كبر قلبك ايها الطالب ....ومافيها والو ادا عاودت العام ..!!!

[ل..ب..ن..ى]

السلام عليكم ورحمة الله تعالى وبركاته

حبيت نقول حاجة او ربما هي مناقشة
فيما يخص الغبينة تاع الطلاب

طالب : كامل العام وهو يشتكي
ويكرر كلمة بزااااف
واش يقول؟؟!!

راني كاره

ايه يكره وعلاه مايكرهش ؟؟
روتين .. كل يوم رايح جاي
من القراية للدار
استاد يدخل للقسم
يهدر يهدر ومن بعد يخرج
والطالب مسكين كامل الوقت وهو لازم عليه يشوف فيه -لوكان غي جا شباب!!-
ومن بعد يخرج الاستاد ليدخل اخر
وهكدا كل يوم 7 ساعات يوميا

كيف له ان لا يكره؟؟!!

وفي نهاية العام
الكل يستنى النتائج
وياويله ادا كانت النتائج غير مرضية
في الدار حتى واحد ماراح يطلع فيه
وبرا ما نحكيش

واش فيها ادا شخص عاود العام؟؟؟؟
واش فيها!! يا هدا مكتوب
الطالب راه يقرا وكامل العام وهو مستحمل الهم تاع القراية
وفي النهاية الناس تلومه ادا ما نجحش !!

واش حسبوه هو ماحبش ينجح؟؟

يكدب عليك اللي يقولك مانيش حاب نبلع العام
يكدب اللي يقولك راني حاب نقعد في بلاصتي مانيش حاب نزيد سنة جديدة في حياتي
بصح الله غالب
ماشي هو حبها ؟؟

كاين طلاب يقتلوا عمرهم ادا ماجابوش العام!!
وعلاه؟؟!

الدنيا راهي هاربة؟؟
هاصحا ادا ماجبتش العام كاين العام الجاي
المهم انك تكتسب معلومات جديدة في حياتك
المهم انك تستوعبها خاطر قرايتك هي مستقبلك

مافائدة النجاح
وادا سالك يوما احدهم عما درست
تبقى تشوف فيه
وكانك عمرك ماشفت هاديك الحاجة

!!!!

المهم انك تدرك ميدانك وتخصصك
لانه خاص بك انت
وستحتاجه لعملك مستقبلا
ادن ماعليه ادا راطيت عام
واكتسبت الف عام
حياتك كاملة راح تستفاد بفضل العام اللي راطيته

ادن : كبر خاطرك اخي الطالب
وليست نهاية العالم ادا مانجحتش

ربي يعرف واش يعطي


ان شاء الله
الكل ينجح
بصح انا حبيت نقول
مالازمش تقنط كامل حياتك على عام ماجبتهش
هده سنة الحياة
فيها ناجح وراسب

وتستمر الحياة


تحية مني


سلاااااام

[/زهرة عصفور الجنة/]

ما فيها والو.....

[pnl90]

خويا الصغير هردها في مادة الفيزياء في ال bemوكنت انقولو نفس الكلام شكرا على الموضوع

[loulid]

عادي
المكتوب بيد ربي
ورب ينجح كل الطلاب

[ل..ب..ن..ى]

ما فيها والو.....
ماشي كامل والو والو
بصح انا حبيت نقول
لازم القنوط يبعده الطالب على روحه

خاطر لوكان نقولو مافيها والو

راح كامل الطلبة العام الجاي تلقايهم في بلاصتهم ههههه

انا كانت عندي بكري من غير الممكن نعاود كاش عام
بصح ادركت انه مكتوب ان شاء القدر وعاودت عام!!
وماشي نهاية الدنيا يومها

بعيد الشر
ان شاء الله حتى واحد مايعاود عامه
بصح دايما كلمة ممكن ... تنجم تجي

شكرا على مرورك الطيب اختي

تحية مني

سلاااام

[loulid]

وماذا بيه الواحد يدير النجاح بين عينيه بش يلقاه
شكرا

[نورالدين ن]

