على وشك فسخ خطبتي

[مشكلتي]

بدون اطالة هذه هي مشكلتي
نعم هي امي دائما تتعمد اهانة وسب خطيبي رغم انه لم يفعل شيئا
في الخطوبة لم يشترط اهلي شيئا قالوا نشرطوا الهنا وقاتلي الشيء اللي يجيبوه اقبلي بيه منديرواش مشكل مع العلم انه قدملي شرط 15 مليون وجابلي العيد والهدايا والحمد لله مقدرني امي لم يعجبها كل هذا وتتحجج انهم بخلاء خاصة امه واخته اللي في العيد ماجابولي والوا هو فقط من احصر لي هدايا انا حرت واش نديرلها تقولي هدرة ومن بعد تولي تشتم وتعاير في واش جابوا بالعكس هي مع خطيبي ناس ملاح بصح معايا مشربتني المرار مع اهله متقول والوا ومعايا يقرب يشيب راسي ودائما تذكرني انني احسن منه في المظهر وهذا لا يهمني لانني لم اختره من اجل ذلك بل من اجل انه راجل كي حبني جا للدار مباشرة
تقول اشياء لم تحصل مثلا انا اختي طبيبة وانا اللي حاكمتلها العيادة قاتلي علاش ميخليكش تخدمي وهو لم يقل شيئا بالعكس راني نخدم مع اختي ولست في مكان او عمل غير مناسب ومؤخرا اصبحت تقولي ردي بالك علة نقودك يعود من بعد يديلك شهريتك الخ الخ ؟؟؟؟؟؟؟ راسي سينفجر
وآخر حاجة اللي طيرتلي عقلي واصابني انهيار باش تقنعني باللي الرجال ماهمش امان ولازم ناخذ حذري جابتلي حكاية انها سمعت زوج نسا يحكيو على عايلة خطيبي انه ابوه تزوج على امه سابقا وانه امه طيشها باباه وتحكيلي فيها وتقولي خوذي حذرك؟لم اعد اميز بين الصحيح والخطأ دخلني الشك بل راني نخمم نفسخ الخطوبة انتابني الغضب وطلبت منها تحلف على كتاب ربي ان هذا الكلام صحيح وسمعته صح محلفتش وراني متأكدة ان الكلام لا صحة له لانها امي ونعرف اسلوبها
لكني في ضيق كبير ومن قبيل وانا منهارة لم اجد حلا لشكي الذي دخلني ما يحز في نفسي انها قالت لي خوذي حذرك وهي تبتسم منكذبش عليكم موس دخل فيا كيفاش تهدرلي هكدا وهي تبتسم وكانها تقولي اكي رايحة للنار بصح احذري؟
مع انه خطيبي ونعم االناس والاخلاق لم يصدر منه اي عيب خلوق مصلي يخدم متعلم وفوق كل هذا جا للدار من بابها كيفاش تقولي منشرطوش والو وفي نفس الوقت هي ناس ملاح معاه ومعايا تذبحني بكلامها رح ننهار علابالي باللي راهي امي وحاجة متعوضها بصح واش ندير ره نهبل فسرولي هذا راني على وشك نفسخ الخطبة

[123boutheina]

ي الحبيبة من جِدك تفكرين بفسخ الخطبة ؟
وماذا لو افترضنا بعد الزواج لقدر الله كانت هناك مشاكل
وتكلم الناس بما لما تحمله الجُنوب ولم تطقه السواعد
أوَ تطلبين الطلاق ؟
الأولى ان يكون للفعل رد فعل موازيه لا ان يواريه فيغرقه فتطغى كفة عن أخرى

و
أين الخلل ي الحبيبة لو قلتِ او حتى افترضتي ان الوالدة خايفة عليك لدرجة الجنون والهوس
فتواصلين حياتك بكل معايير الراحة (دامك متيقنة من هذا الخطيب ومشطبة اعذار الوالدة )


