المساعد الشخصي الرقمي

مشاهدة النسخة كاملة : تعرفوا الكمارية؟,,,بليز ادخلوا

جوهرة القصر-47
2013-09-07, 17:43
السلام عليكم ورحمة الله تعالى وبركاته

معلاباليش كيفاه تسموها

هدي جايا بيضا مكتلا كي الفرماج تتباع

ماكنتش نطيقها

مي كي نشوفهم يداوسوا عليها مع الوقت عات تعجبني

المهم
بليز لي يعرفها ويعرف كيفاش تتعمل يفيدنا ولا حتى كيفاه يسموها فمنطقة أخرى

هاك باش واحد آخر يتعرف عليها من الإسم التاني ويفيدنا ممكن يكون يعرف طريقة التحضير

(معلاباليش إدا فهمتوني ولا لا)هههه


وشكرا

أتمنى أن أنال على ردودكم ولو بعلامة تعجب !!!!هههههههههههههههههه




وشكرا

في إنتظار مروركم والسلام





:mh92::mh92::mh92:
samirano.
2013-09-07, 20:27
للأسف منعرفهاش
جوهرة القصر-47
2013-09-07, 22:09
مشكوورة على المرور العطر
alito18
2013-09-08, 01:00
أتمنى أن أنال على ردودكم ولو بعلامة تعجب !!!!هههههههههههههههههه

:mh92::mh92::mh92:


!!!! !!!! !!!!
ندى خليل
2013-09-08, 09:51
انا ثاني ما عرفتهاش نتمنى العضوات اللي يعرفوها يفيدونا
ابنة الاسلام
2013-09-08, 10:26
oukhti ana ne3rafha bessa7 manich 3arfa ki yekhdmouha ...mais hayla felbenna


lebnat hadi rahi dayra ki lfromage abyad w mta9ab

netmana tel9ay lli yfidak bent leblad
جوهرة القصر-47
2013-09-08, 12:03
!!!! !!!! !!!!


ههههههههههه

تاني فيها مصلحة ليك أخي

وهي أنو مشاركاتك تزيد ههههههههههههه


مشكور على المرور

نورت
جوهرة القصر-47
2013-09-08, 12:08
انا ثاني ما عرفتهاش نتمنى العضوات اللي يعرفوها يفيدونا

شكرا على المرور العطر
جوهرة القصر-47
2013-09-08, 12:11
oukhti ana ne3rafha bessa7 manich 3arfa ki yekhdmouha ...mais hayla felbenna


lebnat hadi rahi dayra ki lfromage abyad w mta9ab

netmana tel9ay lli yfidak bent leblad



شكرا أختي الغالية

أنا اليوم قاتلي صحبتي على لاغوسات تاعهم

قاتلي اديري حليب رايب فطاوة وتبدي تزيدي فالخل بالشوية وتخلطي حتى تعقاد وينفصل الماء

تصفيه بشاش ولا شيء وديريه فقابسا ولا ,,وفي الثلاجة


ماعلاباليش لا نغامر ونجربها ولا !!!