ان شاء الله ينجح جميع المقبلين على الامتحانات
لان الخسارة شيئ صعب
نورالدين ن

[ل..ب..ن..ى]

خويا الصغير هردها في مادة الفيزياء في ال bemوكنت انقولو نفس الكلام شكرا على الموضوع
ان شاء الله ربي يجيب الخير
وينجح ونفرحوا بيه
ونجوا نديروا الزردة معاكم ههه

ربي ينجحه
وادا ماكتبلهش ربي النجاح
قوله انه هدا مكتوب ربي
وبالاك لوكان ينجح هدا العام ماينجمش يدير شعبة في الليسي
اللي هو يحبها

امالا يخسر عام خير من لي يخسر حياته كلها
في شعبة مايحبهاش

ان شاء الله ينجح
عادي
المكتوب بيد ربي
ورب ينجح كل الطلاب
ايه المكتوب بيد ربي سبحانه
وربما بعدم النجاح في عام كدا
راك راح تكون ضمنت نجاح اخر في المستقبل

ان شاء الله ينجحوا طلابنا
ونفرحوا معاهم

تحية مني

سلاااااام

[ل..ب..ن..ى]

وماذا بيه الواحد يدير النجاح بين عينيه بش يلقاه
شكرا

ايه
ادا حددت هدفك راح توصلله ان شاء الله
والهدف في الحياة
هو اجمل حاجة ممكن يركبها الانسان في صغره

ان شاء الله ينجح جميع المقبلين على الامتحانات
لان الخسارة شيئ صعب
نورالدين ن
ان شاء الله

ايه الخسارة شيء صعب
ومانتمناوها لحتى انسان
بصح ادا كتبها علينا ربي
لازم نتقبلوها

خاطر ماراهيش نهاية الدنيا

شكرا على مروركم الطيب

تحية مني

سلام

[أنين الفجر]

الرسوب في الدراسة ليس بالأمر الهين بل هو صعب خاصة للذي عمل بجهد و في الأخير يجد نفسه معيدا لنفس السنة التي قضاها و هو يعمل بجد و جهد

و لكن ...... كل شيئ بالمكتوب ...يتأثر الإنسان و لكن في الأخير كل شيئ يرده إلى خالقه فعسى أن تكرهوا شيئا و هو خير لكم



شكرا لكي أختي البوقوصة على الموضوع الرائع و الجميل





سلامي لك........

[ل..ب..ن..ى]

الرسوب في الدراسة ليس بالأمر الهين بل هو صعب خاصة للذي عمل بجهد و في الأخير يجد نفسه معيدا لنفس السنة التي قضاها و هو يعمل بجد و جهد
ايه وانا راني معاك


و لكن ...... كل شيئ بالمكتوب ...يتأثر الإنسان و لكن في الأخير كل شيئ يرده إلى خالقه فعسى أن تكرهوا شيئا و هو خير لكم
وعسى ان تحبوا شيئا وهو خير لكم
اقصد حب النجاح
مرات تخسر احسنلك
لانك راح ربما دير حاجة ماكنتش راح ديرها في عامك الاول اللي نجحت فيه
اقصد طلاب البكالوريا هنا اكثر
خاطر مرات يخسر واحد العام
وعامه الجاي يجيب معدل شباب
يدير به تخصص هو يحبه
امالا لوكان نجح ب 10.00 في العام الاول
ماكانش راح يدير واش حب
وحياته كاملة راح تروح
في حاجة مايحبهاش




شكرا لكي أختي البوقوصة على الموضوع الرائع و الجميل

ربي يحفظك اخي






سلامي لك........

