مشكلتي مع الجزائريات

[مشكلتي]

مابهن الكثير من الجزائريات تجدهن يحبو يتزوجو لكن لما يطلبهم رجل للحلال تجدهن مايقبلوش ويتكبرو ويبحثو عن العلاقات العاطفية من رجل لرجل وعن من يتلاعب بهن ويعشقو في السيارات وجرائم اخلاقية يرتكبونها في الجامعات وداخل محلات بيع الملابس النسائية مع اصحاب المحلات وشاهدت عشرات الحالات امامي والناس تحكي لي

حتى فتيات الحي مثلا اجدهن قمة في الاخلاق والتدين لكن لما اجدهن في مكان اخر بعيد عن الحي اتفاجئ

خاصة بعدما علمت ان فتاة منقبة وملتزمة اوصلها ابوها الملتزم صباحا بسيارته الى الحرم الجامعي اين تدرس وتقيم اقامة داخلية ولما ابوها الملتزم غادر بسيارته قامت بنزع النقاب والجلباب امام اعين الطلبة ووضعته في كيس بلاستيكي وكانت لابسة تحت النقاب (بودي ضيق وسروال جينز ضيق ) اصابني الدهول والفزع وفقدت الامل وكرهت جنس المراة واصبحت لا اثق في اي احد

اصبحت عندي عقدة من الجزائريات لهدا بدات بالبحث عن زوجة من بلد شقيق رغم اني شاب خلوق جدا جدا ومتدين وميسور ووسيم لكن لا احب ان اكون حمار واتزوج مع فتاة اقامة علاقات عاطفية ولما ملت ارادت تتزوج بي من اجل مصلحتها ثم تقول لي انت اول واحد عرفته

هل انا مخطئ ؟ ام هدا حقي وبمادا تنصحونني رغم اني اعرف ان الجزائر مليانه بالطيبات لكن لا تلمونني لاني اصبحت معقد

[basma09]

يا اخي نعل بليس كيفاش هاذا كرهت الجزائريات و امك اللي جابتك ماراهيش جزائرية مثلا و جداك اللي جابت باباك ماشي جزائرية و اختك و وو و
ماتقولش هاكذا و زيد واش الجزائريات فيهم امل هاذو الصفات و البلدان الاخري لا يعني نتا تحوس تتزوج بوحدة من بلد شقيق لانو خيرن الجزائرية و عفيفة عليها و الله حيرني امرك يا اخي ا
يعني هو صحيح واش حكيت كاين بنات منافقات يعني تشوفهم حاجة و مبعد يخرجو حاجة اخري
بصح ما تنساش تاني بلي كاين بنات شريفات و عفيفات و في كل مكان كاين المليح و الدوني يعني مام فالبلد الشقيق اللي حاب تتزوج ببنت من بناتهم تان كاين المليح و الدوني
انا ننصحك نقلك حوس فالاماكن الصحيحة ماشي تروح لبلاص باين واش فيه و تحوس علي بنت فاميليا فيه
ونزيد نقلك حاجة ربي يقول الطيبون للطيبات و اذا كنت انت انسان متدين و اصلك طيب اكيد اتكل علي الله و صلي صلاة الاستخارة و اقصد اي بنت تعجبك لانو الله اكيد راح يعطيك علي حساب نيتك و قلبك
الله يهني بالك و يرزقك ربي بزوجة تكون بنت فاميليا جزائرية او غير جزائرية المهم مسلمة تصونلك بيتك ان شاء الله

[JACKLINNE]

اخي مشي الناس كامل كيف كيف اذا وحدة دارت حاجة مشي مليحة مايعنيش بنات الناس كامل هاكا كانو بنات الفاميليا متربيات وقاريات وزينات ......

[imane bela]

mathabouch tedou wahda ta9adrou ta3arfou le passé ta3ha
thabou tedou eli el passé ta3ha mejhoul
khouya méme loukan tedi wahda machi bent bladek mahach tkoun sur beli machi kima bent bladek
w zid 9alouha nass zman makach chejra ma hezhach erih
w madabik ma t9olch kamel enass kif kif mazal kayen wlad w bnat elfamillia
w dir fi balek beli 3andek okhtek w ila makach ydji nhar tkoun 3andek bentek w sur rayha tkoun djazairiya
rebi yahdik

[النجمة القطبية]

حتى انا حايرة من الرجال الجزئريين منين يجيبو هاذو الاخبار وكامل الناس عندهم واحد:confused:
انا سؤال واحد يدور فى عقلي معندكمش اخوات معندكمش امهات معندكمش بنات خالات وعمات وخالات وعمات وو قولو مالا كيف هي سيرتهن
الانسان اللي يوكل امورو لله سبحانه وتعالى عمروا ولا يخاف لكن انتوما عمركم ما سالتكم انفسكم لما انعدمت الثقة من قلوبكم وليتو خايفين هكا :rolleyes: اكاد اجزم ان الجميع يعلم السبب والجواب حتى صاحب الموضوع
موفق

