الي جربت قلب اللوز لأم رامي تقلي

[محبة عبد الرحمان]

السلام عليكم انا جربت قلب اللوز لأم رامي جا روعة بصح الطبقة الفوقانية جات يابسة ياسر قولولي الخطا وين

[ام عبيدة]

يا أختي كي تسقيه غطيه بسينيه أكبر من البلا نتاع قلب اللوز و رجعيه للفرن طافي و سخون حتي يبرد

[محبة عبد الرحمان]

شكرا أختي بصح غطيتو كيما قلتي و قعدت الطبقة الفوقانية يابسة

[oum ibrahim]

ممكن اختي ما شربتيهش مليح بالشربات يعني الطبقة الفوقانية ما وضلاتهاش الشربات بقات غير من تحت

[*أمة الله*]

ممكن أختي تعطيني رابط الوصفة لأم رامي راني رايحة غدوة ان شاء الله نجربها

[ميمي2012]

ممكن تجربو الوصفة نتاعي تخرج روعة وسهلة التطبيق كما أننا نطيبه مباشرة بعد التحضير

[ام نور78]

ممكن ما ضفتيش ماء الزهر للشاربات اوما خليتيهاش 6ساعات او ماغطيتيهاش مليح لاني اول مرة مين درتها جاتني الطبقة الي من فوق يابسة لكن المرة اللي بعدها استدركت الاخطاء اللي درتهم والحمد للله جاتني طرية وبنينة
اتمنى نكون ساعدتك اختي و معليش من الاخطاء نتعلم..شوفي تطبيقاتي مباشرة

صح فطوووووووووركم عجبني بززززاف قلب اللوز تاع ام رامي **قلب المنتدى**
جربته 3مرات وغادي نزيد نديره

المرة 1:
http://im42.gulfup.com/E8K2o.jpg
المرة 2:
http://im42.gulfup.com/yUkQs.jpg
المرة3:
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im42.gulfup.com/kFeXI.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im31.gulfup.com/Rrd03.jpghttp://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im31.gulfup.com/hXnZA.jpg

[ميلار القدس]

حتى انا جربتو قداه من خطرة ولكن الطبقة اللي من فوق يابسة ومنخدة جميع التدابير ولكن نفس النتيجة هو صح بنين لكن المشكل الطبقة اللي من فوق

[الصمت حكمة]

أنا قلت ممكن ما غطيتيهش ، بالصح انتي راكي غطيتيه و الله ما على بالي وين المشكل، أنا صح خرج أكثر من رائع، بالصح شوية حلو بالزيادة لو كان نعاودو نقص شوي سكر
عاودي اتفكري ممكن كانت النار قليلة جدا، السبب اللي يخلي بعض الحلويات تجي يابسة، و الله أعلم و هو لازم لو نار متوسطة

[zamilio]

نقولك حاجة مع احترماتى لام رامى قلب اللوز تع ليليا 30 ناجح 100 /100 انا جربتهم كاملحتى تع ام كوثر بصح تع ليليا30 خير من تع براخاصة ادادرتيلو كاوكاو فى الوسط محشى مممممممممممممم

[ام مهدي2010]

اختي ممكن حمرتيه بزاف او كي شربتيه ما غطيتيهش بصينية اخرى

[it's me]

الطبقة الفةقانية تجي يابسة كي تشربيها بشاربات سخونة فهمتي
لازم قلب اللوز سخون والشاربات باردة مليح

[ميلار القدس]

انا شربتها بشاربات باردة وجاتيابسة

[c_souha]

السلام عليكن انشاء راكم ملاح
اختي انا ما جربتوش وقيلة راكي رجعتيه للفرن وهو سخون الاخت ام رامي راهي دارت ملاحظة وقالت لازم ترجعيه للفرن بعد ما يبرد مليح يعني الفرن ماشي القلب اللوز وراهي تقول اذا حطيتوه في فرن سخون راه رايح ييبس
و الله اعلم انتي راجعي نفسك وشوفي الخطوات اللي درتيهم و ان شاء الله نجربو ونرجعلك لخبر

[ام عبودة]

انا جربتو وجاني روووعة برك حلو شوي