حرت واش ندير معاها [الأرشيف] - منتديات الجلفة لكل الجزائريين و العرب

مشاهدة النسخة كاملة : حرت واش ندير معاها

مشكلتي

2013-09-08, 16:49

السلام عليكم
انا امراة ابلغ من العمر 60سنة في الاشهر الماضية اقمت حفل زفاف ابني مع فتاة ... ولهذه المناسبة قدمت كل مااملك لي ابني وزوجته التي اعتبرها مثل ابني فمر زفاف جميل ......
لكن المشكة انو هذه المراة التي اعتبرتها ابنتي وادخلتها بيتي وضعتها على راسي ماكنتش تمشي بنيتها معانا حيث انها في ليلة العرس اكتشف ابني انها تحمل معها رزمة صيغيرة فيها سينوج وملح وابر و شعر ادعت انها ليست لها ووضعوها لها من اجل العين ... المهم ابني اتصل بي وانا هدئة الامر ولم ارد ان افسد شيء بالاضافة انها اتت بالعادة الشهرية ليلة العرس المهم ابني غير متفاهم معها لايكلمها ولا يعبرها ولايستطيع النظر فيها حتى لانه غير متاكد من نظافتها ....
المهم هذي البنت ماشي كيما الناس عقليتها صفر لاتعرف لاتتكم ولاتهدر تكره الناس كامل تهدر في الناس بشر ماتحب حتى واحد حتى زوجها لاتحبه تحب التدخل في امور الناس وتصنت على الناس كيما يهدرو مع انو نتعاملو معاها بالخير الا انها تهدر فينا بشر بالاضافة انها تكذب تكذب تكذب في كل شي حتى في ابسط الامور منافقة كبيرة تقدر تخرج الاشاعات المهم هيا وسحر وشعودة قصة كبيرة وهي تامن بهذ الشي وامها مشعودة كبيرة ..... ...... الانسانة هذي تقدر دير الشر في الناس عن طريق الشعودة ......... بالاضافة انو واحة المرة عيط نمرو في هتفها القال وكيما هزة عليه ابنتي قالها اتكلمي معايا لاتخافي المهم كيما سالناها قالت الرقم لاختي .... مع استمرار الكذب انا الى حد الان تكلمت معاها وفهمتها وعيتها لكن لاحياة لمن تنادي انا لحد الان لم اقل لابني عن هذه الامور لكي لااكون السبب في افتراقهما وتضييع حياتها وحنا سترناها وهي مازالت تحرجنا وتلوح هدرات لناس ... المهم ابني ماشي سامع بيها وماهوش مقيمها وانا قادرة بنص كلمة تروح لدارها بصح انا نخاف ربي لاني عندي ولياة ومادابيا اذا افترقو ابني ليقرر....
بلامانطول عليكم ساعدوني واعطيولي رايكم جزاكم الله خيراا ..

بيت النّسيم

2013-09-09, 15:09

السّلام عليكم و رحمة الله و بركاته

أعانكم الله
إذا كان الامر تجاوز الكذب و النفاق و وصل إلى الشّعوذة و الشّرك
فلا يجب السّكوت عليه ’’ بل يجب وضع النقاط على الحروف
و الله أعلم

loulou02

2013-09-09, 15:17

و أنت كنت مغمضة كي خطبتيها ، متعرفيش تسقسي عليها وعلى أصلها و فصلها ،
الحل يطلقها و خلاص قبل ما يجو الأولاد و تزيد تتعقد الأمور .

مواطنة

2013-09-09, 15:50

السلام عليكم الاخت الفاضلة
الله يجعل جميع الحماوات مثلك
من وجهة نظري ان تسألي امام او مرشدة المسجد تكون حكيمة افضل و من بعد تقررين
بما ان ولدك من الاول ماراهوش مقتنع بيها لازم انت تشوفي واش راه في نيتو يدير في حكايتها
لانو من المستحيل ان يعيش الانسان في ظروف مماثلة طيلة حياته
عندك الحق ما تطلبيش من وليدك يطلق كوني بعيدة
لكن عليك ان تنبهي كنتك لخطورة تصرفاتها و في نفس الوقت ديري بالك على وليدك من عمايل هذو الناس يعني لازم تتحصنو بالاذكار و القران و سورة البقرة
و في جميع الاحوال استخيري الله تعالى انت و وليدك و ادعي
الله يسهل امرك

بلسم غرام2018

2013-09-09, 16:05

sstolga

2013-09-09, 16:09

السّلام عليكم و رحمة الله و بركاته
و أنت كنت مغمضة كي خطبتيها ، متعرفيش تسقسي عليها
من المفروض تسالي عليها وكي عاد لهذي الدرجة قلي لوليدك وخليه هو يقرر
اما يطلقها واما يخليها

samira135

2013-09-09, 16:12

ربي يهديهاا

souso30

2013-09-09, 17:10

نهار روحتي خطبتيها عجبتاك و عجبت ولجك ولا كنتو عميان ربي يفرج عليك كل الاعراس بعد العرس يتعرضو للمشاكل و يبانو عيوب الرجل والمراة

imene12

2013-09-09, 17:37

بارك الله فيك على الطرح الموضوعي للمشكلة.. أتمنى فقط أن تكملي موضوعيتك و حيادك و دعي إبنك يقرر بمفرده.