شكرا على مرورك الطيب


تحية مني


سلااااااااااااااااااااااام

[س..ع..ي..د]

اذا كان الطالب مقصر ومهمل ومتكاسل فمن الطبيعي ان يشعر بتأنيب الضمير

-شكرا اختي لبنى علي الموضوع واتمنى النجاح للجميع

[رامي23]

عندك الحق...
ماجربتيش مرارة الرسوب في البكالوريا...
( و سترجع يوما يا ولدي مهزوما مكسور الوجدان... )

[isba2007]

السلام عليكم
مشكور جزاك الله خيرا

[ل..ب..ن..ى]

اذا كان الطالب مقصر ومهمل ومتكاسل فمن الطبيعي ان يشعر بتأنيب الضمير



-شكرا اختي لبنى علي الموضوع واتمنى النجاح للجميع



ايه ادا كان مقصر
هو ايضا راح تبقى في خاطره
بصح راح يكون نورمالمون درس ليه
باش يفيق بروحه للعام الجاي
وربي يجيبله النجاح

ان شاء الله النجاح للجميع
عندك الحق...
ماجربتيش مرارة الرسوب في البكالوريا...
( و سترجع يوما يا ولدي مهزوما مكسور الوجدان... )

علابالي الرسوب راه صعيب بزاف
وخاصة البكالوريا
بصح مالازمش نقتلوا رواحنا على رسوب

برك نتفكروا اننا مسلمين
وان مايحصل لنا كتبه الله لنا
من المفروض يبتعد القنوط علينا
او نبعدوه نحن

وربي يجيب الخير

انا علابالي بصعوبة الخسارة
بصح حبيت نفكر الجميع انه ادا رسب الطالب
ماراهاش نهاية دنياه
انها فقط مرحلة من حياته

وموضوعي كان فقط لتصبير الطلبة الدين لم ينجحوا

وربما لاعلان فكرة جديدة في حياتي
وفي حياة من لا يعتقد ما كتبت

شكرا على المرور الطيب

تحية مني

سلاااام

[صالح القسنطيني]

صح واحد اذا عاود عام و هو علبالو بلي متعب و مجتهد و ما ظلمو حت استاذا معندو ميعمل

بصح ان يعيد طالب له معدل 9.98 و آخر 9.96 و في جامعة و استاذ محب يعانوا في الاستدراكي كفاه تقول لواحد كما هذا ميعمل والو

هذه صعار لزوج في جامعة يقرو فيزياء سنة ثانية صاحبهم نجهوحم و هما هذا هو معدل تاعهم عاودوا عام

كون صراتلي انا و الله غير نتعارك مع الأساتذدة لخطر اصلا هما ضعاف و قليل الفاهم فيهم و علاه يظلموا


و لبقى وحد مرة ثاني في مادة صعيبة واحد منجح فيها خمموا خموا و من بعد قالوا لي يسكون خارج قسنطينة نجحوهم لخطر بزاف عليهم تعب و لي في قسنطينة منجحوهمش


و........................ و.........................وووووووووو

[ل..ب..ن..ى]

السلام عليكم
مشكور جزاك الله خيرا
وعليكم السلام


شكرا على المرور الطيب
تحيتي

سلام

[أنين الفجر]

وعسى ان تحبوا شيئا وهو خير لكم
اقصد حب النجاح
مرات تخسر احسنلك
لانك راح ربما دير حاجة ماكنتش راح ديرها في عامك الاول اللي نجحت فيه
اقصد طلاب البكالوريا هنا اكثر
خاطر مرات يخسر واحد العام
وعامه الجاي يجيب معدل شباب
يدير به تخصص هو يحبه
امالا لوكان نجح ب 10.00 في العام الاول
ماكانش راح يدير واش حب
وحياته كاملة راح تروح
في حاجة مايحبهاش





كان يا مكان في قديم الزمان ...........

أما اليوم ف راكي غالطة

كل شيئ راه بالمعارف اشحال من واحد يجيب فالباك 14 و أكثر يدوه تخصص تاع 10

الله غالب هذي هي بلادنا كل شيئ بالمعارف جيبي 14 أمعندكش المعارف تقراي تخصص تاع 10

و جيبي 10 و يكونوا عندك معارف تقراي تخصص تاع 16 هاذي هي بلانا!!!!!!!

بارك الله فيك اخيتي

على كل أسأل الله لك و لجميع الأعضاء النجاح سواءا في الشهادات أو الإنتقال إلى السنة المقبلة

آمييييييين يا رب العالمين






سلامي لك..........

