هل من حل لمشكلتي المصيرية

[مشكلتي]

السلام عليكم ارجو المساعدة بنصائحكم
انا متزوجة قانونيا و لكن لم نقم بالعقد الشرعي ببعد، مشكلتي ان زوجي تبدل عليا بزاف ولا ما يخلينيش نخرج و انا مازالني طالبة بقالي هذا العام و نكمل و العرس مزال حتى العام الجاي قالي حبسي الدراسة و دا القرار بلا ما يشاورني و هذي ماشي الخطرة الاولى لب بدي قرار كيما هكا و فوق هذا الشيء راهو يهدر فالتلقون مع بنات و سييتو خطرة ***** و راح في الخط معايا و كان حاب يتلاقا بيا و كي نقولو معامن راك تهدر يقولي مع صاحبي و يزعف و يولي ميرفدش عليا شغل انا الغالطة في حقوا مع العلم اني حكمتوا خطرة في الفايسبوك يهدر مع بنات وحدوخرين و يتقعد بيهم و اليوم بدات القراية و مزال مرحتش للجامعة مبصح راني ناوية نطلب الطلاق خاطرش وصلت لباب مسدود و هوا ما يحوسش يفهم يحب يدير رايوا نتمنى تنصحوني راني ضايعة

[Angleeyes]

تعرفي بلي راه يخون فيك و مازالك معاه؟؟؟ خليه و ربي يعوضك ماخير منو.

[محمد جديدي التبسي]

لابد من مشاورة وإقناع
هذا هو الزواج الذي ينشأ بعد علاقة وهذه سلبياته تصبح المرأة بلا قيمة
ربي يهديك للصواب

[halla halla]

لي خدع مرة يخدع 2 و3 و الا من دوك راهو هاكا كي تتزوجو وش يدير
نتي يغلق عليك باب الدار متخرجيش ومتخدميش و هو يدير رايو فزنقة

أنا كون جيت مكانك نطلب الطلاق

[guenfoudmelissa]

أستخيرك الله وهو سيهديك الى القرار الصائب

[pro24]

اسمعي تفاهمي معاه بشويا
انت المخطئة في انك تهدري معاه في التيلفون وتقولي راه غالط هنا انت غالطة
الفايسبوك قلتي يقاعد يعني راه يمزح ويتمسخر
انت لازم تضعي النقاط على الحروف باه كمل واحد يعرف حدود نتاعوا
ابني الزواج نتاعك على الصح يصح من الاول
مكلاه انت تبقاي تخبيء وهو كذلك ومن بعد تقلوا ياندمتنا
المهم كيفاه تفامهتوا من النهار الاول
لكان تكملي الدراسة تكمليها ولكان تفاهمتوا تحبسي تحبسي
المهم اعلمي انا على الزوجة ان تطيع زوجها ما لم يامرها بمعصية
ربي يكون معك
بالتوفيق في حياتك الزوجية

[علياء]

خلاص هو بدا يتحجج بحجج لان كي وصلت لعقد بدا الرسمي والجد وماشكيتش هو تاع رسمي وتاع ناس جدية
انت في طريق الصح ماتكمليش معاه


ودراستك كمليها هي سلاحك ونهار يجيك مكتوبك ويقلك ماتخدميش الله يسهل مي لازم شهادة

ربي يوفقك

[saafia]

السلام عليكم

اضنه اختي يحاول ان يفسخ العقد ولداك يستفزكي حتي تضيقين درعا منه و تكونين انتي من يفض العقد ,,,ربما الله اعلم لو كنت مكانك لأ اعطيته درسا في التأمر ,و ارتجال القرارات الواهية الغير مؤسسة هدا راهو مرض من قبل ما يدخل ,,,الرجال طغاو من ضعف المرا ماشي من قوتهم
قالك الفال فرعون قالولو واش فرعنك قال ليهم ما لقيتش الي يردني !!!!!!!!!!!!!!!!!!!!!!!!! انا ما نحبش نقوليك خليك منو و ربي كشفوليك قبل ما تباصي معاه مي يبانلي فيه فيس والله اعم ما يصلحش مهبول تخلي قرايتك علا جالو

