First'Day | تقرعيجة خفيفة ..

[mac_tnis]

السلام عليكم و رحمة الله





كيف الحال ؟ إن شاء الله تكونو خير مني





المهــم يوم فــــــــــــاشل بعد ليلة اســــــوء





رقدت على الفجر و نضت على 6





Low Battery





و فالليسي ماكان والو ،،





نفس القاعة تع العام اللي فات و نفس الزملاء طبعاً





الأساتذة مازال مابانوش ، بقينا غير قاعدين حتا 9





خرجنا ، عملنا دورة فالمدينة و ندمت





خلاص راني حاس روحي ميت خخ





،





المهم قرعجووولي نتوما نهاركم كيفاش كــــان ؟

[mounia1994]

مزااااال مرحتش بالااك بالثلاث و لا الحد الجاي انشاء الله

[قدوتي رسولي]

انا ليوم لعشية نروح ونردلكم خبر هههههههه

[hanna25]

دخلت بلوك جديد تلاميذ جدد خلط الاقسام وحايد منعرفهمش اصلا اساتذة سيئون القسم لاخر اساتذة خير علينا وماكانش تبدال
ليسي مقلب منين تمشي تراب ورمل ولحجر قاعدين يخدموا حكمتنا استاذة التربية الاسلامية لرح تقرينا دارت درس في الاخلاق قالتنا وش هو هدفكم هاد العام واحد منطق ومنبعد قالتنا علابالي بيكم تحوسوا على الباك برك بصح الاهم هي الجنة بدات تحكينا على الدين الدمواع ولاو يسيحوا تحس روحك مش مسلم لدرجة الاشياء الخاطئة لنديروا فيها اولها الحكيان وعقد صداقات من النت حسب قولها من 8 وهي تحكي لل 10 منبعد خرجت روحت السخانة تقتل راسي رايح يتفلق رح نموت
وانتهى ههههههههه

[الاميرة سهى]

السلام عليكم و رحمة الله و بركاته

يوم عادي جدا جدا جدا بما اني للمرة الثانية ساجتاز الباكلوريا من بين كل المعيدين انا الوحيدة التي ذهبت و جاءت فتاة اخرى هذه السنة باك ايضا يعني زوج في القسم و باقي السنوات من كل سنة 5 او 7 ههههه الليسي كامل فااااااااااااااااااااارغ الا القليل اتى دخلونا انا و زميلتي للقسم و ما جاء حتى استاذ لينا قعدنا قرعجنا شوية و خرجنا و العشية راني هنا مش رايحة كل يوم نروح ما نلقى و لا طالب او طالبة الا انا وحدي مع الهواء فحلفت العام هذا نروح الصباح برك و السمانة الجاية ربي يسهل و انتهى التقرير ههههههههههههه

[❀مَلِيْكَة❀]

السلام عليكم
رحت للسي نمشي وحدي
كي وصلت رحت شفت اسمي في القائمة لقيت روحي بدلوني من الكلاسة وقسمونا كلاستي 3ع ت3 كنت العام لي فات في 2ع ت1
المهم قعدت عند الباب لي ندخلو منو للكلايس ونستانو باه تبدا الخطفة نتاع الطاولات ههههههههههههههههههوبدا الحشر على الباب
ومن بعد قلنا العساس روحو من الباب الآخر رحنا نجرو ونتاع البروميار والدوزيام والرقابة والاساتذة ميتين علينا بالضحك ههههههه
هو تفتح الباب ويبدا السباق شكون يلحق الاول للكلاسة يخطف ههههه
تفاهمت انا وصحبتي قلتلها اخطفيلي بلاصة هي راحت تجري ياحصراه سارووووووووخ هههههههه خطفت الطاولة الاولى وقعت معاها حنا وصلنا وحنا ضحكنا على رواحنا وش درنا ههههههههههه
المهم فتحنا الطواقي وهوينا الكلاسة بصح ماجاوش التلاميذ أكل قليل قريب ثلث سوايع وحنا نستناو أستاذ ما بان قعدنا في ذيك السماطة ومن بعد روحنا
هذه هي تقرعيجة النهار الاول الصباح ولعشية مارحتش
سلام

