تلمسان :بخصوص الطعن سؤال الى العضو ahmed genie

[HAKIM HA]

السلام عليكم و رحمة الله

أخي ahmed genie (http://www.djelfa.info/vb/member.php?find=lastposter&t=1411141) هل قدمت الطعن اليوم في تلمسان ؟؟

و اذا نعم و قبلوه منك

كيف ذلك و أين تم

رجاءا اريد اجابة لكي أذهب غدا او لا اذهب

و شكرا مسبقا

[Tinda20]

.................................................. .................................................. ................

[HAKIM HA]

من له اي معلومات لا يبخل علينا بها

بانتظار الاخ ahmed genie (http://www.djelfa.info/vb/member.php?find=lastposter&t=1411141)

[Tinda20]

بارك الله فيك تسمى فهمتني :)

[ahmed genie]

يا أخي لم أذهب اليوم. لكن راني سألتهم بالهاتف وقالولي غدوة الإستقبال رواح شوف الرقم نتاعك وين راك واصل وحط الطعن نتاعك. وما تنساش تكتب طلب كشف النقاط باش تشوفه. خاطر كل حاجة بالوثيقة غدوة نتلاقو على 9.30 صباحا في مديرية التربية القديمة التي بجوار المتحف لأن مصلحة الإمتحانات والمسابقات المكتب نتاعها يوجد هناك. سقسي أي واحد تلقاه جاي يدفع الطعن قوله كي سموك وشا قاري، إذا قالك سموني أحمد وقاري هندسة مدنية يعني هو أنا لي راني نهدر معاك ضروك وهذي هي كلمة السر التي بيننا. والسلام عليكم ورحمة الله وبركاته غذا بإذن الله

[ahmed genie]

لا يخفى على كل من إجتاز مسابقة التعليم من الرجال هو أن نتائج المسابقة خلت من الرجال تقريبا وكل القوائم وحتى الإحتياطية كانت معظمها نساء إن لم نقل كلها. فإلى متى نبقى مكتووفي الأيدي وحقوقنا تهضم من أيدينا ونحن نتفرج وراضين بذلك. فيجب علينا أن نقوم بحل يفضي إلى المساواة التي ينادون بها هؤلاء العلمانيين الذين همهم إخراج النساء من البيوت. فهذا هو عام الإحتجاج الذي يسبق الرئاسيات وهمهم في ذلك تهدئة الأوضاع مهما كان نوعها لذا تحركوا عاجلا غير آجلا ولا تناموا نوم السبات للموضوع نقاش مفتوح لكل أطياف المجتمع رجالا ونساءا بالحوار ولا تبخلوا علينا بالرد على الموضوع بدون شتم ولا إحتقار للأشخاص.

والسلام عليكم ورحمة الله وبركاته


ماضاع حق وراءه طالب

[HAKIM HA]

بارك الله فيك تسمى فهمتني :)

ايه اكيد فهمتك :1:

[HAKIM HA]

يا أخي لم أذهب اليوم. لكن راني سألتهم بالهاتف وقالولي غدوة الإستقبال رواح شوف الرقم نتاعك وين راك واصل وحط الطعن نتاعك. وما تنساش تكتب طلب كشف النقاط باش تشوفه. خاطر كل حاجة بالوثيقة غدوة نتلاقو على 9.30 صباحا في مديرية التربية القديمة التي بجوار المتحف لأن مصلحة الإمتحانات والمسابقات المكتب نتاعها يوجد هناك. سقسي أي واحد تلقاه جاي يدفع الطعن قوله كي سموك وشا قاري، إذا قالك سموني أحمد وقاري هندسة مدنية يعني هو أنا لي راني نهدر معاك ضروك وهذي هي كلمة السر التي بيننا. والسلام عليكم ورحمة الله وبركاته غذا بإذن الله


و هو كذلك غدا ان شاء الله اذا وصلنا ربي على خير نتشاوفوا تماك و نشوفوا التبهديل لي صرا

[ahmed genie]

بغاو عليها إير النساء

[ahmed genie]

كلمة السر نتاعك غدوة ماهي حتى نعرفو بعضنا شريكي

[HAKIM HA]

كلمة السر نتاعك غدوة ماهي حتى نعرفو بعضنا شريكي



انا بلاك نلحق روطار و عليها درك نحوس عليك تماك

المهم غير كيما قلتي برك

اسمك و تخصصك

و نفس الشيء لي حكيم و رياضة

:d

[ahmed genie]

تبالي تسكن بعيد بزاف. ولا وسائل النقل شوية ثقيلة عندكم

[HAKIM HA]

تبالي تسكن بعيد بزاف. ولا وسائل النقل شوية ثقيلة عندكم

وسائل النقل ثقيلة

المهم غدا ان شاء الله نفهمك مليح

هنا راهي فضيحة هههه :1:

ربي يجيب الخير

[ahmed genie]

عدنك الحق. كيما يقولو ناس بكري الليل بأذنيه حاجة ماتخفى عليه

[ahmed genie]

راني ماشي نرقد. السلام عليكم ورحمة الله وبركاته غذا بإذن الله

[ahmed genie]

تصبح على خير وفي أمان الله وحفظه

[HAKIM HA]

ربي معاك

في امان الله

و ربي يجيب الخير يارب

[ridere]

كلمة السر الناس كامل عرفتها غدو تلقاني ثم في بلاصتوووو كيما قلت هنا فضيحة هههههههه