راهم يراقبوني علاواش نهدر [الأرشيف] - منتديات الجلفة لكل الجزائريين و العرب

نورانيات

2013-09-08, 10:29

السلام عليك حبيت نطرح عليكم مشكلتي أو لنقل حيرتي علي أجد لديكم النصيحة والحل. أنا أعاني من رقابة سلفتي معناه كون تشوفني نقعد مع أحد من قريباتها في أي لمة تجي وتقعد معايا وراني تأكت من تعمدها من مراقبتي في التفوه بأي كلمة خايفة كشما نغلط مع بالهدرة مع عايلتهم ماعلابليش كيفاش مرانيش صغيرة زيد مارانيش من النوع الثرثار ورقبتها لي بأمر من والدتها آخر مرة كنت قاعدة مع العروس الجديدة ودخلت وخرجتني بلباقة طبعا وقالتلي روحي الغرفة الأخرى خلي العروسة تلبس في غرضها ما عرفتش واش ندير وليت نتحاشى الجلوس مع عائلتهم اللي هي في الأصل عائلتي الججديدة غير من قضية مراقبة واش نقول وعلاواش نحكي دبروا علي واش نعمل.؟

salsila

2013-09-08, 11:17

ربي يهديهم انت اجتامعي مع الناس عادي وحكي وضحكي لكن في حدود وعملي بروحك ماكي فاهمة والو و متديهاش فيها ويلا قعدت معاكم كملي احكي نورمال حتى هي تكره

RANIA 2001

2013-09-08, 12:40

انا ثاني كان عندي هاذ المشكل مع سلفتي وكان كي يجينا ضياف تروح لبت وحدة اخرى وتعيطني بصح مع الايام وبالشوي ولات نحات هاذ العادة اي عروس على الاول تواجه مشاكل عديدة ماتوقفيش حياتك عليهم وعيشي نورمال المهم ماديريش فيهم العيب على وجه راجلك ومن بعد هاذ الشئ يبقى غير حكايات انا ذرك كي نحكي لبنتي تقولي قولي والله يا ماما عمتي كانت دير هاكذا ونموتوا بالضحك مع العلم بلي سلفتي هاذي ذرك تموت عليا وساعة ساعة نفكرها واش كانت دير ونقعدو نبلاقيو على بكري ياو كيما يقولي بابا ربي يخليه اللسان الحلو يرضع اللبةوربي يوفقك في حياتك ان شاء الله

مناد بوفلجة

2013-09-08, 15:08

عليك بتأسيس فرع مخابرات

كيما نتاع الــ fbi

sarl02

2013-09-08, 19:22

انا ثاني كان عندي هاذ المشكل مع سلفتي وكان كي يجينا ضياف تروح لبت وحدة اخرى وتعيطني بصح مع الايام وبالشوي ولات نحات هاذ العادة اي عروس على الاول تواجه مشاكل عديدة ماتوقفيش حياتك عليهم وعيشي نورمال المهم ماديريش فيهم العيب على وجه راجلك ومن بعد هاذ الشئ يبقى غير حكايات انا ذرك كي نحكي لبنتي تقولي قولي والله يا ماما عمتي كانت دير هاكذا ونموتوا بالضحك مع العلم بلي سلفتي هاذي ذرك تموت عليا وساعة ساعة نفكرها واش كانت دير ونقعدو نبلاقيو على بكري ياو كيما يقولي بابا ربي يخليه اللسان الحلو يرضع اللبةوربي يوفقك في حياتك ان شاء الله

الله يرحم ذاك الفم يا الحاجة.

alger1

2013-09-09, 04:44

جيد على الاقل قولي لها ان تذهب الى سوريا وتعمل مع بعثه المراقبين الدوليين ستكون احسن من الذي اسمه بان كي مون هههههههه
على العموم اذا لزمت الصمت فلن تنجح تلك الجاسوسة للاطاحة بك اشغلي نفسك بما ينفعك ويرضي الله موفقة باذنه

sali-sali

2013-09-09, 13:56

السلام عليكم
نصيحة مني ماتعمريش راسك بيهم ...مع الوقت هيا ممكن تولي ماتراقبكش
واصلا مدام انتي تعرفي تحكي وتناقشي ..... خليهم يراقبوا مكان حتى فايدة

ربي يهنيك

loulou02

2013-09-09, 15:30

الحل تسكني وحدك ، هكذا تتهني نهائيا منهم
ما تشوف عين ما يوجع خاطر

RANIA 2001

2013-09-10, 09:59

:dنحج معاك ان شاء الله في طيارة وحدةههههههههههههههههههه:19:الله يرحم ذاك الفم يا الحاجة.

