عاونووووووووووووونا يرحم والديكم [الأرشيف] - منتديات الجلفة لكل الجزائريين و العرب

تسجيل الدخول

مشاهدة النسخة كاملة : عاونووووووووووووونا يرحم والديكم

خالصة علينا

2013-09-07, 16:24

في مادا أستطيع المشاركة عمري 25 سنة وشهرين المستوى ثالث ثانوي

عاطل عن العمل

2013-09-07, 16:29

تقدر تشارك في مسابقة ادارة السجون

.. و في الجمارك عون رقابة ..

----

الشرطة و الحماية لازملك شطارة ..

بالتوفيق

خالصة علينا

2013-09-07, 16:31

كيفاه الشطارة المعرفة قصدك ؟

lalib40

2013-09-07, 16:32

انصحك بالالتحاق بالتكوين المهني وتعلم حرفة ما

luky

2013-09-07, 16:33

تستطيع اخي المشاركة في مسابقة اعوان الحماية المدنية والشرطة خاصة اذا كنت قد اجتزت الخدمة الوطنية سيتم انقاص سنتين لك من مجموع السن حسب ما اعلم ++ انت اتكل على ربي وروح عندهم

luky

2013-09-07, 16:34

المعريفة موجودة حالياااا في كل الميادين والمؤسسات الا من رحم ربي وهذااا امر يعرفه الجميع دون استثناء لهذا اعتقد ان الاخ هنا يعلم ذلك ولايحتاج الى توصية بذلك

luky

2013-09-07, 16:35

لكن يا اخي اعلم فقط ان معرفة الله اكبر ورزقك تديه وين راه بلا زيادة او نقصان

خالصة علينا

2013-09-07, 16:37

من فضلك الأخ lucky رايح نبعتلك رسالة على الخاص باه نتواصلو والله نحتاج شوية مساعدة

عاطل عن العمل

2013-09-07, 16:39

المعريفة موجودة حالياااا في كل الميادين والمؤسسات الا من رحم ربي وهذااا امر يعرفه الجميع دون استثناء لهذا اعتقد ان الاخ هنا يعلم ذلك ولايحتاج الى توصية بذلك

و وين راه العيب ادا وصيتو ادا كان يبحث عن النصح ؟؟

واضح كي يروح يدفع الدوسي اول حاجة يسألو عليها هي السن .. امالا ما يقبلوش الملف .. و الحل هو يشوف كاش معرفة يطبعلو الملف ..

خالصة علينا

2013-09-07, 16:41

أعطيلي الفيس بوك تاعك خويا من فضلك

luky

2013-09-07, 16:41

و وين راه العيب ادا وصيتو ادا كان يبحث عن النصح ؟؟

واضح كي يروح يدفع الدوسي اول حاجة يسألو عليها هي السن .. امالا ما يقبلوش الملف .. و الحل هو يشوف كاش معرفة يطبعلو الملف ..

لا يوجد اي عيب
لا تفهم من فضلك ان ردي كان ضدك بل بالعكس اردت ان اقصد بان مصطلح المعريفة اصبح موجود بكل مكان فقط

خالصة علينا

2013-09-07, 16:42

الأخ lucky أعطيني الفيس بوك تاعك والله راني حااااااااااااااااصل

luky

2013-09-07, 16:43

من فضلك الأخ lucky رايح نبعتلك رسالة على الخاص باه نتواصلو والله نحتاج شوية مساعدة

اخي انا ليس لي علاقة بالشرطة او الحماية اوغيرها
المعلومات التي اعرفها قدمتها لك هنا بالتوفيق لك

خالصة علينا

2013-09-07, 16:43

انا عندي اسئلة حاب نطرحها والله راني حااااااااااااااااصل عاونوني لو سامحكم الله

عاطل عن العمل

2013-09-07, 16:45

اسال اخي واش حاب تعرف ؟؟

خالصة علينا

2013-09-07, 16:46

الأسئلة كثيرة لازم نتكلم على الفايس بوك وسمحلي والله حاب نتحصل على خدمة لهدا أنا فضولي

