زوجي و دراستي

[مشكلتي]

السلام عليكم ،، تزوجت عندي عام قبل زواجي وعدني زوجي بالدراسة و كان هذا شرطي صدقوني قالي إيه تقراي ،، قدام الأب ديالي ثم قلتلو و معليش نخدم قالي تخدمي ،،، فرحت بزاف انو قبلي شروطه ،،، ثم عملنا العقد و بقينا نتكلمو في الهاتف قالي مانحبش مرتي تخدم قلت ماعليش مافيها والو أمي قالتلي يبان إنسان يدور في كلامو لم اكترث بالأمر و قلت معليش ،،، ثم بدا يضغط أعليا في قرايتي ضغط و وضعلي عقبات حتى قلتلو إخلاص مانكملش ،،،، تزوجت بيه و شفت بلي يدور بزاف في كلامو ماعندوش كلمة معايا ،، و اي غلطة يهددني يالطلاق ،،، خفت أعلا روحي حتى والديا ماعلابالهمش ،، و هذ المرة قلتلو حبيت نرجع للقرايا ندمت قالي غير إنساي حنا المراة عندنا ماتقراش ،،، قلتلو خدعتني .،، انا اللي قلت نحبس ندمت و حبيت نرجع الأصل ماعندكش مانع ،،، و قبل الزواج كان يقولي انا نشدلك في الحفظ وووووو....، و قالي درك مارانيش حاب نعيش امعاك عندي مرت صاحبي حبست لإقرايا و مرت خويا وووو وهوما خير منك و هوما لالاتك ماتوصليش (( أصابع رجليهم )))) ،،، و راني حاب انطلق ،،، في هذا الموقف ماكان أعليا الا نرضخ للأمر الواقع و نقولو إخلاص مانو ليش نقرا ،،، صدقوني راني حاسة بالظلم و القهر كذب أعليا ،،، اعلاش يخطب وحدة تقرا باش ايقوللها ماتقراش ؟؟؟؟؟؟؟؟ مع اني على قدر من الأخلاق ،،،. نطلبت نقرا يوفي فقط بوعدو ،،،،، أدعو لي يا إخواني لوجه الله يرجعني نقرا ،،، مطابق ليش بزاف عام برك ،،، و الديا و الله غير ماراح يسامحوني حتى هوما درك يحسو انه خدعهم كيما خدعني ،،،،،، أدعو لي ماتبخلونيش ،،، حفظكم الله

[Angleeyes]

اسمحيلي بصح هذا ماهوش راجل و حقار و ممكن يدير اي حاجة باش يحطمك احكي لوالديك و هوما يتصرفو معاه

[w05]

ربي يفرج عليك اختي بما فيه الصلاح ليك

[شهد حنان]

السلام عليكم

فرج الله كربك اختي

اول حاجة حاولي معاه غير بشوية وبينيلو بلي انتي مريحاش تخدمي اذا كملتي قرايتك لخاطرش يقولك اذا خليتها تقرا رايحة تقولي من بعد خليني نخدم...قوليلو مدام بقالي عام لازم نكملو ونريح في الدار وان شاء الله يقبل..

ربي يكون معااك

[z.abdo]

انا لاانصحك ان تخبري احد بمشاكلكم بل احتوي المشكل وحاولي ان تحلو بينكم لان لو اخبرت اهلك راح يكبر المكشل وترجعو في حكاية اكبر من هاك

اهمتي بزوجك وتنازلي على الفكرى اذا شفتي ان الامر لم ينجح معه واهم شيء هو اسرتك وزوجك

[عبد الله 22]

السلام عليكم ياخت الصبر شوي وكيم يقول رقدي اللعب شوي، القرية من الامور الضرورية لكن في بعض الاحيان تكون بعض العقبات أن شاء الله تكون مؤقت ونظن المشكلة كانت مطروحة هنا من قبل ياخت مرات الانسان عليه يعاود يرتب الاولويات وانت الان في مرحلة الاولى لبناء العائلة من الافضل نظن تقوي الروابط العائلة في هذا الوقت أما أنه دار وما دارش على كلامو جاتك في الوقت الحالي في القرية وماجتك في سكير أو زير، وميزال راكي في بداية الطريق إكتشفي الحياة الزوجية ونمكني منها ومن بعد أرجعي طالبة ونظن عندك خبرة نتاع سنوات الله المستعان وبالصبر و الحكمة واللين تنال أن شاء الله المطلوب بالتوفيق