[Alal pidro]

السلام عليكم
انا رحت لليسي وحدي دخلت وحدي و قعدت في بلاستي وحدي و خرجت على 8 و 5 وحدي يخي يا مصبت حتى واحد وعاد يزيدو يقولوا وجدو روحكم للباك :/

[shy'n]

السلام عليكم
رحت للسي نمشي وحدي
كي وصلت رحت شفت اسمي في القائمة لقيت روحي بدلوني من الكلاسة وقسمونا كلاستي 3ع ت3 كنت العام لي فات في 2ع ت1
المهم قعدت عند الباب لي ندخلو منو للكلايس ونستانو باه تبدا الخطفة نتاع الطاولات ههههههههههههههههههوبدا الحشر على الباب
ومن بعد قلنا العساس روحو من الباب الآخر رحنا نجرو ونتاع البروميار والدوزيام والرقابة والاساتذة ميتين علينا بالضحك ههههههه
هو تفتح الباب ويبدا السباق شكون يلحق الاول للكلاسة يخطف ههههه
تفاهمت انا وصحبتي قلتلها اخطفيلي بلاصة هي راحت تجري ياحصراه سارووووووووخ هههههههه خطفت الطاولة الاولى وقعت معاها حنا وصلنا وحنا ضحكنا على رواحنا وش درنا ههههههههههه
المهم فتحنا الطواقي وهوينا الكلاسة بصح ماجاوش التلاميذ أكل قليل قريب ثلث سوايع وحنا نستناو أستاذ ما بان قعدنا في ذيك السماطة ومن بعد روحنا
هذه هي تقرعيجة النهار الاول الصباح ولعشية مارحتش
سلام

سبحان الله حكايتي فوطوكوبي كنت فال1 رجعونا فال 3ع3
و كي رحت نجري كي المهبولة طارتلي البالغين هذي حمد لله ماصراتلكش :1:

[نَازِكْ]

لا شيئ مميز
بدلنا القاعة وياريت مازلنا فقاعتنا مكانش عندنا بزاف فالكلاسة وحد25 تقريبا ولمعيدين مكانش ختش ثانويتي كانت 2 في الترتيب الولائي العام الفارط
الاساتدة تعرفنا غير على استادة العلوم دارتنا الدرس الافتتاحي علمعلوماتية وسالتنا شوي عالبعام الماضي وكتبنا البنامج وتناقشنا فيه طويل بزاف بصح ممتع خاصة المناعة ديجا الاستادة قراتني السنة اولى
مزلت الوحيدة لمسجلتش فالليسي كامل ديت تبهديلي كبيرة على جالها والمراقب العام خطبنا خطبة تاع لازم نحافظوا على الاقل عالمركز نتعنا في الولاية حديث لا نهاية له
حزينة جدا لان اساتدي المفضل لن يدرسني هدا العام
الله يستر برك
شكرا والسلام

[Rima mimi25]

روحنا الصباح جينا داخلين llycée قالونا تاع الباك حتى 13.30 رجعت ف لعشية مدولنا التوقيت و أسامي تاع الشيوخا أنا شعبة تسيير و إقتصاد القسم تاعنا قسموه ل 2 أقسام تفرقنا مليحا من جهة هكذا خير كي قل العدد نقدرو نقراو aléze و من جهة كي تفرقنا خسارة و انتوما واش درتو فيها

[asmaa smsouma]

روحت انا صحبيتي نهار ماشي مليح معلابليش قسمي وين راه معلابناش شكون هوما الاساتذة بقينا في ساحة ندروا ندروا حتان قلنا ساي ومن بعد روحنا سجلنا طحت في ج م ع ت 1 ساااااامط واحد نهااار يعععع