هههههههههههه إن شاء الله يدخل كاش واحد ويفيدنا



سلام
راضية12
2014-01-05, 22:11
الكمارية ممكن نقدرو نقولو عليها نوع من أنواع الجبن احنا في غارداية نستهلكوها بزاف مع لاتاي انا مانعرفش نخدمها بصح اليوم برك كنا نحكيو على اكلات الجدات أممممممممم وش كانو يخدمولنا من كمارية اللبا الرب .........اممممممم والكمارية صاحبتي تعرف تخدمها بصح قاتلي كيفاه كانو يخدموها بكري ويضيفولها وحد الحاجة نسيت اسمها لكن نعطيلك الطريقة الحديثة وهي : تجيبي الحليب الطازج تع المعزة او البقرة يعني مباشرة سخون من المعزة وتحطيه في آنية اللي تحبي وتزيدلو نوع من انواع البوذرة سقسيتها عليها لكن في سياق الحديث نسات تجاوبني المهم نعاود نسقسيهاوتخلطي مليح بملعقة حتى تشوفيه بدا يعقاد ومايشدش وقت بزاف يعني على حساب كمية الحليب اللي عندك ولما تشوفيه عقد جربي ارفدي شوية بمغرف وتشوفيه كلي يتحرك فوق المغرف يعني حاجة جامدة ومن بعد ديريها في شاش وتخليه حتى يتصفى منو هذاك الماء ولا تعصريه او طريقة زميلي قالك لما يشوفو جمد يطلع هذاك الماء قاع الفوق وينحيه كامل ثم يفرغها في سلة وطبعا يحط السلة على حاجة مثل ما نحطوالكسكاس فوق البرمة باش يزيد ينزل الماء اللي قعد ويخليه في غرضو وقال احسن من طريقة الشاش.
ملاحظة اذا كان الحليب بدا يبرد حطيه فوق النار خفيفة يعاود يسخن لازم درجة حرارته تولي كيما حرارة جسم الانسانيعني 37 درجة وطفي عليه وديريلو البودرة واعملي كيما قتلك.
الكمارية حاجة روووووعة .
soumiafree
2014-02-12, 00:05
ايه هي رووووووعو الكمارية و ما نعرفش كيفاش تتحضر مادابينا لي يعرف يفيدنا
حواء الجزائر
2014-02-12, 10:56
على حساب ما فهمت من الردود نقولولها الكليلة
وكاين لى يتناولوها طرية مع الشاى وكاين لى يبسوها وعندها عدة استعمالات كاين لى يروبو بيها الحليب خاصة فى رمضان وتعطيه نكهة شابة
وشفت اصحاب الصحراء يستعملوها فى الحريرة وخاصة نتاع رمضان وتعطيها حموضة ومذاق هايل
طريقة الصنع هى تستعمل بالحليب الطبيعى نتاع الغنم او البقرى كى يحماض يطبخوه راهو يتكلل بمعنى يتكتل ويصفوه يعطيهم الكليلة واسمها مشتق من تكلل الحليب
انا نحبها طرية مع الشاى
واليابسة نشريها لحبباتى يستعملوها فى الحريرة
مى الحريرة نتاعى شخصيا نستعمل الخضر وهما ما يستعملوش خلاص الخضر فى الحريرة
برك شهادة حريرتهم بنينة وشابة وخاصة المختصات فيها الف تحية لبنات الصحراء
وشكرا لصاحبة الموضوع
جوهرة القصر-47
2014-02-13, 11:24
على حساب ما فهمت من الردود نقولولها الكليلة
وكاين لى يتناولوها طرية مع الشاى وكاين لى يبسوها وعندها عدة استعمالات كاين لى يروبو بيها الحليب خاصة فى رمضان وتعطيه نكهة شابة
وشفت اصحاب الصحراء يستعملوها فى الحريرة وخاصة نتاع رمضان وتعطيها حموضة ومذاق هايل
طريقة الصنع هى تستعمل بالحليب الطبيعى نتاع الغنم او البقرى كى يحماض يطبخوه راهو يتكلل بمعنى يتكتل ويصفوه يعطيهم الكليلة واسمها مشتق من تكلل الحليب
انا نحبها طرية مع الشاى
واليابسة نشريها لحبباتى يستعملوها فى الحريرة
مى الحريرة نتاعى شخصيا نستعمل الخضر وهما ما يستعملوش خلاص الخضر فى الحريرة
برك شهادة حريرتهم بنينة وشابة وخاصة المختصات فيها الف تحية لبنات الصحراء
وشكرا لصاحبة الموضوع :mh92::mh92::D


سررت أختي بمشاركتك ومعلوماتك الغريبة التي لأول مرة أسمع بها هههه:confused::confused::confused::confused:

يستعملوها فالحريرة!!!!!:o:o

حنا من الجنوب ونستعملوا الخضر أيضا في الحريرة ... وهي ناكلوها مباشرة يعني دون إستعمالها في شيء ههه

وهل يوجد يابسة أيضا!!!!؟


مشكورة أختي الفاضلة على المرور ...ربي يحفظك
manonti
2014-02-14, 21:09
انا نعرفها بصح يجيبهالي راجلي من عند واحد يبيعها في غرداية ومعروف تما
Napia
2014-02-16, 16:51
بلاك كليلة