كل ما يتعلق بالخطبة

[crb2]

سلام عليكم انا فتاة ذات 26 سة من العاصمة الحمد لله اتممت دراستي و انا الان عاملة (شادة يدي في حانوت)ا ود مشاركتكم في بهذا الموضوع و ارجو من الكل ابداء الرأي
عائلة تود التقدم لخطبتي هذا الأسبوع و لا اعرف ماذا بي من جهة اقبل فقط لكي لا يبقى افراد العائلة ينظرون لي نظرة ارفض كل من يتقدم و من جهة احس اني لا اريد هذه الامر ان يتم صحيح ليس المرة الاولى تقصدني عائلة فهي المرة الخامسة او اكثر التي يطرق باب احد لكن لا احد عاود المجيء بالطبع رفضت مرات (سواء سنه ضعف سني أو مرة قالوا لي يجب ارتداء النقاب داخل المنزل و عدم اتمام الدراسة و مرة اسكن عند والته في الشرق و هو يعمل بولاية من الغرب و........) و قبلت مرات لكن المكتوب لم يكمل بيننا
هذا ما انا عليه هذه الايام احيانا اخاف ان تحدث لي ما مررت به سابقا و ايضا لا اعرف العائبة تمام المعرفة (شايفين بعض مرات برك لكن لم ارى الشاب و لم يراني) و لست متفائلة كثيرا بهذه الخطبة فمن جهة تم تحديد موعد الجيء بايام الاسبوع ما يدعو اني يجب ان اتغيب عن عملي و قد دخلت هذا الاسبوع من العطلة و ثانيا ستقام ببيت جدي الذي لا اقيم به فقط لان خالة الخطيب تعمل مع عمتي ثالثا لا تود عمتي ان تسالها عن اي شيء حول الموضوع بالرغم من انها صديقتها المقربة في العمل فلا اعرف ان كان صغير ام كبير ام عامل ام بطال ام.... لان هذا شان يهمني لااريد الارتباط بشخص كبير في السن (لا يتعدى الفارق 8 سنوات الى10 ) و اشترط ان يكون عاملا و ان يتركني اعمل و رابعا سمعت ان النساء فقط ياتين دون الرجال ما يعني بقاء التوتر الذي انا عليه حتى اتعرف اليه
صراحة ليس هذا هو الزواج الذي تمنيت لطالما تمنيت ان يعرفني الشاب اولا لا يهم ان تكون هناك علاقة قبل ام انه راني اعجبته فجاء ليخطبني تمنيت ان اتزوج كما فعلن جميع صديقاتي و جاراتي تعرفن عليه و بقوا معه مدة ثم كتب الله بينهم احيانا اكتئب من هذا الحظ السيء الذي اعيشه اقول كل من كن حولي عرفنه احببه ثم تزوجنه الا انا بقيت انتظر ان تتكرم احدى من نعرفهم فلان يود الزواج فلانة تحوس لخوها ..... لقد عشت علاقات صراحة لكن و لا واحدة اثمرت كل من اعرفه نلتقي مرة او مرتين للتعارف ثم لا يوود اكمال العلاقة بالرغم من اني لست فتاة متطلبة او متسلطة و الله كل من يراني يتمناني لا اقول فائقة الجمال و لكن جميلة عادي و متخلقة جدا و فوق هذا كله نحشم فوق اللازم لا اذكر اني شتمت احد يوم او تاففت عليه و بدون مجاملة صدقوني اني و لا مرة تشاجرت مع احد سواء فتاة او ذكر ما عدا اخوتي فكل هذه الخصال الحميدة و الحمد لله عليها و لا احد يابه بي يتكلمون من بعيد بعيد و علاقاتي كلها فشلت بدون اي سبب
ارجوكم اخواني ربما اطلت الحديث عنكم و لكن احسست اني بحاجة للكلام و ان ارى نصائحكم ماذا افعل حول ما قلته و كيف اخرج من هذا الجو المكتئب الذي اعيشه
و جزاكم الله خيرا

[أم عامر]

يا أختي العزيزة ، تفاءلي خيرا تجديه و لن يصيبك الا ما كتبه الله لك

العبرة ليس بكثرة الخطاب أو قلتهم
و ليست بأن تتزوجي من عرفته من قبل أو من جهلته
و لكن العبرة بزوج صالح متخلق ابن عيلة تعيشي معه حياة كريمة

