الشخشوخة المسيلية على أصولها بالخطوات المصورة من مطبخي راكم معروضين [الأرشيف]

مشاهدة النسخة كاملة : الشخشوخة المسيلية على أصولها بالخطوات المصورة من مطبخي راكم معروضين

oum anas 69

2013-09-19, 13:52

السلام عليكن حبيباتي
اليوم بإذن نديرلكم طريقة عمل الشخشوخة المسيلية على أصولها بالمراحل المصورة
طبعا كاين عدة أنواع من الشخشوخة الي تتغلى و لي تتسقى و شخشوخة القمح و كاين تاع الرغدة أوالشعير هاذو بالنسبة لولاية المسيلة
اليوم راح نعمللكم شخشوخة المريش و هاذي لي تتسقى بالمرق نعملوها في المناسبات الدينية أو في الأعراس
مقادير العجين : دقيق رطب من النوع الجيد لي يكون فيه العلك +كمشة فرينة +ملح +ماء أعجني و أدلكي كيما عجين المحاجب و خليه يرتاح

http://im31.gulfup.com/ldk9X.jpg

ممبعد قطعيه كويرات صغيرة قد حبة الجوز خطرش رايحين نديرو ب 2 طبعا إستعملي الزيت ... في الصورة يبانو كبار بصح هما صغار و أطلقوا كي إرتاحوو

http://im31.gulfup.com/Cimeq.jpg

هنا تبداي حطي الطاجين يسخن على نار هادئة
حطي كويرتين فوق بعض و ديري بيناتهم الزيت و أبداي تحلي رقيق وهزيها حطيها فوق الطاجين و غير تشوفيها نشفت أقلبيها رايحة تنتفخ شوفي

http://im31.gulfup.com/qbO5w.jpg

http://im31.gulfup.com/48Ja1.jpg
و غير تشوفيها نشفت ثواني فقط أقلبيها رايحة تنتفخ شوفي

http://im31.gulfup.com/JRLUc.jpg

http://im31.gulfup.com/f9qDV.jpg
و تقعدي تقلبي حتى تشوفيها طابت مالازمش تتحرق أو تيبس

http://im31.gulfup.com/yn38I.jpg

هنا هزيتها باش يطيبو الجواشي ممبعد نحيها و حطي أخرى طيب و هكذا

http://im31.gulfup.com/c3SVL.jpg

طبعا لي طيبيها لازم تفتيها بسرعة باش ماتبسش ممبعد تجيك صعيبة المهم لازمك اتقرصي القرصة و طيبيها و تفتيها في نفس الوقت وإذا عندك البنات أو لي يعاونك نقولك ياسعدك هههه أعطيهم يفتولك
http://im31.gulfup.com/miWaB.jpg

http://im32.gulfup.com/hX22w.jpg
نجو للمرق ساهل ماهل :
نحتاجو قطع لحم أو دجاج
بصل كمية مليحة وكل ماكان المرق بزاف كل مانزيدو البصل بزاف و أنا عائلة صغيرة عملت 3 بصلات متوسطين و 3 سنات كبار ثوم المهم هي تحب البصل بزاف
2 حبات طماطم حب مرحية
القليل من الشحم أنا مادرتوش راجلي مايحبش حتى يشوفو بصح يمد بنة هايلة
قليل من الزيت، ملح. ملعقة أكل فلفل أحمر مرحي و لي يحب الحار يزيد
لفاح و هو كسبر حب مرحي متبل فيه بزاف حوايج أخرين تخدمو أمي
قطعة صغيرة سكر أو ملعقة قهوة باش يوزن حموظة الطماطم
حمص ، طماطم علب ، كسبر أخضر و فلفل أخضر

http://im32.gulfup.com/JKM3W.jpg

http://im32.gulfup.com/1sLx3.jpg

نرحي البصل و الثوم و الطماطم الحب و نفرغ على اللحم +نحط التوابل ملعقة فلفل أحمر +ملعقة لفاح +ملح +سكر+الشحم +الحمص +شوية زيت+طماطم علب+و نحمص كلشي مليح مليح تم نمرق و ندير قليل من الحشيش مقطع و نغلق الكوكوطة تطيب حتى يطيب اللحم

