كيف نتعامل معها

[مشكلتي]

السلام عليكم


في الحقيقة ملقتش كفاش نبدى

هذي بنت خالتي يتيمة الابوين و لكن ديما تحب ادير المشاكل امخا ماتت في 2003 وقتاها كان عمرها 13 سنة
تبناها جدي رحمه الله بعد وفات امها وبقات عايشة مع خلاتي للزوج بنات مش متزوجات و خالي الصغير مهوش مزوج ، ولكن خرجتلخم بخرجات الراس يحبس منها

مره جدي سرقتلوا دارهم ومرة سرقتلوا الذهب نتع جداتي ربي يرحمها
وكانت تحب ادير المشاكل مع خلاتي حكمت خالتي الكبيرة مرة سبتها مع انها هي الغالطة وكانت نيت خالتي انها تربيها بصح محمبتش ولات تسب فيها وتعيط في وجهها وقالتها وش دخلك انا نقرر وش ندير ومش انت
وخالتي لخرة كيف كيف تصحح وجهها معها
مع انه خلاتي والله ميخلوها تخصها حاجة كلش متوفر و الحمد الله
دركة تخطبت و لله الحمد و هكاكة مزالت تثير المشاكل لعبتها الخاتم تسرق نتعها نتع الخطبة و حصلتها في خالتي وقالت عليها صراقة و خالتي تحلف و تزيد قالت مسرقتوش و خلي تحكي على روحها

مشاكل كبيرة ادير فيها زيد حتى حنا بنات خلاها مدايرة فينا التير كما جابولها العيد اختي قالتها انا ندرللك الماكياج كما جاو ودخلواالصالون سحتتها قالتها خليني وحدي نثبت روحي اخرجي عليا اختي غاضها حال خلاه لانها نيتها كانت صافية
و تهز وتحط الهدرات بين خلاتها حتان تعاركوا في جرتهامن هزان الهدرة و تفعيل النميمة بيناتهم

اليكم الخط و الحكم هي هذه الانسانة وش نديرولها دركة تحب تأدي الجميع القريب منها والبعيد حنا وربي شهاد تخطبت وقفنا معها دارتالفاتحة والله كل وحدة وش دارتلها خير كبير جاها وهي كل مرة تادينا حرنا كفاش نتصرفوا معها خفنا لا نقع في اثم وندوا دنوبها المخلوقة هذي هي يتيمة و مكانت اليتم تعرفوها

عن نفسي نقول ربي يهديها وياربي متادنيش انا ثاني مع انها اداتي من قبل و لكن عقى الله عن ما سلف كانوا كل ما يجي واحد ينوي يخطبوني تصفر وجهها و تغير مني حتان يروح و موليش كلوا خير ان شاء الله الزواج رزق من عند ربي ومش من عندها

طرحت المشكلة لان خلاتي للزوج كرهوا منها قلتلهم درك تحط المشكلة في واحد المنتدى ونشوف رأي الاخوة هنا


جزاكم الله خيرا و سامحوني على الاطالة

["راجية الجنة"]

ربي يهديها اختي

[سارةالتلمسانية]

الله يهديها دك كيتتزوج وتدير دار تعرف قيمة خالاتها وشكون همت كتافها قدام عايلة زوجها

[عذراء الجبل18]

Rabi yahdiha

[KARIMA.HOPE]

ادعيلها ربي يهديها واش نقلك اختي قولي ربي يعجل في زواجها و تتهناو منها و دوكا هي تعرف غلطتها بعد زواج
او احكو مع كاش واحدة من عايلة كبيرة و تحترمها و تقولها على اضرار نميمة و حسد هدا حل

[nouna l maghbouna]

ربي يهديها
معليش من 2003 و انتوما صابرين زيدو اصبرو حتي تتزوج
و ادعيولها
الله غالب يتيمة انتوما اصبرو على وجه ربي و يماها الله يرحمها

ربي معاكم

[لقرع بوكريشة]

[quote=مشكلتي;1054267678]السلام عليكم


في الحقيقة ملقتش كفاش نبدى

هذي بنت خالتي يتيمة الابوين و لكن ديما تحب ادير المشاكل امخا ماتت في 2003 وقتاها كان عمرها 13 سنة
تبناها جدي رحمه الله بعد وفات امها وبقات عايشة مع خلاتي للزوج بنات مش متزوجات و خالي الصغير مهوش مزوج ، ولكن خرجتلخم بخرجات الراس يحبس منها