خالصة علينا

2013-09-07, 16:48

اوكي الحماية قالك 25 سنة نقدر نفوت و أنا في عمري 25 وشهرين ؟

عاطل عن العمل

2013-09-07, 16:50

اي .. فهاد الحالة .. نسبة كبيرة ما يشدوش عليك الملف .. حاجة باينة .. يقولك 25 سنة و نهار غير مقبول .. و هادي شفتها بعيني في الشرطة و نفس الشي .. كي الحماية كي الشرطة ..

خالصة علينا

2013-09-07, 16:51

تسمى لازم معريفة خشينة ؟

عاطل عن العمل

2013-09-07, 16:52

ايه .. .. و ماشي شرط خشينة .. يعني كاش واحد يسخرهولك ربي و خلاص ..

خالصة علينا

2013-09-07, 16:52

قولي انا معنديش سورسي نقدر ندخل للحماية ؟

خالصة علينا

2013-09-07, 16:53

قالولي بلي نسجل في تكوين بشهادة التسجيل نتحصل على السورسي فهل هدا صحيح ؟؟؟؟

عاطل عن العمل

2013-09-07, 16:54

مستحيل .. لازم وثيقة تثبت الحالة اتجاه الخدمة الوطنية و هذا امر مفروغ منو ..

يا اما تأجيل ارجاء او اداء او اعفاء .. او وصل ملف كفالة يكون ساري المفعول ..

عاطل عن العمل

2013-09-07, 16:55

ايه بالتكوين المهني كي تكون ماشي جايب الباك تقدر تدير سورسي بيه ..

خالصة علينا

2013-09-07, 16:56

وصل ملف كفالة كيفاه نجيبو انا عندي خويا مزوج وواحد عندو شهادة إقامة في ولاية أخرى

خالصة علينا

2013-09-07, 16:57

هل صحيح أن الشرطة رايحين يطلعوها ل 28 سنة ؟؟؟

عاطل عن العمل

2013-09-07, 16:58

ملف الكفالة صعيب و لكن ماشي مستحيل ..

لازم اولا تكون مسجل من قبل و جوزت الفحص الطبي و هادا شرط اساسي ..روح لمركز الخدمة الوطنية التابع ليه و اسألهم ادا تقدر تكون الملف و لالا .. انا على حد علمي لازم تكون انت الاكبر في الدار و تكون خدام و والديك عاطلين .. و لازم تكون مسجل من قبل و جوزت الفحص الطبي تاع 19 سنة ..

عاطل عن العمل

2013-09-07, 16:59

هل صحيح أن الشرطة رايحين يطلعوها ل 28 سنة ؟؟؟

مجرد اشاعات لحد الان .. ماكاش منها .. و الله اعلم .. هاد الشي ما يجاوبك عليه غير بن عيراد .

خالصة علينا

2013-09-07, 17:00

ادارة السجون السورسي مقبول هل هده إشاعة .؟؟؟

عاطل عن العمل

2013-09-07, 17:02

ادارة السجون لازم اداء الخدمة الوطنية ..

خالصة علينا

2013-09-07, 17:02

لانه راهم يقولو بلي لازم تكون مفوت الخدمة الوطنية باه تشارك فالمسابقة

عاطل عن العمل

2013-09-07, 17:03

حاول تشارك في الجمارك.. راه في نوفمبر ان شاء الله تكون المسابقة .

وجد روحك

خالصة علينا

2013-09-07, 17:04

تسمى مغلوقة في وجهي في كلش بقات الجمارك ولازمها معريفة خشينة

خالصة علينا

2013-09-07, 17:05

والراتب تاعها وشحال ؟ قالولي الراتب ضعيف بزاف

عاطل عن العمل

2013-09-07, 17:06

لا يا اخي ما مغلوقة ما والو .. رانا كامل فالهوى سوى .. نتا سيي تشوف معرفة .. في الشرطة و لا الحماية ..