http://im32.gulfup.com/EKouK.jpg

http://im32.gulfup.com/GsL6k.jpg

http://im32.gulfup.com/d01Qi.jpg

http://im32.gulfup.com/3Cgkn.jpg

ننزع اللحم ثم نعطر المرق بملعقة لفاح أو الكسبر المرحي و نزيد الحشيش و الفلفل الأخضر نشقه و نرميه في المرق و هذه هي مرقتنا وجدت

http://im32.gulfup.com/oInAT.jpg

http://im32.gulfup.com/b3euL.jpg

http://im32.gulfup.com/bDGhg.jpg

http://im33.gulfup.com/rZJ8g.jpg

أنا هنا خدمت اللفتات أو الرقاق أو الشواط نهار من قبل فلازم نفوره شوية فقط قيس ممايسخن خطرش يتعجن و نغطيه

http://im33.gulfup.com/LVjMc.jpg

نجو لطريقة التقديم
نجيبو قصعة أو طبسي عريض نحط قليل من المرق و نحط فوقه القليل من الرقاق ثم نسقيه بالمرق ثم نحط الرقاق ثم نزيد نسقيه و هكذا حتى نكمل و نعمر الطبسي نزين بالحمص و الدبشة و الفلفل المقطع و اللحم و نقدمه مباشرة مالازمش يقعد مدة طويلة خطرش يبرد و ينشف و تروح بنتو

http://im33.gulfup.com/P0RGM.jpg

http://im33.gulfup.com/uaqtU.jpg

http://im33.gulfup.com/q2htx.jpg

http://im33.gulfup.com/vstH2.jpg

http://im33.gulfup.com/9VPjz.jpg
و راكم معروضين أتفضلو حبيباتي
حقى أحنا الدبشة فوق الشخشوخة لااااااااااااازم يعني لي يحطلك شخشوخة بلا حشيش كلي ماحطلك والو
و نحب نشكر بزااااف أم كوثر على االتثبيت يااااااااااي

ام امير واية

2013-09-19, 14:01

يعطيط الصحة ام انس اطباقك في القمة والله في وقتها مع هذا البرد وحظ موفق في المسابقة

لينا11

2013-09-19, 14:05

ماشاء الله حنونة نفس طريقة اختي دات عليكم طريقة يامسيليات ممممممممممم

أسومة المتفائلة

2013-09-19, 14:06

يم يم الصور تحكي وحدها ربي يخليك اختى ام انس
تشهي اللهه يبارك

ريتاج تيارتية

2013-09-19, 14:19

اااام تهبل ضقتها من قبل دارتهالنا مرت خالي مسيلية تهبل بصح تشوي حااااااااااااارة
يعطيك الصحة وبارك الله فيك

hanane220

2013-09-19, 14:41

يعطيك الصحة و بركة الله فيك نستنى الشرح عجبتني روعة

ريتاج تيارتية

2013-09-19, 14:58

ام انس بغيت نسقسيك هذي اللي ضفتيها في الصورة واش هي
http://im32.gulfup.com/oInAT.jpg
والبهارات اللي درتيهم في المرق واش هيا

عطر الياسمين الاصلي

2013-09-19, 15:10

بارك الله فيك هايلة نفس طريقتنا

القبطية

2013-09-19, 15:14

مبدعة كعادتك احنا نخدمو المسمن بنفس الطريقة الي خدمتي يها يعني في هدوك لي بول ولكن نديروه مربع ونطيبوه ولما يطيب ندخل المربع الطايب في خبزة مش طايبة ونعاود نطبق عليه وبالنسبة للعجين راه نفسو الي خدمتي بيه شخشوخة