[مرايا الطلاب]

أصابعك ليست سواسية

كدلك النساء

توجد الكثيرات ممن يردن السترة لا غير

لا تحكم عليهن بسبب البعض منهن

[بلسم غرام2018]

مابهن الكثير من الجزائريات تجدهن يحبو يتزوجو لكن لما يطلبهم رجل للحلال تجدهن مايقبلوش ويتكبرو ويبحثو عن العلاقات العاطفية من رجل لرجل وعن من يتلاعب بهن ويعشقو في السيارات وجرائم اخلاقية يرتكبونها في الجامعات وداخل محلات بيع الملابس النسائية مع اصحاب المحلات وشاهدت عشرات الحالات امامي والناس تحكي لي

حتى فتيات الحي مثلا اجدهن قمة في الاخلاق والتدين لكن لما اجدهن في مكان اخر بعيد عن الحي اتفاجئ

خاصة بعدما علمت ان فتاة منقبة وملتزمة اوصلها ابوها الملتزم صباحا بسيارته الى الحرم الجامعي اين تدرس وتقيم اقامة داخلية ولما ابوها الملتزم غادر بسيارته قامت بنزع النقاب والجلباب امام اعين الطلبة ووضعته في كيس بلاستيكي وكانت لابسة تحت النقاب (بودي ضيق وسروال جينز ضيق ) اصابني الدهول والفزع وفقدت الامل وكرهت جنس المراة واصبحت لا اثق في اي احد

اصبحت عندي عقدة من الجزائريات لهدا بدات بالبحث عن زوجة من بلد شقيق رغم اني شاب خلوق جدا جدا ومتدين وميسور ووسيم لكن لا احب ان اكون حمار واتزوج مع فتاة اقامة علاقات عاطفية ولما ملت ارادت تتزوج بي من اجل مصلحتها ثم تقول لي انت اول واحد عرفته

هل انا مخطئ ؟ ام هدا حقي وبمادا تنصحونني رغم اني اعرف ان الجزائر مليانه بالطيبات لكن لا تلمونني لاني اصبحت معقد

اخي نعم عندك حق كاين المنافقات وكاين ربي يهدي
بصح صباع يديك مش كيفكيف فتش تلقى العفيفه الطاهرة والحمد لله
اما تقول تعقدت وبلد شقيق وش دراك حتى لو اديتاها من بلد شقيق انها مدرتش ولا مدرتش لانوا الناس عادت تخبي يقولك ادي وخلاص
والجزائريات وفي جميع الولايات فيهم وعليهم
وربي يرزقك الزوجه الصالحه اخي
وتذكر من ستر على مسلم في الذنيا ستره الله في الاخر
ومن رد عن عرض اخيه ارد الله عن وجهه يوم القيامه
فلا تتكلم عن اي فتاه مهما فعلت فلندع الخالق هو من يحاسب
وندعولهم بالهدايه والمغفرة
اما انك قلت تكون مغفل وتقلك انت اول واحد في حياتي
فالطيبون للطيبات
والي مكتبتلك ظرك تداها متعمرش راسك وتعقد روحك حتى تولي توسوس وتولي حاله نفسيه

[kmilya]

ههههههههه مازلت برك ماطحتش في وحدة مليحة هداك لي راك تشوف فيه كامل رانانشوفو فيه
مي كاين الملاح برك مازال ماعقبتش عليك ان شاء الله تلقى بنت الحلال لي تحوس عليها

[biti]

زعما لي ماشي جزائرية قمة في الاخلاق و العغة والادب ربي يهديك برك

[نورالهدى بيولوجيست]

نتوما الرجال حايرين مننا و احنا النسا حايرين في اختياراتكم بالصح صدقني ماتحكمش على البنات كامل الحمدلله مازالوا كاين المتربيات و كاين بنات الصيل بالصح مشكلتكم انكم تحوسوا فالشارع عليهم و ثم مايبانوش انا نقول ادي راي امك و اختك النسا تعرفها النسا و هما يعطوك الرأي و طبعا الموفق الله تعالى شكون قالك بنات البلد الشقيق هما العفيفات؟ادعي و توكل على ربي و استخير كي تلقى وحدة و ربي هو الموفق سبحانه و تعالى

[wafa16]

ida massebtch tefla mli7a machi ma3naha anou bnat bladek machi mla7
nta rak t7awess f almakan al khataa
chouf m3a yemak w oukhtek
w kima 9alet al okht li 9abli
rjal ta3ref rjal w nssa ta3ref nssa
w f bouldan cha9i9a rah sari la3jeb kter men 3adna
rabi m3ak

[baalache]

نحن نعلم انه فيه الصالحات والخبيثات لكن كي جي تحوس تتزوج تصيب زبد البحر فقط الندرة في الكثرة

[علياء]

