افيدوني ارجوكم [الأرشيف] - منتديات الجلفة لكل الجزائريين و العرب

KARIMA.HOPE

2013-09-18, 20:39

سلام عليكم
الله يجازيكم خير يا لحباب
انا طالبة جامعية سنة اولى ديرت تخصص تكنولوجيا
و حبيت من خاوتي يقولولي نصائح من الي دارو هدا تخصص
واش ندير وكيفاش نظم وقتي
و حاجة تانية ديرتها هي اختيار اول و كنت راضية بها لاني كنت شعبة علمية و ما قدرتش ندير تخصصات ادبية
لاني تعبت روحي في متوسطة و ثانوية و انا نقرا رياضيات و فيزياء
ودوكا حاسة روحي بلي مانقدرلهاش و خايفة
و كاين لقالولي صعيبة و كاين لقالولي عادي
مهم هذا احساس راهو عادي و اي واحد دا خل على مرحلة جديدة صيرلو هكذا و لالا و لا غير توسويس
افيدوني ارجوكم
وادعولي ربي يوفقني في دراستي
مع علم انا ادرس بجامعة بسكرة
ومن يدرس مثلي يقول وقتاش تبدا لقرايا

سطايفية بكل فخر

2013-09-18, 21:33

التيكنو تخصص مليح راهم حاقرينو برك
وزيد لي يقرا يلقا مكانش حاجة تجي بالساهل
+
فيه تخصصات ملاح وتضمنلك مستقبل زاهر ادا كونباتيتي على جالها
+
انا راني قارية نفس المواد في عامكم الاول لاني تخصصي فرع من التيكنو وهدي طريقتي في الدراسة
ابدا بنفسي
هده الطريقة لم اكن ادرس بها فالسنة الاولى ولا في الفصل الاول بالسنة الثانية لكن اعتمدتها فالفصل الثاني للسنة الثانية واراحتني كثيرا واتت بنتيجة

ابدا بالمحاضرات
مند بداية الفصل اواضب على حضور المحاضرات وما لا افهمه اسال عليه مباشرة لا ادعه يتراكم علي
كان دائما امامي ملونان او" فلوريسون "بالفرنسية واحد اخضر والثاني برتقالي اضافة لقلم الرصاص
اي معلومة مهمة الونها بالاخضر
اي علاقة رياضية او فيزياء ءاو اي قاعدة الونها باللون البرتقالي
واي معلومة يعطيني اياها الاستاد اسجلها بقلم الرصاص
كما كنت اكتب دروسي على اوراق بيضاء a4 لم استعمل كراسة وكانت كل وحدة من المادة اكتبها في اوراق لوحدها لا اخلط بينها وامسكها بمساكة لوحدها كما كنت استعمل الالوان فالكتابة ربما تقولي جامعية وتقرا بالالون وتضحكون علي
لكن وقت المراجعة يظهر اهمية هدا الشيء خاصة تنظيم الدرس والتمارين عندما تدهب للمراجعة اولا لا تخاف من الكراس الدي فيه دروس كثيرة وكانه مجلد
تمسك اوراق الوحدة والتي عددها قليل تفرح تقول ما اسهلها ومن ثم تقراها تجدها منظمة تفرح اكثر ولما تنظر لما لونته تعرف ماهوالاهم فالدرس وهنا قمة السعادة لان كل شيء امامك
وعندما تبدا بقراءة الاوراق هناك تحس براحة نفسية لانك تتدكر ما كان يقوله الاستاد فالدرس

بالنسبة للاعمال الموجهة او td
كنت ايضا اكتبها في اوراق بيضاء كل تمارين وحدة الصق التمارين مع الحل المنظم والمفصل ولا اخفي عليكم لم اكن احل التمارين قبالدهاب للحصة مرات فقط افعلها هده نقطة سلبية فيا حاولوا ان تتداركها وح التمارين قبل دهابكم للحصة ادن انك تراجع الدرس وتحاول فهمه وايضا حتى تعرف اين مشكلك لتسال الاستاد
ونصيحة اخرى لما يكون تمرين فيه علاقة اعد كتابة العلاقة فالحل حتى تتدكرها وترسخ في دهنك ولونها طبعا

بالنسبة للمراجعة للامتحانات
بداتها قبل شهر من الامتحان كنت احضر الدرس اقوم بما قلته لك سابقا مع اضافة شيء واحد هو اني احضر ورقة بيضاء اطويها على اثنين واحاول ان الخص الوحدة كاملة في تلك الورقة وادا لم افهم اي شيء او نسيته اطلبه من زميلاتيفي هده المرحلة الدراسة الجماعية مهمة لانك ان واجهتم مشاكل تطلبون الشرح من الزملاء
ولما انتهي من التلخيص ابدا باعادة حل التمارين دون انظر للحل ولما انتهى انظر واستدرك اخطائي
فعلت هدا مع كل وحدات المواد
وبوم قبل الامتحان امسك تلك الملخصات واقرؤها للتدكر فقط ولان الورقة مطوية فهي صغيرة الحجم احسن ان الدرس سهل جدا فلا ارتعب منه ثم احل امتحان سنوات سابقة وادهب للامتحان
هنا لا اراجع جماعي لانو وقت الجماعي فات هنا علي التركيز مع نفسي فقط حتى لا ارتبك ولاثبت المعلومات في دهني
واناعندي شيء افعله قبل الامتحان فطرة فيا اتوقف عن المراجعة ساعة قبل الامتحان احب ان اتمشى مع نفسي وحيدة ولا اكلم اي احد فالدراسة لكي ارتاح نفسيا

هدي طريقتيالتي ا فادتني كثيرا واتمنى تفيدني هدا العام ايضا
وادا اعجبتكم اعملوا بيها وادا عندكم اقتراحات اخرى اخبروني

+
عندي مشكله الحفظ لا احبه كل من يملك طريقة للحفظ يفدني بها لانو عندي مادة حفظ بحت

+
هاكي هدو الموضوعين يفيدوك
http://www.djelfa.info/vb/showthread.php?p=11628067#post11628067

http://www.djelfa.info/vb/showthread.php?t=1031535