يا أختي هذه القلوب بيد الرحمان يقلبها كيفما شاء
و هو الذي يؤلف بين القلوب و يقذف فيها المودة و الرحمة
و في الآية( و ألف بين قلوبهم و لو أنفقت ما في الأرض جميعا ما ألفت بين قلوبهم و لكن الله ألف بينهم إنه عزيز حكيم)

كم سمعنا من زوجين تزوجا بعد قصة حب و تعارف و بعد بضع سنبن تفرقوا لكثرة المشاكل
أو نقص حبهم لبعضهم و كلاهما يتهم الآخر لم أعرفه هكذا قبل الزواج قد خدعني و مثل علي

ما أجمل أن يبدأ الحب بإعجاب و تجاذب عند النظرة الشرعية
ثم يكبر بتأن بعد الزواج حتى ينير منزل الزوجية رحمة وودا

تعتقدين مثل غيرك أن التعارف قبل الزواج أفضل لبناء حياة مشتركة
و أؤكد لك و أجزم أن الطريقة التقليدية أحلى و أبرك

كل تساؤلاتك مشروعة
يمكن أن تراك عائلة الخطيب أولا فهناك من يوكل أهله لأنه لا خبرة له و موافقته تأتي بعد رأيهم فيك و هذا لا حرج فيه
و ممكن أن تشرطي عليهم أن يأتي الخطيب معهم في جلسة واحدة لنظرة شرعية
يمكن بعد النظرة أن تسألي عنه أو أن تسألي عنه من قبل أو تسأليه مباشرة لما يحضر

و قبل هذا و ذاك أحرصي على صلاة الإستخارة
و ادع الله في سجودك أن يرزقك زوجا صالحا محبا
و اذا حصل القبول منك إدع الله أن يرزقك حبه
و ستعيشين حبا حقيقيا ينسيك المسلسلات التركية
فهو حب برعاية الله و حفظه

تمنياتي لك أختي بحياة جميلة و مع زوج محب مخلص

[مواطنة]

السلام عليكم اختي الفاضلة
ان اردت النجاح في امر لم ينجح من قبل عليك ان تنسي و تبعدي التجارب السيئة اللي فاتت.
و اعلمي ان امر المؤمن كله خير ناس بكري يقولو يخطبو 10 ويدي واحد
الله هو الموفق في الزواج و غيره انت حطي قواعد لاختيار الزوج بتأني من حيث الدين الاخلاق الشكل الي ترتاحيلو ومن حيث العمل و السكن و السن
يعني ما تقدريش تعرفي شي عليه حتى يجو عندكم عادي اطلبي منهم يجي باش تتفاهمو هذا حقك الشرعي و اذا عجبك صلي الاستخارة و سقسي عليه و على عاءلته و اذا كتبهولك الله زوج الله يبارك و اذا لالا الله يجيبلك لي خير منو
اختي كي تروحي تشري سباط شحال دخلي من حانوت؟علما ان الحذاء ميطولش و يتبدل بارادتك
واش تقولي في اختيار الزوج ؟ مهما كان عدد الخطاب المهم النوعية ماشي الكمية عادي ماديري والو في بالك انا قريبتي جالسة في البيت من المتوسطة كل ما يجي واحد ما يتفاهموش ولا ما تقتنعش بيه تقول لالا حتى ابعتلها الله رجل صالح ما تعرفوش بصح راجل فحل قبلت كان عمرها 28 و تزوجت بيه و عرفاتو بعد الزواج تموت عليه

[simou19]

ربي يجيبلك لي فيه لخير انشاء الله

[crb2]

جزاك الله خيرا بهذا الكلام الطيب لثد احسست براحة حين قرأت ردك شكرا

[crb2]

شكرا اختي طمنتيني و دخل شوية سرور في قلبي ربي يجازيك

[crb2]

ربي يجازيكم جميعا على هاذ الوقفة لي وقفتوا معايا في هذا الوضع اللي راني حاسة فيه بالضياع و التيه ان شاء الله تكتب لكم في ميزان الحسنات و الله انا بكل الحاجة للدعم و المساعدة و النصح راي ضايعة:dj_17:

[dida rida]

ربي يرزقك ويرزق كل بنات المسلمين بالزوج الصالح الذي تقرن به اعيينهن

[سماح الجيجلية]