ام ضياء01

2013-09-19, 15:17

يعطيك الصحة واش نحبها ولكن كل واحد واش يسميها المفرمسة او الفطير

sidali 2007

2013-09-19, 15:19

ام انس حنونتي رووووووووعة والله منورة لمنتدي بطيابك اكثر من رائع بارك الله فيك وربي يعطيك ماتتمني ان شاء الله شخشوخة وعليها كلام

zineb hanifa

2013-09-19, 15:24

ربي يحفظك يا ام انس يا حرة لحراير.

sirina_angel

2013-09-19, 15:25

يعطيييييييييييييييييييك الصحة ام انس
حنا هادي نقولولها الفطيييييييييييييييييييييييييييييييييييير
نموت عليها مع الحليب

حلم جميل

2013-09-19, 15:35

هايلة اختي

كيا لمفرمسة تاعنا برك منديروش فلخر المعدنوس ولا الدبشة اللي درتي

جاتك روووعة

merry_mora

2013-09-19, 16:53

تشهييييييييييييييييييييييييي

ladymillion

2013-09-19, 16:56

الله يبارك عليك يا غالية مممممممممممم نموت عليها هاذ الشخشوخة هنا في باتنة عندنا 2 اسماء ليها (( شخشوخة النعمة أو شخشوخة البرنوس )) وصورت امي مرة عملتها هههههه ونفس الطريقة نتاعك مانديروش الدبشة فقط

باااااااااااااارك الله فيك حبيبتي رانا نستناو في الشرح

جوهر دعوة

2013-09-19, 17:15

لايدي ايه هكذا نقولولها
لايدي بزاف حوايج نديروهم كيف كيف
بارك الله فيك ام انس وجزاك الله خيرا

ام مؤيد عبد الغفور

2013-09-19, 17:17

حنا تاني السطايفية نديروها كيف نتاع لمسيلية بصح هوما يديروها حارة بزاف وحنا نسميوها لمفرمسة ونديروها اول ايام عيد الفطر وكاين بعض العائلات يدورها حلوة في الاخر يضيفولها سكر او معجون اوغرس ولا الفرماس بعدما يفوروهم والله شهيتيني بزااف يا ام انس وراهي خرجت روعة المرة الجاية كي نروح نقول ماما تديرهالي

samirano.

2013-09-19, 17:33

تشهي لولاد كي شافوها قلوا منستناوش العيد نديروها غدوة الجمعة يعطيك ألف صحة

ام الهضاب

2013-09-19, 17:46

واواواواوا اتهبل و راكي سخفتينا بزاااف نموت على الأكلات التقليدية
قولي لنا وشنهي الحاجة البيضة الي زدتيها أخيرا بالملعقة و ان شاء الله ربي يحفظ لك عائلتك كبيرا و صغيرا يا رب

صابرة2013

2013-09-19, 18:21

رووووووووووعة بارك الله فيك

ahlem-86

2013-09-19, 18:47

ا بارك الله فيك /شكراً

lamiak1

2013-09-19, 20:23

نموت عليك و على مواضيعك وكلها تستهل التثبيت

منى 22

2013-09-19, 21:15

يعطيك الصحة

اعطيني طريقة الدجاجة في مقلة الفونت لي حطتيها منقبل لوسمحتي ام انس

منى 22

2013-09-19, 21:20

اعطينا التوابل لي حطتيهم في الشخشوخة

omaymen

2013-09-19, 21:55

الصور قريب تنطق الله يبارك
كلش منظم ومرتب , اللهم ادمها نعمة واحفظها من الزوال
بارك الله فيك ام انس

أيادي الأمل

2013-09-19, 22:14

الله يبارك روعة

العجينة جاتك هاايلة ماشاء الله
اختي برك واش نوع الدقيق لي ستعملتي ؟؟

آخر مرة درناها شرينا دقيق عمر بن عمر رغم انو دلكتها وخليتها تريح،
مي كي نجي نرفدها باش نحطها تطيب تتقطعلي :( ؟؟