ضيّقت عليكِ فما احتملتِ !
كلميها او خلي اختك تكلمها بكل لين وانتهى ؛
ما توقفت !
الصبر واحتساب الاجر حتى موعد زفافكِ ؛

و الله يتمم لك بخير
وفقكِ الله

[z.abdo]

ما ديريش عليها المهم انت وخطيبك متهنين

[Some1]

و هو واش ذنبو حتان تفسخي الخطبة ؟ انتي مبقتيش تسمعي لامك راهي غير خايفة عليك و مسوسة ,ياخي راجلك مليح ؟ امالا اصبري عليها حتان تروحي لدارو
بلاك تخربي بيتك بيديك بلعبة

[wafa16]

و حتى اذا القصة صحيحة
واش فيها
هو واش ذنبو اذا كان باباه عود الزواج و رمى يماه
ماتقوليليش حابة تفسخي الخطبة على هاذ السبب
اذا كنتي متاكدة من اخلاقو و متفاهمة معاه ماتسمعيلهاش
لانو في هاد الدنيا واحد ما يشبه لواحد
هو ماشي كيما باباه و انت ماشي كيما يماه
اما على الماديات هوما اعطاوك واش طلبتي طلبتي لهنا و هوما زادو من عندهم اذن مانيش شايفة حتى بخل في الموضوع
بالاك امك تحبك بزاف و ماشي حابة تفارقك و الا عادت تغير من خطيبك و الا شايفاتك خير منو حسب رايها و لهذا حبتلك واحد اخر
و راهي تصيب في الاسباب

[بيت النّسيم]

ي الحبيبة من جِدك تفكرين بفسخ الخطبة ؟
وماذا لو افترضنا بعد الزواج لقدر الله كانت هناك مشاكل
وتكلم الناس بما لما تحمله الجُنوب ولم تطقه السواعد
أوَ تطلبين الطلاق ؟
الأولى ان يكون للفعل رد فعل موازيه لا ان يواريه فيغرقه فتطغى كفة عن أخرى

و
أين الخلل ي الحبيبة لو قلتِ او حتى افترضتي ان الوالدة خايفة عليك لدرجة الجنون والهوس
فتواصلين حياتك بكل معايير الراحة (دامك متيقنة من هذا الخطيب ومشطبة اعذار الوالدة )


ضيّقت عليكِ فما احتملتِ !
كلميها او خلي اختك تكلمها بكل لين وانتهى ؛
ما توقفت !
الصبر واحتساب الاجر حتى موعد زفافكِ ؛

و الله يتمم لك بخير
وفقكِ الله



السّلام عليكم و رحمة الله و بركاته

نعمَ الرّد,, جزاك الله خيرا أختي بثينة
أمّا الأخت صاحبة المشكلة فأنصحك ان لا تتسرّعي
و اعلمي ان هذا بلاء فاصبري و احتسبي

♥وفقك الله يا غالية ♥

[naamane3]

رحم الله تلك الأم التي تأمر ابنتها بطاعة زوجها وتسهيل حياته
استخيري واستغفري الله كثيرا وادعي الله ان يصلح امورك ويهدي أمك

[حضنية28]

فكري جيدا قبل ان تتخذي قرارا قد تندمين عليه طوال حياتك
ثم لماذا تهتمين لكلام الناس من اظاع الناس عاش في هم كبير
احذفي الوساوس من راسك ولا تضلمي زوجك ونفسك بقرار غير صائب

[صالح القسنطيني]

و هن الأمهات يغرن من بناتهن و هن كثيرات لا كثرهن الله

ببساطة تامة أمك تغير منك

و لا تستغربي فهذه حقيقة عقلا و شرعا

فهناك أمهات يغرن من بناتهن

و عليك مع خطيبك بما أمرت شرعا

و كما يجري في لسان عامة ( لي حط أذنه للدود خماج راسو) يعني لكثر يسمع كلام افزدو عليه