أنا اللي مافهمتوش هو عمتك علاش ماتقولكش واذا عندك خاوتك والا باباك يسقسي عليه بلا ما يحس تاني تدي الحوت فالبحر؟ لكن لا تخوضي علاقة شوفي شكون يسقسيلك عليه قبل الخطبة

[lynoor]

اولا ما تقارنيش روحك بغيرك.على بالي كل وحدة راها دايرة سيناريو تستنى فيه يتجسد بصح يا ختي كوني واقعية شوية وخطيك من الخرطي يعني ضرك اللي ما عاشتش قصة مش نورمال والزواج نتاعها تقليدي ............ثاني من حقك تسقسي على هاذ الخاطب ما هو عيب ما هو حرام واذا كان ولد ناس ومربي وقادر على المسؤولية اعطي لروحك فرصة وماتعمريش راسك بحكايات جاراتك و صحاباتك
ادعي ربي يسهلك وصلي صلاة الاستخارة
بالتوفيق

[samira135]

بالعكس من المفروض تفرحي انك رايحة تتزوجي زواج تقليدي على الاسس الصحيحة هاك ربي يبارك زواجك

ومن ناحية السؤال عليه عادي لما يجو نساء عندكم سقسوهم كل شيء عمرو واش يخدم ...الخ واذا ناسبك عمرو اطلبي منو يجي للرؤية الشرعية عجبك وعجبتيه اللهم بارك ما عجبكش كل واحد في طريق وما تكوني خسرتي حتى شيء وكل شيء تم برضا الله و رضا والديك

ربي يوفقك خيتو

[pharma-93]

rabi yarz9ak bzawj salh ya rabbbbbbb

[crb2]

السلام عليكم خاوتي بارك الله فيكم و كل الوقفات هاذو و الله ونستوني و نحيتولي على خاطري
حبيت نخبركم بلي هاذ السمانة جت يماه و 2 خواتاتو قالولي صغير في العمر 29 سنة خدام عون امن (agent de sucirité) بصح ماعرفت وين و السكنة مع دارهم و هاذي شوية خايفة منها يقولك باعد تكسب خاصة عندو 7 خواتات و 2 خاوا المهم و و باه نخدم قالولي لازم تشوفي معاه بيناتكم بصح المشكل هو ما جاش و عمتي ما حبت يجي يشوفني في الخدمة و لا نهدر معاه باه نتعارفوا قاتلي لازم يشوفك و يهدر معاك قدام باباك و عمومك و ولاد عمك قلت ماعليه المهم نشوفو مي المشكل قالولي دارهم يحشم بزاف و نا ما نقدر نهدر معاه قدام عمومي راني نستنى وقتاه يشرف و يبان الحق من الباطل
و المشكل لي راني نخمم ذوك فيه لوكان ربي يكمل بيناتنا احنا عندنا عادة ما نقبلو والو من الرجل يعني ما راه يعاون بحتى شيء و انا قد ما هي كبيرة عائلتي ماكاش شكون يوقف معاياي باه نفرح كيما قاع لبنات و نوجد رحي و ندير العرس راني نخمم نزيد خدمة واحدة اخرى من 7سا - 9سا صباحا و من 17سا حتى 18-30سا مساءا و ماعرفت كيفاه نقولهم و لا صح واش رني نخمم غذا كاش ما عندكم نصيحة ولا اي كلمة تواسوني بيها و لا دبرو عليا واش قادرة نخدم خاصة و احنا الجزائريين يشوفو الطفلة عمرها ما توصل و ما تقدر تخدم في ساعات كيما هادو تع الطريق تكون خالية دبرو عليا و ربي يجازيكم
و انتظرو التطورات كي يجي و يشرف درارنا نخبركم واش يكون
و شكرا

[crb2]

اخواني اين امشاركات و النصائح
احب اخبركم انهم قالو يوم السبت رايحين يجو مع العريس
ادعولي

[crb2]

ارجو مشاركتكم يوم السبت ان شاء الله رايحين يولو و يكون العريس معهم و انا حايرة واش ندير حلويات و لا واش نلبس
عندي حاججة واحدة (اونسومبل) مستور باليد و شباب ماشي عريان و لا ضيق
و انا كنت لبستو في المرة الاولى نهار جاو يماه و خواتاتو نعاود نلبسو كي يجي الرجل و لا نشوف حاجة واتحدة اخرى
ربي يجازيكم

[hakeem]

