مشكلة الحصول على سلعتي من مركز البريد

[MocHouHou]

السلام عليكم

ساقص عليكم مشكلتي في الحقيقة هو خطئي لا يهم اليوم صباحا وصلني الاشعار الخاص بوصول السلعة فاخدته معي مع بطاقة التعريف الوطنية وانا في الطريق فاذا به اريد ان اتقفد كل من الكرت وورقة الاشعار التي كانت في داخل الكرت فلم اجدهما ظننت انني نسيتهما فذهب الى المنزل فلم اجدهما ما العمل ؟ + اريد ان استفسر هل يمكن من وجد البطاقة و الوصل ان يأخد السعلة من مركز البريد اما يجب ان يكون حامل البطاقة مالكها وهل يمكنني الحصول على السلعة عن طريق شهادة الميلاد او مشابه؟ لانه يجب احضار السلعة قبل اسبوعين كما هو مشار اليه في الوصل:confused:

[always1]

هههه
لا عليك لا تقلق لا تفزع
لاشيء من مما قلته اعلاه يتحقق
اعرف و تاكد انه لا يعطون الطرد او رسالة روكومندي الا لصاحبها اقول الا لصاحبها
و بخصوص ضياغ الوصل لاشتات لقاه اي احد فانهم لا يعكوهالو
انت واش دير اسمع ليا مليح
غدا ان شاء الله
اذهب لمركز خائني الامان اي مركز البريد قسم الطرود
قل له جيت ندي كولي
يقولك هات الوصل
قوله راحلي واشبح و جهك ماتقولوش والله ونا اسف الخ من التستات
كي يقولك ما نقدرش ابدا خشن صوتك كيفاش ماقدرش هاتلي الكولي
مثلا راح يشوف وعاد وقالك ماكنش يقدر مكر الحلوف
عيط المئئول راه تلقاه في مكتب و حده ورا لي يسلكو الناش

[عابرة طريق]

لا عادي اخي

ميقدروش يمدو الكولي الا لشخص تكون عندو صاحي بطاقة التعريف

نتا غدا روح للبريد قولهم عندي كولي يقولك الوصل قولو ضاع و قولها بدون خوف

و يلا محبش كيما قال الاخ

و على كل انا كنت ندي طرود بدون اشعارر و كثيرون

و بصراحة كنت نتفنين كنت نرسل الوالد نعطيه البطاقة نتاعي يجيبلي الكولي عادي ويسنني علي ( بصاح عارفينو بلي والدي )

عادي

و لكن كلما اسرعت باخد الكولي افضل

[MocHouHou]

always1 & عابرة طريق

بارك الله فيكم وجازاكم الله خيرا الحمد لله طمنتوني ولكن تبقى مشكلة انني اضعت بطاقة التعريف اي اذا قلت لهم انني اضعت الوصل وتقبلو ذلك اما بطاقة التعريف فيعتقدون انني امزح او ماشبه باختصار كيف ابرهن انني مالك الطرد هل يكفي فاتورة الكهرباء؟

[ism.27]

يمكنك تقديم لهم جواز سفر أو رخصة سياقة و إذا لزم الأمر إضافة وثيقة بها عنوان السكن.
و أكيد سيعطونك سلعتك إن شاء الله

بالتوفيق

[salah_852753]

في الحقيقية انا كنت اسحب الطرود على الدوام بين كل فترة و اخرى هناك بعض الطرود كنت اخذها بمجرد اعطائهم الاسم فقط (مع ان هذا مخالف للقوانين) خاصة لما تكون السلعة خفيفة و هناك طرود تطلب مني بطاقة التعريف و يعطوني سجل اوقع فيه قبل الاستلام

[always1]

ادؤ معاك اية وثيقة اثبات هوية....اؤ فوتوكوبي
او دفتر المراسلة ههههه اذا تقراي
او كما كما قال الاخ وثائق الماء الغاز الكهرباء التلفون المهم اثبات العنوان
و خائني الامانة عمال البريد قادروت يمكرو فيك لانهم لا يعرفوك ويطلبوا منك دت العائلي
بالمناسبة انت جالس هنا وتسال لما لا تذهب للبريد في كل هذه الايام

[DTInfo]

خويا ادا متأكد باللي راحتلك اهبط للأمن الحضري لي تابيعين ليه و ديكلاري باللي راحتلك

يعطيوك ورقة للدائرة تدفعها و يعطيوك عفسة في بلاسطها امشي بيها حتان يخدمولك
و الا بالبارمي برك

و احسن ادا عاكسوك تاع لابوسط دير لعفية لولة باه تبين باللي راحلك صح