و شكرآآ

لمسة حنية

2013-09-19, 22:29

مااشاء الله شخشخوة وعليها الكلاام راهي راااااائعه بصحتك حبيبتي

omayoub2

2013-09-20, 06:44

MERCI c très gentil

*أم كوثر*

2013-09-20, 07:51

واااااااو ياام انس تشهي بارك الله فيك
عندنا نسموها الفطير او مفرمسة
نطيبوها بنفس الطريقة لكن على شكل برنوس اي شحال من وحدة فوق بعض ومن بعد نورقوهم
والمرق يكون باللحم والحمص فقط
ممممممممم شهيتيني مع الصباح
كملي محتوى المضمون فضلا
للتثبيت

زينة نور

2013-09-20, 08:19

أوووووووووووووووووو نفس الطريقة الي نعملو بيها حنا بصح منحطوش الفلفل الجلو مديرو الحار وزيد منحطوش الدبشو خلاص وخنا المرق نصفوه

islam1aya

2013-09-20, 09:42

يا ام انوس ماشاء الله عليك خموس عليك طبق تقليدي 100/100

رغم الغربة متمسكة في الاصالة هذه الي نحب فيك

كتشرحي قوليلي السر باش تتنفخلك في الطجين وزيدي عمقي في الشرح خخخخخ

تسلمي عزيزتي ربي يخليك لينا وما يحرمنا من ابداعاتك

ilbeldelmondo

2013-09-20, 11:44

ما شاء الله ام انس شخشوخة و عليها الكلام و كيما نحبها طايبة مليح

linat

2013-09-20, 11:54

بارك الله فيك

ريتان

2013-09-20, 13:16

رووووووووووووووووووووووعة

oum anas 69

2013-09-20, 14:50

شكرا حبيباتي راني كملت الموضوع و الحمد لله
التابل لي في الصورة الأخيرة لي زدتو هو الفاح أو الكسبر المرحي

منى 22

2013-09-20, 15:42

http://www12.0zz0.com/thumbs/2013/09/20/14/981157102.jpgام انس اعطيني المقادير تاع الدجاجة لوسمحتي

oum anas 69

2013-09-20, 16:12

عزيزتي منى راني قريت طلبك قبيل و نسيت خطرش كنت مستعجلة نجيب أولادي من المدرسة
هذيك الدجاجة مافيها والوترشيها بشوية توابل من برا و من الداخل فلفل أسود و ملح و شوية كمون والتوابل لي تحبيهم نتي و دخليلها شوية رند و سنات ثوم مقطع و ممبعد تديري شوية زيت في طنجرة الفونت تسخن مبعد تحطي دجاجتك و تغطيها و من وقت لوقت تقلبيها على كل الجهات تطيب و تتحمر مليح و هذا ماكان حنونة

ام سامي15

2013-09-20, 16:25

ممممممممممم

ما شاء الله

و شرحك ممتااااااااااااااااااااااااز

فايزة44

2013-09-20, 16:30

مااحلى تقالييييييييييد بالدي واكيييييد من يدك حبيبتي احلى واحلى امممممممممم تهبل

أميرة قرطبة

2013-09-20, 17:01

أم انس ربي ايجازيك...رانا نتعلمو من عندك وراكي أفدتينا بزززززززززاف خاصة بهذا الشخشوخة اللي كنت حابة نتعلمها...ربي يجعلها في ميزان حسناتك...مافهمتش برك كي تحلي بالزوج كريات..من بعد تفصليهم ولا لالا...ولا مباشرة اتفتيهم...لأنو أنا ما نعرفش أنديرها بصح اتبان كي تخليهم وكأنها قرصة واحدة برك ماشي زوج...وبالتالي واش فائدة هذا العملية...