~~نهال~~

2013-09-09, 17:47

قوليلو اذا الامر وصل هكا
اذا تع شعوذة صح قادرة ديرلو حاجا
ربي يهديها

ندرومة49

2013-09-09, 17:49

اذاتقولي وفيها فعلا صفات الكذب والنفاق والأمور الشركية وو وعمرها تجاوز 23 سنة فالأمر ليس هيّن وليس سهلا

كما تقولي أمها تامن بالكهنة والعرافين فالأمر كذلك ليس عاديا

أنا أستغرب كيف اختارها ابنك او كيف اخترتيها لابنك

المهم للصبر حدود ...............أسأل الله أن يكفيكم شرّها

asma123

2013-09-09, 17:57

ربي يهديها ويصلح بالهاوهذه الحالة لازم ماتوسكتيش عليها
لمصلحة ولدك

imane seif

2013-09-09, 18:41

Rabi yfarej 3likom nchlh wyba3adha

مناد بوفلجة

2013-09-09, 19:49

عندما قرأت القصة إعتقدت أنكم عرفتم العروسة فقط ليلة الزفاف !!!!

أكيد كانت هناك فترة خطوبة و تعارف و الجميع يتحمل المسؤولية
من إبنك وصولا لك

و هي تلك النتيجة و ما يجب عليكم سوى الإصلاح

fella fifi angel

2013-09-09, 19:57

قولي لابنك فرد حاجة اذا راك باغي تكمل معاها كمل واذا ماكش هاني معاها طلق قبل مايجيو لولاد وربي يجيب لي فيه الخير ان شاء الله

amalelrouh

2013-09-09, 20:15

الطلاق هو افضل حل وماتقوليش خايفة ربي فيها وعندي ولاايا هي الي لازم اتخاف ربي ولازم تخافي على ولادك وابنك منها طلقيها واكيد راح تاخذ حقوقها وربي يهديها ويسهلها

wafa16

2013-09-09, 20:24

في الاول جاتكم مليحة و دوك تبدل الحال
كي عرفتيها بهاذ الصفات علاش اديتوها و قبلتو بيها
و حذاري من مسالة السحر اذا تاكدتو انها تتعاطى هاذ الاعمال و تدور بالسحارين
سلكي وليدك قبل فوات الاوان و الا خوذو حذركم منها
بصح سؤال كيفاش وليدك ما علابالوش بيها
انتي اللي خيرتيهالو
و اذا كان الامر هكذا كيفاش سكتلها و شحال عندهم من اللي تزوجو
يعني عرسان جدد
الموضوع غريب
اختي تاكدو مليح ربما صرا خلاف بيناتكم و الا مع واحد من العايلة و حب يورطها

KARIMA.HOPE

2013-09-09, 22:39

كيفاش خطبتيهاو ما عرفتي عليها والو
مهم حاولي تفهم مع ابنك و اذا كانت تتعامل مع شعوذة واش بقى يعني يهون عليك تكون ام احفادك وكيفاش ديتربيهم على الدين الاسلام
وحاولي استفسار من امامة مسجد و الله اعلم
الله عافينا
مجرد رأي

علياء

2013-09-09, 22:51

السلام عليكم

يجب كشف كل ماسترته لابنك بطريقة تلقائية وليس تجي في نهار وتقولي وتعاودي وتزيدي لا درجيها في لكلام وخليه يسمع

