العروس التي لا تستحي من اهل زوجها**عرايس اخر الزمان** [الأرشيف]

المساعد الشخصي الرقمي

مشاهدة النسخة كاملة : العروس التي لا تستحي من اهل زوجها**عرايس اخر الزمان**

orkidah25

2013-09-15, 14:29

ريم ريحانة

2013-09-15, 17:22

الحمد لله اللي ماتلاقيتش مع هاد النوع

سيهام

2013-09-15, 20:49

ما ضنيتش كاين ؤاجل يدير هكدا قدام والديه
مازالت عندنا الحشمة
commeme

شذى الرحيق

2013-09-15, 21:42

الله يسترنا

داعي الله ياسين

2013-09-15, 23:29

سلام الله

أظن المجتمع الجزائري عندوا مزال الحشمة داخل البيت وبين الأهل والله وما دكرتي لا أظنّه يقع ... ممكن فقط من سقطت في الأفلام التركية

ولكن في شوارعنا والله الحشمة زالت وزااالت وراحت
حتى تحشم تخرج مع والدتك أو مع أختك أو الزوجة مع زوجها والله زالت الحشمة بالمضاهر لي انشوفوها

مي في المنازل مزال كاين حشمة ... وإدا كاين الزوجة لي تزعف بعد هدا الشيء بصراحة خلّيها تزعف ... عاش من عرف قدره

ندى خليل

2013-09-16, 10:23

ما شفتش هذه المواقف نظن مازال كاين الحشمة عندنا يعني هذه وقاحة كبيرة ما نظنش أي واحدة تقدر تديرها

kika85

2013-09-17, 12:17

وي صح واش راكي تقولي انا سمعت بواحدة هي وراجها يقرصها قدام خاوتو الاكبر منو ومتزوجين وقدام يماه بصح هادي كامل من المسلسلات والافلام......ربي يسترنا كشفو كل ما ستر الله....

نايفز 55

2013-09-17, 14:13

السلام عليكم

وهو ما عندوش فم يبه ينصحها هي تتعمد فعل هذا امور ربما لحبها له او ركم تعرفوا نساء وندوز تاعهم فاسد

baalache

2013-09-17, 14:45

ما تنساوش كاين وحد الاهل سامطيين ناس مزوجة جديدة وهما لاصقين فيهم الحشمة مليحة والسماطة ماشي مليحة والفهم يفهم

نسائم الهدى

2013-09-17, 17:24

شوفي اختي الحق انا ما شفتش ناس كيما هكدا
مي ادا كاينين
كيما يقول زوجي
على هديك اللي عندنا غرفتنا الخاصة
لكي نعيش حياتنا في الستر
سينو انا نرقد مع خويا وانت ارقدي مع خواتاتي
استغفر الله
ناس وجها مغسول

amine0007

2013-09-17, 17:29

انا جامي لاسمعت بيها

أَحمــد

2013-09-17, 17:38

ممكن طريقة للخروج من البيت وارادة السكن في منزل مستقل

فعندهم الغاية تبرر الوسيلة....... وبطبيعة الحال لست معهم في ذلك ألف بالمئة

sali-sali

2013-09-17, 17:42

السلام عليكم
بصراحة لو المراة عملت هكدا قدام اهل زوجها وهو ساكت ..يتسمى هو مش راااااجل ومش محتارم...

imene12

2013-09-17, 18:04

للأسف شفت واحدة كيما راكي تحكي.. تظل دير في لقطات يحشمو نتاع الصح قدلم الأهل نتاعو... و الكارثة أنو زوجها يتحرج و يعود هارب و هي تبع فيه..
ربي يهدي و ربي تسترنا ان شاء الله.

نورانيات

2013-09-17, 18:16

والله كلامك صح وحد نعرفو يوكل مرتو في فمها قدام باباه وامه واخواتاتو مع الاشارة انه عندهم منزل مستقل بلا ما نحكي على الغمزات والحركات المكشوفة منهم في زوج حتى يخلي اهلو يحشمو وينوظو ربي يستر

chiadimarwan

2013-09-17, 21:55

شكرا ع الافادة

الماسة النادرة

2013-09-19, 14:11

انا و الله ماسمعت بيها اول مرة نسمع بيها زيد حنا مهما كان رنا مسلمين

أسومة المتفائلة

2013-09-20, 15:15

ربي يسترنا
الحمد لله معندناش هداك النوع

sofff28

2013-09-21, 12:44

لا تعجز فهناك اهل الفتن الذين لايعرفون الله اعتبرها قلة حياء و ان مثل هذه البنات ليست جديرة بكلمة زوجة

omanova2003

2013-09-23, 14:57

انا متزوجة بالعكس راجلي معنديش كامل الحرية معاه في غرفة النوم ويدخلوا يعني زوجت يلا فايدة و زيد يحاسبوه كي يهدر معايا

lola22

2013-09-23, 15:34

http://www.djelfa.info/vb/images/editor/menupop.gif الحمد لله احنا بنات اصل ومافيناش هالعفايس باسكو عروسة في داري مع راجلي مش في دارهم .....
لازم يقعد القدر مع دار راجلي..

دلوعة أبيها

2013-09-23, 16:32

ربي يهدي ماخلق
اذاعملت هك هاذ البنت معندهاش اعلواه تحشم
راه من وجهها الحياء والحشمة
ربي يسترنا دنياو اخرة

Angleeyes

2013-09-25, 21:09

مازال ماوصلتناش هذي

كمال أبو حنين

2013-09-25, 23:20

هناك حالات نادرة دوما لكن تعمي الامر لا يصح سواء من ناحية المنطق او المشاهدة لان الانفس جبلت على الحياء داخل البيوت
في بعض المناطق الاب لا يحمل ابنه امام والده ؟ سواء كنا ضد او مع العادة او العرف الموجود لكن الاحتشام الحمد لله لا يزال موجودا داخل بيوت الجزائرين الا فيما ندر.