بارك الله فيك حبيبتي

منى 22

2013-09-20, 17:37

شكرا اختي ا ربي خليك للمنتدى

دلوعة أبيها

2013-09-20, 17:39

يعطيك الصحة تكليها بالصحة والهناء
واحنا ربي اصبرنا راني انموت اعليها

soriaalg

2013-09-20, 18:06

ممممممممممممممممممممممممممممم تهبل الشخشوخة المسيلية يعطيك الصحة بارك الله فيك على الشرح المفصل

ميمنة الجزائر

2013-09-20, 18:27

رووووووووووووووووووووووووووعة عن جد تهبلللللللللل

lamiak1

2013-09-20, 20:01

merci ala chrh

موني السطايفية

2013-09-20, 21:52

احنا نقولولها مفرمسة في سطيف
فقط ما نديروش الدبشة او المعدنوش اللي درتي

مشكورة حبيبتي
يسلموا الايادي

oum ibrahim

2013-09-21, 07:16

يعطيك الصحة عزيزتي ماشاء الله تشهييييي

SAMAH SAMAH

2013-09-21, 09:43

يعطيك الصحة احنا نسميوها الفطير ونطيبوه على طاجين خاص بيه
شكرا

فاطمة6

2013-09-21, 10:41

روععععععععععة ماشاء الله

يعطيك الصحة ويسلموا دياتك

dalal batna

2013-09-21, 16:56

يعطيك الصحة يالحبيبة ولوكان تزيدي تحطيلنا انواع الشخشوخة الأخري نقصد هذيك لي تحطو العجين فوق المرق ويطيب في المرق ديالو وربي يهنيك يالفحلة

رضاك ياربي

2013-09-21, 17:10

ممممممممم يعطيك الصحة جامي ذقتها مي والله شهيتيني باش نذوقها
يعطيك الصحة حنونة

.1....2....1.

2013-09-21, 17:36

هااااااااااااااايلة والله اممممممممممممممم تشهي اختي يعطاك الصحة
يسمى الفرق هو الدبشة في الشخشوخة لانها تقريبا كيما تاعنا

safia99

2013-09-21, 18:43

روعة
يعطيك الصحة

درة بيتي

2013-09-22, 08:56

الله يبارك روووووعة وخدمتك متقونة ونظيفة الله يبارك شهيتيني نجربها كاش نهار ونردلك لخبر بارك الله فيك وربي يحفظلك الغاليين عليك

nina nawel

2013-09-22, 09:59

يا سعد راجلك بيك و يا فرحة والديك بيك الله يعطيك الصحة وكل يوم نفقد وصفاتك و صدقيني راني حملتهم كامل و اليوم راح ندير هاذ الوصفة و نرجع ليك الخبر الله يحفظك أختي و نهارك مبروك .

أم ياسمينdz

2013-09-22, 12:54

الله يبارك تسلم الايادي

دلال2012

2013-09-22, 15:11

يعطيك الصحة يا ام انس والله شخشوخة وعليها الكلام وراهي نفس طريقتي، وانا نموت عليها وخاصة المغلية في قصعة الطين وتكون بالجاج اممممممممممممممممممممممممممممممممممممممم
برااااااااافو عليك

omhadil

2013-09-23, 14:10

امممممممممممممممممممممم يعطيك الصحة ام انوس روعة ومبدعة الله يخليك لينا حبيبتى

ام نافع

2013-09-23, 15:24

تهبل حارة وبنينة ماساء الله عليك كلش متقون ونضيف من عمل عملا فاليتقنه حنا نقلولها شخشوخة البصلة ومندروش الدبشة وكيفياتككلها 44444444444

لميس اميرة

2013-09-24, 08:07

تسلم الايادي

أم ماجد

2013-09-24, 08:53

كنت ظاناتك مع العجينة تاع الكرواسون وانت هنا مع الشخاشيخ
والله عن جد روعة يستاهل التثبيت نفس طريقة السطايفية لكن دون دبشة
ربي يعطيك ويمنيك حبيبتي
بالتوفيق في المسابقة

SarSouRa28

2013-09-24, 09:35

طربقتيني طراف طراف والله مقدرت نشوف الصور بزاف سخفتيني ربي يخليك حبيبتي واش هي هذي المسابقة انا راني خارج مجال التغطية بصح ضرك نروح نبش ونشوف ديرو مسابقات من ورايا:cool:

ام الاء وسدن

2013-09-24, 10:25

يا ام انس قتلتيني بهده الشخشوخة جابلي ربي رايحة نديرها الهار الثاني تاع العيد يعطيك الصحة

nina nawel

2013-09-25, 09:31

اختي راني جربتها و جاتني هايلة فقط مادرت المعدنوس و راح نحاول نحط التطبيق في ركن التطبيقات الله يعطيك الصحة راكي تعرفي راني نتعلم نديرها باه كي نجي لفرنسا نعرضك عليها في داري وبصراحة وصفاتك هايليين حبيبتي .