كي نوصلو للواقع فعليك ترك الاوهام و الاحلام جانبا و إتخاذ قرار واضح و صريح و عدم الندم مهما كان القرار


أنت الشيطان راهو يوسوس لك بالإظافة إلى تأثير اوهام المراهقة و الطفولة و المسلسلات و اتخلطت عليك

ربي يعاونك في الخروج من هذه الدائرة اتمنى ان لا تكوني من النوع الذي لا يرضى مهما كان الوضع لانه ببساطة يبحث عن شيء هو في حد ذاته لا يعرفه أو يبحث عن شيء مستحيل أو من النوع الخائف الذي لا يتخذ أي قرار خشية ان يخطئ و لمعلوماتك غن أصبت فمن الله و عليك الغتكال على الله و ليس على تفلسيف البنات المراهقات

[جمعي البشاري]

ربي يكون معاك ويرزقك زوج صالح

[crb2]

شكرا على المشاركات
حبيت نخبر الجميع انهم جاو نهار السبت و تمت الموافقة بين الطرفين و قالو يعاودو يولو ان شاء الله للتفاهم عن الأمور الأخرى
بصح صراحة الخوف هو اللي راه متملكني حتى ما نيش حاسة بالفرحة اللي تحسها كل فتاة تنخطب ماعلاباليش كيفاه نوصلكم حالتي و خوفي بصح احساس الخوف مسيطر علي خاصة انو جدتي و عمتي قالولو ماكاش هدرة و الخروج غير في الدار قدامنا يعني ما كاش نتعرفوا على بعض في اطار هذه الظغوط
ادعولي معاكم ربي يكمل على خير
و ان شاء الله نلقى الردود و المشاركات

[ندى النسرين]

ربي يسهلك
ولي فيه الخير الله يقدمو

[crb2]

اخوتي اخواتي راني وليت من جديد بالموضوع ديالي
ان شاء الله نلقى النصح و الارشاد كيما العادة
قالو راهم حابين يجو في الأيام القليلة المقبلة باه يديرو قطيع الشرط و نلبس الخاتم لكن المشكل راني حايرة واش نلبس خاطر يجو خاوتو و خواتاتو و باباه و يماه راكم تعرفو محبيتش نلبس قفطان، منصورية، جبادور ، جبة و كل هذه راني حابة نلبس حاجة تع فتاة عصرية انا مانيش من النوع اللي نلبس الجبة و التقاليد و توابعها مانحس روحي ألاز فما أدراك في يوم كيما هاذ
و حاجة أخرى هل من الممكن يكون قطيع الشرط و انا مانيش حابة و لا راني اصلا حاسة روحي مخطوبة حبيت نزيد نتعرف على الشاب و يتعرف علي باه نقدر نلبس خاتمو
ارجو الرد السريع من فضلكم انا في امس الحاجة للرد عن قريب

[المتيقنة بالله سارة]

اخوتي اخواتي راني وليت من جديد بالموضوع ديالي
ان شاء الله نلقى النصح و الارشاد كيما العادة
قالو راهم حابين يجو في الأيام القليلة المقبلة باه يديرو قطيع الشرط و نلبس الخاتم لكن المشكل راني حايرة واش نلبس خاطر يجو خاوتو و خواتاتو و باباه و يماه راكم تعرفو محبيتش نلبس قفطان، منصورية، جبادور ، جبة و كل هذه راني حابة نلبس حاجة تع فتاة عصرية انا مانيش من النوع اللي نلبس الجبة و التقاليد و توابعها مانحس روحي ألاز فما أدراك في يوم كيما هاذ
و حاجة أخرى هل من الممكن يكون قطيع الشرط و انا مانيش حابة و لا راني اصلا حاسة روحي مخطوبة حبيت نزيد نتعرف على الشاب و يتعرف علي باه نقدر نلبس خاتمو
ارجو الرد السريع من فضلكم انا في امس الحاجة للرد عن قريب

أختي من الاحسن ديري موضوعك في قسم تجهيزات العرائس كااين تما لبنات كاامل ويقدرو يساعدوك بارائهم واقتراحاتهم رانا كاامل تما بالمخطوبة بلي مش مخطوبة وكذلك لي حالتهم كيفك:19:

[أم عامر]