مره جدي سرقتلوا دارهم ومرة سرقتلوا الذهب نتع جداتي ربي يرحمها
وكانت تحب ادير المشاكل مع خلاتي حكمت خالتي الكبيرة مرة سبتها مع انها هي الغالطة وكانت نيت خالتي انها تربيها بصح محمبتش ولات تسب فيها وتعيط في وجهها وقالتها وش دخلك انا نقرر وش ندير ومش انت
وخالتي لخرة كيف كيف تصحح وجهها معها
مع انه خلاتي والله ميخلوها تخصها حاجة كلش متوفر و الحمد الله
دركة تخطبت و لله الحمد و هكاكة مزالت تثير المشاكل لعبتها الخاتم تسرق نتعها نتع الخطبة و حصلتها في خالتي وقالت عليها صراقة و خالتي تحلف و تزيد قالت مسرقتوش و خلي تحكي على روحها

مشاكل كبيرة ادير فيها زيد حتى حنا بنات خلاها مدايرة فينا التير كما جابولها العيد اختي قالتها انا ندرللك الماكياج كما جاو ودخلواالصالون سحتتها قالتها خليني وحدي نثبت روحي اخرجي عليا اختي غاضها حال خلاه لانها نيتها كانت صافية
و تهز وتحط الهدرات بين خلاتها حتان تعاركوا في جرتهامن هزان الهدرة و تفعيل النميمة بيناتهم

اليكم الخط و الحكم هي هذه الانسانة وش نديرولها دركة تحب تأدي الجميع القريب منها والبعيد حنا وربي شهاد تخطبت وقفنا معها دارتالفاتحة والله كل وحدة وش دارتلها خير كبير جاها وهي كل مرة تادينا حرنا كفاش نتصرفوا معها خفنا لا نقع في اثم وندوا دنوبها المخلوقة هذي هي يتيمة و مكانت اليتم تعرفوها

عن نفسي نقول ربي يهديها وياربي متادنيش انا ثاني مع انها اداتي من قبل و لكن عقى الله عن ما سلف كانوا كل ما يجي واحد ينوي يخطبوني تصفر وجهها و تغير مني حتان يروح و موليش كلوا خير ان شاء الله الزواج رزق من عند ربي ومش من عندها

طرحت المشكلة لان خلاتي للزوج كرهوا منها قلتلهم درك تحط المشكلة في واحد المنتدى ونشوف رأي الاخوة هنا


جزاكم الله خيرا و سامحوني على الاطالة

هاته مشكلة ستحل بمرور الوقت ليس الا...الزمن كفيل بحلها....اصبرو شويا...البنت اتخطبت ورايحة تنتقل لبيت الزوجية ورايح الزواج والاسرة والزوج ومرور الوقت يصقلها ويكبح من تصرفاتها ان لم تزول فسوف تقل...ما دام شيئ على حاله....وما تخفيه الايام لا يعلمه الا الله.........اما انتن الان فعاملوها معاملة اليتيم تاجرن...وانتن اكبر منها سنا.....والرسول يقول انا وكافل اليتيم كهاته...الابهام والسبابة.....ومن تسبب في بكائه وغبنه اغضب الله.......تحملوها شويا الاخت الكريمة حتى تستقر وربي ياجركن جميعا.........ربي يوفقكن ويعينكن على فعل .......واعلمي ايتها الاخت ان النصيب والرزق بيد الله وحده ليس بيد احد لانك قلت انها تفعل كذا وكذا .. .................................................. ...اقرع

[naamane3]

اخبروها ان يوم القيامة قريب
وانها ان لم تكن من اهل الخير فجنم هي المأوى

[أناييس الربيع]

يا اختي مايحس بالجمرة غير لي عافس عليها

أنا كذلك يتيمة الوالدين والحمد لله الكل يشهد بأخلاقي الرفيعة

ولكن المشكل الموجود عندكم .

تركتها أمها في سن المراهقة وهي في فترة. تحتاج الى

الحنان والمتابعة حتى أنكم لم تعتبروها جزء من عائلتكم

فهي عانت التهميش والنقص بما فيه الكفاية

وتأتون في اللحظات الاخيرة وتدعون المساعدة هذا لايعقل

اعلمي جيدا ربما حتى أنها تغار من تواجدكم وترابطكم

فحين هي وحيدة .وسوء أخلاقها انت جزء مما آلت إليه

عندما سرقت أول مرة لماذا لم تقوموها أم تخافون جرح

مشاعرها لا .لو أنكم واجهتموها لا انتهت.

