المساعد الشخصي الرقمي

مشاهدة النسخة كاملة : علابالي ماتصدقونييش

leila lolo
2013-09-17, 20:10
السلام عليكم يا اصحاب بكالوريا 2014
واش نقلكم ان شاء الله بديتو هذا العام لباس
كون نقلكم حنا لحد الان مابديناش القراية يعني مازالنا في عطلة الصيف علابالي ماتصدقونييش والله كيما نقلكم
القصة وما فيها ثانويتنا بدون ادارة والاساتذة رفضو يدرسونا ماشي ثنويتنا برك كاين ثنوية ثانية ثاني مضربين بصح هذي المرة التلاميذ والسبب الضغط قامت ادارة بارسال السنة الاولى والثانية الى متوسطة للدراسة وتركت اقسام البكالوريا برك في الثانوية وزيدوو كاين ثانوية اخرى غدوة رح يديرو اضراب والسبب نقص في تسيير الادراة
ياجماعة قولولي واش رح نديير انا رح نهبل الناس بداة تقراا وحنا مازاال يعني صراحة رح انفجر
قلت هذا العام نغير المؤسسة بصح مكانش المدير يالي رح يوقع على الطلب يعني هذا العام باين من بدايتوو وانا بديت نتتشاءم
الظاهر طولت عليكم اسمحوليي وربي يوفقكم
فتاة النسيم
2013-09-17, 20:42
ماتتقلقيش راح تبداو بربي نشالله حنا صح بدينا ماش حاجة كبيرة شوية مراجعة و مداخل لدروس الباك ماكان لاه الشاؤم مازال الحال
˙·● بَــدْرَآلَدِّيــــنّ ●·˙
2013-09-17, 20:53
لا تجزعــــــي ... ما تقلقيــــش ... مادرنــاش حوايــج بزاف الا مراجعة و تذكيــر بالمكتبســـبات القبليــة ... و مداخـــل ... نعطيــك حل تنفعــي بيه روحــك كيمــا العلوم تقدري تابعــي الاستــاذ حفص في الموضــوع المثبت ... و الريــاضيات النهــايات ... تقدري تــابعيهــم من كراريس العــام الماضي او انصحــك بكتـاب الهبــاج فهــو مفيــد و رائــع جدااا ... + الفيزيــاء الاكســدة و الارجـــاع .. و العوامل الحركية للمتفاعلات ... هذاا فقــط ... بالاضــافة اود مستءلتــك ارجــو ان لا يكــون اي حرج ... لفت نظــري انــك من ولايــة باتنــة فما اسم ثـــانويــة لي ماقريتــوش فيهــا ... مجرد استفســار ... بالتوفيــــــــــــق ... ~
saberzombiedz
2013-09-17, 21:55
ربي يفرج عليكم ان شاء الله و الله حنا تاني هكذا بدينا العام اللي فات و اللي خلاني مديتش الباك . بصح نقولك حاجة متشوفيش للظروف هاذي انت ديري ليكور و اقراي في الدار و متفشليش روحك بالحكاية هاذي تاع الليسي . المهم انت اقراي في الدار و من المواقع و اذاكاش متحتاجي راني هنا . و ربي يسهل المور تتحل في اقرب وقت ان شاء الله .
minoucha94
2013-09-18, 11:07
حنا ثانيك ما بدناش و راني نستني إمدولي لكزيا باش نغير المؤسسة أنا ما زال ماروحتش للمؤسسة لخاطر يدخلو علي 8.00 علي 10.00 إخرجوهم مي ربي راح يسترنا إنشاء الله
الجزائرية 2010
2013-09-18, 12:02
راكي كيفنا
حنا ثاني
ماكانش مشكلة

مي مش نقراو

مازال الاساتذة معطلين
chanez1866
2013-09-19, 12:12
ختي ماتتقلقي ماوالو التوفيق بيد ربي وعام مزال طويل ومهما يصرا تفائلي.
karima ikram
2013-09-19, 15:43
أكيد مش رايحيين يخلو الاقسام النهائية تضيع ماتقلقيش رووحك حاولي تحضري الدرووس وربي يجيب لي فيه الخير :)
شاوية حرة بزاااف
2013-09-20, 19:08
ربي يفرج عليكم انشاء الله ترجعوا تقراو عن قريب خاطر كل تاخير يعود باضرر على التلاميذ
سوسو95
2013-09-20, 19:14
اختي علاه تشائمي ......حتى اذا بيتو متأخرين تعدري تعوضي النقص بالارادة


و جمعية اولياء التلاميذ وين راهي
امال08
2013-09-22, 06:59
السلام عليكم ورحمة الله و بركاته

حبيتي ما تقلقيش روحك كامل عادي الامر حافظي غي على نفسية متوازنة و كل شيئ باذن رب العالمين يهون و يتيسر

ما تقوليش انا ما نقدرش و الناس بداو و انا لا هده اول فكرة سلبية ممكن تاثر عليك حتى لو كان الوضع يوحي

بالتشاؤم فاستمدي التفاؤل من نفسك على ان الغد مشرق والفرج قادم من عند الله

تسلحي بالطاعات واذا احتجت اي شيئ فنحن في الخدمة :)
عبدالله 25
2013-09-25, 10:08
السلام عليكم يا اصحاب بكالوريا 2014
واش نقلكم ان شاء الله بديتو هذا العام لباس
كون نقلكم حنا لحد الان مابديناش القراية يعني مازالنا في عطلة الصيف علابالي ماتصدقونييش والله كيما نقلكم
القصة وما فيها ثانويتنا بدون ادارة والاساتذة رفضو يدرسونا ماشي ثنويتنا برك كاين ثنوية ثانية ثاني مضربين بصح هذي المرة التلاميذ والسبب الضغط قامت ادارة بارسال السنة الاولى والثانية الى متوسطة للدراسة وتركت اقسام البكالوريا برك في الثانوية وزيدوو كاين ثانوية اخرى غدوة رح يديرو اضراب والسبب نقص في تسيير الادراة
ياجماعة قولولي واش رح نديير انا رح نهبل الناس بداة تقراا وحنا مازاال يعني صراحة رح انفجر
قلت هذا العام نغير المؤسسة بصح مكانش المدير يالي رح يوقع على الطلب يعني هذا العام باين من بدايتوو وانا بديت نتتشاءم
الظاهر طولت عليكم اسمحوليي وربي يوفقكم



نفس مشكلتي انا غيرت الولاية ولحد الان مزلت في العطلة
سيريناد
2013-09-25, 11:24
nous aussi on est en gréve !
rabi ysstar :'(