لم أرى تكملة موضوعك الا اليوم
وعلاش راك خايفة ياأختي ، ما دام إستخرت واستشرت أهلك و تيسرت الأمور انشاء الله فيها خير
و ربي يكملك بخير و تفرحي بعرسك عن قريب
شكون اللي قال أن الفتاة اللي تلبس لباس تقليدي في عرسها فتاة تقليدية أو طراز قديم
بالعكس هي بنت أصول و بنت عندها هوية
و لا أحب لباس فساتين السواريه في قطيع الشرط
أقل شيء طقم محتشم و مستور يدل على حشمتك

لماذا تصرين على أن تتواصلي مع الخطيب خارج البيت
بالعكس ما اشترطه أهلك جيد أن يراك الخطيب في البيت هذا أفضل لك أنت
و هناك الهاتف و لا أجد الخروج معه فكرة جيدة خاصة مع رفض الأهل لذلك

يا أختي إنزعي من فكرك الموضة الجديدة للزواج أن تخرجي معه و تتعرفي عليه و توالفيه و ترتاحيله باش تلبسي خاتم الخطوبة
لاهو من شرعنا و لا عاداتنا
و الله لو تخرجي معه عشر سنين ما تعرفي زوجك الا لما تسكني معاه تحت سقف واحد

أخبرينا بجديدك وان شاء الله يكون كله خير

[محمد جديدي التبسي]

والله العادات تاعنا معظمها ما انزل الله بها من سلطان
علاه حابة تتعرفي عليه اسمعي لرأي اهلك فهم أدرى وأوعى منك
حتى الزواج الذي يبنى على الحلال يطرح الله فيه البركة ارجعي للتقاليد ودعك من العصرنة
لا تعارف لا لقاءات لا هاتف لا والو اخطيك جلسة الرؤية كافية جدا
ادعي ربي واتعلمي أمور دينك فيما يخص الخطبة والزواج وكيف يجب أن تكون ربي يهديك ويعينك

[شيماء الهادئة]

قريت قصتك من الاول وفرحتلك بزااف كي توافقتو ربي يكمللك بالخير والتيسير
المهم مدام انك وافقتي موافقة مبدئية وعجبك الشكل فنصيحتي ليك استخيري الله هو العالم بالخفايا وثانيا اتمي الخطبة في البيت والبسي لباس تقليدي وين راه المشكل او اذا حبيتي لبسي غوب دي سوار شابة باش ديري الخاتم ومن بعد الخطبة حاولي باش ترتاحي اكثر او اذا امكن اطلبي انك تشوفيه مرة ثانية وهاذ الصوالح يجيو وحدهم يمكن قاع هو يطلب يشوفك ولا يحكي معاك
المهم ما تضيعيش عليك الفرصة وربي يكمللك بالخير

[crb2]

اخواتي مرحبا و شكرا على الردود الطيبة اود ان اطلعكم بالجديد و هو انه الجمعة المقبل سوف ياتوت و لكن ليس قطيع الشرط فقط لانهم قالو انهم فيونساي يعني الخاتم و بياس مونتي و الله انا ما اخفي عنكم ما حبيت هاذ الشيء يكون بهذه السرعة فلحد الساعة لا اشعر بالفرح و السعادة كما تحسه اي فتاة و هذه السرعة تزيد من توتري و ىآلامي الداخلية كل حاجة راهي عكس واش تمنيت و لكن تركت اموري لخالقي عز وجل
سوف ارتدي لباس يشبه للمنصورية و لكنه بشكل عصري فهي عبارة عن روبة بيج و فوقها ليكات باليدين و طويلة مثل الروبة و بعدها ارتدي روب سواريه (ليس خاص بالعرائس ما املكه فقط و كنت ارتديه في اعراس الاهل) و بالنسبة للحلويات عبارة عن مونشوه، مشوك، تشارك مسكر، الأزهار المنحنية و بالنسبة للمدعويين لا استطيع دعوة فرد و ترك آخر بالرغم من ضيق المنزل إلا انني مجبرة لدعوة جميع العائلة الخالات و الأخوال و العموم و كل عائلاتهم بالاضافة إألى جدتي عمتي و عائلتي الصغرى مع اختي زوجها و امه
ادعولي بخالص الدعاء ان تيسر اموري و تفرج كربتي و الكل مدعو لتذوق الطورطة و حلوياتي هههههههههههههه حبيت برك نقولك جديدي حتى لا انقطع على اصدقائي في المنتدى
الى لقاء آخر لاكمل لكم جديدي :dj_17: