«||•• بعض الملفات الإدارية الخاصة بالجامعات الجزائرية ••||»

[سطايفية بكل فخر]

السلام1
البسملة1

نظرا لأن فترة سبتمبر من كل عام هي فترة نشطة جدا في الجامعات الجزائرية لما تحويه من تسجيلات وتحويلات وتجميد وغيرها, ارتايت ان افتح هدا الموضوع لاضع فيه جميع الملفات التي تحتاجونها في هذه العمليات خاصة واني رايت ان الكثير منكم يطلبونها. ستكون هده الملفات عامة يمكن ان تنقص منها وثيقة او تزيد حسب كل جامعة .
نبدأ على بركة الله.

الفاصلة1

ملف تسجيل طالب جديد:
شهادة الميلاد مستخرجة حديثا.
شهادة التوجيه.
استمارة المعلومات ( تسلم من طرف الإدارة ).
رخصة التسجيل الوزارية بالنسبة للطلبة الأجانب.
كشف النقاط الأصلي للبكالوريا.
نسختان من كشف النقاط للبكالوريا مصادق عليهما.
04 صور شمسية.
وصل حقوق التسجيل.

الفاصلة1
ملف إعادة التسجيل للسنوات المتقدمة:
بطاقة الطالب لآخر تسجيل.
تبرئة.
وصل حقوق التسجيل.
صورة شمسية.
شهادة ميلاد اصلية ونسخة من شهادة الباكالوريا خاص بطلبة الاقسام النهائية.
قرار إعادة الأدماج خاص بالطلبة المنقطعون عن الدراسة.
قرار العطلة الأكاديمية خاص بالطلبة الذين استفادوا من عطلة أكاديمية.

الفاصلة1
ملف استخراج شهادة النجاح المؤقتة :
1- ملف ليسانس ل.م.د:
بطاقة الطالب.
شهادة عقد الازدياد.
كشوف نقاط كل سنوات المسـار(الأصلية).
تبرئة.
شهادة الباكلوريا الأصلية.
ملحق بالشهادة (في طور التحضير).
رخصة التسجيل الوزارية بالنسبة للطلبة الأجانب.

2- ملف ماسترل.م.د:
بطاقة الطالب.
شهادة عقد الازدياد.
كشوف نقاط ماستر 1 و ماستر 2 (الأصلية).
شهادة ليسانس صورة طبق الأصل.
محضر مناقشة رسالة التخرج.
تبرئة .
ملحق بالشهادة (في طور التحضير).
رخصة التسجيل في ماستر (أصلية).
كشوف نقاط مسـار ليسانس الأصلية بالنسبة للطلبة المحولون.

الفاصلة1
ملف طلب تجميد السنة الجامعية (عطلة أكاديمية) :
طلب خطي.
بطاقة الطالب.
تبرئة.
مبرر طلب العطلة.
شهادة خبير طبي يعين من طرف الجامعة في حالة ما كان المبرر طبي.

بعض القوانين التي يجب ان تضعوها في حسبانكم

المادة12: يمكن للطالب تعليق تسجيله لأسباب استثنائية تتمثل في:

ـ أمراض مزمنة

ـ الأمومة

ـ عطلة مرضية طويلة الأمد

ـ الخدمة الوطنية

ـ الالتزامات العائلية (المتعلقة بالأصول و الفروع، تنقل الزوج آو الأولياء بسبب الالتزامات الوظيفية)

في هذه الحالة تسلم للطالب حتما شهادة عطلة أكاديمية من قبل المصالح البيداغوجية المشار إليها أعلاه

يخضع تسيير العطل الأكاديمية لعمادة الكليات أو المعهد بالجامعة ( شريطة تقديم الوثائق الثبوتية)

المادة13: باستثناء حالات القوة القاهرة، يودع الطلب المبرر للعطلة الأكاديمية لدى المصالح البيداغوجية التي ينتمي إليها الطالب على مستوى كليته أو معهده قبل الامتحانات الأولى

المادة14: لا تمنح العطلة الأكاديمية إلا مرة واحدة خلال المسار الدراسي

المادة15: اثر انتهاء العطلة الأكاديمية الممنوحة للأسباب المذكورة في الطلب الأول إن كانت غير مريضة، يخضع إدماج الطالب لرأي خبير يعين من طرف الجامعةوها في حسبانكم


الفاصلة1
ملف طلب تحويل :
استمارة طلب التحويل من طرف الإدارة.
نسخة من شهادة البكالوريا.
مبرر التحويل.
نسخة من شهادة أخر تسجيل خاصة بطلبة السنوات المتقدمة.
نسخة كشوف كل سنوات التمدرس خاصة بطلبة السنوات المتقدمة.
شهادة حسن السيرة و السلوك خاصة بطلبة السنوات المتقدمة.

للمزيد حول التحويلات راجعوا الموضوع التالي
|| ^_^شرح التحويلا ت الجامعية بالتفصيل=== العدد 2^_^ || (http://www.djelfa.info/vb/showthread.php?t=1406589)

الفاصلة1
ملف إعادة الإدماج:
- طلب خطي يذكر أسباب التخلي عن الدراسة،

- نسخة من شهادة البكالوريا المؤقتة -كشف النقاط،-

- نسخ من الوثائق تبين أسباب التخلي عن الدراسة،

- نسخة من آخر شهادة التسجيل أو آخر شهادة مدرسية،

- نسخة من كشف النقاط لجميع السنوات الدراسة.