اختي الله يرشدك انشالله

[ASYA84]

واش نقولك اختي هذا كي عقد دار هكذا وكي تعودي عندو واش يدير ننصحك حاجة وحدة قولي لوالديك واش صرا بيناتكم وهما ينصحوك مليح والحكاية تاعك مشابهة لوحدة جارتي كي عقد بدا يتبدل وخرجلها خرجة .............حتى طلقت منو وتهنات و صدقيني الفتاة تكون عزيزة في فترة الخطوبة يعني يشوف غير لعينيها وانت راه يخون فيك ذرك بابسط الوسائل التيليفون و الفايس بوك ووووووومبعد كي تولي مرتو واش يزيد يدير و انت تخيليها وحدك ربي يعاونك وصلي صلاة الاستخارة وكل واحد يدي مكتوبو :mh31:

[أختاه]

السلام عليكم
اتسأل كثيرا اختي عن من يقبلون ازواجا و في نفس الوقت هن يدرسن ان لم يكن عندكي استعداد لترك الدراسة فلما قبلت الارتباط مع هذا الرجل .
و هناك خطأ ثاني و هو طول مدة الخطبة او العقد و هذا ما يسبب مشاكل جمة
الان امامك خياران ام الاستمرار في هذا الارتباط مع التنازل و طاعة زوجك فالدراسة ليست كل شيئ الاستقرار العاطفي و تكوين اسرة اهم
او انهاء هذا الارتباط .
هداك الله لما فيه صلاحك و انصحك اختي بتقوى الله

[imane bela]

jiti tsa9si f elplasa eli malazemch
dok kamel erdjel ymedou lha9 l radjlek w kamel ensa ymedou elha9 lik enti
ana n9olek makach kimla rebi
3lik w 3la istikhara
w zid elkhed3a mahich sahla lazem twadjhih bech mayzidch y3awedha w mm ila 3awedha ykhafek tfi9i bih
w 9raytek ma tesemhich fiha psq hiya slahek f edenya hadi
khatibi tan ydirli machakil ki nroh ne9ra besah jamais 9ali habsi psq metfahmin melewel beli ne9ra w nakhdem
rebi m3ak hanouna c pas facile

[abdel02]

المسؤولية مشتركة...والزواج الذي وصفه الله تعالى بالميثاق الغليظ صار خيطا رفيعا...
الذهنيات تبدلت والشباب والشابات ماهمش يشبعوا من المراهقة...وصاحبنا يبدو أنو
مازالو صغير بزاف على الزواج والمسؤولية التي ليست مجرد إصدار أوامر....أنصحك
أن تفسخي قرانك منه وأن تصلحي أحوالك مع الله...وأن تختاري من ترضين دينه و
خلقه...والله الموفق.

[minomido]

انا متزوجة قانونيا و لكن لم نقم بالعقد الشرعي ببعد
الزواج القانوني هو بالعقد وانتي معقداش يعني ماشي متزوجة
راهو يهدر فالتلقون مع بنات و سييتو خطرة
و راح في الخط معايا و كان حاب يتلاقا بيا
قاع الرجال يهدرو مع البنات قبل الزواج وباه تسييه ماشي جاية كي يروح الكونفيونس يروح كلشي زيد هادي المشاكل تضري بيهم روحك وتتوسوسي كاين واحد يلقى العسل وما ياكلش منه