و لكن باش تدفع الملف مباشرة تقدر تدفعو فالجمارك ..

و انا تاني راني كيما نتا ..

عاطل عن العمل

2013-09-07, 17:07

والراتب تاعها وشحال ؟ قالولي الراتب ضعيف بزاف

القناعة كنز لا يفنى .. كيما هي كيما بقية الاسلاك .. يا اخي الحق اخدم و من بعد حوس على الراتب ..

خالصة علينا

2013-09-07, 17:07

الراتب تاع الجمارك وشحال خويا ؟

خالصة علينا

2013-09-07, 17:08

ايه الخدمة أولى ولكن أنا حبيت نستفسر خويا

عاطل عن العمل

2013-09-07, 17:08

الراتب بالتحديد ما نقدرش نعطيهولك . و لكن ما يختلفش على عون امن و لا حماية ..

يا اخي ما تبحثش على الراتب .. المهم تخدم و خلاص

خالصة علينا

2013-09-07, 17:09

قالولي كاينة مساعدي التمريض ؟ لكني نسيت على الدراسة لأنها فيها مسابقة صعبة رياضيات وعلوم

خالصة علينا

2013-09-07, 17:10

سبحان الله يا ربي مالقينا بيها وين واش من مكتوب هدا

عاطل عن العمل

2013-09-07, 17:11

الله اعلم .. ماعنديش معلومات على التمريض ..

شرطة .. حماية جمارك ..

خالصة علينا

2013-09-07, 17:12

مساعدي التمريض الخاصة بالشبه طبي paramedical ماتعرفهاش ؟؟

عاطل عن العمل

2013-09-07, 17:15

ياودي واش دانا لهادي .. هاد المنتدى شبه عسكري يا اخي .. انا حسبتك تهدر على الصحة العسكرية . سيدي بلعباس ..

paramedical ماعنديش معلومة عليها .. روح ليهم و سقسي

خالصة علينا

2013-09-07, 17:18

قولي مواليد 1988 هل لهم الحق في الحصول على الإعفاء ؟؟؟

عاطل عن العمل

2013-09-07, 17:19

واش من عام كملت الدراسة؟

خالصة علينا

2013-09-07, 17:19

كنت نقرى في معهد وحبست منو في مارس 2009

عاطل عن العمل

2013-09-07, 17:22

ادا ما لحقك اي استدعاء تقدر تجيب اعفاء .. و زيد سقسي ..

خالصة علينا

2013-09-07, 17:24

بالنسبة للإستدعاء لحقني الثاني على التوالي

خالصة علينا

2013-09-07, 17:24

قولي تاع 1988 اللي مدولهم بطاقة الإعفاء في أي سنة يلزم يتوقفو عن الدراسة ؟

عاطل عن العمل

2013-09-07, 17:29

تعكف وزارة الدفاع الوطني، حاليا، على دراسة إمكانية إعفاء مواليد 1990 من أداء واجب الخدمة الوطنية، فيما أقرت إعفاء مواليد 1988 و1989 في انتظار توقيع القرار من قبل رئيس الجمهورية على شكل مرسوم رئاسي خلال الأيام القليلة المقبلة.

وفي هذا الصدد، كشفت مصادر موثوقة بوزارة الدفاع الوطني لـ"الشروق"، أن مصلحة الخدمة الوطنية بالوزارة وجهت بلاغا إلى مراكز الخدمة الوطنية، تحدد فيه شروط ومواعيد التسوية القانونية إزاء الخدمة الوطنية، للمواطنين للمولودين سنة 1990 والصفوف السابقة، أي المولودين في 1989، حيث حدت فيه شرط الحصول على التسوية القانونية، بضرورة تخلي وإنهاء المعنيين المسار الدراسي قبل تاريخ 31 ديسمبر 2009 بالنسبة لمواليد 1989 و31 ديسمبر 2010 بالنسية لمواليد 1990 ويستثنى من قرار التسوية إزاء الخدمة الوطنية أصحاب الوضعيات غير العادية، أي ما يعرفون بـ"العصاة".

