احس انني انسان فاشل لم احقق احلامي [الأرشيف] - منتديات الجلفة لكل الجزائريين و العرب

مشاهدة النسخة كاملة : احس انني انسان فاشل لم احقق احلامي

مشكلتي

2013-09-17, 09:10

[size="7"]قبل ماتحكمو عليا انا ماشي جاهل والحمد لله وماشي موسوس بصح احلامي كامل اتمنيتها ماتحققتش الروتين كل يوم نفس الشيئ حلمت نكون صحافي ونكمل قرايتي مي الان عمري 22سنة جوزت هاد العام الباكم ووصلت للماء وماشربتش مكتبليش ربي نجيبو راح نعاودو هاد العام مع انو كرهت باسكو درت البوسيبل وفلافان لمقراوش جابوه دوك انا نخدم بويسك كملت قرايتي بالمراسلة عند عمي في محل هو تاركلي كل المسؤولية الحمد لله عندي ست سنين او اكثر ونا نخدم شريت سيارة وعندي مصروف صغير في النك بصح انا كنت حاب ندير اكثر مش هادي حلمي حاب ندير محل لنفسي نكون انا سيد نفسي منيش حاب نبقى خدام عند الناس باش ندي يوم زعما يكون عندي شغل عمي يديرلي محكمة وزيد سجلت فدورة تدريبية للتقديم الاخباريمع الاعلامية الكبيرة فريدة بلقسام لمدة ثلالث ايام بمليونيين واش رايكم فيها دبلوم وتتعلم بزاف حولايج والله نموت على الصحافة معلاباليش راني ظايع دوك كيفاش نقول لعمي على الخميس والجمعة والسبت هو ايام الدورة يديرلي حالة ونا منيش حاب نكثر الهدرة معاه علابالي مستقبلي صحابي يقولولي نتا عايش فالاوهام والاحلام واحد مايطلعلك لمورال كامل يهبطوه ووزيدكي نروح يوم الحميس علابالي راح نكون انا نيفو لهابط كمل بوسك الاغلبية يكونو متخرجين من الجامعات زعما نقدر نكون فالمستوى راها تالفة والله حاب نكون حاجة حاب ندير بزافف حوايج مي راني فمحيط بهبط لمورال تعيشو واش رايكم فحياتي الفاشلة مثلا e]

diyaa2013dz

2013-09-17, 09:30

حياتك ليست فاشلة و انت انسان طموح
طموحك تستطيع تحقيقه يلزمك الارادة فقط
انصحك زيد فوت الباك السنة هذي ان شاء الله ممكن يسهلك ربي تنجح و تسجل في الجامعة
بالنسبة للدورات التدريبية مليحة حاول تقنع عمك بأي طريقة ، خليه يخصم اجرة ثلاث ايام و روح للدورة التدريبية تأخذ نظرة على الشيء لي تحبو
بالنسبة لاصدقاءك اضن ليسوا اصدقاء مادام يطيحولك المورال و احسن حاجة تبتعد عليهم لانهم ما يحبولكش الخير
الصديق ماشي لي تروح معاه سياحة و تسهروا و تجلسوا في المقهى هو الصديق
الصديق لي ينورلك طريقك و يحاول يساعدك تحقق اهدافك

إكليل

2013-09-17, 10:06

أنت لست فاشلا يا أخي بدليل نجاحك في عملك و شراءك لسيارة و مصروف في البنك خير دليل على ذلك فكما قال الأخ انت شاب طموح و أحيانا الطموح تواجهه بعض الصعاب و لا يعني أبدا فشلك مرة أنك فاشل .

لابد ان تتعلم من العلماء في صبرهم و مثابرتهم على العمل و التعلم فمثلا توماس إيديسون قبل أن يخترع المصباح قام بأكثر من ثلاث مئة تجربة فاشلة لكنها في الأخير كللت بالنجاح بإختراعه لأول مصباح كهربائي .

فالفشل هو أن تيأس و لا تحاول من جديد .

hensil

2013-09-17, 10:14

سلام عليكم

عجبتني القصة انتاعك بزاف وثانيك كلام خويا ضياء vريمون انت انسان طموح وعندك احلا وامنيات لازم تحققهم

معليش مش عيب كي متجيبش العام مازالو قدامك الاعوام ومازالك صغير " انا نعرف وحدة والله 10 " سنين وهي تعقب فيه عقباتو علمي ادبي علوم دقيقة ... ماكانش حاجة مادارتهاش بصح كي كانت ناوية انتاع الصح انها تجيبو والله غير جابتو وقرات في الجامعة وهاهي خدامة ظرك

اما عمك فنورمال حاول تقنعو خاطر هاذي الدورات راها في الفايدة انتاعك نورمالمون يديرك كي وليدو ويقبل ولوكان ينقصاك من الاجر انتاعك المهم متخليهاش في قلبك وأما الناس الاخرى خليها وواحد مايعمرلك راسك خلي الناس تهدر وش تحب في الاخير واحد ماهو رايح ينفع الاخر

نتمنى ربي يوفقك ان شاء الله للاحسن

تقبل مروري

honey bees

2013-09-17, 10:21

انت انسان جد جد طموح وحايتك ليست فاشلة ابدا واياك والتفكير السلبي .هو لي خليك تتردد توكل على ربي وسجل في الدور ة التدريبية واقنع عمك وعاود الباك .الدنيا ما تحبسش عند حاجة برك .
ربي ينجحك اخي .

نايفز 55

2013-09-17, 11:18

السلام علبكم

انت ناجح مدام تدير محل

naamane3

2013-09-17, 11:23

راك عرفتها وحدك راك في مجتمع يهبط المورال
اذن توكل على ربي وما تديرش علا بني عربون
وربي يوفقك ان شاء الله

أمة الله 12

2013-09-17, 11:33

صحيح أنت ميشك موسوس بصح راك توسوس في روحك, 22 سنة الله يبارك مازلت صغير و هذا وين جاي لدنيا,

أولا بخصوص الثلاثة أيام , بلطافة و ظرافة روح لعمك قولو يسمحلك تروح ما فيها والو,

و البااااااااااااااااااك عادي جدا, وقت ما جت هذاك هو, كاين ناس راهم اباء و امهات و خدامين و لباس بيهم, رجعوا لجامعة يقرو مع طلبة في عمر ولادهم,

مشوار الألف ميل يبدأ بخطوة, ما طيحش المورال لروحك, و تعلم تحكي ع انشغالاتك و طموحاتك لناس تفهمك ماشي أي واحد (كيما صحابك اللي يطيحو المورال مع احترامي)

bon voyage

ترةح ة تجي بالسلامة

أمة الله 12

2013-09-17, 11:37

~~ أغيلاس ~~

2013-09-17, 11:53

السلام عليكم،

لا زلت صغيرا ،

لما تدخل الجامعة إن شاء الله ستجد من هم أكبر منك سنا بكثير سواء رجالا أو نساء، حينها ستتغير نظرتك كليا حول الأعمار،

عليك هذه السنة أن تثابر لتنجح، عليك أن تهتم بدروسك و تحفظها عن ظهر قلب، حاول تحسين مستواك في اللغتين الأجنبيتين و لو بالاتحاق بالمدارس الخاصة ( دروس خصوصية ) و أكثر من حل مواضيع الباكالوريا في مختلف المواد و لا تمل لأن الاسئلة تتكرر غالبا و من يتقن المنهجية و يراجع باستمرار سيتحصل على علامات جيدة لا محالة، أكيد بالمراسلة عليك بتخصص آداب و فلسلفة، عليك فقط ان تنظم وقتك و تترك السهر مع رفقاء السوء و الأنترنت، بمعنى لا تدخل الأنترنت إلا من أجل الدراسة؛ استفسار من طلبة الثالثة ثانوي، تحميل الدروس و ما إلى ذلك،

بالنسبة لرفاقك فيبدو أنه لا علاقة لهم بالعلم،

حاول إيجاد اصدقاء ينصحونك بالمثابرة و هم موجودون، إن لم تجدهم في محيطك فعليك بإيجاد اصدقاء هنا في منتديات الجلفة ممن يحملون طموحاتك و لا تنظر إلى السن أبدا فمن هم أكبر منك سنا بالنسبة لهم صاحب 18 و صاحب 22 سنة في السن نفسه،

بالنسبة للدورة التكوينية في الصحافة فلا أنصحك بها، عليك أن تحسن مستواك في اللغتين الأجنبيتين لأنهما سياعدانك في تخصصك مستقبلا خاصة الانجليزية، ابحث عن مدارس متخصصة في تعليم اللغات و اصرف تلك الأموال فيما ينفعك حاليا،

لا تستعجل الأحداث، عليك الآن فقط أن تهتم بدراستك و تحسين مستواك و لما تدخل الجامعة إن شاء الله فستجد دورات تكوينية أخرى و بعدها لكل حادث حديث،

أعانك الله و وفقك لكل خير .

dida rida

2013-09-17, 12:46

احساس عادي ما تقلقش روحك بزاف انا أستاذ جامعي ونحس روحي ساعات فاشل في الحياة

habiba81

2013-09-17, 12:56

السلام عليكم
هل تعتبر نفسك فاشلا حقا......

سيهام

2013-09-17, 13:31

الله يبارك عليك
ما شاء الله
شاطر
انشاء الله ربي يكملك لي في بالك
ما تقلقش روحك
كاين ناس متخرجة من الجامعات و تتمنى ربع واش عندك
كمل وبني حياتك حبة بحبة

علياء

2013-09-17, 13:39

السلام عليكم

راك مليح وخير مني لان راك كيفي تماما مي انا ماقدرتش نكون في الدومان مباشرة ونقابل الاعلاميين قريت نظري وبلا باك

ثاني حاجة

الاعلام مايسحقش قراية يسحق واحد راغب فيه لان راك تشوف ويسمحولي ا لا كان هناك اعلاميين بالمنتدى داخلين المهم خدمة وخلاص مما اخر الاعلام في الجزائر او ان صح التعبير المادة الاعلامي ماتنجحش علاش لانهم معندهمش رغبة وحب للمهنة لما تتفرج وتسمع ماتحسش بكلام وموضوع الي جاي الاعلامي يهدر فيه مي حبيت نقول الصح ويسمحولي

وبطل تهدر وتقول انا نيفو هابط وهوما قاريين نقلك الاعلاميين القدامى دخلو بلا قراية وبلا جامع وشوفهم ماشاء الله الدومان هدا يحب الخبرة ويحبك انت تحبو والا ماتنجحش

وراك تشوف لي يقدمو ضرك خارجيين عن اختصاص قرايتهم اصلا يجيبوا فنان فنان قاري صحافة؟ شاعر قاري صحافة؟

الدومان هدا محتاج واحد لغته سليمة والقائه سليم مش مركب

هديك الايامات تاع الدورات ماتقولش لعمك عليها غيب وكل مرة حاجة لان التدريبات ماراحش دوم على حسب فهمي عمك مستحيل يقبل ملا غيب بلا ماتقلو وكلمرة جيبلو سبة غيابك حتى تكمل لي تحبو

راك في طريق الصح

ايمان ايمانو

2013-09-17, 13:40

يا أخي أنا راني نشوف فيك انسان طموح راك في سن 22 سنة هذا وين بدات حياتك و الحمد لله عند سيارة ملكك و مبلغ مالي ، عاود الباك لهذا العام وركز على نقاط الضعاف و ستغلهم و رجعهم نقاط قوة باش جيبو، أما فيما يخص الدورة الخاصة بصحافة ما درهاش ان شاء الله كي جيب الباك ديرها و هذوك الدراهم دير بهم دروس خصوصية في المواد لي راك ضعيف فيهم . و بالتوفيق يارب .و هذا يبقي مجرد رايي .