و كي نقولو معامن راك تهدر يقولي مع صاحبي و يزعف
علاه راكي باغية يقولك كنت نهدر مع بنت ما جاياش وميقدرش يضرك لكان ما يحترمش المشاعر نتاوعك يقولهالك نورمال بغيتي تبغي بغيتي تكرهي
مع العلم اني حكمتوا خطرة في الفايسبوك يهدر مع بنات وحدوخرين و يتقعد بيهم
لكان ما دخلتيش للفايسبوك ما تلقيه تما انتي تاني ماكيش معصومة زيد ما زلتي تامني بالفايسبوك والعلاقات نتاوعه النت قاع غي خرطي خليه راه في الفارتيال وراه يفوت وقت واش راحلك انتي عيبك كي تكوني في داره ويخليك ويقابل الفايسبوك
اليوم بدات القراية و مزال مرحتش للجامعة مبصح راني ناوية نطلب الطلاق
الجامعة قادرة تقنعيه انتي ولا والديك باه تكمليها ما شي حاجة واعرة بصح طلاق انتي الخاسرة انتي اللي غادي تدي عنوان مطلقة والرجال راهم قلال سيرتو ولاد الحلال وهدا القرار يرجع ليك وحدك جمعي مع روحك وشوفي حل باه ما تندميش من بعد

[عائشة عطر الجنة]

انا ننصحك ختي باش تنفصلي

لاخاطر هادي صرات لوجدة قريبتي وفي لاخر هو طلب طلاق


نهار ليوم ولا وحداخر

ربي ينورلك بصيرتك

[مواطنة]

السلام عليكم اختي
كي قريت مشكلتك فهمت انك قبلتي بيه عن قناعة و على اقوال و عهود كي عقدتو بدلها .
بما انوعندو تصرفات المراهقين و الاخلاص لك ماراهوش في قائمتو
انت لازمك تحطي النقاط فوق الحروف من الان
بالنسبة لقرايتك و بالنسبة للتعامل السيء و علاقاته المشبوهة تكلمي معه بهدوء للتفاهم قبل كل شيء و اعلميه انك على علم بتصرفاته و احتراما له لم تخبريه من قبل واما عن دراستك تاني تكلمي معاه ماشي تحاولي تقنعيه تخبريه انك لازم تكملي لانها رغبتك اولا و رغبة اهلك وتفاهمتو عليها من قبل
اختي اذا شفتيه استجاب مليح و اذا لالا حاولي تصارحيه بخوفك من عدم قدرتك باتمام الزواج اذا واصل في تقلبات احواله الجوية و ضغطه الذي يمارسه عليك
صحيح ان الزوجة لازم تطيع زوجها لكن هذا الاعوجاج لازمك انت تقوميه
و اذا ما قدرتيش تكلمي مع اهلك استشيريهم و صلي الاستخارة و تخليش الوقت يفوت باش تحلي المشكل باش ما تتاثريش
اختي اتفهمك جيدا من جهة لا تريدين العيش بتلك الطريقة مهما حبك له ومن جهة اخرى لا تريدين اسم مطلقة
استخيري الله و ادعي في الثلث الاخير من الليل
قوي نفسك و خذي موقف معه لانه ضروري ان يكون جدي و مسؤول
حتى انت ما ترميش نفسك بيدك للخسارة
و رجحي مع نفسك اي حل افضل و مريح بالنسية لك
لا تلتفتي لاقوال الناس و الجيران المهم انت تكوني بخير صدقيني
لانو في وسط الزواج و العيش في ظروف قاسية مع الزوج لن تجدي العون الا في اناس قلال لذلك انت صارحيه و خليه يتعهد بلي يتبدل للاحسن و اذا كان من النوع لي لا تهمه الاخلاق و همه الكبيرهو استعمال القوامة في غير محلها فلا انصحك بابقاء الامر بينكما خلي داركم يتفاهمو معاه .
***ما ضريش نفسك بيدك لانو لي يحبك تاع الصح يدير المحال باش يفرحك ماشي باش يحزنك***

[السيدة كرمين]

