اليكم الحقرة التي تعرضت لها

[kader2012]

انا فائز في مسابقة الاساتذة و رتبتي هي الخامس من اصل 14 (مع الاوائل)و عند استلامي للتعيين ذهبت الى المؤسسة لبدئ العمل فتفاجات برد مدير المؤسسة بان المناصب كلها مشغورة و عندما استفسرت الامر عند المديرية قاموا بالتحقيق و وجدوا ان كلام مدير المؤسسة صحيح فتم ارسالي الى بلدية بعيدة جدا عن المكان الذي اسكن فيه فتكلمت مع رئيس المصلحة في مديرية التربية و قلت له المشكل بان المؤسسة بعيد جدا عن المكان الذي اسكن فيه فقال لي خذ التعيين او تنازل عن المنصب فقلت له بان الاوائل يتم ارسالهم على حسب ترتيبهم في قائمة الناجحيين وهناك من هم في رتبة ادنى مني و هم يشتغلون في مؤسسات قريبة من اماكن سكناهم فما هو ذنبي من كل هذا !!!!!!!!!!!!!!! فقال لي لا يوجد قانون بخصوص هذا اما ان تاخذ التعيين او قدم تنازل و الله فعلا انا احس بحرقة في قلبي من هذا القرار و انا تعرضت فعلا للحقرة و لا حول و لا قوة الا بالله اتمنى من الاخوة من لديه خبرة في مجال الادارة او كلام يستطيع ان يساعدني به فلا يبخل علي برد

[bizou]

يااخي روح تخدم واحمد ربي اووكل اعليهم ربي

ايفوتو عامين دير التحويل ارجع للبلدية نتاعك
ربي ايوفقك في الخدمة ان شاء الله

[علي البومباردي]

يا اخي هناك مراسيم منها مرسوم 25/04/2012 الذي يحث على جميع المؤسسات المنظمة للمسابقة احترام اماكن اقامة الناجحين طبعا اذا كان هناك مناصب في البلدية مقر الاقامة او في حدود الدائرة الاقليمية

[mowakara]

يا أخي ما عندك حتى حل، الحل في المعريفة، والمعريفة ماكانش

روح تخدم، والله كاين ناس راهي تحوس على الخدمة حتى لوكات تجي في تندوف

انت راجل ما شاء الله، ولازم تتمرمد شويا

ربي يسهلك خوبا، بالتوفيق

[HODHOD HADAHID]

يا أخي راهم يحوسو على تنازلك للمنصب ويمدوه لمعارفهم مالا نت شد في منصبك ويفرج ربي
وحدة تقري انجليزية بعثوها لمتوسطة في منطقية نائية وكي غابت ايام دارولها تنازل عن المنصب كيما يحوسو هوما بعد


اتخيل انا عندي لسانس فرنسية بعثةني مدرسة ريفية قسم مجمع فيه سنة 3 و 4 و5 نقريهم عربية وفرننسية ورضيت

لأنه كي تفوت تهز التعيين ماتقدرش تريكلامي إلاا بالمعريفة

[kamilya2755]

ممكن تعطيني البوست نتاعك

[ابتهال19]

salam
عصفور في اليد خير من عشره على الشجره

[la_khaled]

ارفع يديك للسماء

و ابعث شكواك

تخرج في صاحب دعوتك

[بوعلام عبدالسلام]

هناك مثال في الجلفة يقول "ادهن السير يسير" هاذو يحوسوا على الرشوة وكل ربي على هاذ الطواغيت لي الله ينعلهم في الدنيا والاخرة وربي خير انوصيك شد في ربي ووكلو وقل حسبي الله ونعم الوكيل

[السيد قطب]

ادهن السير يسير

[فاطمة الزهراء.]

ياخويا صرالي نفس المشكل داروها ايكسبري لاحوني في بلاصة بعيدة عليا 150كلم مع العلم اني امراة يعني مستحييييييل نديبلاصي وحدي وكي رحت نحوس على تحويل قالولي اتنازلي على المنصب
احمد ربي اخدم واشكي لربي وربي يفرج علينا كامل
انا راني كيفك هذا العام التاني نديبلاصي سوفريت
ربي يعينك
ومبروك عليك النجاح
راهم يستفزوك باش تتنازل على المنصب
حذااااااااااااااااري اخدم بعيد وماتخليهلهمش
راهم غير يبزنسوا بالمناصب

[lalib40]

الانسان لازم ايخدم شوي راسو ويكون ذكي ، الفلم هذا راه مخدوم هوما واش دارو ، بعثو جماعة لمعارف لاقرب مؤسسة وانت ايضا بعثوك لاقرب مؤسسة وهم يعلمون ان في هذه المؤسسة لايوجد منصب شاغر لانهم يعلمون بكل المناصب الشاغرة في كل المؤسسات ، امباعد قالولك ران غلطنا ، هذا هو الفلم وهذه هي الطريقة .

[sorour%]

من الاحسن اخي الكريم ان تذهب و تتسلم منصبك لأنهم دارولك هكا باه تتنازل على منصبك و يديوه واحد من معارفهم صدقني هذا تخمامهم و ماشاء الله عليك انت شاب و تتحمل حتى يفرج عليك ربي. اذا ما التحقتش بمنصبك في اقرب وقت راح يسلبوه منك. توكل على ربي و ما تخليلهمش الفرصة. ربي يوفقك.