الفاصلة1

ملف الإقامة بالنسبة للطلبة الجدد:
استمارة طلب الاستفادة من الإقامة الجامعية تسلم من طرف الإدارة.
نسخة مصادق عليها من شهادة البكالوريا.
نسخة مصادق عليها من الشهادة المدرسية.
إثبات الإقامة الأصلية (وصل كراء أو وصل الكهرباء والغاز أو وصل المياه أو بطاقة الناخبللأولياء).
شهادة الميلاد أو بطاقة شخصية للحالة المدنية.
نسخة من بطاقة التعريف الوطنية.
شهادتان طبيتان (الطب العام، الأمراض الصدرية).
ظرفان بريديان معنونين عليهما طوابع بريدية.
أربع (04) صور شمسية.
دفع حقوق الاشتراك في النقل الجامعي.

ملف تجديد الاقامة :

- شهادة مدرسية .

- صورتان شمسيتان .

- شهادة إقامة أو وصل الكهرباء .

- ظرفان بريدان عليهما طابع + العنوان الشخصي .

الفاصلة1

ملف المنحة للطلبة الجدد:

استمارة مقدمة من الإدارة-

شهادة التسجيل :للسنة الحالية شهادة التسجيلالخاصة بالمنحة -

نسخة طبق الأصل من شهادة البكالوريا شهادة فردية للحالة المدنية وشهادة الميلاد

شهادة الدخل للوالدين غير الموظفين (تجارة وأعمال حرة) بالإضافة إلى شهادة عدم الإخضاع للضرائب-

شهادة الوفاة أو الطلاق للأولياء المتواجدين في هذه الوضعية-

شهادة الجنسية للطالب المولود أو الأولياء المولودين بالخارج-

ظرفان (2) عليهما الطابع البريدي والعنوان-

صورتان (2) شمسيتان-

صك بريدي مشطب-

كشف النقاط لشهادة البكالوريا بالنسبة للطلبة المترشحين الأحرار -

ملف تجديد المنحة للطلبة القدامى:
نسخة طبق الأصل من شهادة التسجيل للسنة الدراسية الحالية-

نسخة طبق الأصل من كشف النقاط-

شهادة عدم الإخضاع للضرائب للوالدين الأب والأم-

شهادة إثبات الدخل للوالدين غير الموظفين التقاعد، المنحة-

إعلام ضريبي للأولياء غير الموظفين (تجار، مهن حرة) و شهادة عدم الإخضاع للضرائب-

شهادة عدم العمل صادرة من البلدية-

شهادة الوفاة أو الطلاق للأولياء المتواجدين في هذه الوضعية-

الفاصلة1
ملف الإطعام:

صورة مصادق عليها من الشهادة المدرسية أو شهادة التسجيل للسنة الجارية.
صورة مصادق عليها من شهادة البكالوريا بالنسبة للطلبة الجدد.
صورتان (02) شمسيتان.
دفع حقوق الاطعام

تجديد بطاقة الإطعام

صورة مصادق عليها من الشهادة المدرسية أو شهادة التسجيل للسنة الجارية.
صورتان (02) شمسيتان.
دفع حقوق الاشتراك.
بطاقة الإطعام للسنة الماضية.

الفاصلة1

ملف النقل للطلبة الجدد:
نسخة مصادق عليها من الشهادة المدرسية أو شهادة التسجيل للسنة الجارية.
نسخة مصادق عليها من شهادة البكالوريا بالنسبة للطلبة الجدد.
صورتان (02) شمسيتان.
دفع حقوق الاشتراك في النقل الجامعي ( يتم دفع حقوق الاشتراك بشراء تذكرة سنوية بـ 135 دج تباع على مستوي مصالح النقل و الإيواء).

تجديد بطاقة النقل للطلبة القدامى:
صورة مصادق عليها من الشهادة المدرسية أو شهادة التسجيل للسنة الجارية.
صورتان (02) شمسيتان.
دفع حقوق الاشتراك.
بطاقة النقل للسنة الماضية.
الفاصلة1

ملف الضمان الاجتماعي:
استمارة المعلومات تسلم من طرف الإدارة
نسخةمن كشف نقاط البكالوريا مصادق عليها
نسخة من شهادة التسجيل
شهادة الميلاد أو الحالة المدنية
بطاقة الإقامة
نسخة من بطاقة التعريف الوطنية للطالب
شيك مشطوب

بطاقة شفاء:

-صورة شمسية على خلفية بيضاء
-شهادة الميلاد
-نسخة عن بطاقة التعريف الوطنية
-نسخة عن بطاقة فصيلة الدم
رقم الضمان الاجتماعي

الفاصلة1
هذا الموضوع وضعته للفائدة العامة ولوجه الله فلا تنسوني بدعائكم الصالح
اختكم في الله السطايفية بكل فخر

[سطايفية بكل فخر]

سيكون هدا الرد خاص ببعض النماذج حول الطلبات الخطية
http://im35.gulfup.com/2kK4V.jpg

[yacine-08]

بارك الله فييييك الاخت سطايفية

دائما متالقة بالمواضيع المفييييدة للطلبة

شكرا جزيلا

[سطايفية بكل فخر]

ادا نسيت اي ملف ياريت تدكروني به كي اضعه لكم

[سطايفية بكل فخر]

بارك الله فييييك الاخت سطايفية

دائما متالقة بالمواضيع المفييييدة للطلبة

شكرا جزيلا

العفو واجبنا اخي ياسين
شكرا لمرورك الطيب ودعمك المتواصل

[* عبد الجليل *]

شكرا لك اخت سطايفية .... والله كنت نسنا فيييييييه هاد الموضووووع

بارك الله فيك

دائما متالقة بمواضيعك ... ربي يجازيك كل خير سلمت اناملك

[* عبد الجليل *]

لا تنسي اختاه ملف المنحة وشكرا لك مجددا

[سطايفية بكل فخر]

اهلا اخي جليل راني ظرك نحطهم فقط اصبرني شوية

[سطايفية بكل فخر]