[ل..ب..ن..ى]

صح واحد اذا عاود عام و هو علبالو بلي متعب و مجتهد و ما ظلمو حت استاذا معندو ميعمل

بصح ان يعيد طالب له معدل 9.98 و آخر 9.96 و في جامعة و استاذ محب يعانوا في الاستدراكي كفاه تقول لواحد كما هذا ميعمل والو

هذه صعار لزوج في جامعة يقرو فيزياء سنة ثانية صاحبهم نجهوحم و هما هذا هو معدل تاعهم عاودوا عام

كون صراتلي انا و الله غير نتعارك مع الأساتذدة لخطر اصلا هما ضعاف و قليل الفاهم فيهم و علاه يظلموا


و لبقى وحد مرة ثاني في مادة صعيبة واحد منجح فيها خمموا خموا و من بعد قالوا لي يسكون خارج قسنطينة نجحوهم لخطر بزاف عليهم تعب و لي في قسنطينة منجحوهمش


و........................ و.........................وووووووووو
ايه راح تبقى في الخاطر بزاف
وممكن اصحاب هده المعدلات يحقدوا على الاساتدة كامل حياتهم
وممكن يقولوا والله مانزيدوا نقروا

بصح رغم صعوبة هدا الموقف
الا انهم لازم عليهم يكبروا قلبهم
ويوكلوا امرهم لله

ويواصلوا ميدان دراستهم

خاطر ادا داروا اي حاجة مع هاداك التغلغيل
راح يطفروها في انفسهم اكيد

وهنا ربما راح نفكركم
بقصة الطالب اللي قتل استاده في مستغانم

لانهم ماتفاهموش في النقاط

والطالب كان من خيرة طلاب تلك الجامعة
امالا باش يكمل قرايته
وكان من الاوائل

راه يتمرمد ضرك في الحبس

اكيد موقفه كان صعب
بصح لازم دايما عدم التسرع
والغبينة والقنطة راح تطفر غير فيك
في صحتك وربما مستقبلك

وكاين اللي انتحروا بسبب الدراسة
وخصوصا اصحاب الباك
اللي خسروا ب 9.98 و 9.99

ربي يكبر قلوبنا
وان شاء الله يجيب الخير

شكرا على المرور الطيب

سلاااااااام

[korabika87]

ديرو في بالكم حاجة "" الي قرا يجيب والي مقراش الله غالب ""

لا اله الا الله محمد رسول الله

http://farm3.static.flickr.com/2415/2458726317_96cf5f11f7_o.gif (http://www.bibo4pc.com/)

[الحمامة البيضاء]

السلام عليكم و رحمة الله تعالى و بركاته
صح لقرايا ولات صعيبة شويا و لكن حتا طلاب اليوم ولاو فنيانين ،و راهم حابين ينجحوا بلا تعب ،حابين الأساتذة ميقريوش و حابينهم يخليوهم ديرو كيما يحبوا، حابينهم يمدولهم الموضوع تع الفرض و الامتحان و غيرها من الأشياء الأخرى

[ل..ب..ن..ى]

كان يا مكان في قديم الزمان ...........


أما اليوم ف راكي غالطة

كل شيئ راه بالمعارف اشحال من واحد يجيب فالباك 14 و أكثر يدوه تخصص تاع 10

الله غالب هذي هي بلادنا كل شيئ بالمعارف جيبي 14 أمعندكش المعارف تقراي تخصص تاع 10

و جيبي 10 و يكونوا عندك معارف تقراي تخصص تاع 16 هاذي هي بلانا!!!!!!!

بارك الله فيك اخيتي

على كل أسأل الله لك و لجميع الأعضاء النجاح سواءا في الشهادات أو الإنتقال إلى السنة المقبلة

آمييييييين يا رب العالمين







سلامي لك..........

