تسجيل الدخول

مشاهدة النسخة كاملة : تابع الخوف من زوجي المستقبلي 2

مشكلتي
2013-09-07, 14:33
السلام عليكم
انا صاحبة الموضوع http://www.djelfa.info/vb/showthread.php?t=1395653
اشكر الجميع على الردود الطيبة و التي كانت عون لي في كيفية التصرف و السير
و فعلا قمنا بالسؤال عليه في الحومة و كامل شكروه من ناحية الاخلاق و التدين و الطيبة و لكن في الاغلب ما امه تضهر لنا الشكوك حول نفسها و معيشتها
المهم بعد ما سقسينا عليه قلت لماما سقسي يماه ادا بعد الفاتحة نهدرو مع بعضانا بقصد التعارف فكان ردها نعم هدا طبيعي و هو موافق على الكلام بالهاتف
انا فرحت و حمدت الله على دلك على الاقل يطمئن قلبي اكتر واكتر من ناحيته و نبدا نوالفو الى حين الزواج
بعد الفاتحة انتضرت امه تدي الهاتف ديالي باش تعطيه لوليدها بصح هي ماداتوش قلت ماعليش جازو ايام قلت لماما عيطيلها و اهدري معاها و افهمي السبب لي خلاها مفتحتش الموضوع
المهم ماما هدرت معاها و فهمتها انو الان هي مسألة حقوق و واجبات زوج و زوجة اما يماها قالتها وليدي يحشم
بعدها دات الهاتف ديالي و الى يومنا هدا زوجي محوسش يهدر معايا كامل
تعيشو قولولي واش معناها هد التصرف تع زوجي و انا واش نقدر ندير و ادا عادي انا نعيطلو
النجمة القطبية
2013-09-07, 19:04
شوفي يا اختى هذا الشخص هل يعرفه ابوك واخوتك بمعنى هل سبق وشافوه وكلموه وجلس امامهم عادي وكلمهم
وانتي هل شفتيه الشوفة الشرعية من قبل ام لا
اذا كان جوابك على هذه الاسئلة نعم وخلاص هو معروف عند اهلك اذن لا داعي للتفكير فى الامر والاستعجال
اما اذا كان لا فلا باس ان يلتقيه واحد من اخوانك ويكلمه ويحاول يعرف عقليتو شوية دون ان يعلم انه من طرفك يعني بحكم انكم نسبان ليرتاح قلبك فقط بما انك حابة تطمئني
اما انك تعيطيلو لا طبعا يعني هو يحشم وانتى لالا :confused: متعمليش اي خطوة دون استشارة اهلك
ولا تعطي للامر اكبر من حجمه هذه مجرد خطبة وعندك الوقت للتفكير والسؤال
وربي يوفقك
ريتان
2013-09-07, 20:52
عيطيلو وديري روحك راكي تسقسي على اي حاجة

ممكن تتنحلو الحشمة
sali-sali
2013-09-07, 20:59
السلام عليكم
يا اختي انتم سقسيتو عليه و حمد لله لقيتو سيرته مليحة

صح من المفروض تحكي معاه بعد العقد....لكن هو لي يطلب هدا مش انتي ..لا تصري على هدا واصبري حتى يكلمك هو
حوراء العيون
2013-09-07, 21:00
انا ننصحك اهدري معاه ما تعاوديش الغلطة تع بنت عمتي حتى خلصتها غالية ..اعرفي العقلية قوليلي ديركت نهدر معاك باش نعرفو العقلية تع بعضانا
Some1
2013-09-07, 22:19
هل تكلم معه احد محارمك او سال عنه ؟ ربما معد او مريض نفسيا او مختل
KARIMA.HOPE
2013-09-07, 22:31
صح نورمال ابعثي خوك ويهدر معاه و لا العبيها قافزةو و ديري نية في لهبال و عيطيلو نتي و لك توفيق
غليزاني 26 سنة
2013-09-07, 22:58
نورمالمو هو المبادر
ou adem
2013-09-07, 23:05
عيطيلو وديري روحك راكي تسقسي على اي حاجة

ممكن تتنحلو الحشمة
rani m3a lokht ana fi blastek n3ayatlo nel3abha nsa9sih 3la kach haja balak tnahalou had hechma :D
دكن
2013-09-07, 23:05
سلام عليكم:

عادي زوجك يحشم أين المشكل أرحميه هذا مزال ما تزوجتوش راح تخرجيه من عقلوا ههههههههههه ربي يهنكم ان شاء الله
فحلية
2013-09-07, 23:30
المهم الأخلاق والعبادة
الأمور الأخرى تأتي فيما بعد
كثير من الشباب يحشم وامبعد يوالف
أباءنا وأمهاتنا كانوا يحشمو ثم والفو بعضهم وجابونا
إذا كانت أخلاقه ممتازة لاتفرطي فيه
imane bela
2013-09-08, 00:48
mat3ayti mathawsi 3lih
ezwadj eta3ek rah machi labas a3lih madamek sa9sit 3lih b1 w madam babak 9bel w medek w 9ra fatha eta3ek m3ah alr c bn
esebri hata houwa yhawes a3lik ma tebdaych men dorka tarmi fi rohek a3lih mahma ykoun eradjel t9il w yhab elmra eli t9ila machi eli tedjri morah
rebi yhanik w ytememlek 3la kheir w y3adjel fi ferhkom w yerzo9kom bederiya esalha
amine
♥
سيهام
2013-09-08, 10:38
شوفي اختي
كاين رجال يحشمو بزاف و ما تروحلوش الحشمة حتى تولي في دارو
أنا ننصحك بحاجة:
سقسي باباك عليه اداا هدر معاه و قسر معاه نورمال
اي عادي كيما اي راجل ماشي عقون ولا مهبول و لا ناقص
ادا قالك نورمال اهدر معايا عادي
معناها راهو حشمان منك
و ادا قالك باباك و لا خوك و لا خالك............ ما هدرش كامل و بقى ساكت هنا تخافي شوية
المهم اختي
ادي وقتك و كي تحسي روحك بيان اتوكلي على ربي
هذا رايي و الله اعلم