تم وضعه اخي جليل

[* عبد الجليل *]

تم وضعه اخي جليل

شكرا لكي اختاه بارك الله فيك ... ربي يجازيك كل خير

نتمناو الادارة تثبت الموضوع لانه كامل وشامل حتى يستفيد الطلبة .... وشكرا مجددا

[abdinho_FCB]

السلام عليكم
اختي اذا ما قبلوش لواحد يبلوكي العام اوو ما دخلش قاع يقرا او كان مسجل
كي يعاود يولي لعامم لجاي واش يدير
يدفع دوسي تع اعادة ادماج ؟؟؟؟؟
الله يرضى عليك اختى راني نستى فالاجابة

[سطايفية بكل فخر]

السلام عليكم
اختي اذا ما قبلوش لواحد يبلوكي العام اوو ما دخلش قاع يقرا او كان مسجل
كي يعاود يولي لعامم لجاي واش يدير
يدفع دوسي تع اعادة ادماج ؟؟؟؟؟
الله يرضى عليك اختى راني نستى فالاجابة

نعم اخي يدير عملية اعادة الادماج
لكن نحب نولهك كي تبلوكي مياثرش على معدل السنة لي بلوكيتها
لكن كي تكيتي ومن بعد دير اعادة ادماج معدل السنة هاديك يضربوهلك في وحدالمعامل لما يجيو يحسبو للماستر

[dali rami]

السلام عليكم أختي الكريمة

لدي استفسار اذا سمحت بما ان لديك خبرة في مايخص الجامعة

عندي مشكل في التسجيل في الجامعة

عندي 2 بكالوريا 2013 والعام الماضي 2012

بكالوريا 2012 سجلت بها تخصص ادرسه

وبكالوريا 2013 سجلت به صيدلة

واردت تجميد بكالوريا هاته السنة 2013 اي الصيدلة

سؤالي هو كم مدة تجميد السنة الدراسية يعني اذا جمدت هذا العام وانتظر سنتين او ثلاث سنوات ريثما اكمل تخصصي وكم مرة يمكن تجميد السنة

سؤال اخير هو ان الادارة في كلية الطب لم يسمحوا لي بالتسجيل في الصيدلة وقالولي لي حتى تأتي لنا بالبكالوريا القديمة 2012 حتى نعطيك حق التسجيل

ولم يعطوني بطاقة الطالب التي هي ضرورية لتجميد السنة

فماهو المخرج اخي الكريمة ،، هل أتقدم بطلب سحب البكالوريا 2013 نهائيا من الصيدلة وان كان كذلك ماهي الوثائق الازمة


عذرا على كثرة الأسئلة ،، وشكرا لك أختي الكريمة

[سطايفية بكل فخر]

السلام عليكم أختي الكريمة

لدي استفسار اذا سمحت بما ان لديك خبرة في مايخص الجامعة

عندي مشكل في التسجيل في الجامعة

عندي 2 بكالوريا 2013 والعام الماضي 2012

بكالوريا 2012 سجلت بها تخصص ادرسه

وبكالوريا 2013 سجلت به صيدلة

واردت تجميد بكالوريا هاته السنة 2013 اي الصيدلة

سؤالي هو كم مدة تجميد السنة الدراسية يعني اذا جمدت هذا العام وانتظر سنتين او ثلاث سنوات ريثما اكمل تخصصي وكم مرة يمكن تجميد السنة

سؤال اخير هو ان الادارة في كلية الطب لم يسمحوا لي بالتسجيل في الصيدلة وقالولي لي حتى تأتي لنا بالبكالوريا القديمة 2012 حتى نعطيك حق التسجيل

ولم يعطوني بطاقة الطالب التي هي ضرورية لتجميد السنة

فماهو المخرج اخي الكريمة ،، هل أتقدم بطلب سحب البكالوريا 2013 نهائيا من الصيدلة وان كان كذلك ماهي الوثائق الازمة


عذرا على كثرة الأسئلة ،، وشكرا لك أختي الكريمة

اخي قبل ما نجاوبك واش راك تقرا الان

[dali rami]

ادرس علوم التمريض

[سطايفية بكل فخر]

اه يعني اخي راك مسجل في جامعة
للاسف اخي القانون راهو يمنعك من التسجيل في تخصيين في نفس الوقت لدلك طلبوا منك باك 2012 وباش تجيب باك 2012 لازم ديرلو سحب نهائي وفي هدي الحالة يولي غير صالح
+
التجميدمش رايح يفيدك اخي لانو فاقولك بلي عندك 2 باك ومش رايحين يخليوك تسجل من اصلو
رايي اخي تختار اما تكمل في الصيدلة وتتخلا نهائيا عن علوم تمريض
او تكمل في علوم تمريض ومتسجلش في الصيدلة
حتى تكمل علوم تمريض

[ابراهيم العادي]

السلام عليكم الرضاء النظر في حالتي""
انا جبت باك 2010 درست عام ثم انقطعت ثم درت اعادة ادماج ثم انقطعت مرة اخرى ....هل يمكنني سحب البكالوريا للتسجيل بها مرة اخرى او في جامعة ما .....وهل يمكنني القيام باعادة ادماج مرة ثانية لانني قرات في القوانين لا يسمح الا مرة واحدة..وشكرا

[سطايفية بكل فخر]

السلام عليكم الرضاء النظر في حالتي""
انا جبت باك 2010 درست عام ثم انقطعت ثم درت اعادة ادماج ثم انقطعت مرة اخرى ....هل يمكنني سحب البكالوريا للتسجيل بها مرة اخرى او في جامعة ما .....وهل يمكنني القيام باعادة ادماج مرة ثانية لانني قرات في القوانين لا يسمح الا مرة واحدة..وشكرا