YAKMISSOU

2013-09-25, 16:24

يعطيييييييييك الصحة ام انووووووووووووس تسلم يدييييييك

ilhemaya

2013-09-25, 18:44

والله غير تشهي
هد الجمعة ان شاء الله نديرها
يعطيك الصحة

ام ايمان16

2013-09-25, 20:21

يعطيك الصحة

أنآحلُم

2013-09-26, 14:51

روعة انا تاني مسيلية نديروها هكدا امممممممممممممممم
وقيلى انت مسيلية من هدرتك وقيلى مسيلية

SAMAH SAMAH

2013-10-02, 12:40

يعطيك الصحة يالحبيبة ولوكان تزيدي تحطيلنا انواع الشخشوخة الأخري نقصد هذيك لي تحطو العجين فوق المرق ويطيب في المرق ديالو وربي يهنيك يالفحلة

يسميوها شخشوخة الضفر

nourtazmalt

2013-10-02, 13:41

مل شاء الله عليك

الله يحفظك راكي 444 444444444444444444 بزاف

ليساء11

2013-10-02, 14:56

يعطيك الصحة

امعماد

2013-10-02, 15:09

بارك الله فيك

ساندي 28

2013-10-02, 16:04

يعطيك الصحه يا ام انس راااائعه ربي يحفظك اولادك

fatma1977

2013-10-02, 17:47

ياى شحال بنينة أنا دائما نخدمها بالصح من التعب ما ناكلش منها بالزاف راك سيلتى ريقى وجممتيه بالصح حنا كى ديرى الحشيش ليها راهم يضحكو عليك العكس معاكم

رانيا لوك

2013-10-02, 18:56

جات هايلة من فضلك انا العجينة كي نجي نهزها ونرميها في الطاوة تتقطع وعلاه

amina-31

2013-10-02, 20:02

ya3tik saha

aya la belle

2013-10-02, 21:26

ما كل هدا الجمال نجمك دوما متالق دمت لنا يا نجم النجوم

aya la belle

2013-10-02, 21:31

الف شكراااااااااااااااااا

touta2010

2013-10-03, 11:00

يعطيك الصحه يا ام انس راااائعه:19::19::19::19:

houda0592

2013-10-03, 12:44

شكرااااااا لك اختي

امونة الشاوية

2013-11-08, 13:57

يعطيك الصحة ام انس والله شهتيني اكلاتك كلها هايلة

أم إناس

2013-11-08, 14:34

ماشاء الله شخشوخه مسيليه تاع الصحه
وان شاء الله ترجعينا في اقرب وقت وشكرا عاى كل. الوصفات لي قدمتيه

*نسيبة*

2013-11-08, 14:41

تسسلم الايادي

معلمة جزائرية

2013-11-08, 14:43

انا درتها ليلة اول محرم جات تهبل كيما ديالك يعطيك الصحة يا ام انس

RANIA 2001

2013-11-08, 18:06

يعطيك الصحة نفس الطريقة انتاعنا بصح بلا حشيش

كريمة كوكة

2013-11-08, 18:14

في سطيف يقولولو الفطييير لكن بجدون دبشة
على كل حال يعطيك الصحة على الشرح المفصل بالصور و بالصحة والهناء على قلوبكم

lamis.imen

2013-11-19, 19:13

يعطيك الصحة

soumiafree

2014-02-18, 23:58

مممممممممممممممممممممممم روووووووعة

ام رضوان*

2014-02-19, 08:29

يعطيك الصحة ام انس دائما مبدعة

x ام رحاب x

2014-02-19, 09:49

الله يبارك حبيبتي هذي الخدمة المتقونة شكرا لكي

sarah89

2014-02-19, 10:35

emmmmmmmmmchahitinni

سندس1967

2014-06-18, 21:36

روعة شحال نحب الشخشوخة ان شاء الله كيكون عندي الوقت انجربها لانه فيه افكار جديدة عجبتني بزاف بارك الله فيك