ربي يهنيها في زواجها ولكن كيف تركتموها تتزوج وهي على

هذا النحو أم أنكم أردتم التخلص من أفعلها

وغدا سيوجهون إليكم أصابع الاتهام بعدم تربيتها

وحتى لا القي اللوم عليكم فقط

خلاصة القول موجهة لها من لم يأدبه الليل والنهار فلا أدب له

[imane bela]

manhabch 3ibad ta3 machakil
hiya mabihach eli ytima ana banetli hiya dayra hakak
wahda na3refha haka dayra daretli machakil bin bzf nass khasretni m3ahom gheir b elkdeb w enamima
rebi wkilhom 3ibad kima hadou
mat3andouhach kheir dok tetzewedj w tethanaw menha

[مشكلتي]

سلام عليكم و رحمة الله وبركاته

انا صاحبة المشكلة

كيف نتعامل معها ؟

http://www.djelfa.info/vb/showthread.php?t=1410928

نشكر كل من رد و الدعاء لها بالهداية في حقيقة راهي تغضني لما تقوم بهذي الامور لدرجة نحب نعطيها كف نقللها فيقي للروحك بحكم انا بنت خالتها الاكبر منها ولكن ماعشانا نفعل

حبيت نعقب على اخة الي قرات الموضوع و لم تقٍا بين السطور وقالت امور هي مكانش اصلا لو كانت قرات الموضوع جيدا لما قالت علينا هذي الامور

هو رد الاخة أناييس الربيع

اولا نقللك ربي يرحم الوالدين و ان شاء الله تلقايهم في الجنة يارب كثري الدعاء عليهم و صدقي و كون ياحسن خلف لاحسن سلف ان شاء الله و بأنك أستاذة مربية اجيال بيان عليك راكي أحسن خلف

راح نرد عليك كلمة بكلمة و نبيينلك راكي غالطة في حقنا و حقها ايضا لانها لو قرات ردك مراحش تقبلوا
يا اختي مايحس بالجمرة غير لي عافس عليها

أنا كذلك يتيمة الوالدين والحمد لله الكل يشهد بأخلاقي الرفيعة

الله يبارك
ولكن المشكل الموجود عندكم .
نعم مقبولة منك اختي
تركتها أمها في سن المراهقة وهي في فترة. تحتاج الى

الحنان والمتابعة حتى أنكم لم تعتبروها جزء من عائلتكم

نعم اعتبارنها جزء من العائلة ، الظفر ما يخرجش عن لحم اختي هنا راكي ظلمتينا كثيرا ، خلاتي للزوج الي ساكنة معاهم في اول كانوا اي حاجة تحتاجها يجوبهالها ، خالي الي مخلات فيه راس كاين ينحي من لحموا ويمدلها بش تكسي روحها مكان خصها والوا والوا والوا ، بخصوص الحنان قوليلي اختي هل ممكن نعوض حنان الام بالرغم انوا خالتي حالوت تعوضلها حنان الام ولكن مكانش الي كيفوا في الدنيا

فهي عانت التهميش والنقص بما فيه الكفاية

وكأنك ساكنة معنا اختي ربي يهديك

وتأتون في اللحظات الاخيرة وتدعون المساعدة هذا لايعقل

ندعي المساعدة الله يهديك مرة اخرى و يغفرلك

اعلمي جيدا ربما حتى أنها تغار من تواجدكم وترابطكم

الحمد مترابطين و هي في وسطنها عمرنا ما خلينها مهمشة في اي مناسبة ديما معنا في وسطنا مفهتش اختي انت تجاوبي عليا على حساب وش عشتسه وقيلة و تظلمي في ناس متعرفهمش اصلا ؟ واصلا انت مقرتيش الموضوع الكل كون قرتيه الكل متقول لكلام هذا الله يهديك

فحين هي وحيدة .وسوء أخلاقها انت جزء مما آلت إليه


عندما سرقت أول مرة لماذا لم تقوموها أم تخافون جرح

مشاعرها لا .لو أنكم واجهتموها لا انتهت.