["راجية الجنة"]

الصراحة راجلك خداع
خدع ابوكي مد كلمة لباباك تمسة راجل مع راجل
مهوش راجل املا الصراحة
ربي يفرجها عليك

[الواثق]

ندعولك ان يفتح الله بينك وبين زوجك وان تلزمي بيتك وتربي اولادك وقبل ان تنظري الى زوجك نظرة ظلم وخداع انظري اليه نظرة بانه يغار عليكي ويحبك ويريد لك الخير ...............فمن للايريد ان تكون زوجته ذات مستوى علمي ؟؟؟.............لكن ان دخلت امور اخرى فلن يرضاها الرجل الحقيقي لزوجته...............فكوني سعيدة بزوجك وحافظي عليه فكثير من النساء من تعاني من قلة رجولة رجالهن وهذا واقع ............والله المستعان

[رُفيدة]

ربي يفرج عليك اختي بما فيه الصلاح ليك

[نورسين سوف]

اسمحيلي بصح هذا ماهوش راجل و حقار و ممكن يدير اي حاجة باش يحطمك احكي لوالديك و هوما يتصرفو معاه
اختي هدا رد خشيييييييييييييييييييييييييييين

[جمعي البشاري]

ندعولك ان يفتح الله بينك وبين زوجك وان تلزمي بيتك وتربي اولادك وقبل ان تنظري الى زوجك نظرة ظلم وخداع انظري اليه نظرة بانه يغار عليكي ويحبك ويريد لك الخير ...............فمن للايريد ان تكون زوجته ذات مستوى علمي ؟؟؟.............لكن ان دخلت امور اخرى فلن يرضاها الرجل الحقيقي لزوجته...............فكوني سعيدة بزوجك وحافظي عليه فكثير من النساء من تعاني من قلة رجولة رجالهن وهذا واقع ............والله المستعان

بارك الله فيك على الاجابة

[dzsamad]

اختي اطيعي زوجك و هني راسك راهو يغار عليك و لا هاذي تبوري كما بنت خالتي

[wafa16]

wach n9olek ya okhti majatch ghir 3la la9raya
tkhafi fel mousta9bal yzid ydor fi klamou 3la omor okhra
psq bayen ma3andouch kelma
7awli t9an3ih w choufi

[نورسين سوف]

اختي ربي يفرج عليييييييييييييييييييييييييك ان شااااءالله
بصح راجلك نشوووف فيييه حابك تقعدي وتكوني في الدااااااااااااااااااااااااااااااااااارخييييير ومش قضية خداااااااااااااااع او ما شاااابه
لا تدمري زواااجكم على جاااااال القراااياااااااا
ممكن يبدلووو رايووووو ويخليييييييييييييييك كيمااااااااااااااا بدل رايووو وقالك متقريييش
تمتعي بحيااااااااااااااااااااتك واسعدي زوجك اختي الكرييييييييييييمة

[MOona Hind]

الله يفرج عليك وشكرا لانك نبهتيني انه البنت لازم تكمل قرايتها قبل ما تتزوج

[kmilya]

يرجع في كلامو ماعندوش كلمة راجل
واصلا هادي مهيش هدرة تاع متلحقيهمش في صباع رجليهم
ويسبب على طلاق
نقولك زيدي شوفي معاه اذا بقا هكا ماعندك ماديري بيه تعيشي معاه تعيسة فرات خاصة اذا كان هكا في اي امر

[أيادي الأمل]

إسمحولي لي قالوا بلي يغير عليها كان قادر يقولهالها مباشرة نغييرعليك منقدرش نخليك تخالطي الرجال .. الخ

اما يقوللها " المراة عندنا ماتقرآش" + " يقارنها بنساء أخريات" + " يهددها بالطلاق في كل مرة" !!

هذه ليست بالغيرة و إنما عقلية كثير من الرجال لي ميحبوش المرأة تكون أفضل منهم على حد تفكيرهم الضيق هكا يفهموها ،

معنديش خبرة لكن حاولي تقنعيه يخليك تكملي غير العام لي بقالك ولما تدي الشهادة ماتخدميش ،
لانو نظن انو من النوع لي مايقبلش المرأة تخدم حتى لو كلفه ذلك الطلآق .. الله غالب عقلية




إن شاء الله ربي يهديه و يهدينا كلنا ،
و يصلح حالكم و يصلح ذات بينكم و يسهل أمركم،
و يختار لنا ولكم ما فيه الخير.
ربي يسهل عليك

