كرهولي حياتي

[مشكلتي]

السلام عليكم

انا عمري 23 متزوجة عندي عاام تقريبا من شخص يكبرني ب 10 سنوات طيب يحبني بجنون والحمدلله ..المشكلة هي امه واخوااته البنات 3 كبار وماشي متزوجات اصغرهم عندها 30 سنة يجبوو يدخلوو في كل حاجة في حيااتي حتى ف تفاصيل خااصة جداا.. صدقوني الناس اللي يعرفوهم يقولولي يحسن عونك وقبل الزواج حدروني منهم وانا حبيت نبطل مي تراجعت لاني نعرف راجلي انسان الله يبارك.. انا الحمدلله عايشة بمدينة تانية بحكم عمل زوجي ..مي يجيو عندناو نروحوا دايماا عندهم ومن الدقيقة الاولى ييكرهووني ف النهار اللي دخلت عندهم والله مرات نحس روحي مع ضراات يديروا واحد التصرفات غريبة ماتخلي فيك عقل مثلا كي نتعشاو امه واخته يروحوا يتعشاو معاه وحدهم ف الصالون وانا يخليوني مع 2 اخرين ف المطبخ ناكلو وحدنا ..الحاجة التانية ميحبوش نعرف اي حاجة على خدمته ودراهمه ومشاريعه يقولوله متخبرهاش تقول انا عدوته ماشي مرته الحاجة التالثة واحد اخته تدخل للغرفة وتغلق الباب قدامي وتبقى تحكي معاه وهاد الشي يجرحني علاش شكون انا ؟؟؟ غير كلام اخواته طلقها ونزوجوك احنا .. الام نتاعوو مرات تجي قدامي تقولي انتي شبعتيه انا راني متوحشاته ...انا كي نسمع هاد لكلام نهبل نقولها راه قدامك غير هنيني كنت صابرة لحتى واحد النهار جات حماتي سمعتها تهدر فيا لرجالي وطيح فيا كي واجهتها سبتني بكلام مست فيه الشرف نتاعي اللي الكل يشهد بيه العدو قبل الصديق والبعيد قبل لقريب وقالت كلام طيحت فيه للاب نتاعي وهو راجل كبير الكل يحترمه ...انا صبرت عليهم بزااف مي كي وصلت ف الشرف فكرت بالطلاق وحكيت مع راجلي فيه .. هو رفض وقالي انا نحبك ورانا متفاهمين واش عندك فيهم هو بنفسسو يعرف بلي راهم ظالميني ويستعرف بهاد الحاجة مي ماعندو مايدير يقولي برك اصبري .. هو يحترم الام نتاعوو وميقدرش يقولها حتى كلمة مي انا شكون اللي يجيبلي حقي كي توصل لهاد الموصل راني عارفة حياتي راح تبقى هاك معاهم ربي يستركم قولولي واش ندير معاهم عيييت ماعندي لمن نحكي

[merouane el skikdi]

اصبري هدا واش نقدر ننصحك بيه]

[merouane el skikdi]

اصبري هدا واش نقدر ننصحك بيه]

[ميمي سمية]

اصبري وديري وش قالك راجلك

لخاطر هو عمبالو بلي راهم ظالمين لو كنا كان يضربك ويقولك نتي تظلميهم كيما يديرو الرجال لخرين فمة عندك الحق تطلبي الطلاق

مي مدام راجلك يحبك وعمبالو بالصح خيرتلك ابقاي معاه وماتعيشيش لحكاياتهم حطي يدك بيدو وكملو حياتكم

[Angleeyes]

اصبري اختي والطلاق تنسايه بويسك راجلك لاباس عليه ماتروحيش عندهم و خلاص

[safa beng]

اْختي اصبري ربي يجزيك فمن يتصبر يصبره الله وننصح اْختك بلاك تغلط و ديرت ردة فعل موش ايجابية عاملهم ومتنسايش تقدري مشاعرهم راهم ليس متزوجات دعيهم يفعلوا ما يشاؤن و يقلوا ما يشاؤن فلن يضروك بشئ ان كان المجتمع يعترف باْخلاق ادعي الله لهم بالهداية و الزوج الصالح بماْن مظلومة فدعوتك مستجابة فاتركه لصلاح
اْختاه كيف لم تستطيع الصبر تفكرين في طلاق اْنت لك عام فقط على زواج هذا خطاْ كبير فاحذره ان الزواج اكمال نصف الدين ليس من السهل اْن تتخلي على صف دينك نصف الدين لاْنه شامل فيهه الصبر و المسؤلية ....................
اْختاه تعاملي بفطنة واستغلي ذكائك الاجتماعي افعلي ما يحلول لك ودعك منن اشغالك بهم حتى لا تتقاسمي معم الاثم
تقبلي مروري واْسفة ا ن اْسئتي لك