والا رح يقلك نتي تاع مشاكل وفي الاصل راهو مش مقيمها ومش عجباتو وعلاه راهي عندو؟

الان القرار بيدو وامور الشعوذة هات برك تسلكو منها برك

تصوري يكون منها دراري ؟ ولادها يكونو تربيتها

لازم كلش يتكشف خلاص

bichaz810

2013-09-09, 23:31

السلام عليكم
انا نقولك ابداي بالرقية لوليدك واهل بيتك ممكن هي عاملتلكم من قبل بش قبلتوا بيها
ثانيا ديري لوليدك ديما ماء مرقي يشرب منو وحصنيه بالقران والادكار والصلاة لانه اذا عملتلو عمل بعيد الشر عليكم راه يولي ما يسمعلكش ويولي في صفها هي وامها
انتي ادا مش حابة تقوليلو خليه يشوف ويكتشف وحدوا بصح انتي ولهيه في حوايج يجي نهار ويقلك يا يما علاه ما قلتيليش
ربي يوفقك ويفرج عليكم امين

samira135

2013-09-09, 23:48

أنا ما نحبش نحكم على الانسان الا اذا سمعت من الطرفين و الصراحة شايفة مبـــآآآلغة في كلامك لو كان صح جات أمها ساحرة لوكان انتي وإبنك تحبو في راسها

من خلال كلامك إستنتجت انو البنت ممكن تكون شوية طايشة بلاك لصغر سنها و انتم تدخلو في خصوصياتها ( كيفاش عرفتو حالتها يوم العرس نورمالمو هذي حاجة بينها وبين زوجها ، و بنتك واش مديها للتليفون نتاعها ؟؟ ، .....الخ )

الله يهدينا

you92cef

2013-09-10, 00:27

الساكت على الحق شيطان اخرس

hamza touazi

2013-09-10, 08:23

يما الغالية ربي يكون معاك مي قبل متجيب اطفال من ولادك وتقع الفاس في الراس حاولي تلقاي حل اذا دير السحر والشعوذة ومتخافش مولاها لايوجد خير فيها ولله حاولو تدعوها للصلاح بالصلاة وديرو القران في الدار وزيدولو خلوه يطهرها ويطهر داركم لكان كاش حاجة فالدار تان ربي يكون معاك والله ربي يعطيك القوة

RAZANE23

2013-09-10, 08:53

اسمحولي كامل نشوف فيكم غالطين . يا عجب ربي كيفاش تقولي أمها راهي مشعودة كبيرة.. يعني راك عارفتها من قبل و زيد انتوما ما زوجتوش وليدكم بين نهار و ليلة يعني هاذي قضية أشهر و الا اعوام و هوما مخطوبين يعني فيها مناسبات و أعياد.... وين كان عقلك كل هذه المدة ؟؟؟ راح تقوليلي ما سألتش عليهم ؟؟؟؟ مستحيل ... راح تقوليلي ما شفتيش فيهم حوايج ماشي ملاح ؟؟؟ مستحيل......... أنا نقاك حاجة ياحماة ...اتقي مولاك في بنت الناس و كيما تبهدليها راح تشوفي بناتك يتبهدلو عند الناس...أنا فهمت قصتك مليح مليح... هذه الكنة ممكن ما اعارتكش اهتمام كبير و هذا الشي اللي راه غايضك و نكدلك حياتك و من كلامك الغيرة راهي واضحة في الجملة : ابني ماهوش مقيمها و ماهوش سامع بيها و عاودتيها 2 و الا 3 مرات.......... عيب عليك يا حماة أطلبي من وليدك يستقل بدارو و خليهم يعيشوا حياتهم و اسمحيلي حتى وليدك واش من............. علاش ما واجهش مرطو في موضوع الرزمة نتع السحور حتى يعيطلك ايك و يقلك ؟؟؟؟ علميه كيفاش يكون انسان راجل مسؤول و من بعد زوجيه هههههههههه رجال اخر زمان و حموات نهاية الزمان يا لطيف ( يمهل و لا يهمل ) .......................

سيدة القصر الهام

2013-09-10, 14:16

قبل مايجيو الولاد حاولي تتأكدي من امر السحر ( باش ما تظلميهاش )

و اذا تأكدتي طلقي بالتراضي و تهناو و خلي يخطب و يزوج للي يحبها احسن

و اذا شكوك برك و مش متأكدة و فيها الخير و قادر تتنصح ما تقصريش معاها

موفقين و ربي يجيب الي فيه الخير

أسومة المتفائلة

2013-09-10, 14:41

قصتك وش واضحة
الا راكم عارفين ان امها مشعودة كبيرة
كيش جبتو بنتها انا منقولش انو كيفها كل وحدة وكيفاه قادرة تكون مليحة ولا العكس
كان لازم تعرفو هاد الشي فى فترة االخطوبة

بني بلعيد

2013-09-10, 15:22

السلام على الجميع
الخطأ الأول أنكم كما تقولون( استرتوها)وهذا لايقبله أحدا ’ لأنكم بذلك تشجعونها على الأفعال المشينة’ وهذا الأمر لابد أن يعرفه ابنك ’ ما بني على باطل فهو باطل
إن كان كلامك صحيحا حول هذه الزوجة ’ فالطلاق أصلح لها ةلغيرها
والله أعلم