[bouelame]

السلام عليكم

دخلنا الصباح على 8 كل شيئ عادي كامل صحابي تاع العام لي فات راهم معايا ( 20/20 واحد ما عاود :34: )

اول ساعتين عدنا فيزيك جمعنا شوي و كتبنى جدول التوقيت ;)

و المفاجئة عدنا ساعتين عربية :mad: يوم الثلثاء

المهم زدنا شوي حتى واحد قلنا القسم هذا عيان هدرنا مع الاستاذ تاع الرياضيات قبل ماتفوت الساعة كانو بدلونا القسم مع الايكونومي :D

و بعدها بدى التمرد من بعض الاشخاص ماهوش عاجبهم الاستاذ تاع المات بداو يخططو باش يبدلووه ( و اكيد انا ضدهم )

كملنا حتى 10 و حنا ندورو فالليسي

و بعدها قرينا ساعة رياضيات جمعنى فيها على البرنامج و واش رايحين نقراو

و على 11 دارنا رايح :D

المهم الفيزيك و المات قالونا غدوى نبداو القرايا :cool:

[Lovely_girl]

يوم عادي الاساتذة اللي عطاوهوملنا يقولو عليهم ملاح و مانعرف
القرايين تاع الليسي قاع صفاوهم و داروهم في كلاستي
الظاهرة اللي خلعتني هي الخطفة على الطاولات الاولى O.o
كون جات القراية بالطاولة الاولى كون رانا اللوالا في الموند بفف
حتى واحد جا يربح في العيب من نيتو قالي راكي قاعدة في بلاصتي و المشكل هديك البلاصة ماهيش مام با استراتيجية مع التالي كامل والله غير خلعني
راني مديقوتيا من ديك الكلاسة بصح الله يسهل السنة ان شاء الله نفسي نفسي :cool:

[mohi111moh]

had l'annéé ana dkhalt lycéé jdid c'est pour ça haja jdida thabha en + 3andi bac

[touha22]

نهار صااااااااااااااااااااااااااامط دخلنا على ال8 لقيت صحاباتي جمعنا جات حكمتنا الشيخة نتاع العلوم ساعتين و هي تحكي منبعد خرجنا وما نزيدش نروح غيرا للاحد الجاي انشاء الله صراحة راني كارهة هاد العام وماباينتليش في القراية للعلم ماجبتش الباك العام اللي فات قريب هبلت على جال هادي مانيش حابة نشوف الليسي كامل شكرا

[{ توبة }]

السلام عليكم
اولا عذرا على التأخير البارح العشية مقدرتش نرد .. طاحت عليا القراية من اول يووم -_-
البارح دخلنا نورمال
و كي خلصنا تحية العلم و يبدأ الهجوم على الكلايس تقول ولاد صغار بقيت غير انا و زوج في الصف
قلت خلاص راحت عليا اليوم نقعد في الطاولة الاخيرة .. ايا لقينا المراقب عطاهم تبهدايل و رجعهم
جا استاذ العلوم و دخلنا .. عطاولنا البرنامج الاسبوعي الجديد مع بعض النصائح
ثم البرنامج السنوي للعلوم مع الشرح ..
خلصنا ساعتين علوم و البعد جات استاذة الرياضيات عطاتلنا البرنامج السنوي
مع بعض المراجعة وطبعا دينا تبهدايل على النسيان الكبير
خرجنا على 11 و كي رجعنا على 13.30 مقريناش فلسفة من هذيك مزدتش رجعت
و اليوم الثاني بدينا الدروس في العلوم و درنا مراجعة في الفيزياء و العشية راني قاعدة نكونيكتي و نظم راهم يقراو في الفرنسية
اللي يهمني انو الاساتذة اللي حكمونا في المواد الاساسية كلهم في المستوى
و بالتوفيق .. سلام