اررجوكم انا بحاجة لكم

[مشكلتي]

سلام عليكم ورحمة الله



انا شابة ابلغ من العمر 20 سنة ادرس في الجامعة متحجبة عارفة بامور الله اخشى والدي كما اني حريصة على كرامته


لم يجد ر بي الخطا وفي يوم من الايام كانت ابنت خالتي تنعتني اني جريئة ومحبوبة وبقيت ورائي حتى ادخلتني


في دوامتها التي صرت اسيرة لها لا استطيع الخروج قالت لي تحدثي مع الشباب فالحديث لا يدي ولا يجيب


فصرت مدمنة الحديث في الهاتف وبعدما سمعت كلام الناس عني صرت يائسة بدا شعري يسقط كيف افعل هدا وهو محرم

كيف ادوس على كرامت والدي و بقيت اسيرة هدا التفكير فبقيت عام على هدا النحو لكن هل سيقبل الله توبتي

ضميري يانبني كلما نظرت الى والدي لا اريد العودة الى ما كنت عليه كيف اتعامل مع ابنت خالتي فهي مزالت تتحدث الى الشباب ارجوكم ساعدوني

[أيادي الأمل]

دآآئما ربي سبحانه يستثني عند حديثه عن العذاب " إلآ الذين تــآبوآ و أصلحوآ .. "

عليك بالتوبة النصوح = الندم + تعزمي انك لن تعودي + تكثري من الصالحات
و ربي ان شاء الله يتوب عليك و يقبلك

بالنسبة لبنت خالتك مادامو ربي فضلك على كثير من البنات و هداك قبل فوات الاوآن ،
كلميها قوليلها بلي ما نفعله حرام قبل كل شيء و ثانيا هؤلاء الشباب اللذين تكلمينهم راهم يلعبوا بييك بالمجــآآن !
ربي كرمك و خلاك عزيزة امرك بالحجاب باش واحد ما يشوفك غير لي يستاهلك،
منعك من الحديث الى الاجانب حتى ماتسمعيش كلام يحزنك و يؤلمك و يجرحك من بعد ي لانو اعلم بطبيعتك و انو تفكيرك معظمه عاطفي و لذلك قادرة تنخدعي بسهولة ،
ربي جعلك كالملكة واحد ما يقرب منها غير لي يستاهل ،
حسبتي نهاك عن الحديث اليهم غير هكاك ؟ حاشاه هو ادرى بما في قلوب هؤلاء و معظم شباب اليوم،
يبحثون عمن تقدم التساهلات باش يدو حاجتهم و يرموها كي العادة و يحوسوا على واحدوخرة و الخاسر الآخير و الوحيد هو انت ،
بهاذ الطريقة راكي تقدمي نفسك لي يستاهل و لي ما يستاهلش و قادرة بعيد الشر طيحي مع انسان ما يخافش ربي قادر يسجل مكلماتك و يهددك بيها من بعد بعييييد الشر
و تذكري بلي البنت هي شرف العائلة لذلك عليها ان تحافظ على شرفها و سمعتها جيدآآ

راكي شفتي واش يهدروا الناس ،و الناس ما ترحمش

و ثالثا تفكري والديك لي وضعوا فيك ثقتهم و انت تخونيهم من ورآء ظهرهم،

انصحيها و ذكريها داائما و قوليلها بلي انا مانزيدش نتبعك رايحة نحبس هاذ الامر ،
ماتعانديهاش و ابقاي تنصحيها دايمن

و بالنسبة لوالديك بما انك خنتيهم بالغيب حاولي ديري فيهم الخير بالغيب،
كثري من الدعاء لهم و حاولي تخدميهم و طيعيهم قد ما تقدري،
و نفس الشيء بالنسبة لربي سبحانه بما انك عصيتيه خفية حاولي تتقربي اليه خفية، خصصي طاعات تديريها بينك و بينو فقط لا يعلمها احد ،
نعرف واحدة أخطأت و كانت لها علاقة مع شاب بعد توبتها نذرت لله انها تصلي قيام الليل بعدد الايام و السنوات لي تحدثت فيها مع الشاب توبة لله

و ربي يتوب عليك و علينا ان شاء الله
و يهدي قريبتك و يهدينا اجمعيين

[نورالهدى بيولوجيست]

يا أختي انا اعرف الكثيرات ممن هن في حالتك و للاسف نعرف وحدة مخطوبة و تليفونها لا يكف عن الرن و تتكلم مع من هب و دب و في كل المواضيع !!!!!!!!!! يا وخيتي هذا راه مرض و لازم تكوني طبيبة روحك و تتغلبي عليه و انصحك ب:

1-الاستغناء عن الهاتف و هي اصعب خطوة و اهمها

2- الصلاة ثم الصلاة و محاولة المحافظة على الاوقات قدر الامكان

3-الدعااااااااااااء و الله صدقيني عن تجربة الدعاء يجبد من المووووووووت و التوبة لان الله غفور رحيم اذا كنتي صادقة و نادمة(و هذا ما التمسته من موضوعك)

4- الابتعاد عن رفقة السوء مهما كانت حتى لو اختك ابتعدي عنها

5- الالتهاء بالدراسة و بهوايات اخرى اخر حاجة ادخلي الكوزينة مع امك و تعلمي و تمكني منها مليح

يا و خيتي راكي صغيرة ماتلعبيش بروحك (من شب على شئ شاب عليه) و انقذي نفسك من مستقبل مجهول قبل فوات الاوان لانو اللي توالف بهدرة الرجال مايقنعهاش راجل واحد حتى لو حاولت

دعائي ليك ربي يوفقك و يشفيك و يبعد عليك ولاد الحرام

[naamane3]

بسيط امرك جدا
اقطعي كل ما فات وعودي الى ربك
واستغفريه كثيرا وان شاء الله ينصلح حالك

[ريتان]

احمدي ربي كي ورالك طريق الصح

تووووووووبي الى الله واكيد ربي راح يفرح بتوبتك يا اخيتي

اكثري من الاستغفار

[عائشة عطر الجنة]

سلام الله عليك

اعرف ان الهاتف فيروس فحاولي التخلص منه


وصلي لله وتوبي وربي معاك نشالله

[عائشة عطر الجنة]

ربي يكون معاك خيتي ويهدينا ويهديك

[KARIMA.HOPE]

اختي انت انسانة و لازم نطيحو في خطأ بصح هذا ما يمنعش من تصحيحه و ما نبقاوش على ذاك خطأ انت تعلمتي منو و دوكا لازمك توبي و تصلي و تدعي ربي يهدينا كامل و مهم هذا درس اديتيه باش تتعلمي منو و تعلميه لاولادك في مستقبل ما يطيحوش فيه اتمنى لك توفيق
لا تسي ان الله قريب يجيب دعوة الاناس مهما كان ذنبه

[sali-sali]

السلام عليكم

خمي في الموضوع بكل بساطة و لا تعقديه

انتي تعرفين ان ماتفعلينه غير مقبول ابدا ...واعتقد انك تتحدثين في الهاتف لااعرف مع من و لكن غير مقتنعة
لدا بكل بساطة و ارادة تخلي عن هاته العادة السيئة وحاولي تنصحي ابنة خالتك هاته ..وان لم تستمع اليك فابتعدي عنها افضل
وكدلك انتي كبيرة و بنت خالتك لا تتحكم بك...لدا قبل ان تلوميها لومي نفسك ..لانك اعطيتها حق التدخل لتصبحي مثلها

ربي يهديكم