تسجيل الدخول

مشاهدة النسخة كاملة : راني جبتلك الكراكو يا stayfiya

loudjeine2000
2013-09-06, 21:56
مساء النور و الانوار اختي واش نقولك راني بسيف باش درت الكوراج وان شاء الله نلقى الباترون عندك نرجو منك ديرهولي في جورنال باش نفهم راه راسي تقيل شوي ههههههههههههههههههههه :confused:شوفي عندي فكرا برك باش ما نطيحش في فخة و نغلط علابالي نلقى الحل عندك عندي لقماش و عندي المتريال بقالي نشري غير التعمار برك هدا شي ساهل نهار و نفريها و ان شاء الله ادا ربي دارو من مكتوبي نديرو ورشة و الفضل لكي صدقيني رايحة نكون مشرفة نلبس من يدك لاشتا بعيدا بصح في قلوبنا قريبا يالله على بركة الله

هذا الكراكو هزيتو من مجلة سميرا بسيط و انيق و اذا عندك اقتراح انا اذن صاغية و مشكورا

http://www.up.djelfa.info/uploads/13785006305671.jpg

http://www.up.djelfa.info/uploads/137850064822931.jpg

http://www.up.djelfa.info/uploads/137850075471091.jpg

http://www.up.djelfa.info/uploads/137850082325631.jpg
stayfiya
2013-09-06, 22:09
والله يا لجين راكي قافزة و كوراجوز نشالله الباترون عليا و لخياطة عليك بصح نتي ديريه قدك ميجيش مجقجق كيما في التصويرة و طلعي شوي على الباسان حاشية الكاراكو و تحوسي ثاني على الدخلاني ولا نون
مرام 1987
2013-09-06, 22:11
هااااااايل تخدميه وتلبسيه بالصحة والهنا اختي.
loudjeine2000
2013-09-06, 22:17
يو يو يو يا ختي غير الفوقاني برك ادا عتي فارغة الوقت لي تحبي كملي الفوقاني ارجو ما نكونش تقلت عليك يعني مجقجق نقص في الرشمة ولا واش صح راهي شوي كبيرا بصح شي ما يصعاب عليا برك العزيمة ونا تاني ما نحبش تجيني كبير او زايد
loudjeine2000
2013-09-06, 22:21
الرشمة تاعو رايحة نبدل فيها تعرفي البارح درت كامل البلاد و ما لقيتش رشامي لي نقولو يقولي ما عنديش ما نعرف يا ولات دي مودي ولا ماشينة الميكرو دايرا حالة كنت حاباتو فتلة كاملة مي هدا وش كتبلي ربي
stayfiya
2013-09-06, 22:24
هذا يا حبيبتي سبيسياليتي. آلجي و بليدة تلقاي لعجب اما الشرق راهم غير البروغرامي يخدم
loudjeine2000
2013-09-06, 22:38
ملا كي عادت هكا نشوف وحدا صاحبتي انتيم لاشتا تبعتهولي على طريق البريد هههههههههههههههههه والله هدا وش ما نتمنى
stayfiya
2013-09-06, 23:09
ههههه ابن بطوطة صح ههههههه
loudjeine2000
2013-09-06, 23:16
راني كنت نخدم مع الموعاقين تعرفي كلش معاهم تحواس هدا شي لي خلاني ندور ما خليت حتى بلاصة هههههههه و الحمدو للله درك كسبت مجموعة من الصدقاء من الجزائر و الخارج و من بعد المنتدى الغالي شفتي ما درك تصلح ليا ابن بدوطة ههههههههههههههههههههههه ولا لالا
ميمي مانو
2013-09-06, 23:19
مودال باهي ربي يوفقكم وتخدموه
stayfiya
2013-09-06, 23:33
بصحتك انا ثاني درت و رحت كثرمن 18 ولاية شرق و غرب و صحرا ههههههه و مزالني ماشبعتش
loudjeine2000
2013-09-06, 23:49
هيه انا خلاص درك راحت عليا تربطت بلولاد درك راني هنا في قسنطينة عندي 13 سنة ونا ساكنة فيها درك المكتوب جابني
loudjeine2000
2013-09-06, 23:51
مودال باهي ربي يوفقكم وتخدموه

هااااااايل تخدميه وتلبسيه بالصحة والهنا اختي.

