقكي الله أختي

[3ahmed3]

بلتوفيق انا في الثانوية كنت انوى دراسة علوم لكن بعثوني ادب عربي بكيت على جالها لكن لما قريت انتفعت بها لاني انوي ان اصبح كاتب ولو درست العلوم لخرجت خالي الوفاض

[ishak haco]

تقدري تبدلي بما ان معدلك عالي

[الدكتور سام]

ادا عايلتك قبلتك باه تسافرى قد تستطعين التحويل فقط قدمى للجامعة اسباب انك لم تختارى الطب في البداية
انا استغربت من عائلتك لم حرمتك من هدا الحلم الدى تتمناه كل الطالبات
عائلتك صحيح خافو عليك من السفر لكن لست انت الوحيدة فهناك الكثيرات البعيدات و درسن الطب
و الله انى اعرف طالبة من المنيعة اكثر من 1000كلم ودرست 7 سنوات في العاصمة و هى تخرجت هده السنة تنوى اكمال التخصص.لا مشكلة في البعد فسيكون لك صديقات اكيد من ولايات قريبة اليك
للاسف حبدا لو طرحت مشكلتك قبل ما تديري الاختيار
اما الان.فلا يجب ان تفقدى الحماس فادرسي ما كتبه الله لك و ان شاء الله يكون فيه خير لك و لا تهتمى لكلام الاخرين
بالتوفيق اختى

[naamane3]

هذه من الدعابات بين الاخوة
وما فعلوه هو نابع من خوفهم وحبهم لك
فلا تنزعجي من كلامهم
وقولي دائما قدر الله وما شاء فعل

[نورالهدى بيولوجيست]

يا وخيتي كل شئ بالمكتوب و مايضحكو عليك ماوالو حتى انا جبت الباك في وقت كان الباك عزيز فال2003. بمعدل 14 و كان حلمي نقرا الرياضيات و فعلا دخلت القبة يوم واحد و كي ماكتبتش ماقريتش الرياضيات و قريت فالجلفة و الحمدلله على كل حاااااااااااال ماتغيضك ماوالو ربي يكتبلك الخير فالقراية اللي اختاروهالك

[AMINA.Z]

مازال الحال تقدري تتقدمي بسرعة بطلب التحويل

و ان شاء الله ربي يسهل عليك

[عذراء الجبل18]

Rabi ykoun m3ak ida 9ablou darkoum tsafri wtdiri tib 9admi talab lljami3a w nchallah yta9bal
w haja tanya lhaja li jat mn 3and rabi okl fiha khir
rabi ynjhak

[simou19]

ربي يهنيك اختي لالا ميش لازم تعاودي الباك تقدري تعاودي العام هذا معى اني مانتمنهالكش لكن لازم تبقاي سنة اولى باه تقدري ديري تحويل لعام لجاي ان شاء الله بصح اختي انا راني نقرا اقتصاد مليحة والله مارانيش نحتم عليك ولا نقلق فيك هذا مجرد راي حنونة انا شفت بزاف دخلو يقراو اقتصاد وهوما ماهمش حابينو بصح من بعد عجبتهم وقراوها وفرحو بيها وكملو ماشاء الله عليهم على كل اختي ربي يجيبلك لي فيه الخير ان شاء الله

[سعد606]

السلام عليكم ورحمة الله تعالى وبركاته
اولا : ايتها الاخت اهنئك بالمعدل التي تحصلت به البكالوريا
ثانيا : ان تتحلي بالصبر والاقناع بما اعطى ربي سبحانه وتعالى
ثالثا : لماذا الاعادة للبكالوريا وانت على علم بالقرارالنهائي
رابعا : اتمنى لك التوفيق في دراستك
خامسا : صلى كعتين استخرة ولي فيه الخير يقدم ربي
وفي الاخير وفقك الله وسدد خطاك الى ما فيه الخير تحياتي الخاصة سلام