[khadawij]

malgré que je suis plus jeune que toi
mais je pensse que tu dois patienter car tu auras ce que tu veux a la fin incha alah
nti bark mat5asriche m3ahoum w wekli amrek l rabi houa wa7dou ye9der y3awnek w y5arjek men les problémes taw3ek
netmenalek 7yat sa3ida nchalah
w rabi ykoun m3ak
n'ésite pas bach te7ki on est la pour vous:)

[اناناسة]

السلام عليكم، اختي أحسن حل مدام انت و زوجك متفاهمان انك تبينيلهم انه لا يهمك أبدا ما يقولون عامليهم بالحسنى و الكلمه الطيبه و كي تروحو لدارهم حاولي ان تتركي لهم المجال بكل فرح و سرور بالانفراد به و قول ما يشاؤون . سيشعرون بانك تمنحينهم حقهم فيه فأول شعور يشعرون به عندما تزوج ان هناك أخرى أخذته منهم و أنهم يجب ان يشعروها بمكانها و ببقاء بعض الخصوصيات التي لا يجب ان تعرفها هي . إياك و الدخول في نقاش او الرد على على اهناتهم بل بالعكس حافظي على هدوئك و ان لم تستطيعي غيري المكان لكن لا تردي أبدا لان زوجك اذا ما تحدثو و تحدثو سيقول لهم بنت الناس ليست كثيره الشكوى مثلكم ( توقفي عن الشكوى منهم ) هكذا تكسبين احترام الجميع و احترام زوجك بالدرجة الاولى و ذات يوم صدقيني سيقبلك الجميع كواقع يجب ان يتعايشو معه .

[7anine 87]

ربي يفرج عليك الصبر هو دواك مى راجلك لازم يدير حل مش يتعارك مع امو مى يفهمها بلي راهو يحبك وبلي لازم عليهم يحنرموك لانو احترامك من احترامو

[لمعة السيف]

يالا النساء يفتعلن المشاكل من لاشئ اختي الكريمة اصبري وتحملي هي غيرة النساء فقط
هم يغارون منك لانهن كن هن من يعتنين بزوجك وجاءت اخرى غريبة عنهن ونزعت هذا الاهتمام ..وكذلك
لانهن عانسات ..اختي حطي نفسك في مكانهن هذه غيرة واحمدي الله ان الزوج يحبك ماذا لو كان يسمع كلامهن ..
ماذا تفعلين ان طلبتي الطلاق ستدمرين حياتك لانه في الاخير سيتزوج ويأتي بمن تتحملهن ...فكري بعقلك ..دعك منهم ولا تعيريهن اهتماما
الا بمرعات انهن اهل زوجك لانه لم تجديه بدون اهل عندما تزوجتيه بل كنت تعلمين انه لديه ام واخوات وانت وافقت مستحيل يسمح
في اهلو هم عليه حق وخاصة امه تذكري الشرع في هذا..ثم حاولي ان لا تعلقي معهن وتجنبيهن قدر المستطاع لان زوجك معك
ويعرف اساليب الغيرة ..والله هذا هين كثيرا فكيف بمن مضى كانت جداتنا في بيت كبير مع الضراير والسلفات ولكن كنا يتحملن قدر المستطاع لا تخربي بيتك بيدك من اجل امر لا يستاهل هي فقط غيرة نسائية ...اعرف ان هناك اهل الزوج من يجعلون الزوجة حياتها جحيما لكن الزوجة الذكية تتحمل اكثر وتحاول كيف تسير الامور لصالحها ..وحاولي ان لا تخبري عائلتك بكل ماجرى وخاصة عن اهانة لاهلك ..لان خروج الاسرار هي زيادة في الاحقاد وزرع المشاكل ..اللهم وفقك للخير اختي ..