اخي نعرف عباد كل عام يديرو ادماج يهبلوهم شوية ومن بعد يوافقولهم
قلهم بلي رايح دير تحويل
+
متقدرش تسحبها لانو لما تسحبها يكتبولك سحب نهائي وتفقد صلاحيتها
لدلك حاول تدمج روحك ثم تحول لشعبة اخرى
ونصيحتي سارع لانو الوقت مش في صالحك حتى كاين جامعات قفلوا اليوم التحويل حاول تلقا وحدا مزالت
بالتوفيق

[ابراهيم العادي]

واش قصدك ب" حاول تلقا وحدا مزالت""

[سطايفية بكل فخر]

واش قصدك ب" حاول تلقا وحدا مزالت""

قصدت حاول تبحث عن جامعة مازالت لم تنتهي فيها التحويلات وتفقد جامعتكم ممكن مازالوا في فترة تحويلات

[* عبد الجليل *]

يا اخت سطايفية انا لحد الان ماسجلتش رانا نسناو قالونا مازال و ناس تقول راهم بداو التسجيلات والله مافهمت شي ؟
يعني مكانش مشكل حول التاخر ؟ وشكرا لكي مسبقا

[سطايفية بكل فخر]

يا اخت سطايفية انا لحد الان ماسجلتش رانا نسناو قالونا مازال و ناس تقول راهم بداو التسجيلات والله مافهمت شي ؟
يعني مكانش مشكل حول التاخر ؟ وشكرا لكي مسبقا

مسجلتوش الخدمات او السنة الدراسية؟

[* عبد الجليل *]

مسجلتوش الخدمات او السنة الدراسية؟

لا ماسجلنا والوا

[styliste]

اختي اريد سؤالك
العام اللي فات بلوكيت العام و العام هذا نحب نزيد نبلوكيه
واش لازملي ندير بارك الله فيك

[سطايفية بكل فخر]

لا ماسجلنا والوا

بما انكم مسجلتوش ادا متقدرش تدير ملف الخدمات

[lona-99]

انا سنة تانية جامعي هندسة معمارية وش نسحق قاع باه نسجل بليدة

[* عبد الجليل *]

بما انكم مسجلتوش ادا متقدرش تدير ملف الخدمات

علاش مانقدرش ؟؟؟ ... قالوا مازال الراتراباج السمانة الجاية ارجعوا
افيديني رجاءاا

[سطايفية بكل فخر]

انا سنة تانية جامعي هندسة معمارية وش نسحق قاع باه نسجل بليدة
اولا تسجلي في السن الثانية في الديبارتومون نتاعك
يمدولك شهادة تسجيل وشهادة مدرسية وبطاقة طالب جديدة
بعدها تولي تجدي ملف المنحة والنقل والايواء والاطعام

علاش مانقدرش ؟؟؟ ... قالوا مازال الراتراباج السمانة الجاية ارجعوا
افيديني رجاءاا

اخي جليل لازم باش تسجل في الخدمات الجامعية لازم قبل تسجل في الديبارتومون وتهز بطاقة الطالب الجديدة وتهز شهادة مدرسي وشهادة تسجيل
وبلا متتقلق انتم صحاب الفرنسية متزربوش تدخلو والوقت راهو مزال قدامك

[* عبد الجليل *]

اخي جليل لازم باش تسجل في الخدمات الجامعية لازم قبل تسجل في الديبارتومون وتهز بطاقة الطالب الجديدة وتهز شهادة مدرسي وشهادة تسجيل
وبلا متتقلق انتم صحاب الفرنسية متزربوش تدخلو والوقت راهو مزال قدامك

ااه صحااا هادا وين فهمتك مليح والله مازال حتى واحد ماسجل لحد الآن .... نهار الاحد تبدا التسجيلات

بارك الله فيك الحمد لله طمنتيني ربي يبشرك بالخير ويفتحها عليك .... مشكوووووووورة ربي يكتر من متالك يسلموووو :19:

[سطايفية بكل فخر]

ااه صحااا هادا وين فهمتك مليح والله مازال حتى واحد ماسجل لحد الآن .... نهار الاحد تبدا التسجيلات

بارك الله فيك الحمد لله طمنتيني ربي يبشرك بالخير ويفتحها عليك .... مشكوووووووورة ربي يكتر من متالك يسلموووو :19:

ههه وانت علاش قالق مزال لحال عليكم باش تبداو لقراية ياخي نتم تاع اللغات ديما تخلصو كبش العيد باش تبداو

[ابراهيم العادي]

اختي كيف اسحب البكالوريا
وهل يمكنني اعادة التسجي بها

[سطايفية بكل فخر]

اختي كيف اسحب البكالوريا
وهل يمكنني اعادة التسجي بها

اخي متسحبهاش ادا سحبتها يكاشيولك فيها سحب نهائي وتفقد صلاحيتها
دير تحويل اخي كيما شرحتلك في الردود السابقة

[ابراهيم العادي]

عذرا لم اقرا الردود جيدا شكرا

[سطايفية بكل فخر]

العفو واجبي
اي سوال اخر تفضل بيه اخي

[styliste]

Okhti majawbtinich

[سطايفية بكل فخر]

سمحيلي اختي متولهتش للرد
+
التجميد فيه عام واحد هدا القانون
جربي تجدي المالادي تاع الاطبيب بلاك يوافقولك على التجديد
بالتوفيق

[* عبد الجليل *]

مساء الخير اخت سطايفية كيف حالك

الحمد لله طلعت سجلت اليوم التسجيل للسنة الجامعية الجديدة وعطاوني شهادة التسجيل
+
كي رحت للاقامة ماخلاوناش قالولنا خلوا حتى تدخلوا ادفعوا ملف المنحة والاقامة راهم لا هيين بالسنة الاولى
+
والله اليوم تعبت لكن الحمد لله فريتها بقا القليل برك