هذي نقطة نسيت نحطها ، قعلا وجهناها و لتم خالي نبهها كما تعرفي الراجل لما ينبه الفتاة في سن امراقهة نبهها كثيرا حتى خالتي حاولت تأديبها و ذكرت في الموضوع و تحبي ترجعيلوا ارجعيلوا اختي العزيزة ، ادبتها ولكن صرخت في وجهها قالتلها وش دخلك فيا ؟

ربي يهنيها في زواجها ولكن كيف تركتموها تتزوج وهي على

هذا النحو أم أنكم أردتم التخلص من أفعلها

اه هنا راكي تعيديت حدودك اختي ، اولا الي خطبها عرفتوا هي وهي الي حبت تتزوج بحكم انها انهات الدراسة نتعها حنا قلنا راهي صغيرة ولكن لان هي موافقة منقدروش نقوفوا لها في مكتوبة لا ثاني تزيدي تقولي علينا بلي حقرنها وقفنا في مكتوبها
حنا مش حابين نتخلصوا منها الله يهديك و يغفرلك برك تقراي موضوع ربع منوا و تحكمي هكة عجيب امرك اقرايه الكل ومن بعد ردي كما داروا الاخوة

وغدا سيوجهون إليكم أصابع الاتهام بعدم تربيتها

وحتى لا القي اللوم عليكم فقط

خلاصة القول موجهة لها من لم يأدبه الليل والنهار فلا أدب له

اختي العزيزة في كل كلمة قلتيها كاين امور راكي ظالمتنا ، حاولوا يأدوبها يا بنت الناس و كم مرة حاولوا يعقلوها ولكن للأسف بدون جدوى و غاضتني منك نتع نريد التخلص منها ربي يهديك اختي السيد عرفتوا هي و هي الي حابة تزوج ومش حنا الي قلننها طيري روحي تزوجي علينا ؟؟؟؟؟؟؟؟


أناييس الربيع ربي يهديك ردك بزاف مجف في حقها و حق خلاتها و اقاربها

غاضتني نتع نريد التخلص منها بتزويجها وبلي رنا مهمشينها وبلي مربنهاش ربي يغفرلك على سوء الظن من فضلك عاودي اقراي الموضوع من اول و من بعد ردي عليا ردك نتع وحدة قرات رؤوس اقلام برك ؟

المهم خاوتي نشكركم على الردود الطيبة

وربي يهديها و يهدينا جميعا و ما يكون غير الخير نصبروا معها ياربي تعقال قبل ما تروح للدار راجلها

[yousra14]

هي تحتاج لطبيب نفسي بشدّة وبسرعة قبل الزواج حتى لااا يفشل زواجها
إنها تعاني نقص حنان فضيع انقضزها قبل زواجها وأجركم على الله.

[hamza touazi]

ربي يهديها ويصلح حالها يمكن لانها حرمت من الحنان في حياتها اصبحت هكذا ادعيلها بالهداية وعاملوها بالرقة مسكينة هادي وكونو اذطياء حاولو تستميلوها ولازم خوالك ميسمعوش لهدرتها وكيىتجي تهدر على اي واحد قولولها هاد حرام ونتي راكي ديري الفتنة مدخليش رحك بين الظفر والحم

[zaki4]

للاسف هاذه محتاجة حنان .

ويجب اعادة الحنان لها قبل فوات الاوان

من خلال جعلها تحافظ على صلاتها و ادخالها في مراكز حفظ القران.

[crazy rock girl]

السلام عليكم و رحمة الله تعالى و بركاته

مع انو البنت تعمل مشاكلل بزاف متكرهوش منها هادي يتيمة مسكنة و ناقصة حنان

اهدروا معاها غير بلعقل و حاولو تفهموا منها علاه راهي تتصرف هاكا ممكن عندها مشاكل و محكاتلكمش عليها

او راهي متوحشة والديها او راهي حاسة بالاهمال من طرفكم مع انو قلتي مخصها و لا شي لكن هدروا معاها متخلوهاش وحدها

و على هذا راهي تتصرف هاكا الله يجيب الخير و ان شاء الله مشكلتكم تتحل و ترجع مليحة معاكم

[بلسم غرام2018]

الله يهديها دك كيتتزوج وتدير دار تعرف قيمة خالاتها وشكون همت كتافها قدام عايلة زوجها

[safaa88]

ربي يهديها هذي لازمها علاج نفسي