[ibrasoft]

السلام عليكم

انا عمري 23 متزوجة عندي عاام تقريبا من شخص يكبرني ب 10 سنوات طيب يحبني بجنون والحمدلله ..المشكلة هي امه واخوااته البنات 3 كبار وماشي متزوجات اصغرهم عندها 30 سنة يجبوو يدخلوو في كل حاجة في حيااتي حتى ف تفاصيل خااصة جداا.. صدقوني الناس اللي يعرفوهم يقولولي يحسن عونك وقبل الزواج حدروني منهم وانا حبيت نبطل مي تراجعت لاني نعرف راجلي انسان الله يبارك.. انا الحمدلله عايشة بمدينة تانية بحكم عمل زوجي ..مي يجيو عندناو نروحوا دايماا عندهم ومن الدقيقة الاولى ييكرهووني ف النهار اللي دخلت عندهم والله مرات نحس روحي مع ضراات يديروا واحد التصرفات غريبة ماتخلي فيك عقل مثلا كي نتعشاو امه واخته يروحوا يتعشاو معاه وحدهم ف الصالون وانا يخليوني مع 2 اخرين ف المطبخ ناكلو وحدنا ..الحاجة التانية ميحبوش نعرف اي حاجة على خدمته ودراهمه ومشاريعه يقولوله متخبرهاش تقول انا عدوته ماشي مرته الحاجة التالثة واحد اخته تدخل للغرفة وتغلق الباب قدامي وتبقى تحكي معاه وهاد الشي يجرحني علاش شكون انا ؟؟؟ غير كلام اخواته طلقها ونزوجوك احنا .. الام نتاعوو مرات تجي قدامي تقولي انتي شبعتيه انا راني متوحشاته ...انا كي نسمع هاد لكلام نهبل نقولها راه قدامك غير هنيني كنت صابرة لحتى واحد النهار جات حماتي سمعتها تهدر فيا لرجالي وطيح فيا كي واجهتها سبتني بكلام مست فيه الشرف نتاعي اللي الكل يشهد بيه العدو قبل الصديق والبعيد قبل لقريب وقالت كلام طيحت فيه للاب نتاعي وهو راجل كبير الكل يحترمه ...انا صبرت عليهم بزااف مي كي وصلت ف الشرف فكرت بالطلاق وحكيت مع راجلي فيه .. هو رفض وقالي انا نحبك ورانا متفاهمين واش عندك فيهم هو بنفسسو يعرف بلي راهم ظالميني ويستعرف بهاد الحاجة مي ماعندو مايدير يقولي برك اصبري .. هو يحترم الام نتاعوو وميقدرش يقولها حتى كلمة مي انا شكون اللي يجيبلي حقي كي توصل لهاد الموصل راني عارفة حياتي راح تبقى هاك معاهم ربي يستركم قولولي واش ندير معاهم عيييت ماعندي لمن نحكي


اصبري وديري وش قالك راجلك و فوضي امرك لله تعالى هو مولاك
و ما تعمريش راسك بيهم

[أناييس الربيع]

ياأختي هذا راهو خوهم وأمو من حقهم يهتمو بيه

وأنتي لازم تتقبل الوضع ومع الوقت رايحة توالفي

احمدي ربي أنو ميسمعش لهدرتهم

وهذي هي الحياة لابد ان توجد بيها منغسات

واحد ماراه هاني ومالازمش تعطي للأمر أهمية

وحماتك لازم تعامليها باللسان الحلو

وتتقبلي كل انتقاداتها وكوني رزينة وذكية

وربي يسهلك أمورك

[youya miracle]

مادامو زوجك مليح صبري شويا بالاك يهديهم ربي

[صالح القسنطيني]

هذه صارت ليست مشكلة

أتدرين لما

لأن جميع الناس يعانون منها

فالمشكلات بين الزوجة و أهل زوجها لا تخلو منهم دار

و لو جميعكن طلبن الطلاق

إذا لن تبق أسرة

[محب السلف الصالح]

الحمد لله راكي ساكنة وحدك


لو كان جيتي معاهم زمانك كنت في بيت اهلك


الله يصبرك

[نورسين.داية]

هده الفئة لا أحل مشكلتي معها إلا بالتجاهل .......................مادام أنتي متفقة مع زوجك على نفس المبدأ

[ام مصعب111]

اختي اعانك الله وفرج كربتك
عليك بالصبر واحتسبي الاجر فالفرج قريب ان شاء الله...
تكلمي معهن بطريقة الحوار الهادئ وصارحهن بانك متعجبة من افعالهن الصبيانية هذه واخبريهم ما ذنبك...وحاولي كسبهم فالشر لا يدوم وفقط فعل الخير هو الذي يدوم.....
اختك في الله ام مصعب

[تاج العروس]

اصبري يا اختي و ربي يجازيك انتي الي يهمك راجلك مادامو معاك مليح مايهمكش اهلوا .تجاهليهم و كل مايحاولوا يستفزوك ماترديش عليهم خليهم يهدروا حتى يتعبوا .وراهم وحدهم يكرهوا .هم يحوسوك تزعفي و تضعفي و تتطلقي.هدا وش يحوسوا .ماديريلهمش واش يحوسوا خليكي ساكتة ماترديش على كلامهم.و ابدا ما تعاوديش حكاية الطلاق هادي الي حابين يوصلولها.وربي معاك