شكرا لك كثيرا لانك ساعدتني في الملفات و بنصائحك وارشاداتك

بارك الله فيك

[genthk]

merci mon amis rabi yahfdak

[styliste]

سمحيلي اختي متولهتش للرد
+
التجميد فيه عام واحد هدا القانون
جربي تجدي المالادي تاع الاطبيب بلاك يوافقولك على التجديد
بالتوفيق
بارك الله فيك

[سطايفية بكل فخر]

ايا الحمد لله اخي جليل
+
انت ياخي مش اقامة وعلا ش دير اقامة نورمالمون نت نقل
+
شكرا للجميع على المرور واي مساعدة تسحقوها تفضلوا باسلئتكم

[* عبد الجليل *]

ايا الحمد لله اخي جليل
+
انت ياخي مش اقامة وعلا ش دير اقامة نورمالمون نت نقل
+
شكرا للجميع على المرور واي مساعدة تسحقوها تفضلوا باسلئتكم

اهلا اختاه مساء الخير

احنا عندنا الحق في الاقامة لان بلديتي تبعد عن الجامعة ب 50 كيلو يعني لازم نريزيدو

العفو ربي يحفظك ويكتر من متالك

[dz-neteller]

السلام عليكم
شكرا على مبادرة طيبة
لدي أستفسار
انا حائز على بكالوريا في 2011 وهذه سنة ثالثة لي في كلية , ولكن لحد ساعة لم أدفع ملف منحة منذ بداية , وضمان إجتماعي ,
و ألأن انا بحاجة لضمان أجتماعي وبطاقة شفاء وكذلك منحة ؟ كيف يمكنني طلب ذلك وشكرا

[ايمااان]

السلام عليكم شكرا على هادي البادرة الرائعة منكم انا اريد ان اسال عن المنحة
انا في السنة الثالثة السنة الماضية تلقيت المنحة بشكل عادي و لكن السنة الاولى لا لاني من قبل كنت في جامعة اخرى ثم غيرت و عندما فعلت كان الوقت قد فاتني لدلك لم اسجل للمنحة و السنة الماضية عندما دهبت لاستفسر ادا من الممكن ان يعوضني و يعطوني منحة السنة الاولى في البداية وافقو و عندما عدت لهم لم يقبلوا

فهل استحقها ام لا

[سطايفية بكل فخر]

السلام عليكم
شكرا على مبادرة طيبة
لدي أستفسار
انا حائز على بكالوريا في 2011 وهذه سنة ثالثة لي في كلية , ولكن لحد ساعة لم أدفع ملف منحة منذ بداية , وضمان إجتماعي ,
و ألأن انا بحاجة لضمان أجتماعي وبطاقة شفاء وكذلك منحة ؟ كيف يمكنني طلب ذلك وشكرا

توجه للخدمات الجامعية في قسم المنح وادفع الدوسي وادا كانو معندكش مشاكل مع الضرائب من قبل احتمال يدفعولك تاع السنتين السابقتين
+
بالنسبة للضما ن روح لقسم الضمان الاجتماعي في الخدمات وحط الدوسي باش تحل كونت ثما
لما يتحلك ويولي عندك لاسيرونس ثما تقدر تحط كارت شفاء
بالتوفيق
+
بالنسبة للطلب عادي ادي معاك الوثائق فقط

[سطايفية بكل فخر]

السلام عليكم شكرا على هادي البادرة الرائعة منكم انا اريد ان اسال عن المنحة
انا في السنة الثالثة السنة الماضية تلقيت المنحة بشكل عادي و لكن السنة الاولى لا لاني من قبل كنت في جامعة اخرى ثم غيرت و عندما فعلت كان الوقت قد فاتني لدلك لم اسجل للمنحة و السنة الماضية عندما دهبت لاستفسر ادا من الممكن ان يعوضني و يعطوني منحة السنة الاولى في البداية وافقو و عندما عدت لهم لم يقبلوا

فهل استحقها ام لا

ايمان ومشاكل التسجيلات من كل عام ههه واش احوال اختي لاباس
+
واش قالولك سبب الرفض اختي

[maachousat]

بارك الله فيكم على مبادرة الطيبة

[سطايفية بكل فخر]

العفو اخي واجبنا
شكرا لمرورك الطيب

[أسومة المتفائلة]

شكرا اختي سطايفية

[ايوب ب]

اختي انا هدا الامر نتاع لبلوكاج راه مهبلني انا قريت سنة اولى بيطرة من بعد منجحتش في بداية السنة رحت سجلت ثم حبست مزدتش رحت خطر تزوجت وكنت نتوحم درك اختي الكريمة كيفاه ندير انا نقدر نكمل ولا لا لا الاجابة من فضلك والله نضل نبكي وخايفة

[سطايفية بكل فخر]

اختي انا هدا الامر نتاع لبلوكاج راه مهبلني انا قريت سنة اولى بيطرة من بعد منجحتش في بداية السنة رحت سجلت ثم حبست مزدتش رحت خطر تزوجت وكنت نتوحم درك اختي الكريمة كيفاه ندير انا نقدر نكمل ولا لا لا الاجابة من فضلك والله نضل نبكي وخايفة

تتوحمي ظرك ولا تحكي على العام لي فات
+
ختي راكي تقدري تبلوكي ادا كنتي تتوحمي شهادة طبية وانت فارية المشكل
+
علاش ظلي تبكي وعلاش تخافي مدام القانون في صفك

[ايوب ب]

انا عندي درك عامين من لي حبست والله الناس خوفوني قالولي بلي درك ام حطوك مديتيش الباك اصلا