عطرالذهب

2014-06-18, 22:06

ماشاءالله وصفة هيلولة يسسسسسسسسسسلمو

تينا ماريا

2014-06-19, 00:04

اممممممم يعطيك الصحة

أم ضياء عبد الرحيم

2014-06-19, 09:17

ما شاء الله عليك روعة يعطيك الصحة
http://smiles.majidsr.net/images/thanks/Copy%20of%205866d6d067fn9.gif (http://smiles.majidsr.net/)

نغمة الصمت

2014-06-19, 14:26

hna ngoulouha lemfaramsa mé mandiroulhéch lma3adnous w debcha

merci zina
ya3tik saha

وصال7

2014-06-19, 19:04

hada wa9te ana nhawase3liha baraka allaho fiki shahitini

سرور2

2014-06-21, 22:01

بارك الله فيك شهيتني

zarra duff

2014-07-11, 00:14

بارك الله فيك حبيبتي والله مواضيعك في منتهى الابداع وراني حابة نجرب بزاف حوايج من عملك
يا اختي قوليلي انت من مسيلة ؟؟
انا مسيلية و شخشوختنا ماشي هكدا
هادي شخشوخة بسكرية
كي ندير الشخشوخة راني نصور الخطوات ونحطهم في موضوع وشوفيها

idron0

2014-07-11, 11:11

يعطيييييييييييييييييييك الصحة

nina daye

2014-07-11, 19:29

اممممممممممممممممممممممممممممممممممممم تشهي تسلم ايدك شاطرة

نجاة العلم

2014-07-12, 23:57

ماشاء الله شرفتي المسيلة انا ثاني مسيلية وفخورة بيك

samia76

2014-08-10, 21:23

هايلة حابه اذا تقدري طريقة الشخشوخة كيمالي تتباع في بيت جدي

آمِيْرَتُه

2014-08-11, 21:42

كنت بحاجة ليها يعطيك الصحة

samia28

2014-09-11, 20:12

ya3tik saha kafiti wa wafiti

*رحيق الجوري*

2014-09-12, 11:18

44444444444444444444444444 mmmmmmmmmmmmmmmmmmmmmmmmm

سليلة ذات النطاقين

2014-09-12, 15:46

يعطيك الصحة بارك الله فيك

it's me

2014-09-13, 09:07

شكرا ربي يخليك استاذتنا الغالية
بصح عندي ملاحظة الشخشوخة تع المسيلة يطرحوها بالما ماشي بالزيت على حسب معلوماتي والا راني غالطة

خيط الروح

2014-09-13, 17:27

ما شاء الله
الله يبارك

استاذة التاريخ

2014-10-19, 13:08

ماشاء الله بارك الله فيك
شخشوخة مسيلية على حقها

nouha nina

2014-10-19, 13:12

toooooop 44444444 mrc 3elikoume yaatikoume alsaha o rabi yahfadkoume

سلمى سوسو

2014-10-19, 13:52

يأم أنس لو كان ديري فيا خير أو تعرضيني طبق يشهي يعطيك الصحة

idron0

2014-12-10, 12:57

444444444444

أم عروة

2014-12-10, 15:30

ماشاء الله جات هايلة
مام حنا نديروها هاكة

ام محمد علي 17

2014-12-25, 12:44

جزاكي الله كل خير سيدتي الكريمة انا اليوم فقط اللي شفتها و استفدت منهاااااااااا

manouche

2014-12-25, 13:17

ي:dj_17:عطيك الصحة اختي حنا نسميوه لفتات.واش من سميد درتيه .و حبيت نسقسبك لكان نقدر نطيب بالوحدة و لا لازم بزوج:19:

قوال خولة

2014-12-25, 13:21

هذا الشخشوخة نديرها في الدار روعة اما العجينة نسموها المركب واحدة فوق وحدة روعة يعطيك الصحة

lahna moka

2014-12-25, 13:56

ممممممم رووعة روووعة
سلمت يداك يا احلى شاف

nadira12

2014-12-25, 15:45

شكرراااااااااااااا حنونة راهى تشهى

houta18

2014-12-25, 21:23

يعطيك الصحة

amira43100

2014-12-25, 21:47

الله الله على فحلة الفحلات تبارك الله عليك و ربي يهنيك و يفرحك

تقوى اماني

2015-01-01, 16:32

شهتيييييييييييييييييني

mariana1

2015-01-01, 17:09

ما شاء الله شخشوخة وعليها لكلام

نائلة

2015-01-01, 17:11

شهيتينا يعطيك الصحة يا الفحلة
ماشاء الله عليك

حفصة التلمسانية

2015-01-01, 17:54

عام سعيد 2015

R@K

2015-01-01, 20:04

يعطيك الصحة

omomnia15

2015-01-02, 13:51

الله يبارك في روك اليدين روعة

ام سراج وملاك

2015-01-02, 14:01

44444444444444444444444

سميرة10

2015-01-02, 14:14

يعطيك الصحة راهي تبان تشهي راني معروضة ولا لالا؟؟؟؟ :mh31:

ام شمشومة

2015-01-02, 14:54

اممممممممممممممممممممم هايلة

ايمان نور الجزائر

2015-01-09, 17:54

بارك االله فيك

denise

2015-04-03, 16:26

Ya3tik saha

roai

2015-04-03, 17:25

mmmmmmmmmmmmmmmmmm bninaaaaaaaaaa

azro

2015-04-03, 20:26

الصور لم تظهر لكن اظنها شهية شكرا لكي

omeaya

2015-04-28, 20:59

ما شاء الله يعطيك الصحه اختي ولله غير شهيتينا انا ولدي هبلني عليها وطلبها مني بصح احنا في منطقة الغرب نديروا الرقاق بصح قالي هي فيها بنه اخرى و حاره همالى قصرت عليه الطريق وعطيتيني الطريقه كامله راح نجربها مشكورررررررررررررررره اختي

houda04

2015-07-15, 14:13

لذيذ جداااااااا

houda04

2015-07-15, 14:14

روووووعة:19:

sandie belle

2015-07-17, 16:18

هااااايلة يعطيك الصحة

مسلم فخور

2015-07-18, 14:29

بارك الله فيك اختي

أمّ عبد الله

2015-07-19, 17:53

ممممممم رائع. ... جزك الله خيرا

faryal zahira

2015-07-20, 00:38

بارك الله فيك

حياة نور الدين

2015-07-20, 11:54

رووووووووووعة بارك الله فيك

المجتهدة nisso

2015-07-21, 19:10

يعطيك الصحة واصلي

ام تقوى 2009

2015-07-25, 06:35

يعطيك الصحة وبارك الله فيك اختي

0ibtissam

2015-07-26, 15:00

شبه لشخشوخة تاعنا لبسكرة برك احنا نزدلها بطاطا الجزر اللفت كل واحد واش يحب يظفلها يعطيك الصحة بين تشهي

jawada22

2015-11-12, 16:17

الله يعطيك الصحة اختي

جنة الفردوسْ

2015-12-21, 20:49

نموت عليها لكن للاسف االلصور مايتفتحوش

maryia

2015-12-24, 18:22

كيما نطيبوها احنا ..اكيد كل واحد وطيابه وكل واحد وبنته ..يعطيك صحة اختي تشهي

fadia08

2016-12-05, 12:36

مطلعوليش الصور 😭😭

أم عبد الله ياسين2

2016-12-07, 00:48

بارك الله فيك

nanoua7

2016-12-07, 14:56

يعطيك الصحة

sali kanouza

2016-12-07, 16:11

بارك الله فيك وجزاك خيرا

edelweiss_dz

2016-12-10, 14:37

تشهي الله يبارك