[أسومة المتفائلة]

اصبري مادام زوجك رااه معاك وراكم متفاهمين
احمدى ربي انو ميسمعلهمش
حاولى تعامليهم بالحسنى وتجاهليهم باش متتعقدش الامور اكثر
سلااااااااام

[billel84]

احسن حل العلماء دايما ينصحو بيه اسكني واحدك وقللي زيارتهم

[islam02]

مادام راكي عايشة بعيدة اعليهم قسيهم في الثقيل قوليلي كي تطلبي الطلاق رايحيين يتبدلوا لالاة بالعكس رايحة اتحقيلهم الي حابين يوصلوا ليه.حاجة اخرى ماتكونيش حساسة واش فيها كي تغلق الباب امع خوها انتي ايضا راكي تقومي بنفس الشئ راهم يتعاملو امع خوهم كيما بكري.والا حبيتيهم يتعاملو كما الغرباء.ياختي باش تعيشي سعيدة تاكدي بلي اخواتو وامه عندهم حق عليه كما انت وامه اكثر منك

[مواطنة]

اختي كل وحدة لازم تبحث عن مفتاح سعدتها بيدها و اما في اسعاد الزوج احيانا تظل الزوجة سنين و ما تلقاش لكن انت زوجك اعطاك ماشي مفتاح اعطاك سلاح
قالك اصبري عليهم
اختي صح ماشي سهلة تسمعي الهدرة عليك لكن المهم في حياتك الزوجية التفاهم مع زوجك اولا و قبل كل شيء
اختي نصيحتي لك نقصي الهدرة معاهم و الاشياء الخصوصية اسكتي و اذا حاولو استجوابك قوليلهم ديركت هذي امورخاصة بيني و بينو مالازمش نهدر وهو ما يحبش ماشي تتكبري عليهم لالا لان دواهم السكات و الهدرة في الوقت المناسب بلعقل يكرهو وحدهم
الدصارة مع اللواسات جيب الخسارة لانك ديريهم خواتات تبداي تهدري من بعد يدصروك من بعد يولو يدخلو روحهم فيك مالا كوني كتومة افضلك و ما تهبطيش المستوى ديالك بالهدور ديالهم لانو واحد من الاهداف يخلوك تداوسي هكذا تباني ناقصة عقل ووووووووووووووووووو قدام زوجك
زوجك ما تحكيلوش بزاف على هذي الهموم يعني حاولي انت تحلي المشاكل لي بينك و بيين البنات برد كلام دون صراخ ودون نرفزة انما ببرودة اعصاب هكذا تخليهم يغليو و تبردي فوادك و تاخذي حقك
اما عن التحراش بما ان زوجك فاهم القضية واش تخافي ؟
لكن امو حاولي ما ترديش على كلامها في كل وقت .ومين داك فكري زوجك في يماه يعيطلها في التلفون او هدية ما او يفرحها هكذا تزيدي تكبري في عينوو تكسبيه و من جهة اخرى العجوزة تحس بالفرحة و تاني تلعبي على الصعيدين هذي الفكرة مية بالمية ناجحة و اذا تستعمليها من قبل لازمك تكملي
اما على العشا سمحيلي تقدري ديري رايك و تروحي تتعشي معاه ماشي حتا يعرضوك انت ثبتي نفسك قدامهم اذا هو مادارلكش قصة قدامهم انت فرضي احترامك بطريقة لطيفة وذكية فقط
للاسف الشديد الزواج يتعب المراة العفوية لكثرة المعقدين الذين ستجدهم في بيت الزوجية
اذا لازم تبدل شوية باش تقدر تعيش
اختي نقولك حاجة مهمة اذا بقيتي تشكي دايما لزوجك على يماه و اخواتاتو تعرفي يولي غير مرتاح نفسيا.مالا ماشي كل مرة تحكيلو لالا حتى اذا سقساك و حاول مرارا قوليلو معليش بيناتنا وهما كيما اخواتاتي ويماك في مقام يما حتى يكثر عليك باش تحكي ماشي تمتم يعني انت كبيرة وتحلي مشاكلك وحدك دون اللجوء لمساعدته خليه هو يشوف و يحس افضل ملي انت تحكي في الاول
اختي نخيلك بهذه النصائح العملية نتمنى تجربي و تدعينا
لانو انا تاني عندي لواسات وعجوزة و بيناتنا حدود انا حطيتها من الاول وهكذاك يجوني دربات لكن الحمد لله نصدهم بيدي بلا ما ندخل زوجي في الوسط و لي مانقدرلهمش نخليهم