والله يا اخي مازال باقي الخير في د
مانقولش بلي المعرفة ماكانش منها خلاص
بصح والله غير باقي الخير

وانا كنت من المتحصلين في الباك على معدل 14
من شعبة علوم دقيقة

والحمد لله
اعطاوني طلبي الاول اللي حطيته
يعني ما داوليش حقي
رغم ان الطلب كان ساحق على شعبتي الحالية

بصح العدل هو العدل
وباقي الخير في البلاد

واصحاب 10 بزاف نعرفهم عندهم العرف
بصح ماقبلولهمش تخصصات ما تناسبش معدلاتهم
وراهم يعاودوا الباك
باش يديروا واش حبوا

ولكن مع كل دلك
تبقى المعرفة كاينة
وماشي برك في الجزائر
وانما في بلدان العالم كلها
مهما تفوقت وكانت درجة تقدمها عالية
تبقى فيها الرشوة والمعرفة

شكرا على المناقشة

تحيتي

سلااا م

[الحمامة البيضاء]

السلام عليكم و رحمة الله تعالى و بركاته
صح لقرايا ولات صعيبة شويا و لكن حتا طلاب اليوم ولاو فنيانين ،و راهم حابين ينجحوا بلا تعب ،حابين الأساتذة ميقريوش و حابينهم يخليوهم ديرو كيما يحبوا، حابينهم يمدولهم الموضوع تع الفرض و الامتحان و غيرها من الأشياء الأخرى التي لا تعد و لا تحصى ، كل واحد يجب سبا و كل واحد يمد الحق لروحوا ...

[أمـ جيجل ــال]

السلام عليكم ورحمة الله وبركاته :

وأنا معاك يا أختي ماراح يصرا والو خاطر حياتي كامل عديتها فالقراية صح عمري ما عاودت غير فالباكالوريا لكن الآن راني نقول غير لوكان مازولت نقرا وضربت العام بعامين راني قتلت روحي باش نخلص حتى أنو لعوام تاع الجامعة كنت ننجح دايما في جوان ومبعد وليت لدار وعندي 3 سنوات وأنا قاعده وشبعت القعاد يا إخواني يا أخواتي ماتتقلقوش كامل تنجح هذا العام ولا العام الجاي كيف كيف ماتزيد ماتنقص لي يتقلق برك لي ضامن الخدمة بالمعريفة شكرا لك أختي

[حلاوة_87]

اذا الطالب تكل على ربي و دار مجهود و لكن ما انتقلش و عاود العام مش نهاية الدنيا
يتفاءل و كلش مكتوب

[ل..ب..ن..ى]

ديرو في بالكم حاجة "" الي قرا يجيب والي مقراش الله غالب ""

لا اله الا الله محمد رسول الله

http://farm3.static.flickr.com/2415/2458726317_96cf5f11f7_o.gif (http://www.bibo4pc.com/)

90 بالمئة كاين منها المقولة تاعك
بصح كاين 10 بالمئة تاع عدم صحتها
لاني نعرف ناس قراووا وقتلوا عمرهم
وفي النهاية ماجابوش

الله غالب
بصح راه مكتوب

واكيد اللي يقرا ربي يسخرله ان شاء

شكرا على المرور الطيب

السلام عليكم و رحمة الله تعالى و بركاته
صح لقرايا ولات صعيبة شويا و لكن حتا طلاب اليوم ولاو فنيانين ،و راهم حابين ينجحوا بلا تعب ،حابين الأساتذة ميقريوش و حابينهم يخليوهم ديرو كيما يحبوا، حابينهم يمدولهم الموضوع تع الفرض و الامتحان و غيرها من الأشياء الأخرى
ايه صح واش قلتي
بصح لا ينطبق على الكل
وهؤلاء الناس اللي يخموا هاك
اقصد يستناوو الواجد
اكيد يجي النهار اللي يطيحوا
وطيحتهم هم ايضا راح تكون مؤلمة لهم

ولكنها ستعلمهم درسا
وراح يفيقوا برواحهم

شكرا على المرور الطيب

وانا حبيت نقول بموضوعي
مالازمش يقنط انسان ادا رسب يوما ما
فلا تكون الحياة جميلة
ادا ساد عليها التفوق دوما

ادا لم تحتمل عثرة الرسوب في عام من اعوام دراستك
كيف ستتحمل العيش في هده الحياة
وكلها حفر !!


