عاجل رأيكم يهمني [الأرشيف] - منتديات الجلفة لكل الجزائريين و العرب

mmeg

2013-09-13, 20:54

السلام عليكم ارجو منكم المساعدة أنا طالبة سنة ثانية طب اسنان تحصلت على البكالوريا ب 15.29عام 2012 كنت راغبة في الطب و تم توجيهي الى طب الاسنان الحمد لله و الآن جاءني خبر أنني أستطيع التحويل إلى الطب انا جد حائرة أرجو أن تساعدوني علما أن معدلي لم يلحقني لدراسة الطب العام الماضي:sdf::sdf::sdf:

اسامة دحماني

2013-09-13, 20:58

اخطيك من الطب

mmeg

2013-09-13, 21:02

شكرا أخي و لكن لماذا؟؟

اسامة دحماني

2013-09-13, 21:07

عدد الاطباء في الجزائر بزااااااااااااف الطب المليح هو الجرااااااح وباش يعطوهلك صعيب

mmeg

2013-09-13, 21:10

شكرا جزاك الله خيرا

khaoula khouloud

2013-09-13, 21:53

يا اختي انا من رايي كيما الاخي الي تفضل ماديريش طب حنيا عندنا بزاف الي يقراو طب ومن بعد ما يخدمو ماوالو اصلا مايطواهم قيمة في الجزائر مع انو قرا سبع سنين وإذا طاولك قيمة لا زم تكوني درتي التخصص وشكون الي يمدولو التخصص بعد عناء طويل ولازم تكوني من الممتازين الي يخيرو منه
انت راكي في طب الاسنان بقاولك 5 سنين وتكملي ومن بعد تلاقاي خمة إن شاء الله ولا تفتحي كابيني وربي معاك انا هذا رايي وانت شوفي واش راكي حابة موفقة بإذن الله

sehamralin

2013-09-13, 21:55

كي نهدروا على الضمير كلنا عارفين بلي المعدل انتاعك مش ماهلك للطب العام بلا زعاف نهدروا صراحة وثانيا مدام راكي دونتيست الدنيا وما فيها وانا عندي هي خيرمن الطب والصيدلة هذا راي شخصي مشي لافيريتي جينيرال انشالله واحد مايزعف مني

amine.bma

2013-09-13, 21:56

اختي ديري انتي واش حابة لي تشوفي روجك مرتاحة فيها و الطب مليح بزاف

HAKIM94

2013-09-13, 22:39

لكن كيف تستطيعين التحويل معدل العام الماضي كان 15.49 و انت لديك باك 2012 أرجو أن تشرحي لنا

mmeg

2013-09-14, 11:37

شكرا ربي يجازيكم

mmeg

2013-09-14, 11:43

لكن كيف تستطيعين التحويل معدل العام الماضي كان 15.49 و انت لديك باك 2012 أرجو أن تشرحي لنا

كنت حابة نتحول العام الماضي لكن قالولي غير ممكن معدلك ميلحقش هاذ العام معدلات القبول كانت جد منخفضة قالولي تستطيعي التحويل يدخل فيها شوية عرف صراحة
أنا راه عاجبني تخصص جراحة الأسنان يعني لقيتو يناسبني لذا مانيش حابة روح للطب ونضيع عام و أيضا قالولي ناس كي نكمل 7 سنوات منديش ديبلوم لأن معدلي ميتناسبش مع معدل القبول للطب في 2012
قررت أن اكمل في تخصصي جراحة الأسنان لانه تخصص مليح فيه خدمة و نسبة نجاحي فيه أنا متأكدة تكون أكثر من الطب
ربي يجازيكم ويوفقنا جميعا شكرا

mmeg

2013-09-14, 11:44

HAKIM94

2013-09-14, 12:31

كنت حابة نتحول العام الماضي لكن قالولي غير ممكن معدلك ميلحقش هاذ العام معدلات القبول كانت جد منخفضة قالولي تستطيعي التحويل يدخل فيها شوية عرف صراحة
أنا راه عاجبني تخصص جراحة الأسنان يعني لقيتو يناسبني لذا مانيش حابة روح للطب ونضيع عام و أيضا قالولي ناس كي نكمل 7 سنوات منديش ديبلوم لأن معدلي ميتناسبش مع معدل القبول للطب في 2012
قررت أن اكمل في تخصصي جراحة الأسنان لانه تخصص مليح فيه خدمة و نسبة نجاحي فيه أنا متأكدة تكون أكثر من الطب
ربي يجازيكم ويوفقنا جميعا شكرا

بالتوفيق أختي يعني أنا هاد العام ربحت الباك و معدلي يؤهلني لأختار الطب لكن لو كنت مختارا لاخترت طب الأسنان و الله تخصص جد رائع موفقة

mmeg

2013-09-14, 16:17

شكرا أخي ربي يوفقكم