safa beng

2013-09-17, 13:51

سلام عليكم رحمة الله بركاته
نتا انسان ناجح طموح ربي بارك مي راك تتاْثر بوسط الخارجي هذا يدفعك للشعور بفشل اذا كنت حقا تود تحقيقات اْحلامك لا تترك شئ مهما كان يؤثر على اْحلامك خاصة اْصدقاء ليهبطولك معنوياتك و لا اْي شئ
صدقني اذا استمعت لكلام الناس فانك لا تخطو خطوة
زيد على ذالك ترى عوائق في طريقك ممكن يدفعك للفشل فاحذر
عاود الباك ا ن شاء تنجح وربي يحقق واش تتمى

عبد الله 22

2013-09-17, 17:13

السلام عليكم يأخي ضرك لراهم في عمرك يفكر فالسراول وجال وانت تفكر في محل ماأبعدك على الفشل بالتوفيق

Delka

2013-09-17, 17:41

السلام
صدقني هدا الاحساس لن يكون أكبر من احساس "جامعي متخرج كفء" لم يجد عملا. تنخره البطالة و شح الجيب و نظرة المجتمع له. شيىء رهيب
حالك أفضل, احمد الله وأكمل حياتك.

ليس كل ما يتمناه المرء يصيبه تجري الريح بما لا تشتهي السفن

بسمة2009

2013-09-17, 18:51

اولا اخي لا تزال صغير ولا يزال الطريق امامك لتحقيق امانيك
اؤكد لك انك في الطريق السليم ما دمت تتحرك حتى وان كان بخطوات قليلة لكنها ثابتة
انا درست صحافة وتخرجت من الجامعة ولا زلت لحد الان دون وظيفة ولا زلت واثقة انني ساجدها يوما ما
بالنسبة لدورات التدريبية مفيدة جدااااا افضل من دراسة الجامعة جربت ذلك
تذكر ان الله لا يضيع امالك مادمت تحسن الظن به
لا نراك ابدا فاشلا لكن يجب الثبات .
طور نفسك اكثر طالع اكثر ابحث اكثر ستجد ظالتك يوما ما وسنعود لقراءة موضع لك يوما ما بانك صحافي من النوع الرفيع
وفقك الله

kmilya

2013-09-17, 19:10

علاه راك تقلق في روحك مازالت صغير والله
خويا كان تعيش لناس ماتقدير دير والو في حياتك يفشلوك ذراع
خليهم يهدرو ويعيايرو ويسببو حطهم في ثقيل
الله يبارك ماشاء الله عندك طموح كبير وماستسلمتش
كمل هك نضمنلك بربي ان شاء الله ديررر كثر من راك حاب
حاول وحاول وحاول حتى لو منجحتش مجرد المحاولة برك تعتبر نجاح
صدققني مكانش حاجة اسمها فشل كاين حاجة اسمها استسلام
ربي يوفقك ان شاء الله ودجيب هاد الباك سنة وتولي صحافي لعقوبة نشوفوك في تيفي هههههه
مادير في بالك والومن هدرة ناس كمل كيما راك راك فوووووور

rimiana

2013-09-17, 19:47

نصيحتي ليك اخي لا تتخلى عن حلمك مهما كانت الظروف و التحديات لانو الي يفشل و يتاثر بالمحيط و ما يحققش حلمو يعيش دايما ناااادم و تعيس مهما حاول يقنع روحو. ما تتدفنش روحك ادا راك شايف روحك قادر و عندك طموح ما تستسلمش عاود الباك حتى تجيبو و كمل في التكوين اللي سجلت فيه و خلي قدراتك قد طموحك مشي العكس طموحك على حسب قدراتك و تاكد اي واحد حقق حلمو مر بعقبات عدييييييدة لكن نجح بارادتو في الاخير و وصل لهدفو. لا تستسم اخي فالمجتمع راه فاشل ما يجي منو غير الفشل. ربي يوفقك