[عائشة قطر الندى]

rabi ykoun f 3ounek bloki da l3am w 9an3ih men hata l3am jay matekharbich bitek wrabi ysahalek nchlh

[sali-sali]

السلام عليكم

حاولي معاه غير بالعقل وناقشيه بالموضوع بطريقة يفهمها هو ... احسن من المشاكل
+ حتى انتي راكي غالطة مش غير هو ...من المفروض تكملي دراستك ومن بعد تخمي في الزواج

ربي يصلح الامور

[الفاتحة]

السلام عليكم ،، تزوجت عندي عام قبل زواجي وعدني زوجي بالدراسة و كان هذا شرطي صدقوني قالي إيه تقراي ،، قدام الأب ديالي ثم قلتلو و معليش نخدم قالي تخدمي ،،، فرحت بزاف انو قبلي شروطه ،،، ثم عملنا العقد و بقينا نتكلمو في الهاتف قالي مانحبش مرتي تخدم قلت ماعليش مافيها والو أمي قالتلي يبان إنسان يدور في كلامو لم اكترث بالأمر و قلت معليش ،،، ثم بدا يضغط أعليا في قرايتي ضغط و وضعلي عقبات حتى قلتلو إخلاص مانكملش ،،،، تزوجت بيه ......


صحيح هو وعدك وأخلف وعده لكن حتى انت راكي قلتيلو خلاص مانكملش معتقدة أنه بعد الزواج والدخول تبدليلو العقلية ، راكي غالطة دام قلتيلو خلاص مانكملش راكي حتى انت عطيتيه كلمة بعدم اكمال الدراسة ودورتي على هدرتك بعد الدخول ، نصيحتي ليك اتهلاي في زوجك وأسرتك لكن متخليهش يعايرك بأخريات واطلبي منه الاحترام لان هذا حقك اتجاهه ، ربي يسترك ويهنيك ويرزقك كل بنات وشباب المسلمين الازواج الصالحة

[وارث المحب]

السلام عليكم بين الرسول صلى الله عليه وسلم فضل طاعة الزوج ، وورد في ذلك من الأدلة ما لا يُحصى، فقد روى الترمذي في سننه عن أبي أمامة رضي الله عنه قال: قال رسول الله صلى الله عليه وسلم: ثلاثة لا تجاوز صلاتهم آذانهم، العبد الآبق حتى يرجع، وامرأة باتت وزوجها عليها ساخط، وإمام قوم وهم له كارهون. وحسنه الألباني.

اليك اختي ادلة اخرى

وروى الترمذي عن معاذ بن جبل عن النبي صلى الله عليه وسلم قال: لا تؤذي امرأة زوجها في الدنيا، إلا قالت زوجته من الحور العين: لا تؤذيه قاتلك الله، فإنما هو عندك دخيل، يوشك أن يفارقك إلينا. وصححه الألباني، ورواه أحمد وابن ماجه والحاكم الطبراني وغيرهم.

وروى أحمد عن الحصين بن محصن أن عمة له أتت النبي صلى الله عليه وسلم في حاجة ففرغت من حاجتها، فقال لها النبي صلى الله عليه وسلم: أذات زوج أنت؟ قالت: نعم، قال: كيف أنت له؟ قالت: ما آلوه إلا ما عجزت عنه، قال: فانظري أين أنت منه، فإنما هو جنتك ونارك. قال الشيخ شعيب الأرناؤوط إسناده محتمل للتحسين، وصححه الألباني في السلسلة الصحيحة 6/220
فيجب على الزوجة طاعة زوجها فيما ليست فيه معصية لله تعالى ، وقد حث الشارع الزوجة على طاعة زوجها حثاً شديداً ، وحذرها من الامتناع عن طاعته فيما أمكنت الطاعة فيه .
ففي المسند وصحيح ابن حبان أن النبي صلى الله عليه وسلم قال: " إذا صلت المرأة خمسها، وصامت شهرها، وحصنت فرجها، و أطاعت بعلها، دخلت من أي أبواب الجنة شاءت" .

وفي المسند وصحيح ابن حبان والمستدرك والسنن أن النبي صلى الله عليه وسلم قال: " لو كنت آمراً أحداً أن يسجد لأحد لأمرت المرأة أن تسجد لزوجها ، ولا تؤدي المرأة حق الله عز وجل عليها كله حتى تؤدي حق زوجها عليها كله .
وصلى الله على سيدنا محمد وعلى أله وصحبه أجمعين