[سطايفية بكل فخر]

انا عندي درك عامين من لي حبست والله الناس خوفوني قالولي بلي درك ام حطوك مديتيش الباك اصلا

اييييييه مدة طويلة مبروك عليك المزيود
انا حطيتك هدا العام
+
ختي شكون هادا لي قالك مديتيش الباك اصلا قولو قاتلك السطايفية كي تجي تهدر تاكد من واش راك تقول لخاطر راك هلكت الغاشي
+
حلك ساهل ماهل
ديري اعادة ادماج وكتبي في المبرر انقطاع عن الدراسة بسبب الحمل
وبعد ما يوافوقلك رايحة تقراي سنة اولى بيطرة عادي
+
الدراسة بدات ادا مقبلوكش هدا العام سجلي العام الجاي اختي مي نصيحة حاولي هدا العام معندك مخصرتي
وادا معجبتكش بيطرة ديري العام الجاي تحويل لشعبة اخرى تناسبك وتناسب تربية ولادك
ربي يسهلك ختي وبركايك من لبلا ومديري شعلى راياتهم لانهم معلابلهمش واش راهم يجاوبو
الباك تاعك ونيفو سنة اولى جامعي واحد مينحيهملك ختي

[ايوب ب]

ربي يحفضك ويخليك في حياتي مفرحتش كما اليوم والله والدي لا عزيز غيه غير راني رايح نطير بالفرحة غير قبيل جبت الدروس النتاعي ونبكي ربي يحققلك واش في بالك ويهنيك قولي امين

[سطايفية بكل فخر]

ربي يحفضك ويخليك في حياتي مفرحتش كما اليوم والله والدي لا عزيز غيه غير راني رايح نطير بالفرحة غير قبيل جبت الدروس النتاعي ونبكي ربي يحققلك واش في بالك ويهنيك قولي امين

ربي يدوم فرحتك اختي
يالله يوم الاحد روحي للجامعة وحاوليهم يسجلوك هدا العام وادا مقدروش متزعفيش العام الجاي ان شاء الله
ونزيدلك حاجة الناس راهي تقرا باك من السيتينات وانت يقولوك باكك راح
مزيديش تامني اي شخص
قاوانين الجامعة واضحة
ربي يكمل فرحتك غاليتي

[feriel farawla]

شكرا

انا عندي سؤال يخص احدى الصديقات

داتا لباك في 2012 بصح ما دخلتش تقرا و هذا العام ثاني مادخلتش عندها ظروف

تقدر تسجل العام الجاي في نفس التخصص و الجامعة او ماذا

[سطايفية بكل فخر]

شكرا

انا عندي سؤال يخص احدى الصديقات

داتا لباك في 2012 بصح ما دخلتش تقرا و هذا العام ثاني مادخلتش عندها ظروف

تقدر تسجل العام الجاي في نفس التخصص و الجامعة او ماذا

سجلت من قبل او مسجلتش؟وان كان نعم واش من تخصص دارت

[feriel farawla]

سجلت من قبل او مسجلتش؟وان كان نعم واش من تخصص دارت

راحت تسجل مرة وحدا يعني بعد ما ظهرو نتائج التوجيه من بعد ما راحتش في سبتمبر
تخصص st

[سطايفية بكل فخر]

اوكي اادا لما تحب تروح تقرا العام الجاي عليها دير اعادة ادماج وانش اء الله يوافقولها عليها
هوما جينيرالمون يشيطو الطالب شوية ومن بعد يوافقولو
ربي يفك عليها ضيقة ظروفها

[amine9mm]

ملف تجديد المنحة للطلبة القدامى:

نسخة طبق الأصل من شهادة النجاح للسنة الدراسية الحالية-

نسخة طبق الأصل من كشف النقاط-

شهادة عدم الإخضاع للضرائب للوالدين الأب والأم-

شهادة إثبات الدخل للوالدين غير الموظفين التقاعد، المنحة-

إعلام ضريبي للأولياء غير الموظفين (تجار، مهن حرة) و شهادة عدم الإخضاع للضرائب-

شهادة عدم العمل صادرة من البلدية-

شهادة الوفاة أو الطلاق للأولياء المتواجدين في هذه الوضعية-


واشنوا هذي شهادة النجاخ فهموني ربي يجازيكم

[سطايفية بكل فخر]

ملف تجديد المنحة للطلبة القدامى:

نسخة طبق الأصل من شهادة النجاح للسنة الدراسية الحالية-

نسخة طبق الأصل من كشف النقاط-

شهادة عدم الإخضاع للضرائب للوالدين الأب والأم-

شهادة إثبات الدخل للوالدين غير الموظفين التقاعد، المنحة-

إعلام ضريبي للأولياء غير الموظفين (تجار، مهن حرة) و شهادة عدم الإخضاع للضرائب-

شهادة عدم العمل صادرة من البلدية-

شهادة الوفاة أو الطلاق للأولياء المتواجدين في هذه الوضعية-


واشنوا هذي شهادة النجاخ فهموني ربي يجازيكم
الرولفي دنوت اخي
البيلتان تاع العام لي قريتو
ربي يوفقك

[amine9mm]

وكشف النفاط تاع الباكابوريا !!!!!!!!!!!!!!!!!

