بكاء طفلي بالليل

[ندى خليل]

ساعدوني من فضلكم ابني عمره 18 شهر ينام عادي و كي توصل 3 أو 4 نتاع الصباح ينوض يبكي بزاف و ما يسكتش و ما يزيدتش يرقد الاّ بعد ساعة و الاّ زوج تعبني خلاص و خاصة انا مرأة عاملة أفيدوني واش ندير معاه

[RANIA 2001]

ربي يكون معاك يالحبيبة والله غير شفيتيني انا ثاني هاكذا كانت ديرلي بنتي وذرك عكستلي الاية تبات سهرانة وماتنوضش حتى الحادية عشر حاولي اذا قدرتي تسهريه شوية بالاك يتعب ويرقد مع انو الاولاد انتاع ذرك مايتعبوا ماوالوا تقولي مانعرف بواش مخدومين ههههههههههه ربي يكون في عونك من قلبي

[نهال13]

أختي أنا ابني 14 شهر ومزال ينوض في الليل نديرلو قرعة حليب ويرقد قاتلي ماما نحيهالو أنا راهي مساعدتني جربي بلاك رآه يبكي على الحليب وممكن راهو يتألم من حاجة وربي يعاونك

[ندى خليل]

نشكركم اخواتي على الرّد

[ام ظافر]

كان يعملهالي ولدي حتى عطاه طبيب كل الاحتمالات منها الام بكرشو وعطاني ديبريدا والله منها الحمد لله عاد حتى لما ينوض ما يبكيش

[ندى خليل]

نشكرك يا أم ظافر لكن انا ولدي كل ليلة ينوض يبكي يعني ماشو بيه كرشو والآّ حتى مرض . حتى كي يرقد في النهار نورمال ما يبكيش . يديرهالي كان في الليل *

[جويرية الإيمان]

الأمر عادي جدا

بلاك الطف يكن جوعان أو نعسان علابيها يبكي

شوفي حنا لكبار ما نحبوش نوظو في الليل فما بالك طفل صغير

أكيد تعرفي بلي البكاء هو الشئ الوحيد لي عبّر بيه الطفل .

و كيما قاتلك الأخت سهريه في الليل ما تخليهش يرقد بكري .