[foufa touta]

واش من ولاية انت

[[مطمئنة]]

كاين تعهد مضيتيه و دفعتيه مع الملف تفكر وش كان مكتوب فيه درك تفهم علاه يديروا هكا و مش خايفين

[angelic woman]

3andi bent khalti mrassma men 2004 w mrida ''diabétique" w kol merra tdir demande ta3 tahwil, w kol marra ma ya9ablouch, hatta ki hawsset tdir permutation m3a wahda 3aks haletha, ma 9abloulhach kol merra ygoulolha teb9ay win raki, w hada 3am 10 nchallah

[kader2012]

اولا الشكر الجزيل لكل الاخوة الذين قاموا بنصيحتيي و الشكر كذلك للاخوة الذين على الاقل قدموا ارائهم حول قضيتي
انا رايت اتقريبا كل الردود تصب في اتجاه واحد و هي ان اذهب للاستئناف العمل و الشكوى لله عز و جل وهذا ما سافعله بالظبط
لكن سوف اقدم طلب للاستماع للدخول على مدير التربية و عرض مشكلتي بالتفصيل هذا ما نصحني به احد الاخوة له خبرة في مديرية التربية و اذا لم يتم الاستماع الي سوف احيل القضية للعدالة كاخر حل هذه هي خطتي في الوقت الراهن

[أميرة2]

أخي الكريم
التعيين في السنة الأولى هو تعيين مؤقت وفي السنة القادمة تكون المشاركة في الحركة التنقلية إجبارية على جميع الأساتذة الجدد , عليك بالصبر هذه السنة ربما السنة القادمة تضفر بمنصب قريب من مقر سكناك , فالحركة التنقلية تعتمد على ترتيب الملفات و المرتب أولا له حق الإختيار
وفقك الله

[مراد الجلفاوي]

لا حول و لا قوة إلا بالله

[وردة زمن]

واش راه يصلح في هاذ لبلاد غير الخقرة ولمعارف احمد ربي اوموا لقيت تعين الناس تحوس على استخلاف ملقاتش

[احمد ابراهيم 70]

ربي يصبرك و يفرج عليك

[دعاء المحبوبة]

هذا الامر حدث مع الكثيرين
مثلا نحن لما وضعوا قائمة المدارس للاختيار لم يذكروا المكان المحدد لمدرسة وانما اكتفوا بذكر المدينة التي تننتسب اليها
فالكثير من الناجحين اختاروا مؤسسات وفي ظنهم انها في منطقة سكانية
فوجدوا انفسهم في صحاري كميا يقولوا الشاحنة وما تروحش ليها
حتى لو ارادوا الكراء فالمناطق فلاحية فيها ديار كل دار بعيدة عن الاخرى بمسافات كبيرة
يا اخي انت راجل وتقدر تحمل ماتخليش البلاصة تاعك تروح توكل على ربي
عسى ان تكرهوا شيئا وهو خير لكم
كان الله في عونك

[السلطان صلاح]

وعسى ان تكرهوا شيئا وهو خير لكم
شد في ربي وروح يباركلك انشاء الله
بالتوفيق

[perle d'algerie]

والله نفس المشكل في سكسكدة انا تاني بعتوني لمنصب مكانش وانا في الترتيب التانية

[ZAHWANI]

و الله الإنسان طماع بطبعه صح. نهار ما تلقاش خدمة تقولو كيفاه و نهار تلقاوها تشرتو أنصحك بتذكر ايام البطالة و نهار كنت تقول كون يعيينوني في مالي نروح . أحمد ربي و أشكره . تذكر صحابك لي مانجحوش

[kader2012]

و الله الإنسان طماع بطبعه صح. نهار ما تلقاش خدمة تقولو كيفاه و نهار تلقاوها تشرتو أنصحك بتذكر ايام البطالة و نهار كنت تقول كون يعيينوني في مالي نروح . أحمد ربي و أشكره . تذكر صحابك لي مانجحوش
اخي ليست مسالة منصب شغل او بطالة هي قضية مبدا
اما فيما يخص شكر الله و حمده هذه ليست النصيحة التي تقدمها لي انت فشكر الله واجب في كل الاحوال و على كل النعم و اولها الصحة و الهناء
الحقرة حتى واحد ما يتقبلها و الكلام الذي انت قلته هو الذي تركنا نغض الطرف عن حقوقنا
فالكارثة هي ان لا تعرف حقوقك و ان عرفتها لا تعرف كيف تاخذها
اما بالنسبة لقضيتي فقد تم حلها بفضل الله اولا و بمساعدة اب لصديق لي كان يعمل في مديرية التربية
عندما دخلنا للمديرية ذهب مباشرة للكاتب العام و هو صديق له و اخبره بمشكلتي
فاتي معنا الكاتب العام لمديرية التربية و ذهبنا عند رئيس مصلحة التوظيف و بعض الموظفين (الذين كانوا سببا فيما حصل لي) و الله العظيم بدئوا يتصرفون كالارانب المقبلة على الذبح فقالوا لي اعطنا رقم الهاتف سوف نتصل بك
اليوم في المساء تم الاتصال بي و اعطوني منصب اقرب للذي ارسلت اليه في المرة الاولى
الحمد لله على هذا التوفيق و لا تسكتوا على حقوقكم هذه هي نصيحتي لكم

[maramdou]

الف الف مبرووووووووووووووووووووووووووووووووووووووووووووووو وووووووووووووووووووك

[[مطمئنة]]

الحمد لله ما ضاع حق وراءه طالب

[سنوم 33]

مبروك عليك
هذه هي الدنيا