السلام عليكم ارجو المساعدة بنصائحكم
انا متزوجة قانونيا و لكن لم نقم بالعقد الشرعي ببعد، مشكلتي ان زوجي تبدل عليا بزاف ولا ما يخلينيش نخرج و انا مازالني طالبة بقالي هذا العام و نكمل و العرس مزال حتى العام الجاي قالي حبسي الدراسة و دا القرار بلا ما يشاورني و هذي ماشي الخطرة الاولى لب بدي قرار كيما هكا و فوق هذا الشيء راهو يهدر فالتلقون مع بنات و سييتو خطرة ***** و راح في الخط معايا و كان حاب يتلاقا بيا و كي نقولو معامن راك تهدر يقولي مع صاحبي و يزعف و يولي ميرفدش عليا شغل انا الغالطة في حقوا مع العلم اني حكمتوا خطرة في الفايسبوك يهدر مع بنات وحدوخرين و يتقعد بيهم و اليوم بدات القراية و مزال مرحتش للجامعة مبصح راني ناوية نطلب الطلاق خاطرش وصلت لباب مسدود و هوا ما يحوسش يفهم يحب يدير رايوا نتمنى تنصحوني راني ضايعة

*يوم جا خطبك مع من هدر ؟
* هل اشترط عليه أهلك إتمام دراستك؟
* على أي اساس فكرتي تسييه في موضوع البنات ؟ وهل أنتي متأكدة مليون في المية؟
* وين الرجال في موضوعك؟

بنتي موضوعك له حل واحد ان كان كما ذكرتي وهو الطلاق و التمسك بقرارك دون رجعة
لأن الرجل إذا رجع في كلمتوا مع رجل ما يستحقش الاستمرار معه
واذا خانك اليوم رح يخونك غدوة خاصة اذا عرف أنك عارفة
و مليح أنوا بان درك ماشي ومبعد
ارفعي دعوى خلع ورجعيلوا الشئ لي مدهولك وربي يرزقك بأفضل منوا ويرزقو بأفضل منك
ويصلح حالوا

[samira135]

لو كان جا يستاهل و كان تنازلتي على قرايتك مي هذا واحد مايسواش وخائن ...

نصيحة مني انفصلي من ضركة عنو احسن ما ترجعي مطلقة لداركم وتخسري كل شيء دراستك حياتك ....الخ

صلي صلاة الاستخارة

[سيهام]

انا متزوجة قانونيا و لكن لم نقم بالعقد الشرعي ببعد
الزواج القانوني هو بالعقد وانتي معقداش يعني ماشي متزوجة
راهو يهدر فالتلقون مع بنات و سييتو خطرة
و راح في الخط معايا و كان حاب يتلاقا بيا
قاع الرجال يهدرو مع البنات قبل الزواج وباه تسييه ماشي جاية كي يروح الكونفيونس يروح كلشي زيد هادي المشاكل تضري بيهم روحك وتتوسوسي كاين واحد يلقى العسل وما ياكلش منه

و كي نقولو معامن راك تهدر يقولي مع صاحبي و يزعف
علاه راكي باغية يقولك كنت نهدر مع بنت ما جاياش وميقدرش يضرك لكان ما يحترمش المشاعر نتاوعك يقولهالك نورمال بغيتي تبغي بغيتي تكرهي
مع العلم اني حكمتوا خطرة في الفايسبوك يهدر مع بنات وحدوخرين و يتقعد بيهم
لكان ما دخلتيش للفايسبوك ما تلقيه تما انتي تاني ماكيش معصومة زيد ما زلتي تامني بالفايسبوك والعلاقات نتاوعه النت قاع غي خرطي خليه راه في الفارتيال وراه يفوت وقت واش راحلك انتي عيبك كي تكوني في داره ويخليك ويقابل الفايسبوك
اليوم بدات القراية و مزال مرحتش للجامعة مبصح راني ناوية نطلب الطلاق
الجامعة قادرة تقنعيه انتي ولا والديك باه تكمليها ما شي حاجة واعرة بصح طلاق انتي الخاسرة انتي اللي غادي تدي عنوان مطلقة والرجال راهم قلال سيرتو ولاد الحلال وهدا القرار يرجع ليك وحدك جمعي مع روحك وشوفي حل باه ما تندميش من بعد