انغام المنى

2013-09-10, 10:25

عادي اختي راني كيفك تحسبي عليهم وخلاص انا شوياوهبلت منهم حسبي الله ونعم الوكيل

بلسم غرام2018

2013-09-10, 11:29

ربي يهديهم انت اجتامعي مع الناس عادي وحكي وضحكي لكن في حدود وعملي بروحك ماكي فاهمة والو و متديهاش فيها ويلا قعدت معاكم كملي احكي نورمال حتى هي تكره

اِشراقـة أمل

2013-09-10, 20:57

السّلام عليكم
تصرّفي على طبيعتك
الله يحسّن الأحوال

basma09

2013-09-11, 09:48

يا اختي انت تاني العبيها النية فالهبال و ما تعمريش كامل راسك بيها و ان شاء الله مع الوقت تتبدل
الله يهني بالك

رُفيدة

2013-09-12, 23:49

ربي يهدي ما خلق اختي

و يهنيك منهم ان شاء الله

achwak crazy girl

2013-09-13, 11:21

معاناااااااااااة هاد الزواااج متتزوجوش يقولوا برتوا تتزوجوا اكبر سوفروس تااع الصح سيرتو السلفة mdr

ليلى القسنطينية

2013-09-16, 15:47

راهي تراقب فيك على خاطر خايفة كاش ماتقولي للعروس الجديدة عليهم
انتي تصرفي طبيعي و كيما قال المثل المصري
امشي عدل يحتار عدوك فيك
النساء هاذو صدق ربي كي قال ان كيدهن عظيم و الي تكون نية تروح في الرجلين
و كي دخلت العروس الجديدة طالبي انتي بسكن وحدك و اتهناي و خليهم هوما مع الجديدة
واش رايك ؟

thamourth

2013-09-17, 00:42

ما تهدريش و فرات

عماني نور

2013-09-17, 01:22

يا أختي ربي يكون في عونك ،،

و انتِ ماتبينيش خلااااص بلي راكي فايقتلها

قصري ،، اهدري ،، و انتِ تعرفي حدودك ،، المهم بينيلهم بلي ماكاش خطر منك ،، و ماتحكيش واش راهم خايفين تحكي

و خليهم ،، غير يطمئن قلبهم يخطوك ان شاء الله

و ربي يهديهم و يهنيك ان شاء الله

نورانيات

2013-09-17, 09:23

شكرا على تفاعلكم أنا في الأصل ساكنة وحدي لكن في اللمات فقط أتعرض للمضايقات من هذا النوع رغم أني لست ثرثارة وما عندي واش حنهدر عليهم ماش من طبعي بصح غادتني كي بخصتني قدام العروس الجديدة وقالتلي نوضي من البيت هذه وروحي الاخرى خلي العروس على راحتها غادتني روحي وما لقيت واش نهدر .

الحنان المفقود

2013-09-17, 12:40

شوفي يا ختي
عندنا عروستين وكل وحدا بدارها
يجيونا كل زوج يام 3 يام نخليوهم رمشة عين مع بعضاهم ندخلو نلقاوهم يهدرو فينا....
زعما حنا ملاح معاهم وحسبناهم كي خواتاتنا .
ذرك ولينا نعيطولهم ف المناسبة الضرورية فقط .
أعرفي واش تقولي يا ختي
وبالاكي تهدري في دار راجلك أو تعطي أسرار أمنوك عليها للعروسة الجديدة
وإذا هي حبت تهدر في كاش واحد انسحبي من الجماعة وخلاص وربي يهنيك .