مادام ختمت موضوعك بان الجزائر فيها الطيبات لماذا نظرت الى الجهة الاخرى وجود فتيات غير خلوقات وهي في كل بلد موجودة ليس في الجزائر فحسب


ثانيا الرجال وهي موضة الان اصبحو يتزوجو من خارج البلاد زوجات مستوردات :1:



والا كانت بنفس الخلق السيء الذي وجته في الجزائرية ستشفع لها كونها غير جزائري وكلفتك الكثير ربما كي تحوس تنفصل عنها تجدها ستكلفك الكثير ماديا والا ربما تقول خرجو فيا بنات بلادي


الجزائريات حرات وملاح غير نتا منعرف وين رحت وماراكش عارف تحوس

[أمة الله 12]

و الله اللي يقرا مشكلتك يقول خطبتي 20مليون جزائرية,

خويا زين نيتك, ان شاء الله ما يكون غير الخير

[سوسو92]

خويا ماتعمر راسك كاين المليح وبنات الفامليا

[أيادي الأمل]

نتا راك عايش في الجزائر وراك شايف حال الأغلبية تاع البنات كيفاش عاملين،
يعني لي تبان مأدبة و عفيفة على حد قولك في مكان آخر تلقاها انسان آخر ..

وحبيت تبحث في بلد آخر لي ماتعرفو ماتعرف واش راه صاري فيه لا والو ،
قادر طيح في نفس الحالة و ربما اكثر





و من فضلك ليست الجزائريات كلهن كبنات حيك او اللواتي صادفت،
نظن راك عايش في ولاية واحدة ؟ و الجزائريات موزعين على 48 ولاية
صح الاغلبيةنفس الحالة لكن باش تعمم لاا


و مهما كان ومهما يكن يبقى الخير دايمن كاين و بنات جزائريات ذوات أصل ودين وعفة و أدب لازالوا موجودين ،
و إذا كنت فعلا خلوق و ذا دين كما قلت فحتما سيلاقيك الله بمن هي مثلك ماعليك الآ بالدعاء و ما تتقلق ماتخاف ربي ما يظلمش عبادو حاشاااااااه

[سيدة القصر الهام]

المنافقات وين تروح تلقاهم حتى فوقت الرسول و هذا لباء بلانا بيه ربي

استهدي بالرحمن و توكل على ربي ، الطيبون للطيبات

يعني اكيد كاين بنات فاميليا و الحمد لله ما لعبوا ما تمسخروا آو ظهرو كل مايسواوش لا اسمحلي يا اخي

حاول ديما تستخير الله و ربي يطيحك فبنت الحلال ان شاء الله
اما انك تعمم مش معقول

تروح لمصر تونس سوريا منين تروح كاين فيهم و عليهم بديهية

الا لاكان حاب تديها سبنيولية هههههه

ربي يفرحك خويا و ان شاء الله خير

[AMINA.Z]

عادي واش راهو صاير معاك راهو صاير مع الجزائريات

حتى ولاد الفميليا اللي خاطيهم اللعب و البننات و العلاقات نادرييييين

المهم ربي يسهل ان شاء الله

[naamane3]

يا حبيبي هاذو مدمنين مسلسلات
ما فيهمش فايدة

[رحمة من المولى]

ادعي ربي بالزوجة الصالحة سواء جزائرية و لا هندية صلي استخارة في الامراة التي ناوي ترتبط بها ايلا راك طيب ربي يبعد عليك الخبيثة فالطيب للطيبة و الخبيثة للخبيث
تقبل مروري اخي

[dznina]

wlh c vrai ana m3ak f wach rak tgoul laméééééééééééééééééééééééééél mé n8altték f 7aja mach nass kamél kif kif , personnelment , nja7t f bac had l3aaaam w ra7t l la fac nsajal vraiment 7art w tblokiiiit w kraht l9raya malgré ani tafla nchouf f bnééét allah yahdihoum la tarbiya la din labssa mafdo7a garou .................................... wlh l3adiiiiim r7a nahbééééél koun lgit kifah n7abass . ana 7md ya rabbi manich men bnéét li dayrin rayhom kayén baba kayén khjouya impossible nhabtalhom rasshom gadam ness w brabi ndir ghir li yfara7hom
rabbi ysahalék khouya w talga bent l7léééééél li kima t7ab nta w rabbi yastar kamal bnéét lmoumniiin

[sali-sali]

السلام عليكم

ان شاهدت تلك المنقبة بعينك فلك حق الحديث...اما انك سمعت او قيل لك دلك امر اخر

بالنسبة ان تتزوج من بلد اخر..اتعتقد ان بناتهن كلهن بنات ما شاء الله قمة في الاخلاق؟؟

+ في كل مكان كاين القبيح و المليح
لاتاخذ تلك النظرة على الكل

فحتى الرجال فيهم من يصلح او لا

الطيبون للطيبات .......

ربي يرزقك الزوجة الصالحة