تحية مني

سلااااااام

[ل..ب..ن..ى]

امال جيجل وميرندا
ربي يحفظكم على ماخطت اناملكما

والله هو اللي حبيت نقوله

شكرا على المرور الطيب

تحية مني

سلاااااااام

[الفقيرة إلى ربها]

صح واحد اذا عاود عام و هو علبالو بلي متعب و مجتهد و ما ظلمو حت استاذا معندو ميعمل

بصح ان يعيد طالب له معدل 9.98 و آخر 9.96 و في جامعة و استاذ محب يعانوا في الاستدراكي كفاه تقول لواحد كما هذا ميعمل والو

هذه صعار لزوج في جامعة يقرو فيزياء سنة ثانية صاحبهم نجهوحم و هما هذا هو معدل تاعهم عاودوا عام

كون صراتلي انا و الله غير نتعارك مع الأساتذدة لخطر اصلا هما ضعاف و قليل الفاهم فيهم و علاه يظلموا


و لبقى وحد مرة ثاني في مادة صعيبة واحد منجح فيها خمموا خموا و من بعد قالوا لي يسكون خارج قسنطينة نجحوهم لخطر بزاف عليهم تعب و لي في قسنطينة منجحوهمش


و........................ و.........................وووووووووو
السلام عليكم.........
اعرف طالبين يزاولان دراستهما معي اعادا السنة بعدما تحصلا على معدل 9.98 و قد اعادا ها من اجل مادتين فقط.!!!!!!!!!!!........
قل لن يصيبنا الا ما كتب الله لنا ..........الانسان يعمل لي علبه ولي فيها خير ربي يجيبها....

[نورالدين17]

اللي يجتهد محال يراتي عام في قرايتو................

[س..ع..ي..د]

ان شاء الله ربي ينجح الجميع ....

[زهرة المدائن]

كلامك صحيح لكن من واجب التلميذ ان يتعب و يكره و الا فلن يكون لنجاحه نكهة بدون هذا
فمن زرع حصد و من صار على الدرب وصل

[chahd alger]

والله فعلا صعب الرسوب وأي تلميذ مش ممكن يتقبلها بالساهل إلا إذا كان من بجانبه و يقولو الكلام اللي قلتيه
ربي وفق الجميع........شكرا لكي

[محمد عز الاسلام]

حنا قع نقولوا ما فيها والو بصح اذا ما جابش واحد ناكلوه بالزعاف

[mascara]

احوجي عليك اختي منى
الخسارة في الجامعة صعيبة بزاف
ان شاء الله حتى احد ما يخسر ولكنالمكتوب كذالك اذا ربي كتبلك الخسارة باش يكون خير ليك اوكي اما ترقد وتقول ما عليش لالا
شكرا لك على الموضوع

[الاء النور]

شكرا على الموضوع

[lolomimi]

لا تاخذ الدنيا الا غلابا من الافضل ان نجتهد واذا رسبت فلا مشكلة .و شكرا على الموضوع

[الـ^ـسَّــآآحِـ^ــرْ ،]

كل شي مكتووووووووووووووب . ربي يعاونهم .

[احمد سراج الدين]

السلام عليكم
حبيت نوقف مع لي ما ربحش لانو اعز اصدقائي ما ربحوش للمرة ثانية ونقولهم ربي يشوفلك في الخير اكثر من انفسنا عليها لازم نصبروا ونفرحوا بلي قسموا ربنا لينا عندنا صاحبنا ربح العام لي فات بصح عارف وش يتمنى كون ماداش الباك خير علاه لانو الشهر الاول نتاعو في الجامعة مرض وعاد من سبيطار لسبيطار ودار اكثر من 4 عمليات وادعوا ربي يجيبلوا الشفاء قالي وحد النهار الناس تقول راني فرحان وشوف ربي وش كتبلي الحمد لله راضي بس ماتقولو الباك نعمة لانو ساعات يعود نقمة وربي يصبركم وعقوبة للعام الجاي ونعاودو كل كيف كيف