ربي يعيشكم ان شاء الله و شكرا على المرور العطر
loudjeine2000
2013-09-07, 22:40
شوفي مشي روعة مش مقجقج كيما لوخر راني درت اتصالاتي هههههههههههههههه ان شاء الله تجي في الصواب هدا الكراكو ما دار فيا ههههههههه الليوم كي الزهر قلت ما جاتنيش كموند تاع لبساطات باش نبدا في الكراكو جاتني وحدا ما عندي وين نهرب هههههههههههههههه تحكمت وخلاص مع لقراية تاع لولاد ادعيلي هههههههههههههه نخدمو ولا نعلن الطورئ

http://im31.gulfup.com/iYxoE.jpg
stayfiya
2013-09-07, 22:51
هااااذا صح هايل نتاع البارح مغموم ولا كولور خطااك ههههه شوفي راني رسمتلك الباترون بصح سون مونش نتي ديري المونش خرج هابل بيه و خدمتو فووور

http://im38.gulfup.com/zqn1C.jpg
و راني روماركيت لزرق فيه لا ديكوب من جيهة فتح الذراع ميش كيما لوخر
نورمالمون ساهل في الخدمة هيا انطلقي يا لجين خهههههههه
stayfiya
2013-09-07, 22:53
بقي القيس نتاع لا بواتخين و لاطاي و الباسان نتي ديري نتاوعك و فقط نوضحلك كيما درت على مستوى لاطاي 11/11 هاذاك حبيت نقولك البانس يجي في النص راكي فاهمة ؟؟؟
بنت مسلمة
2013-09-07, 23:22
هل هدا الباترون يكون فيه الكول طالع مثل الصورة تاع الكاراكو ؟؟؟؟؟؟؟؟؟؟
stayfiya
2013-09-07, 23:38
اكييد. راهو موضح وكين زوج طرق لتفصيل الرقبة طالعة و هاذي اسهلها
بنت مسلمة
2013-09-08, 00:33
اسمحيلي اختي السطايفية على الازعاج و لكن انا حابة نفهم كيفاش يجي الكول طالع و انت هبطت في الكتف ب 2 سم و الرقبة مرسومة دائرية عادي
stayfiya
2013-09-08, 00:42
هيه هبطت في لكتف بصح طلعت في الرقبة ب 4سمً
~ السلطانة ~
2013-09-08, 00:49
اذا تسمحلي السطايفية نفهم الخت للي تحوس الرقبة طالعة ... و السطايفية تجي راهي مطلوبة في غرفة العمليات ...
بنت مسلمة
2013-09-08, 00:53
راني رجعت للباترون و دققت فيه مليح انا اللي دايخة

واقيلا نروح نرقد خير لانه راح الحال انها الواحة صباحا و غدا يدخلوا الاولاد للمدارس

شكرا لك على كل ما تقدميه للمنتدى و على صبرك و تفهمك

ربي يرزقك بولد الحلال اللي يقدرك تستاهلي كل خير

تصبحي على خير يا العمرية
stayfiya
2013-09-08, 01:00
بلا مزية حبيبتي كي لعسل تصبحي عاى خير نشالله
loudjeine2000
2013-09-08, 08:49
بارك الله فيكي ختي سطايفية وفيتي و كفيتي كان عندي استفسرات راهم قامو بالواجب خوتاتي ونتي ما قصرتي وبارك الله فيكي على النصائح رايحة نعمل بيها وشكرا شكرا فوق ما تتصوري