[سطايفية بكل فخر]

لا ماشي تاع الباك تاع العام الجامعي
قةلي انت اخي جديد في الجامعة ولا سنة ثانية
ادا كنت جديد شوف الملف الخاص بالجدد
وادا سنة ثانية مدلهم كشف السنة الاولى

[amine9mm]

نسخة طبق الاصل من شهادة النجاح قولتلي رولوفي نتاع السداسين هذب فهمتها
نسخة طبق الاصل من كشف النقاط رولوفي تاني
ههههه مافهمت والوا

انا سنة تانية

[سطايفية بكل فخر]

الان فهمتك اخي
وحدة راهي الرولفي دونوت والاخرى هي شهادة تسجيل في السنة الثانية رايحة نبدل الكلمة باش متوقعوش في لبس
شكرا لتنبيهي

[amine9mm]

هنا اتصحت الفكرة

[amine9mm]

شكرا لكي احتاه

[تسهيل]

السلام عليكم
انا نجحت الى السنة الثالثة فرنسية لكن للاسف ولظروف خاصة تاخرت عن التسجيل فلم يقبلوني وقال لي العام الجاي ان شاء الله,,هدا الكلام سنة 2009_2010 لكن لما رجعت العام لي وراه فالي خلاص ماعندكش الحق في التسجيل’’واليوم بعد مرور 4سنوات اريد متابعة دراستي
من فضلكم ساعدوني وانصحوني لاني ضيعت مستقبلي ومابقالي غير سنة فقط..ماهو وضعي القانوني ومادا يجب ان افعل من فضلك

[سطايفية بكل فخر]

السلام عليكم
انا نجحت الى السنة الثالثة فرنسية لكن للاسف ولظروف خاصة تاخرت عن التسجيل فلم يقبلوني وقال لي العام الجاي ان شاء الله,,هدا الكلام سنة 2009_2010 لكن لما رجعت العام لي وراه فالي خلاص ماعندكش الحق في التسجيل’’واليوم بعد مرور 4سنوات اريد متابعة دراستي
من فضلكم ساعدوني وانصحوني لاني ضيعت مستقبلي ومابقالي غير سنة فقط..ماهو وضعي القانوني ومادا يجب ان افعل من فضلك

اول غلطة درتها هي سكوتك عن حقك في اول عام كان ممكن تقدم مبرر تاخر عن التسجيل وكنت رايح تسجل عادي وكون راك كملت
ثاني خطا درتو انو سمحت في حقك في الدراسة وموقفتش في وجهم وقلتلهم مدولي القانون لي يمنعني
يعني اخي راهم كلحوك لانهم مش حابين يكسرو روسهم في الخدمة
لي فات مات وان شاء الله تتعلم من هدي القصة في حياتك
+
ياريتك جيتني في اوائل سبتمبر كون راك دخلت تقرا هدا العام
الان فترة اعادة الادماج راهم غلقوها للاسف
اخي حالتك بسيطة وهوما عقدوهالكا حسبنا الله ونعم الوكيل فيهم
يكفي انكم دير اعادة ادماج وتولي تقرا عادي وملف الاعادة تاع الادماج راهو في اول الصفحة
اخي انا وشا نقلك حاول دير اعادة ادماج هدا العام روح حاولهم بلاك يقبلولك وان كنت لا اعتقد هوما اصلا ليكيداوك من 4 سنين
وان لم تنجح العام الجاي وفي اول سبتمر اقفز وحل مشكلتك ورجع تقرا
وربي يوفقك اخي وحسبي الله ونعم الوكيل فلي دمرلك مستقبلك
+
قولي واش من تخصص كنت تقرا

[تسهيل]

اول غلطة درتها هي سكوتك عن حقك في اول عام كان ممكن تقدم مبرر تاخر عن التسجيل وكنت رايح تسجل عادي وكون راك كملت
ثاني خطا درتو انو سمحت في حقك في الدراسة وموقفتش في وجهم وقلتلهم مدولي القانون لي يمنعني
يعني اخي راهم كلحوك لانهم مش حابين يكسرو روسهم في الخدمة
لي فات مات وان شاء الله تتعلم من هدي القصة في حياتك
+
ياريتك جيتني في اوائل سبتمبر كون راك دخلت تقرا هدا العام
الان فترة اعادة الادماج راهم غلقوها للاسف
اخي حالتك بسيطة وهوما عقدوهالكا حسبنا الله ونعم الوكيل فيهم
يكفي انكم دير اعادة ادماج وتولي تقرا عادي وملف الاعادة تاع الادماج راهو في اول الصفحة
اخي انا وشا نقلك حاول دير اعادة ادماج هدا العام روح حاولهم بلاك يقبلولك وان كنت لا اعتقد هوما اصلا ليكيداوك من 4 سنين
وان لم تنجح العام الجاي وفي اول سبتمر اقفز وحل مشكلتك ورجع تقرا
وربي يوفقك اخي وحسبي الله ونعم الوكيل فلي دمرلك مستقبلك
+
قولي واش من تخصص كنت تقرا

اولا اختي بارك الله فيك على الاجابة,,اما بخصوص الخطا الاول انا اعترف بدلك’لكن والله الظروف اقوى مني,حتى انه كي قالي ارواح العام الجاي ماريكلاميتش
لاني كنت في حالة نفسية سيئة وظننت انها فرصة من اجل اخد قسط من الراحة لمدة سنة لاني كنت في حاجة لدلك,لكن لما رفضوني العام لي وراه صارتلي صدمة وماكنتش حاط في راسي بلي يبدلو الهدرة نتاعهم بسهولة بويسك كي قابلتو قالي لالا ماقلتلكش,,نزيد نقلك مشكلتنا نحن بصفة عامة جاهلين للقوانين
ممكن حارس باب يتمسخر بيك وانت تتبعو وقانع بروحك,انا والله كرهت حاب نرجع نقرا لكن ماعلاباليش كيفاش’وش رايك كون نحط محامي ونرفع قضية والا الامور رح تتعقد اكثر؟ اخيرا نقلك العاك لي فات كنت قادر نسجل لكن موظف طلب مني رشوة وانا رفضت ووكلت ربي لله,كيما قلتي لنتي هي ساهلة وهوما صعبوها,,ماعلاباليش وش ندير