[رحمة من المولى]

الله يفرج عليييييييييييييييييييييييييييييييييييييييييييييييي ييك

[بلسم غرام2018]

ى اذا القصة صحيحة
واش فيها
هو واش ذنبو اذا كان باباه عود الزواج و رمى يماه
ماتقوليليش حابة تفسخي الخطبة على هاذ السبب
اذا كنتي متاكدة من اخلاقو و متفاهمة معاه ماتسمعيلهاش
لانو في هاد الدنيا واحد ما يشبه لواحد
هو ماشي كيما باباه و انت ماشي كيما يماه
اما على الماديات هوما اعطاوك واش طلبتي طلبتي لهنا و هوما زادو من عندهم اذن مانيش شايفة حتى بخل في الموضوع
بالاك امك تحبك بزاف و ماشي حابة تفارقك و الا عادت تغير من خطيبك و الا شايفاتك خير منو حسب رايها و لهذا حبتلك واحد اخر
و راهي تصيب في الاسباب

نعم الراي
حبيبتي متعمريش راسك بكلامها خلاص
ونزيدك استخيري الله عز وجل
وتذكري صباعك مش كيفكيف
فلا تزر وزرة وزر اخرى حبيبتي

[didoinps]

امك تحب خطيبك

[نصير24]

يماك تحبك و ماشي عارفى تفسر حبها ليك وليه .

[الاء ام الحسين]

[QUOTE=wafa16;1054294617]و حتى اذا القصة صحيحة
واش فيها
هو واش ذنبو اذا كان باباه عود الزواج و رمى يماه
ماتقوليليش حابة تفسخي الخطبة على هاذ السبب
اذا كنتي متاكدة من اخلاقو و متفاهمة معاه ماتسمعيلهاش
لانو في هاد الدنيا واحد ما يشبه لواحد
هو ماشي كيما باباه و انت ماشي كيما يماه
اما على الماديات هوما اعطاوك واش طلبتي طلبتي لهنا و هوما زادو من عندهم اذن مانيش شايفة حتى بخل في الموضوع
بالاك امك تحبك بزاف و ماشي حابة تفارقك /
السلام عليكم
جزاك الله خيرا على كل كلمة و حبيت نعطيك نصيحة والدتي بعد ما قرات لها المشكلة
استمعي لنصائح امك دون ان تطبيقها و لكن احترميها ربما لا تريد ان تفارقك و هذا حب تملك تعاني منه الكثير من الامهات سواء للبنت او الولد
اما خطيبك ان كان شخص ملتزم ذو اخلاق و دين فلما تفسخي خطبتك بالعكس تمسكي به و خاصة ان والدتك لا تواجهه بكلامه هذا افضل لك و له ، و لا تخبيريه بما تتكلم عليه و على عائلته لكي ينقص احترام لها

نتمنا لك حياة زوجية سعيدة و موفقة باذن الله ،

[محمد جديدي التبسي]

هذا طبع الأمهات وتحب الخير لبنتها لذلك تجدينها موسوسة
تعلمي فن التغابي واللامبالاة مع أمك في هذا الشأن تحديدا بما أنك واثقة من الرجل الذي خطبك أقصد متأكدة من خلقه ودينه
حاولي احتواء أمك لأن اقناعها بعكس ما تقول أقرب للمستحيل فلا تتعبي نفسك في نقاشات وجدالات عقيمة خاصة وأنه يظهر أنك حساسة كثيرا وكل كلمة تدخل لقلبك ولا تخرج بسهولة كوني أوعى وأقوى ولا تسمحي للافكار السيئة أن تدخل قلبك ربي يهنيك ويلهمك الصواب ويهدي والدتك ..

