مشكلة في فتاة

[مشكلتي]

السلام عليكم ورحمة الله و بركاته
دائما مع مشاكل الحب والله وليت نحشم من نفسي
في الحقيقة ضد العلاقات المحرمة هذه و انا معجب بفتاة اود خطبتها لكني مازالت مكونتش روحي ماديا لانني صغير في السن و طالب جامعي
أظن ان الفتاة ايضا معجبة بي من كلامها و من يدرس ارسلت لي كلاما
هلْ هُنآك وَجَعٌ أقسَى مِنْ اَنْ يَقِف الكَلآمُ !

بينَ ; فَمِكَ وَ حُنجُرتِك ()

اِنْ اَظهَرتهہُ نَدِمتْ , وَ اِنْ أبْقيَتهہُ تألّمْت
و قلت لها فهميني قالت لي انا لا أريد التحدث عن نفسي
هذا هو جوابها البارد
المهم شوفوا مضمون كلامها و فهموني
إذا كانت تحبي سأتفاهم معها و أخبرها بإنتظاري 4 أو 5 سنوات بينما أنهي دراستي من دون علاقة
سلام

[KARIMA.HOPE]

سلام ربما بما مفهومي انا بنت بتحبك
و اذا كانت مليحةو متخلقة و لباس بيها و علاش لالا
انت اهدر معاها و قولها و انت تعرف جواب سواء من عينيها و لا من فمها................. بالتوفيق

[فُـــضيل]

تمنّيت لوكان غير دخلت للجامعة !!

نَـخطَب نتزوّج و انطلّق في نفس اليوم !!

سبحان الله كل حكاية تاع حب خارجا من الجامعة
الزواج لازم راجل وفحل ومرا فحلة وبنت امرا
ماش كل فيراج نتلاقاوا وحدة انحب هادي لالا هادي أوووه وقيلة هادي .......

كول واش حكيت حب مراهقة وتفكير سلبي وإدا عنبالكم زواج غير انحبّك وتحبّيني ننصحكم غير متتزوجوش
الزواج مسؤولية وثقافة وقدرة قبل ميكون عاطفة ووو

والله ايغيضوني بعض القصص نرقد بكامليا وانصبّح بليديا ونتزوّج في 45 من عمري بفاطمة !

[أختاه]

السلام عليكم
الحب خارج حدود الزواج حرم شرعا
و بما انك لست مستعدا لزواج فلما التواصل مع هاته الفتاة او غيرها
فكما قيل عفوا تعف نسائكم
و قال الإمام الشافعي رحمه الله – تعالى - :

عفوا تعف نساؤكم في المحرم *** وتجنــبوا ما لا يليق بمسلـم
إن الزنا دين فإن أقرضتـــــه *** كان ألوفا من أهل بيتك فاعلم

[نايفز 55]

سلام عليكم

اخي كاين منهم بزاف وراهم يطيشوا ما تعمرش راسك بيهم دير جراهم عمر جيبك ومن بعد هوما لانهم يعبدوا مال وما يهمهمش زواج بقدر ليهمهم مالك

اظن انك فهمتني

[abdel02]

صغير في السن وماتحبش العلاقات المحرمة وراك خايف تموت بلا زواج...وإلا خايف البنية هاذي تزوج وأنت تبور...ربي معاك.

[imane bela]

3la hsab wach fhamt men hadertek enta 9ader tesber 3liha w hiya 9adra tesber a3lik
ya3ni we9t ma kemeltou 9rayetkom dirou un pat ver l'avant
mais takhod rayi dorka matkhamem fi walou apar 9raytek w ila rak habha sah ki tweli 9ader tethamel mesouliya eta3ha ongaji madam mazalek sghir riyah 3a9el kheirlek

[kmilya]

احكي معها وصارحها وشوف الا تسناك ونتا على الاقل حط الكلمة عليها

[fafafoufou]

thannnnnks

[ندرومة49]

نصيحة أنسى .............................................باه تقرا مليييييييح

صعبة جدا تنتظرك أكثر من 4 سنين.............. لأنكما ستكرهان بعضكما لا محالة وخاصة اذا كنت متواصلا معها

وادع ربي يثبتك ماتهدرش معاها في الحرام لأن ابليس مش راقد وخاصة وأنت في الجامعة لي نعرفوها كاااامل

حذاري تقول نعمر الوقت اي نعقب بيها راها بنت ناس وكما تدين تدان

انصحك بنزع الفكرة تماما إلا اذا الظروف المادية تسمحلك فأقبل ولا تأخر المشروع تاع الزواج

[naamane3]

انا نقولك اخطيك من هاذ السوق
واصبر حتي يأتي وقت زواجك
وربي يرزقك باللي تقر بها عينك

[diyaa2013dz]