وأضافت المصادر ذاتها، أن وزارة الدفاع الوطني، قررت رسميا إعفاء مواليد سنتي 1988 و1989 من إلتزمات الخدمة الوطنية، في انتظار تطبيقه لدى مصالح الخدمة الوطنية للنواحي العسكرية الست، بعد صدور مرسوم رئاسي موقع من طرف رئيس الجمهورية بصفته قائدا أعلى للقوات المسلحة ووزيرا للدفاع الوطني، في الأيام القليلة المقبلة.

حيث أن قرار الإعفاء حسب المصادر ذاتها سيمس جميع الشباب المولودين بين 1 جانفي و31 ديسمبر من سنتي 88 و89 باستثناء بعض الحالات على غرار العصاة وذوي الشهادات العليا وغيرها من الحالات التي سيتم تحديدها في تفاصيل المرسوم الرئاسي.

في سياق متصل، تعكف مصلحة التجنيد بوزارة الدفاع الوطني هذه الأيام على دراسة ملفات الشباب المولودين سنة 1990 بغية تسوية وضعيتهم القانونية إزاء الخدمة الوطنية.

وكان رئيس الجمهورية، بصفته قائدا أعلى للقوات المسلحة ووزيرا للدفاع الوطني، قد قرر في فيفري من العام 2011، التسوية النهائية لوضعية كل الشباب المسجلين في قوائم الخدمة الوطنية والبالغين 30 سنة فأكثر، إلى غاية 31 ديسمبر 2010، وهذا بصفة نهائية، حيث أن العملية، إلى غاية الثامن فيفري الجاري، شملت 65956 مواطن، من بينهم 1228 مقيم بالخارج، وفي إطار الإجراءات ذاتها، تمت تسوية وضعية 142743 مواطن، متأخرا من دفعات 2002 إلى 2009.

قرارات وزارة الدفاع الوطني الخاصة بالتسوية النهائية للوضعية القانونية إزاء واجب الخدمة الوطنية بالنسبة لمواليد 88 و89 وكذا دراستها لملفات مواليد 90 وإمكانية حصولهم على قرار الإعفاء سيعفي شريحة كبيرة من المقيدين بأداء واجب الخدمة الوطنية، حيث وقفت عائقا أمام حصولهم على مناصب عمل بسبب بطاقة الخدمة الوطنية، ويواجهون مشاكل عديدة في قبول ملفاتهم بسبب اشتراط المؤسسات العمومية وحتى بعض المؤسسات الخاصة إثبات الوضعية تجاه الخدمة الوطنية، وهذا ما سيمكن هؤلاء من المشاركة في مسابقات التوظيف والحصول على الوظائف بعد حصولهم على بطاقات الإعفاء من التزامات الخدمة الوطنية.

خالصة علينا

2013-09-07, 17:31

لكن خويا انا بعتولي الإستدعاء مرتين ومارحتش هل أعتبر عاص ؟؟

خالصة علينا

2013-09-07, 17:32

وزيد الجمارك راها خلاصت عليا لأني تجاوزت 25 سنة

عاطل عن العمل

2013-09-07, 17:41

مانكدبش عليك ..

هادي هوما لي عارفين بيها ..

الجمارك السن تاعها 30 سنة .

خالصة علينا

2013-09-07, 17:45

30 سنة بالنسبة للحراس وليس لأعوان الرقابة قولي نروح لمركز الخدمة الوطنية نسقسيهم مايديروليش مشاكل ؟؟؟

عاطل عن العمل

2013-09-07, 17:47

لا بالنسبة للسن 28 سنة لاعوان الرقابة . ماشي 30 ..

ما ننصحك بوالو بخصوص الخدمة الوطنية ..

القرار راجع ليك ..