[سطايفية بكل فخر]

اولا اختي بارك الله فيك على الاجابة,,اما بخصوص الخطا الاول انا اعترف بدلك’لكن والله الظروف اقوى مني,حتى انه كي قالي ارواح العام الجاي ماريكلاميتش
لاني كنت في حالة نفسية سيئة وظننت انها فرصة من اجل اخد قسط من الراحة لمدة سنة لاني كنت في حاجة لدلك,لكن لما رفضوني العام لي وراه صارتلي صدمة وماكنتش حاط في راسي بلي يبدلو الهدرة نتاعهم بسهولة بويسك كي قابلتو قالي لالا ماقلتلكش,,نزيد نقلك مشكلتنا نحن بصفة عامة جاهلين للقوانين
ممكن حارس باب يتمسخر بيك وانت تتبعو وقانع بروحك,انا والله كرهت حاب نرجع نقرا لكن ماعلاباليش كيفاش’وش رايك كون نحط محامي ونرفع قضية والا الامور رح تتعقد اكثر؟ اخيرا نقلك العاك لي فات كنت قادر نسجل لكن موظف طلب مني رشوة وانا رفضت ووكلت ربي لله,كيما قلتي لنتي هي ساهلة وهوما صعبوها,,ماعلاباليش وش ندير

فعلا جل الطلبة يجهلون القوانين رغم انها معلقة في الجامعات السبب اننا نمر عليها ولا نقرؤها
+
القضية لن تنفعك لعدة اسباب الاول القانون لا يحمي المغفلين وانت قلتها حنا منعرفوش القوانين
الثاني معندكش دليل قادرين ينكرو عادي
الثالث المعريفة ورايحين يوقفو مع موظف الجامعة رانا في الجزائر متنساش
الرابع حتى لو ربحت القضية رايحين يسابوطيوك في الجامعة ويشريوهالك في الادارة
راني قتلك اخي حاول دير طلب اعادة ادماج هدا العام بلاك يحن قلبهم
وادا لالا ديرو العام الجاي وادا محبوش يحكموه عليك هددهم بلي رايح تطلع للرئاسة الجامعة وتشتكيهم ورايحين يقبلوه لانهم يخافو على بلايصهم
+
قلي انا واش تقرا واش من جامعة

[تسهيل]

فعلا جل الطلبة يجهلون القوانين رغم انها معلقة في الجامعات السبب اننا نمر عليها ولا نقرؤها
+
القضية لن تنفعك لعدة اسباب الاول القانون لا يحمي المغفلين وانت قلتها حنا منعرفوش القوانين
الثاني معندكش دليل قادرين ينكرو عادي
الثالث المعريفة ورايحين يوقفو مع موظف الجامعة رانا في الجزائر متنساش
الرابع حتى لو ربحت القضية رايحين يسابوطيوك في الجامعة ويشريوهالك في الادارة
راني قتلك اخي حاول دير طلب اعادة ادماج هدا العام بلاك يحن قلبهم
وادا لالا ديرو العام الجاي وادا محبوش يحكموه عليك هددهم بلي رايح تطلع للرئاسة الجامعة وتشتكيهم ورايحين يقبلوه لانهم يخافو على بلايصهم
+
قلي انا واش تقرا واش من جامعة

السلام عليكم
انا كنت نقرا في كلية الهندسة بقسنطينة
انتي راكي تقولي دير اعادة ادماج,,لكن الان مرت 4سنوات هل تبقى البكالوريا سارية المفعول؟ لاني سمعت انو ادا مرت 3سنوات خلاص ام انه لاياخد بعين الاعتبار السنوات لي ماقريتهاش.؟,وادا رجعت نكمل نقرا السنة الاخيرة فقط؟
مشكووورة اختي

[سطايفية بكل فخر]

السلام عليكم
انا كنت نقرا في كلية الهندسة بقسنطينة
انتي راكي تقولي دير اعادة ادماج,,لكن الان مرت 4سنوات هل تبقى البكالوريا سارية المفعول؟ لاني سمعت انو ادا مرت 3سنوات خلاص ام انه لاياخد بعين الاعتبار السنوات لي ماقريتهاش.؟,وادا رجعت نكمل نقرا السنة الاخيرة فقط؟
مشكووورة اختي

نعم اخي راهي سارية المفعول ناس راهي سجلت بكالوريا تاع سبعينات
+
وين حبست تكمل لانك خرجت هدوك لعوام
وادا كنت كلاسيك رايحين يرجعون ل م د
بالتوفيق

[تسهيل]

نعم اخي راهي سارية المفعول ناس راهي سجلت بكالوريا تاع سبعينات
+
وين حبست تكمل لانك خرجت هدوك لعوام
وادا كنت كلاسيك رايحين يرجعون ل م د
بالتوفيق

اوك بارك الله فيك هكدا باش نعرف نحكي معااهم
شكرا

[سطايفية بكل فخر]

العفو اخي واجبنا
ربي يسهلك امورك

[HOUARI.A]

بارك الله فييييك



شكرا جزيلا

[mira aissani]

السلام عليكم ورحمة الله وبركاته انا عضوة جديدة في هذا المنتدى
ارجوا ان تفيدوني في نموذج لطلب خطي الخاص بالعودة من العطلة الأكاديمية
ارجووووا الرد

[mira aissani]

السلام عليكم
انا اريد نموذج لطلب خطي خاص بالعودة من العطلة الأكاديمية
ممكن المساعدة

شكرا

[بدر الصافي]

بالنسبة للأشخاص الذين لهم وظائف هل يكونون ملف للضمان الإجتماعي؟
لأنهم مؤمنين أصلا
شكرا لكم