[baalache]

يريد الشيطان ان يفسد فرحتك ويفرق بينك وبين زوجك المستقبلي فلم يجد الا باب من تحبين فاحذري من باب الشيطان

[السيدة كرمين]

اختي يماك خايفة عليك وفي بالها أن قيمتك من قيمت الشئ لي جابوه وهذا ماشي صحيح لأن مهرك ما شاء الله راه بزاف وزيد الهدايا
الراجل دار لي عليه أما انتي إلا حبيتي لهنا كملي معاه خاصة أنك تشكري فيه ،واذا حبيتي المادة افسخي خطبتك
ربي يهديك تزوجت أمهاتنا بخاتم فضة وخلخال وعاشت معززة مكرمة الفايدة فلهنا ماشي في المادة لأن مادومش

[عذراء الجبل18]

hada robama mn chidadt hob omek lik w ghayratha 3la bantha mn rajel li rah ydilha bnyatha

[mereyoucef]

من راي الشخصي اصبري عاى يماك لاخاطر راكي رايحة تتهاناي منها كي تتزوجي بيه اختي اصرالي نفس المشكل نع يما و منبعد هي اتقبلت الامر ولات الان اتحبو و تهدر فيه غير الخير لاخاطر في هادا الوقت الي رانا فيه صعيب اتسيبي وليد فاميليا و انت حرة

[hamza touazi]

ربي يهديك لقيتي راجل وقصدك مباشرة للدار احمدي ربي ونحي الوسواس هدا عليك انعلي بليس

[علياء]

انا مت من الضحك عليك مهبوووووووووولة


مادام امك مع خطيبك مليحة وماسباتو ماوالو هادي حاجة مليحة الخوف كي تكوني انت وهو متفاهمين وعاجبكم الحال وبعدما ماتكون قبلت تبدل رايها وتجرحو بكلام وتخليه هو يفسخ الخطبة ويقول بالناقص منو نسب


كلامها الي مش مليح عليه راهو بيناتكم بين ام وبنتها هي تحاول توقظك وتنصحك مي الله غالب هدا طبعها باين عليها لينار يماك والحرص والخبرة في نفس الوقت


لا تفسخي الخطبة مالو هي عطات ليك كل مايصرا من الرجال وهي عندها حق



الامر يبقى ليك تسمعي وتميزي وتكون يقظة برك


نتمنى لك خطوبة زواج سعيد

[amoula56]

اختي راح تتوحشي يماك بزاف وتتوحشي مضايقتها ليك
حتى انا صرالي نفس الموقف وكنت نعادنها ونزعف منها ومن بعد لقيت جل كلامها وتحذيراتها صحيحة
وهي من وقفت معايا في الاخير
شوفي نقولك الراجل في فترة الخطوب وبعد الزواج ماشي كامل كيف كيف تحسبي انسان اخر تماما لذا امك ماقلتلكش افسخي الخطوبة لكن قالت لك خوذي حذرك وهذا تصرف طبيعي لاي ام تخاف على بنتها فعلا
ربي يوفقك وتهلاي في ميمتك هاد الاشهر اللي مازالو باقينلك عندها
وردي بالك تحكي لخطيبك واش راهو صاري في داركم راح تكون اكبر زلة تتعايري بيها انت عند اول موقف خصام بعد الزواج
ولاتحسبي الزواج حب وعسل واحلام وردية مدى الحياة لالا والله ان الواقع امر اخر كليا

[amoula56]

يماك تحبك و ماشي عارفى تفسر حبها ليك وليه .
احسن استنتاج على الاطلاق اضم رءيي لرئيك

[ام ضياء01]

ازمة وتفوت كوني متاكدة انو بعد الزواج ماعندها ماديراذا كان الزوج كيما تقولي ماتخافيش خليها على ربي وكملي

[HODHOD HADAHID]

ربي يهدينا كامل ويهدي امك

علاه الهدية يجيبها الخطيب ماتجبهاش أمه عند الناش كامل هو يمد الدراهم واخته ولا أمه يشريو هدية للخطيبة باش يجيبوها في العيد فقط