تحليلك عقلاني
الرجال يخمو هكدا
اقراي مليح هذا الرد
و نتوجه للاخوة الاعضاء
و الله ما حق عليكم تنصحو الناس بالطلاق
عمبالكم حياة الناس لعبة
ولا الطلاق حاجة ساهلة
عادي الكل عندو مشاكل
لو كان راكم في بلاصتها صح و الله ما تحكو على الطلاق
نعرف غير الشيطان لينصح المتزوجين بالطلاق
اما الناس الصالحة تؤمن بانو الصلح خير
علاش ما تقولوش ما خلاهاش تروح للجامعة لان يغير عليها بزاااااااااف و ما يحملش كي تخرج من الدار
زيد هذا مشكل يمكن نلقاولو الف حل و حل
ماششي الطلاق
ربي يهديكم
النصيحة نتحاسبو عليها ماشي ارواح و انصح
زيد كي لقيتيه في الفايس بوك
الشباب معضمهم في الفايس بوك حتى لمتزوجين
صافي على جال الفايسبوك نطلق
مليحة هادي

[نورالهدى بيولوجيست]

اختي مشكلتك اكيد عندها حل و الحل بين ايدين اهلك مع احتراماتي اختي لكن نحير فيكم كي تقولوا قالي و قتلوا قرارات مصيرية؟؟؟؟؟؟؟عجبي منكم وين راهم اهلك و ينو والدك المفروض ماكانش كثرة الحديث كاين خطبة كاين زواج و بعد الزواج تتعشروا و تهدروا مليح و اموركم تولي بيناتكم اما قبل ما يديك لازم اهلك هم اللي يكونوا فالواجهة.............ربي يفرج عليك استخيريه و ادعيه و هو المستعان دائما و ابدااااااااااااااااااااا

[diyaa2013dz]

الخيانة تبقى خيانة
بالهاتف او الفايسبوك او اي طريقة اخرى
انا رجل و متزوج و فاهم علاه راه يمنع فيها من الخروج و من الدراسة راهو يفكر انها راح تخونو كيما يخون فيها
التلفون و الفايسبوك اول منافذ الشيطان للنفس الضعيفة و وخاصة انك قلتي جربتيه في التلفون و حاول يلتقي بك
يعني ممكن هو التقى المئات من خلال مكالمات مع فتيات اخرى
الدراسة تاعك ما تفرطيش فيها و تقعدي شفايا للعديان و الشفايا
بالنسبة لخطيبك او زوجك حاولي انصحيه و صارحيه بالاخطاء اللي ارتكبها و اذا ما حبش يعترف اعرفي انه مع كل احتراماتي ليس برجل
لان بعد الزواج راهي مسؤولية و احترام متبادل بين الطرفين و الرواج راه رباط مقدس و ليس لعبة في ايدي المراهقين ،موجودة كثير من القصص عندها نفس النهاية اللي هي الطلاق انا ماش نطلب منك تتطلقي لكن الزواج لازم يكون فيه تفاهم و احترام و مودة و رحمة و الرجل لكان وجد الحنان حتى في التلفون راح تصير زوجته في البيت مثل الاثاث و راح تكون علاقة فيها جفاء و تباعد
يا اختي اقول لك كلمة واحدة بالنسبة لكلامه في الهاتف ، لماذا لا يكلمكي انت و يكلم اخريات ؟ الست زوجته في نظر القانون و الشرع؟ العقد المدني يشتمل على جميع شروط العقد الشرعي التي هي : الولي و الصيغة و الشاهدين و الصداق و هذا معناه انك زوجته امام الله قبل ان تكوني زوجة امام الناس
يخلي الحلال و يرتمي في الحرام راه حتى تكلم فتاة اجنبية عليك راه حرام و راهي خلوة محرمة
ربي يجيب الخير و ينورلك طريقك لما يحبه و يرضاه

[amina260]