شوف يا أخي انا كنت طالب في الجامعة ندرس و نخدم نعاون روحي
نويت نتزوج قالولي مازال ما كونتش روحك و الله هذا كلام الشيطان ناس بكري في الفتوحات و الغزوات يحمل سيف قدك في الطول و احنا يقولونا ما كونتش روحك ما عندكش الدار ما عندكش السيارة و ما عندكش الدراهم
انا كنت نخلص حاجة قليلة و نخدم و خطبت و عملت العقد و من ثم فتح علي الله من باب واسع و عمل مليح و شريت سكن و سيارة و تزوجت و الحمد لله حاجة ما خاصتني
المهم انك تكون عندك ارادة و عزيمة و تتحرى الحلال و حط دائما الله بين عينيك و ما تفكرش تعصيه حبيت تتزوج اقصد اهلها و الباقي على الله
الا راك ماش قادر اخلص النية تاعك لله و صوم و ادعي الله و اثبت و ما تفكرش في الزواج حتى تكون روحك
لان بعد انتهاء الجامعة راح تتبدل الامور و تطلعلك امور و مسؤوليات اخرى اهمها الخدمة الوطنية و تبحث عن عمل ثم تبدأ تفكر في السكن و كل هذه الامور ممكن تأخذ سنوات اخرى من عمرك لي ما يرجعش
قبل ما تفكر تتزوج لانك تحبها او تحبك فكر انك تكمل نص دينك ، فكر انك تحصن نفسك و ما توقعش في الحرام

[kikio44]

الله اعلم الطفلة عندها موقف تجريبي اتجاهك

[خـواطـر]

مادام أنتَ مازلت تقرا و فاها 5 سنين معنتها مازلت صغير

و حتى اذا طاوعاتك هي و اسناتك راح تبطّل أنت و تخلاّها مبعد

لأنّك كي تخممّ في الحكاية بجدّية تلقاها حاجة أخرى و احتمال يزيد طموحك في فرص ما أحسن

و فرق كبير بين هاديكا عجباتك و بين خممّت تخطبها و بين أنك تقررّ ترتبط باها

[faceamari]

Coincidentally

[ام رجاء 09]

تاخذ راي ريح كما راك مازالو 5سنين قادر ين يكونو تغيرات بزاف امالا مكلاه تربط الطفلة وتعيشها احلام وممكن الحالة من بعد تتبدل الانسان يعيش الواقع كي تتقدر الظروف ربي يسهل ويفتح بلاما انسان يدير طرق تجره االى الحرام بلاما يفيق اليوم بانت هادي مليحة بعد عام تبان بنت اخرى كي تكون واجد ربي يوفقك لما تحبه وترضاه والله يوفق جميع لي نيتو صافية

[ميمي سمية]

شوف يا أخي انا كنت طالب في الجامعة ندرس و نخدم نعاون روحي
نويت نتزوج قالولي مازال ما كونتش روحك و الله هذا كلام الشيطان ناس بكري في الفتوحات و الغزوات يحمل سيف قدك في الطول و احنا يقولونا ما كونتش روحك ما عندكش الدار ما عندكش السيارة و ما عندكش الدراهم
انا كنت نخلص حاجة قليلة و نخدم و خطبت و عملت العقد و من ثم فتح علي الله من باب واسع و عمل مليح و شريت سكن و سيارة و تزوجت و الحمد لله حاجة ما خاصتني
المهم انك تكون عندك ارادة و عزيمة و تتحرى الحلال و حط دائما الله بين عينيك و ما تفكرش تعصيه حبيت تتزوج اقصد اهلها و الباقي على الله
الا راك ماش قادر اخلص النية تاعك لله و صوم و ادعي الله و اثبت و ما تفكرش في الزواج حتى تكون روحك
لان بعد انتهاء الجامعة راح تتبدل الامور و تطلعلك امور و مسؤوليات اخرى اهمها الخدمة الوطنية و تبحث عن عمل ثم تبدأ تفكر في السكن و كل هذه الامور ممكن تأخذ سنوات اخرى من عمرك لي ما يرجعش
قبل ما تفكر تتزوج لانك تحبها او تحبك فكر انك تكمل نص دينك ، فكر انك تحصن نفسك و ما توقعش في الحرام

افضــــــــــــــــــــل اجـــــــــــــابـــــــــــــة :19::19:
++++
بعض تعليقات الاعضاء اتهمت البنت ولكن ماذا فعلت البنت؟؟ لا ارى ان صاحب الموضوع قال شيئا ربما اخطات بان تضع له

الكلام اللي حطو هو في الموضوع مي علاه تلومو فيها ومادراكم تكون بنت فاميليا

[فارس وجواد]

يا اخي راك مازلت صغير على الزواج لانه الزواج ماهوش غير موافقة بين الطرفين بل هو خدمة ودار ومستقبل وقدرة على تحمل المسؤولية .
نصيحتي ليك اخي خمم على قرايتك ومستقبلك افضل لان القادم اصعب وكل يوم راح يمرعليك رايحة تتبدل النظرة نتاعك للحياة فما بالك اربع او خمس سنوات, اذا ما تكلحش روحك وتكلح بنت الناس معاك.

[safa beng]

اذا كنت تحبها تقدم لخطبتها دعك من مواعدات السرية اْنت تنوي الحلال فابداْه بالحلال