رقيقة الشعور

2013-09-26, 09:55

ربي يسترنا وميعرضانش لمواقف سخيفة وتافهة

عكس التيار

2013-09-28, 19:58

بارك الله فيك

wafa16

2013-09-28, 20:02

ما صراتش قدامي
لكن كل شيئ ممكن
راحت الحشمة و القدر

mirage de cirta

2013-09-28, 22:51

احنا في جهتنا جامي شفت و لا سمعت

ربي يسترنا الحياء شعبة من الإيمان

أم عبير

2013-09-29, 11:50

الحمد لله مازلنا نحشمو بصح كاينة هادي العرايس الجدد مراهمش كما بكري متلا في اللباس و كذلك التكلم في مواضيع خاصة متلا نشوف بعض النساء كي تحمل تمشي تخبر ابو زوجها بالخبر هنا الحشمة مبقاتش وووووو ربي يسترنا و يهدينا

nooriman

2013-09-29, 16:21

هادي قليلة بزاف بزاف كاين واحدة من الآلاااااااااااااااااااااااااااااااااااااااااااف

**همسة حنين**

2013-09-29, 21:29

يعني شفنا الهدرة و الضحكات بصح القبل و الاحصان و الله ما شفت

ياك هادي نورمولمون شيء عادي

ولا ماتحكيش معاه خلاص

وبوركتي أختي

ميزولا

2013-09-29, 21:36

القبلة انا ماشفتهاش بصح الكلام والضحك كاين

جويرية الإيمان

2013-09-30, 11:11

أنا سمعت حكاية مثل هاذي من صاحبتي على زوجة أخوها الكبير

و هوما جيرانا

قاتلي تلصق فيه و تلصق في ذراعو و أشياء أخرى خجلت من كتابتها هنا

كل هاذا أمام والديه و أخواته المتزوجات و أخوته حتى يعودو يبدلو في الهدرة باه هي تنوض

و ثاني قاتلي تقعد بجنب سلفها المتزوج و تحكي معاه و تضحك حتى عادت مرتو تغير منها على زوجها.

أصلا هاذي المرأة واعرة بزاف أنا نعرفها شخصيا و أمها ربي يرحمها ثاني واعرة بزاف بزاف و أمي تحكي عليها حكايات لا تصدق .

ربي ان شاء الله يخلينا في حيانا و ما يفظحناش كيما هاذو الخلق .

أنا زوجي يقول ما تقدعديش جنبي لما نكونو في دار باباه من الحياء.

سرور12

2013-10-03, 08:53

السلام عليكم والله عندك حق كاين ناس باعت حشمتها والمسلسلات هي السبب الناس هبلت ونساو بلي حنا مسلمين وديننا يرفض هذه التصرفات ربي يهدي تقبل مروري

Kati70

2013-10-05, 22:00

السلام عليكم مادام ولادنا يتبعو المسلسلات التركية و قاعدين 24 ساعة على24 امام الانترنت فهذه التصرفات قريب تولى نورمااااال ربى يصطرنا من هاد الاخلاق الرديلة

كاميلا

2013-10-06, 08:25

حبيت نطرح موضوع يحدث في كثير من العائلات و هو العروسة كي تكون جديدة و تقوم بحركات امام اخوات زوجها و والديه كمعانقته و الاقتراب منه و مداعبته و قد يصل الامر للقبل مما يحرج اهل زوجها و اذا وجهولها الملاحظة تثير مشكل .و هنا الزوج يرى زوجته ضحية و في اغلب الاحيان ينتهي الامر بمغادرة بيت الاهل لسبب تافه. اريد اراءكن و تجاربكن....

ما يا حبيبتي انا راهو قريب عرسي واهل زوجي في االشوفة والخطبة ولقاولي سبة راهي تحشم بزاف ومتهدرش ومسلمتش على خطيبها في الخطبة وكي جاو للعيد عندنا يلوحولي في الهدرة قالك احنا منحبوش المسكجين اللي يقعدو ويضحكو الضحكة الصفرة وميهدوش وميقيموش العباد وجابو الحكايات على وحد لعروسة الخ
انا حرت تبالي يحوسوا على وحدة من النوع اللي تقصديه باش يعجبهم الحال
انوه الى نقطة السكن مع اهل الزوج هاذي من سلبياته كل واحد يبقى يعس في لوخر حتى وان ماشافوش الشي اللي قلتي عليه رح يحسه باشياء اخرى والله حاجة عيب خاصة اذا كان هنالك اخوة غير متزوجين الحشمة مكانش خلاص في هاد الزمان

omayamh

2013-10-06, 14:52

الله يستر من هذا الزمان في الحقيقة ماعندناش تصرفات كما هذه في أهلنا .

biti

2013-10-06, 22:43

الله يسترنا في حالى كيما هذي لازم يتدخل اب الزوج ويحط حدود والا اصبح كل البيت بمثابة غرفة للزوجين

diyaa2013dz

2013-10-09, 07:18

ان لم تستح فافعل ما شئت

djazia87holi

2013-10-10, 17:06

والله يا حباب ربي غير كاينة منها وشفتها بعيني ماقالي عليها حتى واحد بمعنى العقلية المتحررة وكي قالولهم والله غير العيب ردو عليهم لي غار منا عاندنا والله يستر لوكانما رحلوش بسرعة راه سرا الفضح