السلام عليكم ورحمة الله وبركاته
اختي الكريمة الا الخيانة الرجل لي ما يخافش من ربي ويدر الحرام وهو متزوج كيفاش بغيتي تعيش معاه
هذا راه بادي العلاقة تاعكم بالحرام وراه مبدلك في اول فترة ليكم وفي اجمل فترة ليكم راه داير عليك بنات يعني راه مفضلهم عليك ولا وش
يختي الكريمةا انا ننصحك تاخذي الراي بعقلك مشي بقلبك باسكو راني نشوف فيك في هدرتك تميلي لقلبك بزاف ومتردة وخايفة بزاف
بصح يختي هذا رايحة تعيشي معاه حياة كاملة مشي نهار لوا زوج وزيد هذا نصف الدييييين ترضاي على روحك تكمليه مع انسان بعيد على الدين
استخير يالله وصلي وادعي واكثري من الاستغفار واسال الله لك الفرج في القريب العاجل

[أسومة المتفائلة]

الخيانة تبقى خيانة
بالهاتف او الفايسبوك او اي طريقة اخرى
انا رجل و متزوج و فاهم علاه راه يمنع فيها من الخروج و من الدراسة راهو يفكر انها راح تخونو كيما يخون فيها
التلفون و الفايسبوك اول منافذ الشيطان للنفس الضعيفة و وخاصة انك قلتي جربتيه في التلفون و حاول يلتقي بك
يعني ممكن هو التقى المئات من خلال مكالمات مع فتيات اخرى
الدراسة تاعك ما تفرطيش فيها و تقعدي شفايا للعديان و الشفايا
بالنسبة لخطيبك او زوجك حاولي انصحيه و صارحيه بالاخطاء اللي ارتكبها و اذا ما حبش يعترف اعرفي انه مع كل احتراماتي ليس برجل
لان بعد الزواج راهي مسؤولية و احترام متبادل بين الطرفين و الرواج راه رباط مقدس و ليس لعبة في ايدي المراهقين ،موجودة كثير من القصص عندها نفس النهاية اللي هي الطلاق انا ماش نطلب منك تتطلقي لكن الزواج لازم يكون فيه تفاهم و احترام و مودة و رحمة و الرجل لكان وجد الحنان حتى في التلفون راح تصير زوجته في البيت مثل الاثاث و راح تكون علاقة فيها جفاء و تباعد
يا اختي اقول لك كلمة واحدة بالنسبة لكلامه في الهاتف ، لماذا لا يكلمكي انت و يكلم اخريات ؟ الست زوجته في نظر القانون و الشرع؟ العقد المدني يشتمل على جميع شروط العقد الشرعي التي هي : الولي و الصيغة و الشاهدين و الصداق و هذا معناه انك زوجته امام الله قبل ان تكوني زوجة امام الناس
يخلي الحلال و يرتمي في الحرام راه حتى تكلم فتاة اجنبية عليك راه حرام و راهي خلوة محرمة
ربي يجيب الخير و ينورلك طريقك لما يحبه و يرضاه


نعم الرد
رانى معاك فى كل كلمة

[" أبو عبود"]

هناك امر لم تذكريه في قصتك ، وهو علاقته بك انت. بما انك العقد صحيح وشرعي - للاسف بعض الناس لا تفقه في الشرع- مدام العقد موثق بشهود وولي امرك والصداق والصيغة الشرعية فهم عقد شرعي وانت زوجته على سنة الله ورسوله- وسؤالي واضح هل كان بينكما معاشرة زوجية؟ فاذا كان نعم فالمر ليس سهلا بالمرة . لان التخلص منه لن يكون في صالحك وهذا ما لم ينتبه الى بعض الاخوة والاخوات المتدخلين. ولكن في حال لم يكن بينكما اي علاقة زوجية عليك ان تشاوري والديك وـاخذي النصيحة منهما فإن اشارا عليك بالطلاق فاستخيري واطلبي الطلاق ولن تندمي باذن الله. وان اشارا عليك بالصبر فاصبري. اما قضية الجامعه ومدام لديك فقط سنة فاطلبي اليه ان يسمح لك بانهاء السنة ولو تطلب ذلك ان يخضعك للمراقبة لانه ليس من السهل ان تتركي دراستك بعد كل هذه السنين وفي اخر سنة؟ هذا ظلم والله. والله المستعان

[naamane3]

اذا كان ما تقولينه واقع
فلا عيش لك مع خائن
وعديم كلمة